自在素食 (已結業)

適逢今日係初一，又有事要去太子一趟，所以就即上openrice睇下有咩素食店，見到有4間可以一試，就試左呢間先喇！一打開menu，好多野都好想食，但擬於得兩個人叫唔得多，又唔係特別大食，又唔會話好肚餓．兩餸一湯，眼闊肚窄；三碟點心加一個小菜又唔係好低食咁；最後都係決定一湯一炒飯，唔夠就再加．金湯翅：南瓜湯底濃又甜，一絲絲既翅，蟹柳．福建炒飯：粟米芯，芥菜，磨菇，冬菇，馬蹄，豆腐粒加茨汁，配以乾身既飯，掂！送－紅豆沙：棉口，加埋西米，原來又幾好喎，甜度又適中，超like．最後係，每人食左三碗飯，飲左三碗湯，加埋個湯水，enough．

我地三人諗住吃得清清地，就去了朋友家樓下的齋店吃晚飯，店內地下都坐滿，以為無得吃拉，點知仲有一層，估唔到咁大間喎，一樓全吉，得我們三個，真係自在喇，到食完都係得我們。三個人，三個小菜，九層塔茄子，以前沒有吃過，平時都是吃咸鱼茄子煲，所以要試下其他口味，鹹淡適中，茄子幾有水份，幾入味。糖醋排骨，味道同平時吃一樣，唯獨是排骨不同了。羅漢齋窩麵，麵多過齋，實在太多，最後都食不哂，罪過…罪過…食完齋菜後，仲有紅豆沙奉送。

食素那位同事生日我o地一行6人到在呢間試.lunch 唔算太多人, 哈哈, 冷氣仲開得好勁. 我o地叫左d燒買, 春卷, 咸水角, 齋鹵味, 芝麻卷等點心, 另外, 再叫一碟椒絲腐乳通菜, 炒飯及龍蝦伊麵.先O黎講講買相, 真係唔係好得. 齋鹵味(色淺,齋鵝淋), 炸物好油, 芝麻卷(出水). 燒買買相好靚不過唔好食, 好粉. 龍蝦伊麵(d 麵發脹).係得炒飯同通菜好食.....相比起其他.結帳時問o個位女服務員可唔可以 pay card. 佢話得不過態度惡劣咀妙妙. 我o地下次都係去返"大自然素食"算. 起碼所以野都好過呢間

星期五，阿爸有約唔番屋企食，於是阿媽就懶得煮，一齊出街食。原本想去馬家莊，但不知何解，我竟然提出去食齋。未試過呢間，剛巧地點就腳，於是一試。大約六點半去到，人不多，有2-3枱。menu 大大本，菜式寫到密麻麻，花多眼亂。叫咗1碗粟米粥，羅漢齋炒面同細齋鹵味。粟米粥算係我嘅飛佛，雖然個名叫粟米粥，但其實除咗粟米之外，仲有紅蘿蔔粒、冬菇粒。味道清清地，又夠熱，粥底剛好，最怕d粥太杰。羅漢齋炒面份量十足，師傅落油也非常重手！都幾oily。好在個獻汁唔會杰得滯，剛好夠撈勻d麵。麵炸到脆bok bok，熱氣但好香口。配料有冬菇、粟米芯、秀珍菇、carrot & 雲耳，配料可不少。齋鹵味，一向唔啱口味，不過旨在試試味。齋雞好味，其餘就不過不失，要讚嘅就係唔太油膩。

是日想吃素,家人知道這裡在一間素食店,而剛巧我們又在附近,於是便決定一試。我喜愛吃素叉燒,家人想吃素鵝,於是叫了一個拼盤,原先想要小的因為只有兩個人吃,但他們說如果選小拼盤只有很少素鵝和素叉燒,於是便要了大的,不過大的也不是太大,所以都不會變成浪費食物,至於這兩樣東西的味道都不錯,值得再吃。我們另外叫了一個羅漢齋炒麵,麵很脆很好吃,亦不會太鹹,這個也是可以一試的。

因為這晚在「龍鳳廚坊」吃了檸檬，唯有臨時改變原定計劃，在附近尋找吃飯的地方。行到這附近，老婆仔提議不如去食齋。這主意不錯呢！也有一段日子沒吃過齋了，就這樣決定吧！但......這附近哪裡有齋菜館呢？本來想到彌敦道地庫的一家的，但後來竟然在途中見到這一間應該開張不久的「自在素食」，橫豎沒有幫襯過，又已經肚餓，於是改變主意，入內幫襯。這是一間非常傳統的齋菜館。樓高兩層的館子，地方不算太小。店門前擺放有一些傳揚佛學道理的刊物，店子近門口處又有地方擺賣齋鹵味、齋包點等，牆上也有一些佛陀釋迦牟尼的畫像，加上侍應生全部都是一些上了年紀的大叔、嬸嬸，給人的印象真是非常傳統。這間齋菜館的齋菜選擇原來都幾多，而且絕大部分都是比較傳統的菜式，較新派的菜式不是完全沒有，不過就比較少，那些假刺身、假鵝肝等就更是不會見到。既是這樣，那就簡簡單單叫碟「羅漢齋炒麵」，一碟細「齋鹵味」，再加碟冬天最當造，自己又十分愛吃的「清炒豆苗」做晚餐。「齋鹵味」雖是小的，份量都幾多，除了齋鮑魚只得兩件外，其餘的齋叉燒、酸齋和咖喱齋都有不少，味道正正常常，作為吃主菜前的小吃，都不錯。「清炒豆苗」份量也多，沒加配料的豆苗，清清淡淡的

今晚與爸媽4人, 約5點半打算去福臨門, 不過太早,還在清潔, 要等..見到對面有間"自在素食", 爸說去試試啦...好... 就去試試....只是叫:涼瓜炒鮮腐..... 好勝瓜炒(忘了)...好羅漢齏炒飯...好粟米粥....普通總括都好好...會再去

老細出了差, 而寶寶又交了給父母暫管. 難得輕鬆的, 早點回港. 兩個人, 行行旺角, 食個晚飯. 逛了一會花園街, 買了一些必須品. 大家肚子已經餓, 需要找地方食野, 身在太子道的我們, 正在想想那一家茶餐廳時, 突然想起界限街新開了一間齋鋪. 二人決定試新野.呢一個鋪位, 係界限街, 彌敦道, 長沙灣道, 大埔道既交界, 再加上那條由長沙灣道搭去界限街冒天橋, 聽聞, 係風水學上, 呢個位既殺氣係非常重的. 而事實, 呢個鋪位, 做親都係食肆, 但頂多做到年令生意. 這次開了一間齋鋪, 以前關帝鎮不到, 希望呢次籍著觀音娘娘的慈悲, 來教化一下呢一種殺氣.....(以上只是個人推測)...兩個人入來, 受到熱情的招待. 感覺上, 新店為了口碑, 一定會熱情一點. 要點茶, 開點心卡. 格局佈局是傳統的齋鋪. 安頓好自己後, 首要是看看有什麼好食. Menu上, 食物品種多多, 又想食小菜, 又想炒粉麵算數. 看到menu的最後一頁, 有套餐. 二人套餐包一個羹. 羹, 是一個鼎湖上素羹. 侍應好細心的, 知道某部份素食者應為蛋不是素, 落單時問多了一句, 加蛋怕不怕. 有時的確要

星期天來素店當然要事先預約，結果果然不出所料，當晚全店爆滿。原來這店子有樓上雅座，裝修還不錯，店員服務亦不錯。最深印象的是接聽我電話的老闆娘，事緣我在電話查詢是否有「無蛋無奶」菜式的事，她便說「當日我一定會親自介紹步適合的菜式給你」。結果甫坐下來，便有位女士走來問「你們當中誰是訂座的人？」 她真的記住了我，說等了我很久。她來之前對想吃的菜式已心中有數，那時候趁機問一下老闆娘，加上她的推介菜式，並說明要走蛋奶及素肉後，菜式很快地送來了：芥菜是當造蔬菜，可能廚師怕大家咬不爛這麼長的菜，所以煮得很熟很「淋」。如果早點起鍋會好些。茨汁味道適中，有水準。茄子是走了油的，所以茄子表面有少少油。味道有一點濃，很適合配白飯吃。這款炒飯是老闆娘推介，有淡淡的薑味和欖菜味…說真的，濃味的欖菜是很難煮得淡淡的，這裡卻做到了。好吃！所謂的素雞是鮮竹而不是素肉，太好了！這裡的薑辣度適中，怕薑辣的朋友也能吃進口。而我愛薑的香氣，當然吃得最多。這裡有糖水附送，但我當日喉嚨不適沒有吃，故忘了是什麼。每裡每款菜價錢不高，味道適中，吃得出無用味精，又能吃飽飽，個人認為這是太子／旺角區內較值得去的素店。