至尊雲吞麵雞煲

營業中

休息中

前日有啲無聊去咗食至尊雲吞雞煲 嗰度嘅雞煲味道好似幾唔錯 然後仲叫咗個水煮魚煲 個水煮魚煲呢係酸酸地應該係酸菜魚煲嚟嘅 佢入面呢係用自助形式打邊爐嘅啲魚呢就幾玩啲湯你又酸又入味打起來都幾好食 而入面個炸饅頭呢更加係必點之選呀外脆內嫩真係好好味再加埋啲奶奶汁嘅執啦就真係好好味 完全必需要點嘅一道菜 你去嗰度呢仲有好多唔同嘅嘢飲同埋汽水畀人哋任心啦有可樂呀雪碧呀呢啲基本嘢啦仲有cc檸檬啦呢個味道真係非常之一級但佢嘅豆漿都係必點㗎同埋佢個凍檸蜜都好正呀 唯一嘅缺點就係冇甜品

呢間成日都好多人排隊，所以我一般就食18：00嘅時段。一大特色，唔使200，任飲任食，可以無限添雞煲嘅雞，啲雞好入味，食厭雞就叫佢開湯轉打邊爐，打邊爐嘅嘢食就普通啦，最可惜係無酒牌，無啤酒飲，但咁嘅價錢，咁嘅質素，我覺得好抵。

至尊雲吞雞煲係屯門都有啲聲譽，於是尋晚抱住一絲期望扶老攜幼一行7人去幫襯。起初覺得味道不錯，但係啲雞嘅質感越食越奇怪，開始質疑乜雞黎㗎？到食完雞煲打邊爐，食物出得慢，份量又少，我數過啲肥牛得1人1片，總之質素就差，唯一覺得幾好嘅係水餃同雲吞，全程兩個鐘，我地淨係夠時間叫兩轉食物。可能你會覺得138蚊你仲想有咩要求？但我會諗比多廿蚊158會有好好嘅選擇！唔洗係度食垃圾！.....................

間鋪只會叫大枱同2人。4人枱1張到唔叫係咩意思。問佢又借口多多。唔想做生意就咪派飛喇。(等左2個鐘幾鐘。只係叫左2張4人枱)。但其他就係咁入。浪費哂D時間。呢d日子等到預左。但等2個幾鐘到係入過2張4人枱係咩玩法。？

屯門置樂呢間雞煲實在係我嘅favorite,就算夜晚嚟到要排隊都唔緊要，因為真係極！好！味！我本身就唔食得辣，坊間好多雞煲都無得揀唔辣，唯獨呢度係會照顧唔食得辣嘅人即使係叫唔辣，佢仍然係好惹味！雞好滑唔會老。同埋啖啖都係肉架，試過其他雞煲不論貴嘅平嘅都做唔到呢樣野，成日都比骨人啜食完唔夠又可以加雞任加都得！而且仲可以打埋邊爐，應該有嘅餸都齊曬，而且雞煲餸湯底實在係世界級！我仲好中意佢地自己煲嘅菊花茶，唔會太甜又可以下火，必試推介

抵食 好食 同埋好好服務～ 讚！初初諗住食雞煲，同朋友諗住開胃d，難得入元朗一定要食埋晚餐先走，點知個酸菜魚煲好出色～ 野食野飲任叫，姐姐態度又好。最後，同朋友都致下次再黎食

第一次全家人尼食至尊雞煲，咁岩撞正星期五六日，價錢會貴d！ 原來假期同埋假期前夕都會貴小小，所以最好就揀平日去食抵d啦。味道方面，個人認為可以更香~ 但係百幾蚊任飲任食差唔多架啦！其實已經好好，值得一試。雞煲有得揀大中小辣，小辣真係無乜辣味，食得辣可以揀辣d。如果覺得辣度唔岩，可以係加雞既時候轉辣度！另外，平時出去食雞煲通常d雞都已經熟左，就咁食都無咩問題，但試過有次加雞發覺d雞紅紅地，可能太多人，又或者佢遇你會煮一陣啦～食完雞煲可以叫餸打邊爐，又可以叫小食！飽死！最滿意既地方就係野飲任飲，唔係淨係得罐裝氣水，可以叫普通茶餐廳都有既飲品，e.g.凍檸茶/奶茶果d，我就會叫凍朱古力（係餐紙上面無架哈）

星期日晚去食，由八點半排到九點半（一時會叫五人枱、一時又會叫三人枱，總之四人枱就五人可先座、二人枱就三人可先入座，因為佢地計人頭嘛)... 直係少d毅力都想放棄！啲碗嚟到超污糟，仲有d漬未洗乾淨！😤叫坐個+$50椰子煲雞, 有啲椰子、竹笙咁，竹笙不可以任食的！但個湯ok, 是很清甜. 👍🏻唔明點解將落單紙，每次要再問阿姐攞！好麻煩~奉勸各位一定唔好每次tick太多款，實溜咁幾樣!!😡👎🏻：- 肥牛 - 雞件🤦🏼‍♀️：- 粉腸- 豬紅👍🏻: - 蔬菜- 水尤- 雲吞- 茶餐廳飲品 e.g. 凍華田👏🏻: - 炸饅頭- 免加一$139/位收費確係平，但食物、環境質素好一普，全家人話無下次！大家如果鐘意9:30pm先食，就不用點等位。因為啲嘢會埋曬！坐到11pm都會叫你last call~Btw, 我屋企人其中一位當晚有肚呵 💩💩

服務方式:填紙仔後，店員上菜，加湯外賣或堂食:雞煲嚟講，兩者都有堂食就任食任飲外賣就包料座位:有少位卡位，即使唔係卡位，檯面空間都足夠放野食野飲，唔會好迫餐牌:早午市就係茶餐廳野晚市就雞煲任食語言:廣東話等侯時間:不設訂位拎飛等位星期六經驗係1830前入座就唔洗等個場1845左右已滿食物種款:有好幾款湯底，貌似都唔錯但任添雞嘅就只有一種，可以揀辣度或不辣正常火鍋配料都有，雞子，魚肚等比較少見嘅食材都有，唔洗加錢比較特別係有炸饅頭野飲方面，汽水，茶記水吧野有得任飲，但啤酒要自費價錢:128全包138假日價兩小時任食點評:- 雞煲味道唔錯- 配料叫嘅都有上，未出現無嘅情況- 檸茶奶茶都有得任飲- 炸饅頭唔錯相:

嘆完午餐後﹐在銅鑼灣逛了一會後，便回到屯門市中心附近，晚餐是雞煲。店名是至尊雲吞麵雞煲，早上是茶餐廳，晚上就變成火鍋店。不記得從那一年開始，雞煲熱潮卷席全港，每一個地區，必定有十幾間主打雞煲的火鍋店。屯門當然亦不例外，以且愈開愈便。以這間店為例，任飲任食每位只需138元，除了雞外，還有肥牛，以及其他一般的火鍋材料，飲品也有數款，包括一般茶餐廳必有的奶茶，咖啡，檸茶，檸水，還有自家特制的羅漢果杞子菊花茶，味道不錯，可以清熱。這間店的座位不多，大約有十五張枱左右，不到晚上六點半便滿座。先品嘗主角雞煲，由於我們選了BB辣，程度剛好，雞也有雞味，肉質不老。不過其他的火鍋材料就真的十分一般，包括我最愛的肥牛，太肥，太差了。另一樣比較出種的食品是炸饅頭，即叫即炸，十分香口，包質軟熟，我一口氣食了兩個。總括來說，一分錢一分貨，這個價錢，可以一試，或者如果囊中羞澀，但又想大快朵頤，也是可以的。

呢間雞煲已經食過幾次都覺得唔錯，啲雞又夠滑，仲要任fill，超抵。諗住襯今日係閒日去回味下。三個人等位等咗差不多一個鐘有得入座，都可以接受嘅...但係啲雞煲變咗啦😩雖然肯定唔算難食，但啲雞(辣)堅係鞋😩。叫唔辣就滑啲，但偏鹹😩我之前食過幾次都係食雞食到尾，今次係第一次要加湯打邊爐。由於係雞煲店，個邊爐我都無乜期望。都係一般打邊爐會遇到嘅問題，不外乎啲餸嚟少咗，啲料唔夠新鮮果啲啦...不過始終雞煲先係主打，其他唔怪得佢。唯一能夠保持水準嘅係炸饅頭。一樣係金黃色，卜卜脆，正！

早一晚已打電話排隊拎飛。星期一放工,我地一行6人,2人先行,但都係要齊人先入得計2小時,好準時。雞可以無限添食,揀咗bb辣（因為有同事唔食得辣),佢醬汁比較少,雞係熟的,可以一上枱就食。我地6人,佢比兩個爐我地。飲品無限飲,最特別係有凍檸茶。又可以叫佢比檸檬底、加冰,自己再拎罐可樂變凍檸樂,我飲咗兩次👍👍👍但係湯底無咩味,後來我地加多6人份的bb辣雞(無限食),放落湯底,就有返d味。豉油、辣豉油、芫茜都有。粟米好食,其他一般,見佢都滿座。鏝頭必食,一人食一舊剛好。環境不錯,服務都迅速。不過真係好準時執枱,因為keep住有人,$128一位抵食。

呢間雞煲食過3，4次了，確實係又平又抵食；但經常要排隊，除非晚上6點前去到，星期六、日7點黎的話分分中排1粒中🤢。店內其實幾迫，因為太多人了，夜晚長期滿坐。呢啲環境，要預左侍應呀姐無咁好服侍架啦。2粒鐘，大約每位$140(不收加一服務費)，任食，無限添雞，可以食饕2粒鐘雞，或者打下邊爐，汽水都係任攞(自取)。雞煲係置樂花園呢區最好食，唔肥，夠入味，夠辣，溫馨提示:小辣已經夠辣，中辣要食得辣嘅人先好試。通常我都食2轉雞先開始打邊爐，打邊爐餐單其實都係一般任食果啲野，呢個價唔會有海鮮啦，都係果堆大路丸腸菜d fd啦。呢個價，呢個質素，其實係好抵食。特別介紹**炸曼頭**(有煉奶提供)我第一次去覺得好奇怪，點解啲人食雞煲打邊爐，但張枱有碟**炸曼頭**呢…係近乎張張枱啲人都會叫，有人叫完再叫。我第二次去就跟人叫黎試下，又真係幾好食😂即炸，熱辣辣，外面勁脆👍👍😇每次黎係必食😋希望大家都去試下炸曼頭嘅威力😅

話說呢度小編已經嚟過好幾次，基本上每晚都好多人排隊😎我諗屯門人一講置樂雞煲都知係邊間🤣好幸運地今次三個人入去竟然坐到卡位😆其實唔止雞煲咖，仲有蘿蔔牛腩煲、咖哩香雞煲、椰子雞煲同酸菜魚煲等等😆不過淨係至尊惹味雞煲可以任加雞🍴#至尊惹味雞煲😋好味指數：(7.5/10)嗌咗中辣嘅雞煲，都幾麻辣🤣今次啲雞斬得有啲細🤔不過食落去雞肉唔會韌，任食呢個價錢嚟講質素真係唔差😳食完雞煲就可以加湯打邊爐😚如果加完湯想食返雞都冇問題！因為可以任加雞咖🐥而且加嘅雞都係炒雞🤤肥牛同豚肉片就不過不失🤔配料都有好多咖，特別推介餃類😝雲吞、魚皮餃同水餃都幾好食，皮薄多餡😘丸類亦都唔錯😍特別推介大家嗌炸饅頭😍拎到出嚟真係熱辣辣，咬落去仲脆口，點埋練奶勁正(嗌咗好多碟食)😋仲有油炸鬼嗌添🤔除咗汽水之外，仲可以嗌凍檸茶同奶茶果啲，亦都可以自己出去斟豆漿、漢果杞子菊花茶等等😋.💰收費星期一至四 $128位星期五至日、假期及前夕 $138位小童兩歲以上及三米或以下 $68位💸設有最底消費星期一至四 $256星期五至日、假期及前夕 $276.⭐溫馨小提示📌可以打電話book位😎📌2-5位成人可選用一款湯底，6位成人或以上可選用兩

今日食咗個麻辣打邊爐，覺得幾好味㗎又足料，佢有任食又唔係貴，一個成人128蚊咋，食咗好多嘢都覺得飽飽地，下次會試埋佢個雞煲， 但係佢嗰個雞煲真係好鬼香， 下次食完個雞煲之後我會再上嚟寫食評， 總而言之今日佢個打邊爐超正