肯德基家鄉雞 (KFC)

營業中

休息中

今日放工，諗住食埋野先返屋企！得一個人，近近地、快快地就諗住食快餐，嚟左KFC我18:35上到去呢間一上去，電梯對住就係counter買野食咁我點左個M5，脆辣雞腿包餐配薯格、可樂，再散叫一個葡韃，一共$50.5咁我俾左$100諗住找錢啦，都無散紙本身個收銀妹妹態度都好地地，到收錢就嚟料⋯⋯問我有無$0.5～咁本人一向唔鍾意袋conis，所以每日如有coins帶返屋企都有個coins兜放，第二日唔會再帶出街而當日無食早餐，Lunch公司自備麥片，跟本無用過錢，所以好肯定自己無coins喺身咁我就即時搖一搖手，同時搖一搖頭示意我無（當然無揾過有無嘅動作，因我肯定自己無）跟住個收銀妹妹秒變臉，閂收銀勁大力，“呯”一聲，準備食物時閂膠隔又勁大力，慌死唔爛（但又真係無爛嘅）到食物，薯格俾得3塊多少少我，可樂勁多冰仲要有隻蚊不停飛嚟飛去😶劣評係俾收銀妹妹嘅，味道無問題

噤多快餐連鎖店，KFC 幫襯得最多，於是得出一個經驗！係D消費區或大商場，家鄉雞嘅 Size 叫做正常D (但已經細4份一)，打電話去 KFC 外賣嘅雞最大件,係D政府屋村商場嘅 KFC.... 嘿嘿..... 果D雞細到簡直係乳鴿! 試過幫襯樂富 KFC, 隻雞上脾居然同隻細匙同一Size! 好離普!今次去買外賣拎走，點咗個白汁雞皇飯，入口係辣辣地！好地地一個雞皇飯，做咩同我玩加辣？想蓋過D唔想被人知嘅味道？雞上脾下方，總係無咗D肉，偷工減料已師空見慣，味道叫做仍然無點大變，只係油份多咗.雖然質素唔係太好，但如果同大陸 KFC 相比，香港 KFC 即時爆分，所以，其實身在香港，好幸福架！要珍惜吓！

今晚在附近上課，用餐時間不多，就光顧KFC，食物本身正常，問題是服務態度真的不合格。首先有去過這間KFC的人都知情，它的位置剛好在電梯大堂的電梯旁邊，它又沒有動線指示分隔餐廳範圍，所以在櫃臺點完餐拿了食物後，需要越過排隊等電梯的人龍，才能抵達用餐處。就在我剛穿越人群到達用餐處時，就跌倒了，直接坐在地上，衣服很厚沒擦損也沒扭到、骨頭也沒事，最多擦破皮，算是輕微的跌倒而已，問題是為甚麼會跌倒呢？看向地上發現該區都剛拖完地全濕，因為視線上被排隊的人潮擋住我才沒看到，跌倒的當下我不確定有沒有受傷加上地超滑我站不起來，坐在附近的其他客人馬上過來關心，過了一會兒，附近的女店員才過來，然後說地剛拖過要小心。「我被人擋住睇唔到，你拖完地又無放警告牌！」我算是說得很冷靜，她才道歉和扶我起來。這時餐盤上的雞早已四散一地，我就叫她「唔該你擺過警告牌費事跌親其他人，然後攞個啲雞俾我」，我還「唔該」她了，結果她居然叫關心我的客人去櫃台換，我很生氣但儘量壓低聲量不咆哮：「佢哋係其他客人嚟㗎！」，說完她才倖倖然去拿新的雞過來。等待的期間，之前那桌客人還跟我說要是受傷記得看醫生然後告他們，不過我沒大礙，KFC他們（應

松露芝士醬脆雞餐🐔，$41.5有杯汽水有個蘑菇飯🍄🍚有兩件雞仲有葡撻添，都好抵食！好難得食到家鄉雞新鮮炸出嚟既雞，真係可遇不可求，熱辣辣好好味，其實件脆雞同香辣脆雞差唔多、不過就加咗D乾香草碎係面，個松露芝士醬就係另外比一包既，我自己就唔鍾意包松露芝士醬丶松露味係有嘅不過啲芝士味好怪囉、細心睇吓包醬原來係中國製造🤭。蘑菇飯🍄🍚都係咁上下啦冇乜特別多汁就好食㗎啦! 葡撻唔係話熱辣辣但係都係好味嘅!想試吓依啲期間限定就快啲試吓啦、可能好快冇㗎啦

今日約咗朋友放工上佢屋企一齊睇波，我哋四個人於是去咗肯德基買份四人桶餐邊食邊睇，仲追加左我最鍾意既鬆餅，雞我地叫咗一半辣一半唔辣，依間鋪頭嘅野食都夠熱，雞咬落去有肉汁，攞到上朋友屋企啲炸皮都唔會太林，算係一班朋友圍埋睇波食嘢嘅好選擇。

今天到九龍公園的運動攤位遊戲，玩遊戲，攞禮物。來到中午時份，要午餐了。佐敦那邊有棟大廈，全都是餐廳，方便大家選擇。不過這裡竟然有熟識的ＫＦＣ，因為好肚餓，點了雞皇桶飯。家鄉雞皇桶飯   視覺：杰撻撻白汁，有薯仔，有甘筍，還有炸雞肉。 手感：只需膠匙，即可享用，方便快捷。終於明白，佬飯的精髓。一手執膠匙，一手執機，一邊看片一邊食，唔洗吐骨，爽呀！味道＆口感：滑滑白汁，軟棉棉的薯仔和甘筍，卜卜脆炸雞。香辣白汁撈飯一流，慢慢嗒下嗒下，就食曬Ｄ飯，只餘下硬掘掘的炸雞，感覺好健康。 飲品　　可樂變雪碧。廿三蚊就在佐敦搞掂午餐，真抵食。

今日買外賣等老婆收工佢話想食KFC，初初我都有少少抗拒，但佢好堅持就唯有買畀佢啦。抗拒嘅原因係不嬲覺得KFC又油淋淋，又唔好食，想不到今次竟然有意外驚喜！我哋都揀咗雞皇飯，都係一貫嘅質素啦，冇特別驚喜，但餸嘅份量都算多，雖然主要都係紅蘿蔔同埋薯仔，但冇所謂啦兩樣都幾好食。我哋叫咗M2嘅辣雞餐同M3嘅狂野香燒雞餐。老婆一打開個盒就已經拎咗香燒雞個雞胸放入口，影都影唔切。不過我今次反而要讚嘅係m2嘅辣雞，炸得好香口之餘唔算好油膩，最怕係一揭開層皮有一啖油漏出嚟嗰隻，但今次絕對冇。雞肉亦都剛好完全熟透不過火，抵贊抵贊。最後仲用每件七個半嘅價錢加咗2個葡撻,其實都幾貴，但老婆想食就照買啦。

今日用網上訂單訂KFC，大約9：30pm，之後10：40pm先打來話冇哂雞冇得送。之後10：49pm打去21800000外賣熱線重營業，問為何唔早d通知，網上應該告知地區性冇得供應既指示或通知。你一早講我咪搵過第闅，KFC運作真係好差。最後外賣熱線比左個投訴電話我。非常失望

連續兩天沒帶飯，前一天試了漢堡連鎖店的菠蘿包，今次也再試新野，轉戰KFC的脆脆碰薯趣雞。脆脆碰薯趣雞套餐$38.5這個期間限定的薯趣雞，外層沾了香脆薯片後炸得金黃，賣相頗為吸引。咬下口時雖然沒有丁點的薯味，但口感卻是異常的脆，果然有趣。而雞肉也夠嫩滑，啖啖肉讓人滿足。至於那磨菇飯，只有四片磨菇，我要的是磨菇飯，可不是磨菇汁飯！大部份KFC分店的飯類配料份量，從來都很視乎員工的心情而定。經過多年的觀察，職員心情好，磨菇或雞肉會較多；心情差的話，就會得出這天只有寥寥數片磨菇的磨菇飯。真的很想向他們公司反映這個對客人不公的問題！

上課前要吃點什麼塞飽肚子才能過那漫長的3小時。本來想吃kfc的下午茶多咀小食盒，但供應該時間只去到6點~下班後去吃根本趕不及Q_Q (因為我晚上吃不多，這個份量比較合我) 沒辦法的情況下，只好選別的餐吧。有葡撻、有炸雞、有飯、有汽水～不過個人來說不太喜歡ＫＦＣ的飯，因為不是煮得太軟，就是飯太硬＞＿＜!只能說快餐店不能要求太高吧。炸雞選了辣的～這樣的雞才夠惹味啊即使是雞胸，肉也很滑！葡撻也還是熱的~凍了會沒那麼好吃。

同朋友買左兩個餐雞皇飯雞肉少得很.而且飯乾身,汁也太少薯方塊熱辣辣,但有少少燶反而炸雞髀.雞翼和雞鎚做得不錯.雞鎚,雞翼陣陣肉香.咬落去好鬆化雞髀,十分香口,肉也嫩我覺得唔夠辣,如果辣d就仲正兩杯汽水都係普通野整體黎講都唔錯啦

又到食飯時間, 平時接近旅遊區的地方居然會變得那麼平靜, 真的有點遜色 。無論 $31的三文魚焗飯又或者是雞皇焗飯的套餐, 店裡可答覆是售清, 真的有點莫明奇妙 !唯有叫傳統套餐, 香辣雞腿包配以薯塊可樂, 其實有少少厭。 不過, 個包都夠熱, 雞又脆, 總是收貨 。薯塊都係熱, 可樂就淡少少, 冰多 。無大驚喜的一餐。

I came here for breakfast and ordered the biggest combo they have! It includes shell pasta in tomato soup, flava roast chicken, scrambled eggs, a honey biscuit, and a drink. I opt out of the drink and got water instead since I don't drink HK style milk tea or coffee. I quite enjoyed the breakfast. The cashier was very nice and food was already prepared, she just had to put it together. The pasta soup did not contain msg and was light. The chicken was really good, kinda sweet, and very tender. Th

同班同學下了課就走來這裡吃番個餐，一來有得坐唔洗話坐得久，就比人叫走！這裡是2樓，上到去很多人排隊，叫同學排隊後我就去了霸位，看來看去，坐到了最裏面的一張長臺，凳是軟座，可以看到外面的街景，環境不錯的，但是，臺面上的垃圾等了很久都沒有人來收拾，最後食物都拿來了還沒有人來，要叫人來，才有人來拾野，食物就覺得都不錯的，5號加F，個包幾好味，有D煙肉味，很香，除了煎雞扒之外材料還有生菜，番茄，最主要還是那塊煙肉，香到不得了，但是F那兩塊雞就不好了，一塊雞翅，一個雞錘，沒有味，得個脆字，好象食緊舊面粉，一D調味料都不落真係好難食，不過好采都食得幾飽。

今日冇人係屋企,為有出街食我呢邊冇咩食店岩我口味所以又去kfc一星期最少來一次,最好味的莫過於雞腿包不過今次的雞腿包好難食得芝士好好味件雞腿有點硬食食下見到件包有好多燶左的黑色物體所以我掀開個底來睇,點知個底仲多燶到咁樣點食呀!!!!所以唔食最底個塊包食咁多次,最難食係呢次