影片
港鐵太子站 E 出口, 步行約8分鐘
繼續閱讀
電話號碼
26887388
93893998 (WhatsApp)
開飯介紹
港式火鍋店，湯底橫跨不同的亞洲口味，亦供應多款高質刺身、小食及清酒。座位寬敞舒適，並設有特色霓虹燈，打卡一流，適合和家人及朋友分享。
繼續閱讀
營業時間
今日營業
18:00 - 23:30
星期一至日
18:00 - 23:30
以上資料只供參考, 請與餐廳確認詳情
有關獎賞計劃
天氣凍凍地就去咗呢一間餐廳到打邊爐，餐廳職員好好咁介紹個餐牌有咩好食俾我哋知，介紹我哋可以食精選二人套餐，仲拎左個調味醬料俾我哋混醬，個XO醬係佢哋師傅自己整，真係幾夠辣同惹味。精選二人套餐包左小食3選1: 揀左蟹籽墨魚薄餅有四大塊，口感煙韌，加上有啲蟹籽粒同芝麻粒，增加口感。鍋底4選1: 芫茜皮蛋豆腐湯開心有好多芫茜🥰🥰肉類3選1: 極品封門柳，用左紐西蘭頂級封門柳部份，先唔點任何醬汁就咁食，牛肉味好香濃，好有肉汁，食左呢個牛都覺得呢個套餐好抵食，份量又多。手打鮮蝦丸併墨魚丸，每樣有兩粒，個鮮蝦丸真心推介，見到同食得到有原隻鮮蝦，兩樣都好彈牙同新鮮。自家製餃子雙拼4選2: 揀左鮮蝦水餃同黑松露豬肉餃，黑松露豬肉一咬開就好重的黑松露味，好特別；鮮蝦水餃都係食到大大粒鮮蝦肉，加埋啲木耳絲好爽口彈牙好食。仲包咗一份生菜主食2選1: 揀左稻庭烏冬仲奉送飲品，我哋加左$15要竹蔗茅根水，幾清甜好飲，又唔會太甜。另外再叫左個酸薑皮蛋，好開胃的小食；仲有西班牙黑豚肉，好大片，豬肉肥瘦比例剛剛好，唔會有豬嘅臊味👍👍總括呢間打邊爐真係好推介，食材新鮮，所有職員都非常之好服務又細心，十二個人仲可以包房添🥰🥰
繼續閱讀
✨️今日我地想介紹這間有氣氛火鍋店就是「舅父仔火鍋專門店」，我們看見其他網友們的食評後決定來吃，第一次來吃。當時不用排隊等候，直接入座坐卡位，今天餐廳人流也不太多，算寧靜和有電視看，也有打卡位打卡有氣氛的。🥰今次我們吃二人餐$4681️⃣有一款小食 (三選一)我們選擇了黃金炸魚皮，份量比較少，不過熱辣辣和很香脆，味道不錯。不過真是很唔夠喉了。2️⃣自選鍋底(四選一)我們選擇了芫茜皮蛋豆腐湯鍋，不過有少插曲就是我們發現湯底沒有落皮蛋😱立即找服務員跟進，最後他們看見湯底內真的沒有皮蛋確認是廚房漏放了，立即補回給我們和送多一份皮蛋給我們。3️⃣肉類 (三選一)推薦吃極品封門柳，今次我們選擇了吃極品封門柳，賣相很新鮮和大大片。灼一灼很快轉色熟了。4️⃣手打鮮蝦丸併墨魚丸(4件)每人一人一粒鮮蝦丸和墨魚丸，吃落去真的彈口。5️⃣自家製餃子雙併(4件) (四選一)，我們選擇了鮮蝦雲吞和鮮蝦水餃，今次也是一人一粒🥹餃子和雲吞內的餡很多，好吃嘅，高質嘅，不過又是唔夠喉。6️⃣時令蔬菜一份，有菜吃健康。7️⃣主食類(兩選一)，我們選擇了稻庭烏冬，一人一個夠唔夠飽就看大家的食量了。8️⃣每位一罐汽水，我們選擇了無糖可樂9️⃣我們額外散點了一份牛骨髓$78份，普普通通，份量還好吧。😍大家睇完今次我分享的火鍋店係咪好吸引？冇推介錯啦！黎試下啦💪😋真係好食呢💕⚠️不過價錢方面係有一點點昂貴，還是收加一服務費，但食物質素是高，是好味的，不過不是很抵吃，因為同區其他火鍋店也有一些比這裡更平。我們個人的評分如下: 🥰味道 (5/5)🥰環境 (5/5)🥰服務 (5/5)🥰衛生 (5/5)🥰抵食 (2/5)📍舅父仔火鍋專門店📍福華街39號地舖💰平均每位大約消費：$300.5 (總計$601)
繼續閱讀
前菜小食揀咗香脆雞軟骨，唔厚粉，好香脆，味道啱啱好。冬天啱晒打邊爐，叫咗個麻辣雞煲小辣，嚟到見到好多配料，有芹菜、洋蔥、辣椒香葉等等。醬汁味道非常濃郁，原罪乳酪，香氣四溢，雞件部位分布，均勻，有雞翼、雞髀、雞背、雞胸等等。食完雞煲，可以叫侍應加湯打邊爐。落卜卜蜆，快開口得，肉質飽滿，淡淡鮮味。蝦肉水蛟，入邊配料正常，有木耳絲、蝦肉等等。靈芝菇，成棵放落去滾， 吸埋啲湯汁，好入味，香香軟軟。黃喉，夠彈牙，快熟，唔使滾太耐。最後薯粉同埋待應推介嘅日本拉麵，我放埋落薯粉，吸晒啲湯汁好入味。而日本拉麵好特別，煙煙韌韌，有蛋香味。整體嚟講，色香味俱全，仲有侍應服務好好。👍🏻
繼續閱讀
Fafafoodblog為食花太郎 舅父仔火鍋專門店 🍴精選2人餐 468 蚊🍴黃金炸魚皮 好香脆既炸魚皮 咸蛋黃汁整得剛好 🍴芫茜皮蛋豆腐湯鍋豆腐爽滑 芫茜夠味 板蛋蛋味香 要黎打邊爐冇得輸🍴極品封門柳 封門柳切得大細同厚度適中 🍴鮮蝦水餃配黑松露豬肉餃🍴日本光來拉麵呢隻拉麵 得佢鋪頭先有 日本入貨 要滾火落五分鐘就夠哂彈牙🍴台灣正宗鴨血 58 蚊🦆鴨血好彈牙 咬落有好香鴨血味🍴蟹籽墨魚薄餅78蚊墨魚餅整到好薄好似薄餅甘 口感香脆 墨魚餅新鮮 好味🍴涼拌千層肚58 蚊🐂千層肚用左木耳 牛柏葉 青瓜等等 醬汁夠麻香 辣度適中 好味既凍食小食#火鍋 #墨魚餅 #鴨血 #牛肉 #封門柳 #拉麵 #芫茜 #皮蛋 #豆腐 #鴨血Score 平均分< 8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#舅父仔火鍋專門店深水埗福華街39 號地鋪~~~~~~~~~~~~~~#fafafoodblog #為食花太郎 #fafafoodblog深水埗====================
繼續閱讀
天氣凍凍地專登search吓附近有咩火鍋店，見舅父仔湯底都幾多選擇，專登去試吓。餐廳位置有啲偏僻但唔難搵，夜晚六點開門好快就有幾枱客人。🍽️ 涼拌千層肚 $58酸酸辣辣又惹味嘅冷盤~除咗有牛柏葉，仲有青瓜絲、芫荽、黑木耳，口感豐富。牛柏葉口感爽脆，一啲都唔韌，份量都好多，調味得宜，值得推介！🍽️精選二人套餐 $468套餐價錢好抵，其中包括一款小食、湯底、肉類、手打鮮蝦丸及墨魚丸、自家製餃子雙拼、蔬菜、烏冬或拉麵。小食我哋叫咗蟹籽墨魚薄餅，賣相好特別，有啲似煎熟蛋。夾起時可見入面真材實料，口感偏彈牙而且有濃郁嘅墨魚味，幾特別。湯底補咗差價轉花旗參滋補烏雞湯鍋（半隻）~烏雞嘅營養成份比普通雞肉高，加埋花旗參相當滋補。花旗參磨成粉末，等湯底滾時慢慢加入再攪拌，後期可以按自己喜好再加入更多粉末。加入花旗參粉末後湯底帶有少許甘香，加上烏雞嘅香氣濃郁，忍唔住飲咗兩三碗湯！雞肉亦都非常滑溜易咬，真心唔錯。而肉類方面就叫咗美國手切肥牛（小），肥牛色澤好靚，油脂均勻厚度適中，有濃郁嘅牛味，油花雖少但有豐富油香，一啲都唔嚡口，相當有驚喜！鮮蝦丸及墨魚丸都係店家自己手打，非常有誠意。兩款丸口感都好彈牙，鮮蝦丸內更有少量蝦肉碎粒。餃類我哋揀咗鮮蝦雲吞同黑松露豬肉餃。鮮蝦雲吞皮好薄，蝦肉內餡好彈牙，完全唔似自家製嘅質素。黑松露豬肉餃內餡口感結實，食落充滿黑松露嘅香味，好特別好滋味~最後仲有跟生菜及稻庭烏冬，夠唒飽！店員同我哋推介餐廳自己煲嘅竹蔗茅根水(+$15)，味道清甜而且好解渴，非常適合打住邊爐飲！.雖然餐廳位置隔涉啲，但係服務超級好，店員非常殷勤又好細心咁介紹嘢食，一定會再幫襯！
繼續閱讀
您可能會有興趣的...