腩麵茶餐廳 (已結業)

諗起啲人平時食牛腩麵會專登山長水遠去搵一間來自崩沙腩，而家呢類型嘅舖頭已經係買少見少，搞到我都有心思思想試吓，既然今日經過呢間，就入去一試。晚飯時間唔算多人，呢間舖頭啲粉麵價係中上價位，價錢大概都係四十幾蚊。我就叫咗一碗崩沙腩拼雲吞上，雙拼加$8，所以呢碗價錢係$56。呢間舖頭嘅辣椒油係某公司獨立包裝，感覺有啲奇怪，因為粉面舖多數會有自家製嘅辣椒油，反而更好味。講返碗麵先，崩沙腩嘅份量比我想像中都唔算少，入口非常爽林，完全唔覺得肥，非常好味，雙拼雲吞只有兩粒略嫌少貴，但啲餡有蝦同肉味道都到位，不過相較之下牛腩就比較出色。另外，河粉嘅份量比較少，而且有少少碎，比較難夾，男士黎講應該唔夠飽、下次會試麵。總括來說，崩沙腩係值得推介，可以一試。開。

那天，又跑到去北角港運城一帶去食野了。當然，去到果邊，時間總是有限的。所以，我選擇了食麵。而在出發之前，我早就被這一間《腩麵》的可愛招牌吸引住了。店方故意地把《月南 麥面》肥大化，令我覺得，這兒的牛腩麵，一定是香甜肥美。一定要專程來試一下。這店，雖然說自己是一間茶餐廳，而餐飲既選擇，亦的確同一間茶餐廳沒分別。但，當我見到門口的大大麵檔，坐低之後，又見到有位大叔好努力，好認真地包雲吞。但我真真正正確定，入來要吃一碗麵。因為名字是腩，因為有大叔在包雲吞，所以我決定要一碗牛腩雲吞粗麵。麵湯帶有濃香的腩汁，吃起來更加之惹味。牛腩，如店名的鋪排一樣，牛腩的確是非常之肥美，味道亦非常之濃香。雲吞也有好香的蝦味同大地魚味，令到這碗麵的內至外都咁香口。店子就真係好簡陋啦。但，往往就是這些簡陋小店，都會做出好好既味道。簡單一試這一個簡單的麵食，是令我開心的。當然，也令我肥多啲。

朋友推介話呢間新開腩麵唔錯，趁下午有時間便入內試試！假日午飯時間竟然冇客便感覺不妥，入內叫個崩沙腩麵，一上菜便知出事，結果一入口，一個字鞋…靚崩沙買少見少，看來要穩陣，還是去番X牛莊、傳X好過。

唔太識分崩沙腩、牛腩同坑腩分別就聽老闆推薦點崩沙腩，有兩條根連住少少肥，食落的確有d爽口同時又有少少牛味，豬骨湯湯底配五香飲左唔確喉，所以經過英皇道想搵粉麵既舖頭，呢間值得一試

餐廳位於北角，距離地鐵站路程五分鐘左右，還算方便快捷，餐廳主打的就是香港的味道。環境方面，還不錯，座位舒適，冷氣充足，最重要是可以吃得安心。食物方面，點選了正宗沙皮腩面， 這個名叫沙皮腩，位置係崩沙腩及坑腩夾在一起的，沙皮，口感一流。 最重要的唔肥，偏瘦，口感超一水準。另外，面質方面，軟硬適中，爽口又彈牙，但我最驚喜的就是他的辣椒油，非一般的辣椒油，辣到超水準，完全令我充滿驚喜，最重要辣和油的比例剛剛好。

今日同母親去到北角買餸之後佢想食粉麵就帶左佢呢間牛腩/粉麵專門店試下餐牌有好多選擇，有多款牛腩部分崩沙腩，坑腩，亦有第一次見既沙皮腩其他配料選擇都非常吸引咖哩沙皮腩飯難得見到有得食就緊係要試下沙皮腩好嫩滑肥瘦均勻好香口加上港式香辣咖哩好惹味！魚片頭，魚皮餃河魚片頭好新鮮，爽口彈牙魚肉味好濃魚皮餃size好大，足料不馬虎欣賞店家的用心食得滿足河粉煙韌有口感，好高質淨雲吞意猶未盡就叫多碟雲吞皮薄餡靚推薦！

👉喺北角行街揾食，都🈶️唔少選擇。成日想試新店，呢度雖然主打牛，但唔食牛嘅都🈶️其他嘢食！！📌沙皮腩粗麵 $54 ～ 唔係🉐️店員叔叔推介，真係唔識沙皮腩。沙皮腩，係崩沙腩及坑腩夾在一起的部份。雖然唔肥偏瘦，但一啲都唔靭，腍滑又入味，果然好介紹‼️📌雲吞撈麵 $40 ～ 可揀腩汁或蠔油，豬肉肥瘦比例適中，原隻蝦肉彈牙，點上少少麻辣辣椒油，味道即時提升⏫📌炸醬麵 $25 ～ 冇乜辣味嘅炸醬麵，怕辣都食到。麵質夠爽口，1⃣️個麵底，女士份量啱啱好！📌淨魚片頭 $30 ～ 試一啖果然有驚喜，好香魚味又彈牙，一食就知係靚嘢。仲有幾條芥蘭墊底，食時記得點辣椒油🤤

這次來到一間專門吃牛腩的新餐廳，名叫腩麵茶餐廳。茶餐廳風味，桌椅和餐飲用具卻是咖啡店才會出現的，環境配搭獨特。⭐️招牌崩沙腩河$45此店的招牌系列，崩沙腩不是每一間粉麵店必有，相比牛腩，帶有一層煙靭的皮，口感更好。⭐️沙皮腩河$54想來點特別的，選了限量的沙皮腩，我也是第一次吃，沙皮腩外形和崩沙腩相似，顏色較深，好吃的地方就是越咀嚼越香口，牛的油香味道更出。⭐️紫菜湯$16湯裏除了爽脆的紫菜，還配搭了生菜和蔥花，同時進食口感更佳。⭐️芥蘭$12煮的時間剛剛好，翠綠的顏色，配一點蠔油更鮮味。⭐️西洋菜蜜⭐️熱檸水跟餐熱飲加$5。

今個ᴡᴇᴇᴋᴇɴᴅ去左ʜʏᴀᴛᴛ ᴄᴇɴᴛʀɪᴄ ꜱᴛᴀʏᴄᴀᴛɪᴏɴ，見到這間新開無耐的牛腩專門店，就決定一試究竟。點了五香招牌牛三寶 ($138)，牛腩肥瘦分佈均勻，炆得非常鬆軟，咬開後仍然保留一絲絲～牛肚比牛腩仲軟稔，配上辣醬很夾！而我最愛的是牛筋，炆得入口即融，充滿膠質，軟硬度之間攞到個很好的平衡🤝另外也點了潮州墨魚丸河 ($25)和京都炸醬麵($25)，墨魚丸幾彈牙，幼麵沒有鹼水味👌🏻味道不錯，價錢大眾化，地方整體乾淨企理，可以打敗唔少本地牛腩魚蛋粉麵舖頭！

香港小店多籮籮，真係肚餓是但行入間餐廳都搵到地道好野食，北角英皇道近港運城個段呢間食腩麵餐廳個「腩」真心唔錯。.見到門口掛出黎啲腩都幾吸引，果然成大半個menu都係唔同種類既牛腩，價錢唔貴。.🍴沙皮腩伊麵$54+5其實我唔知咩叫沙皮腩，但店員介紹，主要算係崩沙腩既一種，牛腩連着牛啡色的橫膈膜，口感爽滑，軟稔有肉味，份量勁多，有成8舊，絕對抵食。+5轉伊面係明智之選，彈牙有口感。.🍴墨丸魚蛋麵$33單拼麵$25，雙拼有6粒就$33，每樣有3粒，手打墨魚丸口感真係特別彈牙又有粒粒墨魚仔，魚蛋都唔錯，反而幾驚喜個麵底，唔係個種好爽身既麵，係浸左湯會脹少少既麵，但浸完湯會吸左個精華，咬落比較淋身都好食。.🍴淨鮮蝦雲吞$30屋企人揀左淨雲吞，蝦與肉比例唔錯，$30 6大粒算幾好，但當然比較下，牛腩好食啲🙈.淨魚皮$20，油菜$12，凍o茶 $8，條魚皮好大碟，3個人都食唔晒🤣如果唔食到咁多，就當雙拼$8加魚皮就夠🙈.食完個牛腩，訓覺個陣仲掛著陣味，唔掛得改個名都叫腩麵茶餐廳🤣👍🏻👍🏻

這天在北角工作，離開前吃了一頓豐富的港式粉面。我吃了招牌五香牛三寶麵及淨雲吞。三寶麵即是牛肚、牛根及牛腩。三寶麵的整體味道很好，很濃郁，但不會重鹹，亦不會油膩。麵條還算是爽口彈牙的；三寶都很入味，雖然三款各有不同的口感，但整體來說口感都偏向軟嫩。雲吞的味道是尋常好吃雲吞的味道，咬下去是充滿彈性的。不過，其實最吸引我的是那兩片青翠的生菜。那兩片蔬菜只是配菜，但它這樣翠綠，讓我覺得這個淨雲吞充滿誠意！

鋪頭一行入去比以前樂德光猛好多本身茶市去到想食個$29下午茶見老闆推薦隔黎枱“正宗沙皮腩”我問下咩黎老闆話係崩沙腩同肉中間果層“皮”聽完都唔知係咩黎咁就試下啦😂黎到原來真係平時見果層“皮”帶住少少肉 食落比牛筋爽口！！！好入味好正都唔會太咸目測都差不多有7,8塊大大塊哩間野啲牛腩食落介乎係五香同清湯之間入味得黎又唔會太重香料都幾特別啲牛算新鮮有少少似食緊臺灣牛肉麵👍👍食到一半先記得影相最後連湯都飲晒 難得清甜見碗底😍😍😍😍建議大家加份白蘿蔔浸落去食👍👍👍

前幾日去北角上堂，放學同同學仔一齊去飲杯嘢，路經琴行街，見到轉角位附近新開左間「腩麵茶餐廳」。走過去睇下門外餐牌，店舖除了以牛坑腩、崩沙腩、牛三寶作招徠外，另外亦有魚蛋粉麵、自製咖喱飯、手工水餃、鮮蝦雲吞等供應，選擇十分豐富。見價錢都幾經濟實惠，所以已經即時 mark 低左間餐廳，趁今晚有空，專登過去試下。餐廳地方不大，舖面細細，但以牛腩小店來說，格局算光鮮，坐得舒服。點左五香招牌崩沙腩淨食 ($138)，另外再加左潮州墨魚丸河 ($25)、彈牙牛丸麵 ($25) 同 一碟菜心 ($12)。崩沙腩果然係店舖嘅招牌作，炆得十分腍滑，肉質肥瘦適度，頂部肥腴部位咬下有筋膜嘅質感，入口爽軟不硬，吃起來既軟糯又帶點嚼勁，而且送上來時更傳出陣陣滷水嘅香氣，無論下飯、拌麵或佐酒均是佳品。至於兩碗粉麵，表現跟定價亦恰如其分，墨魚丸真材實料，大大粒，咬下爽口彈牙，鮮味十足，配滑溜嘅河粉食，味道不錯。牛丸水準亦不俗，肉質結實，入口脂肪不多，配上爽彈嘅麵條，既飽肚又滿足。油菜亦唔馬虎，食落新鮮爽甜，而且面頭淋左腩汁，可見小店嘅用心。

北角呢排都開幾間牛腩麵主打嘅舖頭😀 今日見冇咩人就去試吓，入到店門面幾靚 光猛，門口有牛腩檔，應該以牛腩為主打， 小有牛腩面鋪張凳仔有軟墊嘅😬 枱就白色仿雲石面，台面送有筷子、紙巾、辣椒及糖等等。中午時候到達，店內冇咩客人，大約座左三台食客左右，唔洗等，坐低侍應都熱情款待叫咗嘢食都唔使好耐就到一家人叫左 崩沙腩 坑腩 雲吞 幼面底比一般幼小小 冇咩特別 三樣之中崩沙腩最好食 腩滑 再有微微油香 可惜食後感覺有味精反應🥶要訓左幾個鐘先心跌回復正常😅

又係北角搵食，見到有間新嘢開咗，就入去試下。入到去坐低直接問下老細，貴店牛好啲定魚蛋好啲，佢就推介呢個招牌崩沙腩。其實我成日都分唔清楚爽腩同崩沙腩，只知道爽腩比崩沙腩罕有啲，不過崩沙腩應該有少少肥連住，個人覺得食崩沙腩會齊全啲。先講份量，幾草野唔失禮，起碼先贏左嗰陣。我今次順便叫個麵底，因為麵底處理得好都好重要，呢個野個麵底無乜鹼水味，估計啲有過多次水去左啲味，雖然冇乜蛋味，但係勝在夠彈牙，整體麵底好，至少唔使加醋。牛腩方面，仍然覺得少許硬同差少少味，如果忟耐少少好啲，或者黃昏夜晚時段應該差唔多。不過整體味道已經令我可以再去多次辣椒油都係粉麵檔重要部份，不過只係一般質素。同場加映茶走一杯，加5蚊就有。呢杯野都非常滿意，連個杯都有啲特色，實在加分不少。