臺坊 (加拿分道) (已結業)

一講起想食台灣嘢，就會諗起位於尖沙咀厚福街旁邊嘅臺坊，唔好睇佢舖頭細細，每次經過都坐滿人㗎！所以可想而知佢幾受歡迎！食物質素都有一定嘅保證！食台灣嘢，第一時間梗係諗起鹽酥雞啦，脆口又惹味！係好多香港人嘅至愛，咁當然包括我啦！八卦問一問店員，原來好多客人都會揀鹽酥雞食品！咁我都梗係唔執輸，叫返個鹽酥雞麵啦！賣相都算幾好嘅，唔會搞到一pat嘢好核突，啲肉燥都尚算夠撈麵食！唔會搞到好dry！我仲叫咗杯荔枝綠茶，都幾好飲，唔會太甜！又可以解渴！誠意推薦！知道原來仲有紅燒牛肉麵食睇落賣相都幾正，下次一定要再嚟食！同埋呢度嘅價錢都尚算又平又抵食，性價比極高！啲味道又好食，絕對唔會中伏！而飲品方面都幾出色！大埔仲有分店㗎，下次都會再去食埋先！

今日行街經過尖沙咀，有啲肚餓，搵間嘢食食個下午茶。😋☀️見到呢間台灣野喺正街口，行到攰就入咗去坐。一睇餐牌，估唔到佢店仔細細，食物選擇都好多👀 有台式飯，面，鹽酥小食，涼拌小食……今日見唔太肚餓，就叫兩個小食試一試！叫咗一個芝士粟米蛋餅，同埋一個甜不辣🤤佢嘅食物係即叫即整，上到枱熱辣辣。炸物好脆。甜不辣外脆內煙韌，上邊諗咗一啲照燒醬，好惹味。佢哋雖然係炸出嚟，但係一啲都唔油。蛋餅分量十足，一個人食都差啲食唔晒。入邊嘅計時份量好多，有拉絲嘅效果！粟米亦到唔少，每一啖都有粟米同埋芝士，好夾🤤🤤呢間小店嘅服務都唔錯，店員們都非常有善。可以喺尖沙咀呢個鬧市入邊，有一間小店可以坐得舒舒服服，take 個break, 非常唔錯!

放學想食個lunch，咁啱入到呢間台式餐廳。坐低後order 左1個鹽焗雞肉燥飯。飯到後，就係檯下面既櫃桶拎左一個膠匙，膠匙既大細就係用黎筆甜品既小匙，然後我就去問一個女店員想換一個大d既飯匙，女店員竟然十分沒有禮貌地反問我：「呢個匙係咪唔可以拎黎食飯？」我本來都冇話想計較d咩，我咪講翻話「呢個匙太細喇，我想要個大少少既匙食飯」，然之後女店員再次反駁我「我地餐廳淨係用呢種匙黎食飯㗎wo」我當場無語，之後女店員身後既男店員好似都覺得女店員既語氣太差，即刻拎番個大d既匙比我。其實我都係想要個大d既匙，直接換一個比我就可以。女店員既態度真係十分有問題，希望你地可以改善呢個問題！

尖沙咀依d 旺區，想搵位食飯唔易。一個人想快快手食完又唔想食快餐，可以試下依間台灣餐廳。係厚福街，十分易去，食完坐車走好近。門口唔太起眼，入面唔係太多位。我6點幾都要坐左5~10分鐘先有位menu 唔花巧，一眼睇哂。其實好多野都想試，可惜一個人食唔到幾多野。小麥胚芽奶茶跟餐+$8正宗台灣味道，唔太甜。有d小麥胚芽，感覺健康d鹽酥雞肉燥飯$60尖沙咀黎講，唔算貴。正宗台灣貨色。坐我對面果個台灣人都會黎依到食。份量可以再多d, 不過味道一流。

因為疫情嘅關係，可能冇去過旅行，所以今日特登走去食台式食物，食下鹽酥雞飲下台式飲品，今次黎到尖沙咀呢間臺坊，地理位置都方便！喺尖沙咀中心，地鐵站行過嚟5分鐘內一定行到！超方便！雖然呢度舖頭細細，坐嘅位置都唔算好迫，同隔離位都有些少嘅距離，未至於背貼背！所以都還好！揀左鹽酥雞肉燥飯$60，由於本人重口味，所以叫咗多汁，而店員都好好，可以俾我揀多汁！一黎到，賣相真係超吸引！四舊鹽酥雞，仲有半舊滷水蛋！味道真係好正，真心嘅！啲雞炸得剛剛好，嫩滑多汁，一啲都唔乾！好食！之後仲叫咗荔枝椰果冰紅茶！超級多椰果！不過未到爭少少偏甜，下次如果可以嗌少甜就Perfect！呢度食物質素真係幾高，下次一定要再試其他嘢！

喱間食過幾次， 肉燥飯就一般， 反而香辣牛肉麵就好食， 好食到想飲晒啲湯， 雖然我無飲曬一碗牛肉麵有晒牛肉， 牛筋， 紅蘿蔔🥕，白蘿蔔好豐富佢係先比錢， 再搵位坐低食野， 鋪頭細間

啱啱同朋友去完The one 行街 , 行過對面就見到呢間係厚福街街頭嘅台式料理，見到入面有少量座位，通常啲人以外賣為主，行到攰攰地，我地梗係揀堂食餐廳入面穡身掛滿咗好多明信片，而入面不斷播住台灣歌，好懷念去台灣旅行時嘅開心，店內仲有好多台灣人嘅相片令人非常想念台灣佈置非常簡約地方整齊清潔鹽酥雞炸到非常香口，一啲都唔油，最重要係留得住啲肉汁，雞肉又夠滑，係啲肉燥上面加咗少少菜譜，又唔會太鹹，啲面撈埋啲肉燥一齊食，非常好味飯同面上面都會加半隻雞蛋但是滷水燥肉，十分濃郁，肉質大有少少肥肉令到味道更好味加埋上面啲菜譜增加咬口個人非常推薦肉操面攪拌後仲吸盡所有嘅肉汁非常好味椒鹽豆腐加$26就可以跟餐外層炸到金黃色入面嘅豆腐香滑有種入口即溶嘅感覺，即叫即炸熱辣辣面層加左一啲椒鹽，上面加咗些豆瓣醬，辣辣的，非常惹味，又香口小麥杯芽茉香奶茶，跟餐只係加$8，相當經濟實惠我叫咗走甜少冰，啱晒我口味，杯芽非常多，口感一流，保留左奶香同茶香嘅香味黑糖仙草凍，黑糖都幾香，唔算太甜，仙草好滑，天氣咁熱，真係消暑良品

厚福街一向多嘢食今次試左對正馬路既台式小店😗野食高汁但係價錢貼地不過地方有啲細 想食嘅朋友記得要早啲去排隊啦=== === === === === === === ===1️⃣ 🍜香辣牛肉麵【$60】牛肉牛筋炆到超腍 肥瘦均勻 一啲渣都冇入口有化開嘅感覺🌸 咬兩下就feel到d骨膠黏住牙🦷湯汁食得出有花椒八角 蘿蔔索哂湯汁 好正🤩食唔到十小辣既都可以一戰成碗麵超級足料 絕無欺場 值回票價🤣2️⃣🍗鹽酥雞肉燥飯【$60】肉燥飯配4大舊鹽酥雞同半隻滷水蛋肉燥既調味唔會死咸 撈飯食真係一流總會有人食鹽酥雞嫌人哋炸到好乾唔使驚 因為小店既肉燥鋪滿成盒飯嘅三分之二即管用啲肉燥同佢沖涼啦😛3️⃣ 🧂椒鹽豆腐【跟餐$26 單價$36】6粒炸到靚靚仔仔既豆腐面頭輕輕撒咗少少椒鹽,甜豉油同埋油蔥酥(定好似炸蒜）4️⃣ 🐥香炸雞翼【跟餐$31 單價$37】表皮酥脆唔厚 緊緊鎖住肉汁每啖落去都卜卜脆 熱辣辣就算擺到最後食都冇問題 表示很滿足😌5️⃣ 🧋珍珠奶茶/小麥胚芽奶茶【跟餐$8 單價$21】係咪傻左 跟餐加$8咁平😂😂仲要d珍珠同胚芽都幾重手下不過珍珠奶茶就偏甜少少 下次叫返少甜

位於尖沙咀厚福道口的「臺坊」，店舖門前經常見到熙來攘往的人群，大大的招牌，行經加拿分道時必定見到。「臺坊」店舖面積不大，但卻非常搶眼，食物種類算多，都是臺灣出名的食物，飯、冷麵、拌麵、小食、飲品都有。《紅燒牛肉麵》$60大大碗牛肉麵，麵和牛肉都很多，這價錢在尖沙咀區簡直是超直，牛肉軟腍入味，麵身軟硬適中，最驚喜是發現有牛筋，好正啊！《鹽焗雞絲冷麵》$57手撕雞和冷麵是絕配，再混合芝麻醬和芝麻粒，令人食指大動，在炎熱的夏天食最適合不過。《芝士栗米蛋餅》$42這是「臺坊」的皇牌菜之一，一定要試。薄薄的蛋皮包住栗米粒和芝士，又香又甜，還很飽肚呢！《小麥胚芽茶香奶綠》 加$8很喜歡胚芽的飲品，茶的奶味不太濃卻很滑，也不太甜。正好掛住臺灣的朋友，記得有空來這裡試試。

好耐無食過台式料理啦，行行下街見到開喺呢個街角既臺坊，應該開左無幾耐，見入面座位好少，諗住黎個快食。坐低揀好野食要先去cashier落單，由於未算好肚餓，都係想試下既心態所以都無叫好多。 紅燒牛肉麵 ($60)，簡直係出乎意料之外首先佢個湯係勁香，有好濃郁既牛肉湯味牛肉好嫩，完全唔韌牛筋好入味，夠晒腍，仲要大大件。而且啲蘿蔔都係好入味，白蘿蔔無起渣。食完成個麵係會想飲埋啲湯架，飲完都唔會覺得口乾果種 加$8要杯珍珠奶茶，少甜少冰既甜度係啱啱好~之後跟餐加$26叫左個甜不辣，至愛台式小食之一，夠晒煙韌，配埋少少甜甜地既醬料好好味。 最後仲叫左鹽酥雞 ($40)，份量就唔係好多，不過係幾大粒，唔會太鹹，算幾夠味，雞肉唔會好嚡，幾嫩滑。整體上呢間野都幾高質，幾值得下次再黎食

今日食咗台式小店做dinner味道同服務質素都唔錯cp值都幾高🐱炸豬扒冷麵（$60）豬扒炸到外脆內軟，非常juicy冷麵以日本麻醬、蟹柳、青瓜絲作為撘配🐱鹽酥雞肉燥飯（$60）肉燥入味不會太鹹，好配飯鹽酥雞份量充足，好飽肚🐱小食－甜不辣（$26）、茄子（$26）小食跟餐有優惠甜不辣係台灣魚糕，夠煙韌最惹味係茄子，廚師炸到好似天婦羅咁，配肉燥嘅同時又唔會淋，好有口感，又多汁，係推薦嘅小食🐱飲品加8蚊就得，推薦奶綠二人埋單$188

中秋節早放工但係又唔想咁早返屋企等食飯，就去尖沙咀行下街喺the one原本想行去k11， 行過路邊有這間台灣食店，睇落個餐牌唔係貴就食個快飯再行街我叫咗個香辣牛肉麵加野飲加八蚊，抵玩就加埋牛肉麵份量唔算少， 最後係啱啱好食得曬 牛肉係份量算多，有三四條牛肉+ 三四條牛筋,另外又有白蘿蔔又有紅蘿蔔感覺冇咁邪惡😆牛肉同牛筋都夠淋,蘿蔔食落都冇根，不過唔係好夠甜，整體嚟講都係好食嘅另外一個驚喜位係杯半糖少冰嘅胚芽奶茶， 有時好怕台式嘢飲淨係得個奶味冇茶味，呢個有驚喜，有茶味胚芽分量都不少，另外真係做到半糖，剛剛好另外因為佢嗰啲座位系吧檯式，望出街外面，感覺都覺得幾有趣， 睇住人來人往的街道 ，以下圖片稍作分享😆😆食飽出去再行過，祝大家中秋節快樂

[• 臺坊 •]尖沙咀平價之選 咁多野食200蚊都吾洗😋小食有驚喜🔥-✨鹽酥雞肉燥飯 ($57)平時食台灣野叫肉燥飯 食幾啖就冇哂肉燥 但黎間有海量肉燥 食極都仲有😍😍鹽酥雞香脆吾厚粉-✨香辣牛肉麵 ($57+$4）加左4蚊轉刀削麵 麵質彈牙軟熟 平時最怕食到好硬既刀削麵 好彩黎間吾會 牛肉好好食 又吾會韌 至於湯底就冇咩辣味 如果辣啲就惹味好多-✨黃金茄子 (跟餐+$25)茄子有驚喜 本身以為只係炸茄子 點知有肉燥淋係面 好惹味😋-✨炸花枝丸 (跟餐+$34）數量有5粒 花枝丸又彈牙又香口🔥-✨黑糖仙草凍 (跟餐+$12)叫左少甜 味道岩岩好 亦吾會膩同滯 杯野有好多仙草 飲極都仲有好多 岩哂鍾意食仙草既人🧋-📍 尖沙咀加拿分道49號地下C舖

本身要喺尖沙咀學嘢，早到咗就諗住搵吓厚福街有咩食啦，比我見到呢一間新開嘅台式料理，裝修都幾乾淨，於是就入咗去啦。 落單要去到收銀機俾錢，之後就會有人送上嘢食㗎啦，我就穩穩陣陣叫咗一碗紅燒牛肉麵($60)，轉咗做刀削麵(+$5)。飲品就叫左小麥肧芽奶茶(+$8)，純粹好耐冇飲過。飲品上咗先嘅，用膠杯好似出邊叫台式手搖飲品咁，見到個面有好多肧芽，都幾足料喎，不過當我以為飲飲下就得返啲奶茶嘅時候，原來飲到最尾下邊沉晒底，都有成吋半厚嘅肧芽未飲，好足料，只怪自己唔搞下個底…. 紅燒牛肉麵嘅餸就po哂係上面: 有三嚿大嘅紅燒牛肉，兩嚿大蘿蔔，仲有啲紅蘿蔔添。首先真係要讚一讚，蘿蔔同紅蘿蔔都好甜，一啲都唔苦，而且煲得好淋身，食到一半嘅時候，用湯再淋上面，正😄 湯底都好清甜，不過帶少少辣， BB辣左右，牛肉都好淋同埋本身都夠味，而且唔會好多筋位。刀削麵就比較厚身啦，唔似其他正宗刀削麵咁薄薄一片，比較粗同厚身，煙煙韌韌咁，一條一啖連埋個湯，幾高質。

地點非常方便，位於加拿分道厚福街交界轉灣仔，佢店仔細細，一應俱全，飯、麵、小食、蛋餅、台式飲品都有。員工有禮，雖然係小店，但服務唔錯！上菜雖然快，但都係整叫即整熱辣辣架。充滿台灣小台風味！我叫左肉燥乾拌麵，再加$12飲黑糖蘆薈仙草凍，好抵食！肉燥乾拌麵- 熱辣辣，份量都幾多，仲有半隻滷水蛋，麵軟硬度適中，煙韌有咬口，我鍾意佢肉燥上面仲有啲榨菜粒，咁多左份爽脆口感，每條麵都掛到肉燥，淨食肉燥都唔會覺得鹹。黑糖蘆薈仙草凍- 黑糖味好出，夠香但又唔會太甜，仙草夠滑，有少少回甘，蘆薈爽脆。