肥老闆老壇酸菜魚 (已結業)

喺酸菜魚群組見到有人介紹，一早已經關注咗呢間餐廳。有一次準備Walk in去食，職員表示要訂位先得，以為好full la 。唯有另擇日子去食，最終book左7月10日夜晚去食，當晚堂食人數唔多，亦唔見有人黎walk in，但我地入座前都係會問有冇book位，話已經full左(定係我聽錯？？)但白飯好早就已經話冇晒，感覺酸菜魚要配飯先好食叫咗份加大版既酸菜魚，唔夠熱，可以用暖暖地黎形容。(唔知關唔關壞爐事，我地叫完餸菜後，職員就問有冇嘢加，因為爐頭壞左，但係🤔又會煮到既) 酸菜魚入面既寛粉好厚，好似有啲唔熟既感覺。左邊既蘆荀，啲鹽好似唔洗錢，鹹到不得了。叫做唔錯既係右邊既椒鹽鮮魷，夠哂香口。再叫左份冰震咕嚕肉，啲咕嚕肉太淋，一啲都唔香脆，好似放左好耐咁，或者可以比啲冰浸淋，個餸一拎上黎，啲冰已經溶溶地了。整體感覺不好，可能見好多人話好食，又要book位先有得食咁，所以期待太高！？本人就唔會有下次，亦都唔推薦。以上純個人意見，不喜勿插，謝謝。

因為想食酸菜魚，見到最近肥老闆有個抵食的套餐，就入去食，點知原來要外賣先有得賣，果斷選擇外賣翻來。本身叫五好甘辣，但係點知又真係五辣的感覺，味道偏淡，魚係好食的，不過好奇怪，話酸菜魚，酸菜得好少好少，反而一堆五好食的寬粉係底，套餐又送2碗寬粉，真係覺得好虧。辣子雞都還好既，食得落口啦，但係萵筍就麻麻，又係無咩味。

今晚第一次光顧，環境一般般，但我特登揾呢種實際的。坐低先點了一份酸菜魚餐，魚片屬於ok好食，難得湯底無咩油，但酸味辣味都夠晒，好食得來仲飲得。算糸我食過幾好食而又吾貴的，抵贊。辣子雞好好食，但我非常失望，因為辣子雞吾糸上粉炸的雞寶，而應該脆皮，食皮同帶骨的雞肉，浪費左個炒的配料。食完外賣多一份小龍蝦回家宵夜食。小龍蝦隻隻新鮮肉厚彈牙，腸糸白色透明，汁底糸我在香港食過最正的，可惜佢無紫蘇葉，但已經糸非常高質，而且蔡老闆招呼好好，我會帶朋友再食。大力推薦小龍蝦

＊呢一站九龍城＊😍 正宗老壇酸菜魚(標準) (9/10)＊海臚魚份量多，適合2至3人食用＊魚質非常嫩滑，無魚骨，容易食用＊湯底好清唔油膩，好好飲，建議先飲一次湯，再湯連魚一齊品嚐😍 椒鹽脆鮮魷 (9/10)＊炸粉好薄，啖啖鮮魷＊椒鹽味超重，炸得好香口，會令人狂食，配飯食更加一流＊但真係會好少少熱氣😋 嗆炒包心菜 (8.5/10)＊菜非常爽口，唔會油膩＊由於係嗆炒菜，會比較辣，但辣得好惹味#foodguy666_九龍城#foodguy666_四川菜肥老闆老壇酸菜魚九龍城衙前圍道54號地舖#九龍城美食 #九龍美食 #酸菜魚 #四川美食 #中菜 #廣東菜 #foodiesinternationalchat

九龍城又喺好少去嘅一個地方，咁啱有少少業務要喺個附近處理，搵咗好耐都唔知食咩好🥹所以就上網search下Openrice ，發現哩間小店都唔偏僻又有啲好評，就決定行去試一試 我大約2點鐘左右去到，入面都已經有幾枱客人，空間都大，坐得都舒服嘅☺️因為頭先一路行一路睇menu，所以一坐低即刻可以叫，唔洗再諗了😂都喺叫我叫愛嘅酸菜魚🤤Lunch set嚟講，份量都算多，食下食下都好似有10幾塊魚片，肉質嚟講都算滑嘅，喺普通淡水魚？所以冇乜味？而個湯底都係正常味精底，但略微唔夠酸同辣，如果有得選辣度就very good 👍🏽 配料嚟講就唔太多，如果有埋寛粉、金菇、豆卜就prefect 😆

開晚市嘅第一餐，就係嚟咗九龍城，唔係食泰國野，係食一間隱世小店嘅酸菜魚！小店內部裝潢冇咩特別，似一般茶記風格，但都有較舒適嘅卡位坐，而且仲係臥虎藏龍㗎！啲酸菜魚好好味，同朋友都覺得如果佢裝潢靚啲，咁嘅份量同質量嘅酸菜魚，絕對可以媲美出面較高級嘅食肆店鋪，而且店員（望落似家族生意，哈哈）仲好貼心畀咗2杯冰水我哋，所以價錢再貴啲都冇問題！✍🏻 / 正宗老壇酸菜魚▪️價錢：HK$199（標準）▪️美味指數：♥♥♥♥♥喺網上嘅圖片見到佢個盤寫住「魚好吃湯更好喝」，就好想試！一試就覺得句野好有說服力，個魚湯真係超好飲，麻辣鮮香！我哋叫咗小辣，辣度啱啱好，食得過癮又舒服。而主角魚肉就用咗特選嘅海鱸魚，魚肉香滑，2個人食標準份量啱啱好，如果3個人可能就唔夠喉，要叫加大喇～另外，我哋仲叫咗個白飯，啲飯索埋湯一齊食，好快就食曬！✍🏻 / 椒鹽脆鮮魷▪️價錢：HK$98▪️美味指數：♥♥♥♥♥真係好脆！唔會用炸粉嚟呃秤，啖啖鮮魷，啲椒鹽調味都好香，有小小辣，應該係冇人會抗拒嘅香口菜式，不過2個人食份量就有啲太多，熱氣咗小小，但值得嘅🦑✍🏻 / 蒜泥白肉▪️價錢：HK$52▪️美味指數：♥♥♥♡♡呢碟特色小食就一般，白

一出宋皇臺地鐵行一個街口就到，係正大街，位置非常方便😆講起辣嘢，真喺啱哂小編！幾乎每去一間新嘅川菜館，都會試佢嘅酸菜魚🤤今日一個人去，所以只可以食到lunch set…🔸酸菜魚配飯$58哩個價錢冇包飲品，但有杯荔枝味(!?)嘅凍茶飲❄️酸菜魚一大碗，魚片份量好多😮魚肉好滑，魚味唔濃郁，偶爾有一兩條細魚骨！但影響不大味道唔會太咸，辣度應該屬於bb辣！如果辣多少少就prefect🤤配料除咗有大豆芽、蓮藕、萵荀外，仲有幾舊好厚嘅青瓜🤭個人覺得青瓜味同酸菜魚味唔太夾，如果有金菇豆卜就正🤤總括嚟講，哩個價錢食到哩個份量嘅酸菜魚都算抵食！但我見晚市嘅賣相同配料都唔同㗎，如果想食正宗啲，可能要晚市食喇😉📍九龍城衙前圍道54號地舖

宜家禁堂食、見有50+嘅好評，又鍾意食川菜，咁咪訂嚟試吓！預訂6:45分攞，一去到已經即時有得攞，已9秒9速度攞返屋企食、點知一打開，酸菜魚、水煮牛肉+4碗薯粉得番微溫，已經有少少失望，但都明白外賣點都會有呢個問題出現，所以都唔會有太大期望⋯⋯問題嚟啦⋯⋯水煮牛肉嘅牛肉又鞋又靭酸菜魚有陣唔識形容嘅怪味口水雞咸到一個點、咬落仲有咬緊粗鹽嘅感覺炒窩筍無乜調味、但已經係最正常以上菜式已叫中辣，但就一D辣味都無對此店極之失望⋯⋯一試投降

我一直最中意食辣野，食到出曬汗都要照食，呢一間肥老闆老壇酸菜魚岩曬我，呢間主打川菜，網上見好評不斷，馬上約朋友試試。去到餐廳，環境很不錯，開陽又坐得舒服。員工好親切地介紹餐廳既特色菜，我地最後點椒鹽脆鮮魷，泡椒牛蛙，正宗老壇酸菜魚。❤️❤️椒鹽脆鮮魷❤️❤️好香口，鮮魷好新鮮又爽彈，椒鹽調味好適中，完全食到停唔到。😆泡椒牛蛙第一次食，泡椒辣得好特別，牛蛙份量好多，一口一隻超好食。😚酸菜魚魚片份量好多，口感非常嫩滑。湯底酸味十足，又有辣椒嘅香味，連配菜薯粉，蓮藕，青瓜，金菇，窩筍都好入味，值得一讚！👍🏻👍🏻

最近經常口淡淡無胃口，諗起有好一陣子沒有吃辣野，突然想起這家位於九龍城衙前圍道的肥老闆老壇酸菜魚，今日就約埋兩位朋友仔來過過辣癮。難得我地人多，今次可以試多幾個菜啦～ 我地點左黃金軟殼蟹，蒜泥白肉，麻香手撕雞同四川辣子雞。黃金軟殼蟹好有驚喜，軟殼蟹炸得金黃香酥，連殼都不用剝一口咬下，配鹹蛋醬超夾又好好食。👍🏻😋蒜泥白肉既肉片匀薄又大張，蒜味好濃郁，配白飯一流。麻香手撕雞好好吃，麻味十足，手撕雞好嫩滑。😚四川辣子雞辣味好激又豐富，雞粒都好嫩。我地成桌從上菜就一直低頭食飯，說話都冇出過聲！😆😂

屋企附近所有嘅餐廳都已經食過晒🙈，都唔知有咩好食，唯有上網睇吓有乜嘢餐廳推介，俾我發現到附近衙前圍道有間肥老闆老壇酸菜魚餐廳，有唔少嘅好評，決定去試一試。 餐廳環境好開陽，座位都好舒服，餐廳都提供好多唔同種類嘅菜式。見到餐廳招牌菜係我最中意既正宗老壇酸菜魚，當然要點啦～ 老壇酸菜魚真係好大份，新鮮既海鱸魚好大片又多，配菜仲有豆芽，酸菜，金菇，窩筍，薯粉，蓮藕，青瓜，真係好豐富！魚片又嫩滑，人口即化。😋湯底酸味十足帶少少辣味，真係好惹味。😆麻辣小龍蝦真係夠辣又重口味，小龍蝦大大隻，愈食愈上癮！😍

有個食得辣嘅朋友真係好，今日同朋友兩個人去咗九龍城衙前圍道嘅肥老闆老壇酸菜魚，就係地鐵站出口步行大概4-5分鐘就到達，完全吾難搵。其實今次嚟最主要係我勁想食小龍蝦，知道呢度有得叫。👍🏻😙一坐低就向店員落咗個麻辣小龍蝦，估唔到個麻辣小龍蝦咁好食，一上枱未食都已經流晒口水，聞落勁香，食落又好惹味，龍蝦肉都好彈牙，又有滿滿既蝦膏，真係好好食。🥰😋川味毛血旺都好讚，有鴨血，腩肉，午餐肉，魷魚。鴨血好嫩，腩肉厚身又Q彈，午餐肉吸曬辣湯汁，好好食！泡椒牛蛙味道又酸又辣，一隻隻牛蛙肉好嫩，唔錯唔錯！😙😙

想在香港找一家好吃的酸菜魚不太容易，湯底和魚都要好吃不容易找，但係九龍城衙前圍道嘅肥老闆既酸菜魚就做到魚又新鮮湯底又好吃。難得假期，當然馬上約左朋友一齊去食啦。一坐抵當然馬上嗌左正宗老壇酸菜魚先，酸菜魚整盤上來我和朋友都非常覺得震驚因為真的有很多魚！👍🏻非常抵食，仲有滿滿既配菜，蓮藕，青瓜，大豆芽，酸菜，薯粉。椒鹽脆鮮魷好好食，椒鹽味十足，鮮魷又彈牙又脆。麻辣小龍蝦好惹味，非常麻辣好刺激，龍蝦又大隻又滿滿既蝦膏，愈食愈想食，好上癮！😆🥰呢間餐廳真係一直保持住高水準，好抵讚！👍🏻👍🏻

日日喺九龍城做嘢，商場嘅餐廳都已經全部食過，有啲膩，同事就帶咗我去九龍城衙前圍道嘅肥老闆老壇酸菜魚，餐廳裝修有D舊式，但係環境非常企理又乾淨。員工好親切嘅推薦左佢哋嘅招牌同特色菜，最後決定麻香手撕雞，川味毛血旺同正宗老壇酸菜魚。老壇酸菜魚好足量，有海鱸魚，大豆芽，薯粉，蓮藕，青瓜，金菇，窩筍等等。湯底又辣又酸，魚片又大片又嫩滑，蓮藕金菇豆芽吸曬所有湯汁味道，好正！😙😚川味毛血旺有鴨血，腩肉，午餐肉同魷魚，真係好豐富，川辣好香又辣得刺激，鴨血好好食，午餐肉更加是一絕！🤩麻香手撕雞食到條脷好麻，手撕雞都好嫩滑！呢間餐廳真係好值得一試！👍🏻

今日約咗朋友一齊食飯，上網搵吓有咩餐廳推介，見到呢間肥老闆老壇酸菜魚，主打川菜同粵式小炒，咁啱朋友鍾意食辣野，所以我地就決定左食呢一間。餐廳距離地鐵站好近，都只係需要3分鐘嘅步程。餐廳環境好企理， 環境都好開陽，座位都好舒服。菜式選擇都有好多，見到我中意既麻辣小龍蝦，馬上點左一份。麻辣小龍蝦真係好惹味，味道又香又辣又麻，小龍蝦口感新鮮又彈牙。😙泡椒牛蛙又是另一種辣風味，牛蛙肉好嫩滑，好惹味。😋蒜泥白肉好香，白肉肥瘦適中，口感好Q彈，加上滿滿既蒜味，好好食。😆👍🏻