肯德基家鄉雞 (KFC)

營業中

休息中

今天假期八號風球，行過商場於是用積分換了三個葡撻：12000積分=3個葡撻。😄😃於店內等候期間已經見到店員好混亂，向其他顧客解釋沒有雞扒早餐需要更換其他食物替代。顧客只有無奈接受。購買葡撻三個葡撻竟然要等25分鐘才能攞到外賣。😭取了葡撻回家後諗住享用。竟然用了三個膠盒裝着葡撻😨😱政府不是呼籲要走膠嗎？為什麼還用膠盒？好唔環保呀😩😫😱除了這樣點解佢中一個冇焦糖嘅😭😭食落去仲怪怪的😰😨多人購買，都唔可以馬虎處理呀😤

馬鞍山呢間KFC嘅服務態度係懶散、冇責任心。成班企晒係度，只見一、兩個員工好忙咁執安排食物比顧客（可能呢啲係公司特定所謂嘅分工?😅）Order 十個有八個都係錯嘅，每次都比錯或者比漏野食，叫外賣的話一定要check清楚先好走。網上order個system都好神級，比完錢唔出飛，或者話你個order fail但又收左你錢。落去同佢講佢會叫你填form再由寫字樓安排退款，當然係冇安排到啦！然後已經冇人再可以跟進。如果KFC的管理可以改善相信佢地嘅生意額會幾何級數上升。

買咗個蜜糖芥末餐食， 半夜先攞嚟做宵夜， 用焗爐焗返熱先食，咸到痴線咩事🤮之前食呢間分店都唔係咁，唔知點解依家咁難食 啲雞仲一大陣騷味。好。 差。到底係因為乜嘢原因呢...真係好難食

父親節當日屋企冇煮飯，爸爸想食KFC，就嗌左新出的蒜蓉包雞派對餐，仲要有買一送一的優惠。當然懶得出街的我地就緊係嗌外賣送上門啦！ ⦁蒜蓉包雞派對餐（買一送一）$238入面已經包左6件蒜蓉包爆脆雞、2客辣汁蘑菇飯 (大) ，而跟餐另外揀了香辣脆雞、狂惹香燒雞、格格脆薯塊（大）、馬鈴薯蓉、巴辣香雞翼，以及6罐汽水。 ⦁9件上校雞寶配醬 $32 總結，蒜蓉包味的炸雞都幾香，外賣到左都唔會淋，keep住酥脆，蒜蓉包味的醬勁香，有種食緊蒜蓉包的感覺，好新鮮。其次要力讚KFC的雞寶，好食過M記果款，肉質唔實有咬口，配上的醬汁酸酸甜甜好開胃。 用了KFC外賣app下單，方便又快捷，還可以揀時間送上門，黎到仲要熱辣辣同脆卜卜。想睇更多分享 歡迎follow lnstagram @sa.foodie.lt

KFC推出期間限定雞批皇，雞批皇只會供應至1月31號，六吋大細，$59，包兩杯熱飲。廣告說夠四至六人食用，但實物只夠兩人食用，雞批皇比我想像中細件。雞批皇沒有什麼特別，批內都是薯蓉，白汁和雞肉粒，其實是普通麵包鋪的$10雞批放大版，賣$59比較貴，因為份量大約等如三至四個細雞批，一試無妨。雞批皇只在全港21間分店有得賣。

上次食左個KFC下午茶，都只係$25，性價比十分高。 今日再翻桌，試下另一個tea set。 今次個tea set有隻雞脾槌（平時一隻雞脾槌都約$10），今次仲有葡撻同細薯蓉，再加埋飲品，都係$25。最啱有小小肚餓，又貪吃既你！ KFC下午茶性價比高，翻桌之選！

去咗KFC食期間限定嘅椒椒椒鹽雞。叫咗O2椒鹽雞豐盛套餐，套餐本身有兩件椒鹽雞、一件家鄉雞/香辣脆雞/狂惹香燒雞、菜絲沙律(普通)、葡撻同汽水。先講重點嘅椒鹽雞，炸到金黃香脆嘅外皮，面頭撒滿由黑白胡椒同辣椒混合製成嘅椒鹽，雞皮下面係肉質嫰滑juicy嘅雞脾肉。要讚一讚個椒鹽，惹味之餘又帶點咸香，夠哂地道港式口味，完全程現返大排檔風味。另外加咗$10加配兩件椒鹽雞翼，有d似平時食開嘅巴辣香雞翼，但就多咗椒鹽嘅獨特風味，一食上癮。飲品亦都加咗$6升級咗做檸檬利賓納，用嘅係原片新鮮檸檬，加上有酸甜清新果香嘅利賓納酸，冰涼解渴，消膩解滯。鍾意椒鹽味既你記得襯宜家去KFC試下!#KFCHK #椒鹽雞 #椒鹽雞翼 #檸檬利賓納 #爆香惹味 @kfchk

KFC 話就話主打食炸雞，不過個人認為，佢其他嘢好食過炸雞，例如蘑菇飯、葡撻同埋鬆餅。而佢嘅下午茶，除咗「抵食」兩個字之外，諗唔到點形容， 20幾蚊包埋一隻雞同埋飯仲有葡撻。但係我覺得，kfc 食物水準比較飄忽，包括新港城呢間分店。例如今日叫咗呢個葡撻，凍冰冰都唔好食嘅。跟住今日呢個蘑菇飯，本身汁唔多，之後佢啲飯又好濕咁，一pat pat嘅...所以食咗三份一就冇食。反而今日食過蜜糖鬆餅幾好食，佢個面已經睇得到有好多蜜糖，不過真係睇彩數，先買到一個咁多蜜糖嘅鬆餅

叫左個V1 set 再加左個朱古力葡撻比佢朱古力同kitkat個樣吸引左😂但食落其實無咩野 係朱古力味囉😂但比我揀番都係食普通版 無咁肥又平啲嘛🤣其他無特別唔講啦

肯德基嘅炸雞，由細到大都鍾意食但係近呢幾年嘅水準真係好飄忽有時舊雞會細到離譜有時舊雞會overcook變咗乾柴有時調味會勁鹹今日我就唔好彩啦原味雞上髀，單點一件$21.5都唔算平，但係又細又乾咁嘅質素真係有啲問題App冇得指定部位，跟餐通常只係雞鎚想食雞上髀唯有單點，單點咗佢通常比左雞鎚我，去到拎嗰陣時要要求換返雞上髀，但係店員次次都黑口黑面🥶🥶🥶🥶🥶 如果App可以揀埋部位就好啦。

4日長假期已經過左一大半，今日第三晚，真係好唔捨得，hea 2 hea又過左😭，今晚出街搵食，但馬鞍山出名係美食沙漠😖其實都唔知食咩好🤔黎到新港城，其實都有好多不同的食店，但大都排長龍🙈，咁經過KFC又比佢吸左入去，唔好以為連鎖快餐店就間間都一樣，無咩好提無咩好介紹，但其實每間分店員工都唔同，就算一樣咁炸法，炸🥘多2秒同炸🥘少2秒真係會差好餐架呢間分店唔錯架，唔會炸到乾爭爭😖，d雞入口好juicy，今晚我叫左2個餐，一個係V1-上校盛盒，入面有一客普通嘅格格脆薯格、一件香辣脆雞～雞髀🍗、一個大嘅磨菇飯、一個經典葡撻同埋一杯中汽水🥤，呢個餐盛為$39。 另一個係M7-上校趣味桶餐，有咩呢😂就係有6件上校雞寶、4件巴辣香雞翼、一客普通嘅格格脆薯格同埋一杯中汽水🥤，呢個餐盛為$48.50。呢2個餐食到我2個飽飽的，現場食真係得多，同外賣差好遠。講到服務都唔差架，店員仲自動比左2對即棄手套（好多間都無比😑）如果要我比分，呢間分店我會比8分，除左店員好之外，裝修都好新，完全無舊有分店既一浸味😣

前言:身為沙漠居民，附近既食肆當然無辦法同旺區既食肆相比，所以盡量搵一點合乎性價比既食物啦，繼續沙漠下覓食之旅😋最近KFC推出左50蚊6件雞既餐單，我身為一個鐘意食煎炸野既人，我當然唔可以放過啦但剩係叫６件雞食又覺得太單調，所以我另外加配左葡撻，薯格，薯蓉我心態盡量都係居家抗疫，所以都係選擇返屋企食慢慢食最安心👍平時食煎炸野最怕係就係食物唔夠熱，凍冰冰，淋哂😩老實講平時KFC既質素真係一般般，好多時都會犯左上面所提及既問題😩但今日喜出望外，所有既食物都保持到溫度，炸雞脆口好食，難得遇到咁高水準，仲要又平又好食，點都要俾個Like佢啦👍，你地話係咪😁

🇭🇰Hong KongThere are a variety of food on Kfc menu, it can’t go wrong with their fried chicken as it is their significant dishes!I live their egg tart tho it is a bit oily, but it tastes the best when it is served with hot temperature!For this cheap price, the quality of food is average(at least it matches the price right?)

夜晚經過KFC，見到唔算多人，所以睇下有咩食，門口有自動落單機，非常方便，但仍然有部分人選擇排隊買，唔想等可以用機。11點後就有$39 3件雞，加杯野飲， 雞可以選家鄉雞或者 辣雞，雞個size好似比以前細件啲? 不過圍起13蚊件，佢都對得住佢個價，雞肉唔算乾，夠晒入味，當小食食係非常唔錯。

一直都好鍾意食有鹹蛋嘅食物，好似鹹蛋魚皮，有鹹蛋黃嘅糭😋😋😋一知道KFC出咗鹹蛋黃金系列，即刻要去試吓！我揀咗A二套餐有汽水、蘑菇飯、葡撻同兩件鹹蛋黃金炸雞。主角鹹蛋黃金炸雞，外面炸得非常香脆，裏面嘅雞肉亦夠Juicy，只係鹹蛋味不夠，只有辣味同少許鹹味，感受不到鹹蛋嘅甘香，同普通嘅辣味炸雞一樣，真係好失望。蘑菇飯不過不失，都算夠多汁多蘑菇。最鍾意嘅葡撻一直都冇令我失望，表面嘅焦糖焦化適中，非常好味，食兩個都得😍😋