肯德基家鄉雞 (KFC) (已搬遷) 新店位置

近期肯德基新出品的越南牛油雞宣傳頗多，所以今天特意買一個套餐外賣試試。二人套餐 (優惠價 $69)2件越南牛油雞真意想不到，這越南牛油雞果然外脆內滑。蒜味濃郁，牛油味香，雞件醃得非常入味。雞皮炸得鬆脆，雞肉仍然是滑溜溜的，非常好吃，一點也不覺油膩。2件肯德基原味雞相比越南牛油雞，原味雞不是那麼滑，但味道亦算恰到好處，不會過濃，雞皮亦是炸脆的。1盒巴辣雞粒脆脆小雞粒頗辣，一啖一粒，但不能吃太多，太熱氣了。大蘑菇飯和雞皇飯 （各一客）味道依然，蘑菇飯微辣，雞皇飯白汁很多而雞絲相對較少。汽水（兩杯）加了冰和梳打水的百事，味道會較淡，所以個人喜歡走冰。$69 的套餐非常豐富，確實便宜了。

唉，真係好失望。作為一個沙田人，睇住當年果間又細間又難食仲要冇辣雞嘅KFC執左，轉左做呢間又大d又設計風格好d嘅鋪頭，諗住數應該會有改善。有就有嘅，係叫做好過以前果間囉，但比起出面嘅KFC真係仲差好遠。今日收工行過，諗住試下佢啦。好日都唔食一次，今次真係好失望。叫左一個M2香辣脆雞餐，跟可樂同蘑菇飯。估唔到一個咁基本嘅combo都會伏。首先，講個飯，一打開：嘩！d汁會唔會少左d！得幾塊菇係個飯上面，其實個飯最大嘅吸引點係個汁，偏偏你又得咁少汁⋯⋯失敗好，你可能會話KFC係出名做雞，咁我地講講個雞。一打開個外賣盒：下！我個雞脾呢！兩件都係雞件，冇左最鐘意食嘅雞脾⋯⋯好都算啦，叫做係雞先。一咬落去，好硬！真係好硬！未食過咁硬嘅炸雞⋯⋯可能係我唔識食⋯⋯都算啦，至少個味係好嘅，已經好過舊果間果d唔脆嘅雞。諗住飲一飲可樂，冷靜下。頂！真係估佢唔到，連可樂都出事。一飲落去，洗潔精味？梳打粉味？總之係奇怪味啦！奇怪到，我好懷疑，我飲緊果杯，到底仲係咪可樂。食完個餐，我不知幾想學星爺講：外賣比錯野！失敗！可樂有洗潔精味！失敗！D飯冇汁乾爭爭！失敗！雞皮硬過鞋底！失敗中嘅失敗！其實有間靚d新d又大d嘅

韓國菜近年因為韓流文化而受人注意，尤其是韓式炸雞，更因為一套大熱韓劇而大受港人熱捧，香港幾乎大部分韓國菜餐廳，都有韓式炸雞提供。作為炸雞界的龍頭大哥，「KFC」更加沒有可能拒絕推出韓式炸雞的想法。就是有個問題，令「KFC」遲遲不敢推出韓式炸雞，因為香港的韓國餐廳推出炸雞時，多數以一大碟炸雞件形式上檯（都曾經有炸雞全翼出現，可惜近年香港的韓國餐廳已經極少提供韓辣醬雞全翼了。），香港韓國餐廳的「阿珠媽」，每次都要努力為每件炸雞塑上韓式甜辣醬汁。但是要「KFC」的店員像韓國「阿珠媽」般為你默默工作，薪金微薄還要為每件炸雞塗滿辣椒醬，是很難為的事。結果「KFC」賣給我的「雙料韓脆雞」，還是由一件雞上髀加一件雞下髀而組成，還有「KFC」的韓辣椒醬炸雞始終有點美中不足。話說回來，恰好當日我在沙田，本來想光顧「KFC」，最後才發現沙田「KFC」分店早已離開新城市廣場，搬到新城市廣場旁邊的沙田中心商場去。估不到新城市廣場為了迎合大陸自由行，商場內大部分舖位都已經變成珠寶店、金舖、藥房和時裝店。現在的新城市廣場，竟然也容納不下，跨國大型連鎖集團快餐店的「麥X勞」還有「KFC」。來到沙田中心商場的「KFC

新推出的甜甜蜜炸雞，賣相不討好，炸焦了！！咬下去，完全不覺有甜味，和普通炸雞沒分別，再吃多口，味道有點苦，因為炸焦了。這個雞不合格，炸雞尊家K FC居然製作這種質素，真令人失望

大前日(14-4-2016 Thur )放工後,由於拎住o野唔方便去街市買餸,而老公又可能準時放工,於是由佢買o野返o黎食,佢o係呢o度,A1同魚尚三間都買o左o野.o係呢o度,佢買o左$38.20o既辣汁蘑菇香飯餐,轉o大既蘑菇飯,有原味雞下髀一件,普通o既格格薯塊,同一杯中o既百事可樂.再用$10.00買件芝心火腿脆卷.由於我摸到芝心火腿脆卷仍暖,所以唔想攤凍,於是先食呢個,摸上手都唔覺佢會係脆,切開一半後食,果然唔脆,芝土同火腿兩樣都鹹,根本冇乜特別.老公話佢食到脆,我一直都食唔到,但最後,就係最後o個一啖(最後o個一啖即係條脆卷o既尾),至食到脆.即係只有頭尾係脆.之後食o左A1 o既麵包先,然後又繼續食返KFC o既格格薯塊,原味雞下髀,呢啲冇乜問題啦.最後o既辣汁蘑菇飯亦都一如以往,不過呢o度啲飯太濕.)

12-2-2016 (Fri),老公要OT,講明唔使煮佢飯,我又唔想為我一人買餸,於是買個快餐食算啦,買麥當勞?沙田中心o既麥當勞貴啲o架.肯德基,好耐冇食喇,就呢間.o黎到睇睇menu,套餐要$37.50,其中有蜜糖燒雞翼同狂惹香燒雞,原本想試後者,但怕辣,於是都係要前者,有兩隻雞全翼同汽水.我揀埋脆薯格,再另外用$8.00買一個紅莓鬆餅.收銀背後o個個女仔好快將所有o野執好,快到俾完錢就pack好晒走得.返到屋企打開,一個盒裡面已經有晒脆薯格同蜜糖燒雞翼,呢o度自己俾o左3包茄汁我,真好(麥當労一個大薯條都只俾一包茄汁,要問至俾多包).試吓脆薯格先,已經唔係好熱,外面亦唔算好脆,唯一好處就係,咁樣冇咁熱氣.然後食蜜糖燒雞翼,顏色唔深,亦燒得唔燶唔香脆,係普通o既一件雞翼,不過雞肉仍juicy同嫩滑.最後到紅莓鬆餅,唔大個,一咬落去,外面好脆,甚至有少少硬o既感覺,紅莓都幾多不過甜味唔夠,呢個一般吧.呢個價錢食咁少份量o既快餐,真係同食法國菜一樣咁奢侈.味道: 2.6分

看完早場電場後便到KFC吃個午餐，沙田中心的KFC分店面積超級細，只有數張檯，加起來才勉強能坐約20人，可是人流非常多，尋覓一座也絕不容易。很多人也放棄堂食，選擇外帶。值得一提，這麼小的舖位只有兩條隊，各只有一位店員兼任收銀和準備食物，極速multitasking地serve完一個客才serve另外一個，因此排隊時間最少10分鐘以上。在這逾十分鐘的時間裡，我慢慢地看完每一個餐，然後總結出來A2的$39.9元套餐應是比較划算。套餐有２件家鄉雞/狂惹香燒雞、蘑菇飯(細)、薯格、巴辣雞粒、汽水(中)。此店沒提供香辣家鄉雞，由於不是剛炸好，原味的並不香脆並不juicy，味道只屬普通；狂惹香燒雞的香辣醬汁更為惹味，甜甜辣辣，即使不是剛炸起也頗好吃，但放在焗箱裡一直保溫，雞的肉汁早已不存在，可是這款烤雞比較好吃。而巴辣雞粒和薯格永遠也是冷掉的，雞無雞味，只為飽肚。在大量標準化程序下預製的食物使其失去新鮮，出來的結果也是加快速度而放棄質素。

由到午餐時間，我心諗午餐最好平D就好，去到這店會選擇經濟為主的食品，今次選了這個，個個都會話抵迷你桶飯加飲品$21.5價值與味道成正比，不過不失，飯諗了少少，汁微辣，辣雞粒有五粒，分糧適中，是吾错的午餐。

我想在香港吃早餐都幾貴，主食加飲品大约要二十元多，但這店的早餐有平有貴，今次我選了這個超平早餐包括腸仔，鬆餅，咖啡，相當ok，腸仔肉味濃，無雪味，鬆餅面加上微甜的蜜糖，至good就是這杯香濃咖啡，令你精神一振。

雞香港人好喜歡食，平食就要食這店的下午茶餐 套餐都好抵食，加餐飲有四個產品，巴辣雞粒炸得夠鬆脆，辣度適中，萄撻外皮脆，面的召糖烤得剛好，蛋计吾太甜，雞腿香料味濃，令你回味，加上一杯香濃咖啡，是一個吾錯的選擇。

沙田這店太细，所以都经常外賣，今次買了上校套餐好抵食$39.9，ok架有两件家鄉家、薯格、巴辣雞粒，细飯加中汽水，比起一般套餐平D，家鄉雞保持到皮脆內軟，外皮香料味好好，薯格夠脆，雞粒辣度剛好，份量很大，足夠兩人吃，都是一個好的選舉。

最近時時聽我個朋友話食KFC,那晚我自己一個未食晚飯,去了KFC食野,見到新出炸鳮,就試試!!我叫了一個套餐,有兩件泰脆香葉鳮,一個薯茸,一盒雞粒,泰脆香葉鳮:其實我覺得同平時的炸鳮冇乜分別...味道都係差唔多,薯茸也是炸雞粒:一坐底就食,没有放很耐,竟然諗了不脆,可能他用盒裝住,加上我見佢炸定好多放係到,不好食

幫襯 KFC , 我發覺都係叫外賣反而好味過堂食 , 而且有 CITIBANK 全年外賣速遞 9 折 , 叫滿額又有野送今日叫齊左 KFC 最新電視廣告o既錫紙封存系列新口味 ,同埋周秀娜地鐵平面廣告中o既最強雞腿漢堡八層巨塔 外賣速遞用網上訂購 , 方便快捷 , 預算送達時間亦頗準繩1. 鮮茄菠蘿封味錫紙烤二人餐$ 109 , 套餐包括 : ~ 四件鮮茄菠蘿封味錫紙烤雞廣告中提到 , 冬日陽光 , 錫紙封存 ~ 形容得非常貼切錫紙果真能為雞件保持熱燙 , 茄醬跟菠蘿o既清新配搭 ,香氣從界開錫紙一刻起緩緩飄來 , 艷紅得像冬日陽光味道同樣出色 , 酸酸甜甜 , 有點兒像咕嚕醬 , 卻沒那樣稠菠蘿烤過後變得軟腍 , 菠蘿汁猶在 , 加上鮮醬茄醬一起烤 ,入味程度比雞件更甚 , 雞件軟腍程度亦可比美那片菠蘿略為欠缺雞肉應有o既咬口 , 腍到可以用叉匙輕輕叉開 ~ 一客辣汁磨菇香飯份量十足 , 飯盒汁同飯分兩隔 , 而且可以放入微波爐 ~ 兩個馬鈴薯蓉開粉薯蓉 , 無乜特別 , 唔難食同夠汁就 ok 了~ 一笿墨西哥脆脆配特濃芝士醬芝士醬好味左喎 , 無咁濃稠 , 多左一分微辣o既墨西哥

這間KFC星期日好多菲庸來買外賣，生意旺特別在午市。個人認為KFC的早餐幾好，今天食了家鄉雞柳最入味而且味道好，其餘芝士火腿多士也是選擇食物因芝士味好食。服務唔錯，這裡不好在坐位少地方細有時想堂食也難。

粟米雞肉烤鬆餅 因為有coupon, 所以去試下, 賣相同圖樣差好遠, 原來好細件, 好少料 kfc鬆餅好食, 但烤過後好乾好硬, 又唔脆口 粟米同雞肉也少 唯一好食都係塊薯餅, 外層夠脆口惹味