臺坊 (加拿分道) (已結業)

見完客特登行過來食,可能今日落雨堂食唔洗等位,店面小小,有種一人前飯堂咁既feel,都好整齊乾淨餐牌一系列台式麵,飯,小食,飲品,都好多選擇,一個人一個胃,所以我都係叫咗3樣嘢.🔮鹽酥雞肉燥拌麵 便當盒上餐, 濃濃的台灣味,肉燥好出色,有好香嘅肉味又唔肥膩,拌麵一流. 鹽酥雞即炸香脆,雖然睇落去乾乾地,但係食落去外脆內嫩,很不錯呵,仲有半隻鹵蛋,整體份量好多,尖沙咀來講又幾抵食喎🔮椒鹽豆腐  豆腐剛炸起,大大件,表面脆口,入面豆腐滑嘟嘟架,配埋上面淋咗少少自家醬汁,好出色嘅小食！🔮小麥胚芽奶綠🥤  胚芽味嘗算可以,不太濃,茶味都有D淡,不過食完味濃既肉燥,飲番啖淡淡地嘅奶綠,都可以接受嘅！店員好有禮貌💁‍♀️見我食唔哂,我都未開聲問,就拎定個便當盒蓋俾我,幫我打包.仲提我拎傘走,可能見我係咁影相,驚我唔記得啩！

原本約左朋友係尖沙咀食另一間野但由於遲左好多收工行程打亂哂就求其去厚福街搵食算😂趕到身水身汗都唔想諗咁多見街口第一間係佢就入左去😗總括黎講味道唔差想食台灣炸物時可以考慮下佢.🍴海苔魷魚鬚 $40 💛8/10海苔味偏淡 所以唔好有錯誤既期望想好似落左shakeshake粉咁濃味😂但炸粉調味係足夠唔會話食落淡而無味重點係新鮮熱辣大大份超抵食👍🏻兩個人share啱啱好.🍴炸豬扒冷麵 (胡麻醬) $63 💛7.5/10🍴鹽酥雞冷麵 (胡麻醬) $63 💛7.5/10雖然款式普通 但開胃又飽肚兩款炸物都脆身啖啖肉而且冷麵特別適合天氣熱既時候食☀️另外不得不提 要記得加佢既辣油香麻但又唔會好辣加完即刻幫個面加多0.5分🤩.🍴珍珠奶茶 (跟餐) $8 💛7.5/10🍴水蜜桃冰紅茶 (跟餐) $8 💛7.5/10單售$21杯 兩杯都冇伏水蜜桃唔係個種好假既藥水味🍑如果想解渴 個人覺得呢杯仲好過珍奶😌

上次食左個麻辣雞絲冷麵同飲珍珠奶茶，今次再嚟，就食個芝士煙肉蛋餅同香辣牛肉刀削麵。芝士煙肉蛋餅新鮮滾熱辣整出嚟，仲要用個圓形pan仔裝，感覺好似喺個pan整完即刻畀大家食。嘆一嘆凍之後，一夾個蛋餅，芝士拉絲個感覺好自癒😂，咬落去啖啖濃郁嘅芝士，但煙肉就嫌少得滯😂至於個刀削麵，分量都幾足夠，刀削麵硬度適中，小可有餐廳會配青同紅蘿蔔，辣到都接受到，啲牛肉唔會食到有渣，推薦最後加杯唔太甜嘅蜂蜜柚子茶完結呢一餐飯$124完成呢餐飯，咁樣睇係有啲貴。但冇計，當刻太肚餓🤣🤣🤣

途經厚福街， 發現轉角位有間未見過既台灣食店。見餐牌既價錢都算親民就入去品嘗下。我同友人今次就叫左芝士肉鬆蛋餅同鹽酥雞冷麵 。兩份食品既食物份量岩岩好。 而蛋餅每一舊都好厚身，味道適中，食2舊都開始滯。如果肉鬆可以多D肉鬆， 味道會仲出。鹽酥雞冷麵就不過不失。

👤人數：2💰埋單：149🍽口味：正常🍽菜份量：標準但足料一位朋友同我推介，話性價比好高，肉俾得好多，搞到我都流嗮口水🤤咁岩經過尖沙咀，決定一試。一定要試佢檯面個辣椒醬，真係好好味！！竟然有八角！同有麻味，好香，吾會好辣。推薦！🍜紅燒牛肉麵（牛肉愛好者必食）牛肉應該有3-4條左右，估計應該係用牛肋條，所以煮出來味道好香，油分都好夠，可以加錢加牛筋加6蚊竟然有4條！真係好良心。🍜藥膳手撕雞米線，我個人覺得就正正常常，藥膳味道唔係好濃，米線偏硬，但手撕雞唔柴，ok🥤香芋珍珠奶茶（跟餐飲➕12蚊）唔係鮮奶，偏甜，正常

有冇鍾意食台灣牛肉麵既朋友🫶🏻🫶🏻話說個日等夠鐘打波又唔知食乜好，諗起之前有朋友介紹叫我要試下呢間既牛肉麵，見有時間就去食下，果然無令人失望😜（10分為滿分：🌕）味道：🌕🌕🌕🌕🌕🌕🌕🌕🌕🌑紅燒牛肉麵($65)個麵一上枱睇黎平平無奇細細碗咁，但了開黎睇見到有兩至三舊大既牛腩同兩舊牛筋，仲有白同紅既蘿蔔🤩🤩講番味道先，牛腩算入味唔韌，牛筋亦好出色，口感岩岩好仲要個份量好多，麵就係普通上海麵，啲白蘿蔔都算幾清甜，但略嫌有少少渣，佢個湯底牛味好重好惹味，但油份略嫌多左少少🫣🫣珍珠奶茶(+$8)珍珠奶茶茶味夠濃，叫微甜真係做到微甜🤣🤣珍珠有咬口但珍珠本身有啲甜😛😛價錢：🌕🌕🌕🌕🌕🌕🌕🌕🌑🌑淨計牛肉麵65蚊唔算好貴，加8蚊有野飲，尖沙咀地區閒閒地食個飯都60up,，呢個價錢算合理，同埋見佢啲飯類係5x蚊，lunchtime黎食都可以一戰🤑交通：🌕🌕🌕🌕🌕🌕🌕🌕🌗🌑位於厚福街個入口附近，地鐵站出好快行到，唔建議揸車因為呢度日日都好塞，搭地鐵應該會仲快🤓環境：🌕🌕🌕🌕🌕🌕🌕🌑🌑🌑鋪頭比較細，大概有8-10張枱，個日去到咁岩唔使排隊即入，位置都比較窄，環境唔算超級大🫣🫣性價比：🌕🌕🌕🌕🌕🌕🌕🌕🌗🌑呢間牛

冇帶手提電話📲於是乎出咗去外賣拎返公司食😅見平時成日都好多人喺呢間等位😳我估應該好食嗎🧐外賣叫咗一個肉燥手撕雞飯加台式凍飲+$12合共$72。個飯質唔得，手撕雞雞肉不夠嫩滑😣肉燥略為咸。😖整體唔難食。不過想吃台灣嘢也不想再吃它。

🇭🇰臺坊·呢間餐廳我之前已經post過㗎啦 雖然佢menu選擇唔算好多 但係樣樣都唔錯🤤依家呢個天氣我其實唔會特別好想食牛肉麵 但係上次我同事嗌完 個樣勁吸引 所以我又跟風嗌 果然超正😈😈·紅燒牛肉麵$55 l 珍珠奶茶 +$8佢個紅燒牛肉麵湯底好濃 而且佢個麵質好好 彈牙得黎好掛汁😍之後佢個牛肉份量好多 而且煮到淋曬 又唔會柴🐮而且佢個蘿蔔都超甜 不過佢呢個湯面頭係有層麻油咁樣嘅 所以雖然食落好香 但係食到最尾會有少少偏油🫢🫢所以一定要嗌野飲 佢呢度嘅珍珠奶茶係出奇地好好飲 我自己就鍾意佢個奶茶多過奶綠 而且佢珍珠嘅質感都好好🧋飲唔曬仲可以攞翻office飲 開心🥳·#rbyeat#rby台灣菜#rby尖沙咀 #rby大埔 #rby灣仔 #rby太和·📍尖沙咀加拿分道49號地下C號舖📍大埔太和路12號太和廣場1樓121號舖📍灣仔駱克道137-147號香江大廈地下A號舖

厚福街呢邊多咗好多餐廳，次次行過都好想入去食呢間！今日終於有機會啦😆😆6點幾入到去已經要等一陣間，先有位坐！因為佢店舖唔算大，坐到約10幾個人咋！！而且似乎係俾附近工作嘅人食個快飯！！所以都好快就有位！！紅燒牛肉麵 $65性價比超高！！一大碗，超滿！！！！有紅蘿蔔白蘿蔔同牛腩牛根，都係勁大條！！一個人我懷疑都食唔哂！！麵質超好，類似關廟麵咁樣，好好味！！食完好滿足☺️餐飲+$12要黑糖仙草！！仙草份量多！不過略略覺得唔夠滑！！！另外仲叫咗碗藥膳手撕雞米線 $60藥膳味唔算好濃，啱哂怕藥膳味嘅人！但見到有杞子，藥材係湯入面！！米線相對比較林，熱愛林米嘅人可考慮😎手撕雞超嫩，好味道！！！今個餐我地加8蚊要珍珠奶茶☺️☺️好抵!!!仲要好好飲！珍珠超chewy!!茶底係earl grey黎，飲得出好香！！！

話說落去尖沙咀買嘢，然後見到依間台灣嘢的的骰骰，個人又唔係太肚餓，走咗入去食。然後叫咗個麻辣雞絲冷麵🍜同珍珠奶茶。🧋個珍珠奶茶冇咩特別。麻辣雞絲冷麵，辣辣地都幾好食。😋😋價錢方面，$60一個冷麵加$8珍珠奶茶，中規中矩，但如果用食物質素去比較，都算係抵食。👍👍雖然地方細小，地方較為狹窄，但若然你尖沙咀想食台灣嘢的話，呢間餐廳都值得推薦。如果下次有機會再嚟呢間嘢，可以試下佢啲台式蛋餅，應該都幾好食

就算夏日炎炎，🥵🥵🥵流晒汗，都要試吓呢間台式牛肉麵！👍🏾👍🏾👍🏾舖頭細細但碗麵都算大，今次叫咗紅燒牛肉麵同香辣牛肉麵，仲有芝士粟米蛋餅。牛肉麵有齊曬牛肉牛腩牛筋，麵入面嘅蘿蔔同白蘿蔔，個蘿蔔勁好食😋😋 ，啲麵就正正常常冇咩特別，份量都幾好。個芝士蛋餅好脆好足料，幾滿足，唯一可惜嘅就係啲芝士唔夠熱唔夠溶🥲🥲🥲雖然鋪頭細細，但入面嘅服務好好。但座位就唔算多，隨時想堂食都未必有位。

I have been a long time didn’t eat Taiwanese food!! I ordered a beef noodles. The broth were rich while the beef is so tender! Unexpected yummy!

成日經過但都冇去食，今次終於食佢😍✨芝士肉鬆蛋餅又芝士又肉鬆得唔得㗎！🤣好邪惡，芝士仲要有拉絲㗎😍蛋皮又唔會話太厚，啱啱好✨蝦肉春卷雖然乾咗少少，但啲蝦肉都好彈口👍🏻但個人覺得呢個唔太抵食✨鹽酥雞冷麵 天氣咁鬼熱🥵當然要食冷麵🤤可以燒消暑降降溫😂麵就冇乜特別， 但個鹽酥雞幾香口！✨小麥杯牙奶茶正正常常一杯奶茶加杯牙😂但對肥米黎講就甜左少少下次可以食個湯麵#臺坊 📍尖沙咀加拿分道49號地下C號舖

咁耐冇去台灣，梗係好想食台灣嘢啦，難得嚟到尖沙咀，知道有一間地理位置好方便嘅台灣食品，叫做臺坊，我都會見到坐滿晒人，好受歡迎，有時行過仲要排隊添！而我今次都唔執輸，見唔使排隊，即刻入嚟試一試，雖然座位唔算多，但都幾舒服，唔會覺得好迫！我今次就叫咗好受歡迎嘅牛肉麵，台灣食品，紅燒牛肉麵就一定好出名，寫呢啲嘢一定唔會有伏，難食嘅機會率好低！碗麵一嚟到，都真係幾大份，男仔食都應該會夠飽，所以呢個價錢，都算幾抵食㗎！牛筋炆得好淋，牛腩都炆得好入味！呢個紅燒牛肉麵來講算幾好，絕對唔會令人失望！之後我仲叫咗一杯台式嘢飲，係荔枝紅茶椰果！仲可以揀甜度嘅選擇，揀咗少甜！都幾好飲，茶味都幾香！原來呢度仲有好多飯都要選擇，下次一定要再試下，我諗應該一定會有高水準嘅質素，唔會令人失望！

次次經過厚福街都想食，今日終於去咗食佢，好開心店員安排咗窗口位俾我坐，窗口對住街外吃東西有一份悠閒感😌-紅燒牛肉麵 $60牛肉唔韌同蘿蔔一樣好入味，湯頭濃郁🤤-鹽酥雞肉燥拌麵 $60鹽酥雞外層香脆、調味足夠，肉燥剛好夠香，撈麵一流👍🏻-麻辣海蜇雞柳 $30呢個必叫，海蜇好香麻辣味，而雞柳夠夠麻又夠咸香😋-香炸雞翼 $31生炸雞翼脆卜卜，外層落咗椒鹽😋咬落去肉汁鮮嫩，啱啱炸起都係冇得輸🥰-珍珠茉香奶綠 $8茉香奶綠清清地幾好飲，珍珠都好Q彈😙-黑糖仙草凍 $12黑糖味夠香濃同仙草好夾又唔會太甜🤓-呢度雖然唔大但上菜快～水準中上，全部即叫即整，啱晒附近返工嘅上班族💼