興樂菜館

營業中

休息中

今日難得放假，一朝就同屋企人入長洲玩，租間屋過晚夜唔使咁趕。長洲魚蛋，芒果糯米糍嗰啲唔使講，去沙灘玩咗成個下晝， 夜晚梗搵個地方食餐飯。係人都知長洲興食海鮮餐，揀嚟揀去，就揀咗呢家興樂， 七點嚟到已經差唔多坐爆曬， 諗住冇乜驚喜，但食落去畀起個價錢一啲都唔失禮。我哋三大一小叫咗八個餸，因為真係好肚餓，圍返起都係五十幾蚊一個，有海鮮又有小菜，算係咁，揀嚟揀去揀咗八樣餸，分別有 :椒鹽鮮魷夠香口，新鮮，點喼汁食無得輸椒鹽瀨尿蝦 份量都多，略嫌唔係好夠味豉汁炒蟶子 送飯必選，濃濃豉椒味，但新鮮啲就更好蒜蓉粉絲蒸扇貝本人至愛，炸蒜粉絲無得輸，但得4隻，多人黎食可能要加大魚香茄子煲呢個我鍾意佢有咸魚，出奇地唔油，味道同出面酒樓無分別，必叫蒜蓉炒西蘭花4個字，無驚喜椒鹽豬扒夠份量，味道一般腰果肉丁好有鑊氣，腰果夠脆口，要係又叫總括黎講，呢間野咁爆場係有原因，價錢比其他幾檔便，味道未試過其他就唔評論，呢間都算大件夾抵食 雖然味道唔係碟碟都咁好，但咁嘅價錢，絕對收貨 環境嚟講，都係一般大排檔環境，上菜速度可能因為旺場，慢咗少少。但下次再嚟，都會同屋企人再試返呢間。

本來見食評幾好，想係隔離食完啲好難食嘅嘢之後再喺呢度開餐補翻，點知態度勁差！是日下雨，打電話去訂枱話唔使定，最後夜晚去到冇位！落住大雨，叫我地如何是好！見到有兩個人坐係張12人搭枱，我地話想搭枱，阿姐話唔俾，佢話你冇問過過客，點知人哋想唔想同你搭枱😔你係職員，你唔問又唔比我問，即係佢叫我走唔好幫趁遮！落住大雨仲要受氣，算了！最後唯有行過隔離食個芒果糯米飯補番下！長洲海鮮真係嫲嫲，反而食啲甜品同小食仲過癮！

同男朋友去左長洲一日遊慶祝拍拖三個月紀念，但竟然唔記得左晚飯要訂位，結果恒樂full booking 唔接客囉，最後食左隔離間興樂。個待應話$188 包三餸，再送時菜同例湯添。個待應勁積極，即刻叫其他枱啲客移過啲，突登開張枱比我地，雖然啲位係窄啲，但誠意搭夠。我地叫左椒鹽九肚魚，蒜蓉粉絲蒸蟶子，豉椒炒蜆，仲有佢送既蒜蓉炒菜心同粟米湯。一坐低先黎個大大碗粟米湯，正所謂食之無味棄之可惜，下次可以叫啲待應慳返，廢事要佢地洗多隻碗。再黎椒鹽九肚魚，雖然啲魚唔算好新鮮但勝在夠熱辣辣，以衣個價錢黎計都算係不過不我啦，而且係堆九肚魚中間，餐廳靜雞雞送多左兩舊椒鹽鮮魷比我地添。之後黎碟蒜蓉炒菜心，正正常常，不過不失啦。再黎豉椒炒蜆，啲味ok 喎，又夠大碟新鮮同夠熱，食咁大碟都係得兩粒有沙，都算唔差啦。最後黎碟蒜蓉粉絲蒸蟶子，味就淡左啲，但啲蟶子都算大隻，粗過隻姆指，粉絲就乾咗啲，仲有好大進步空間，如果揀豉椒炒會可能好啲。不過埋單$188免加一，待應又欣勤，啲野食又夠熱同大碟，食到飽晒都叫可以啦。我地走時仲見到啲人係外面排緊隊等位，好彩我地食得早唔駛等位姐。

好耐都冇嚟長洲，拜年……睇怕已經最少十年冇嚟咯！有朋友係原居民，有佢哋帶路，更加唔憂冇好嘢食。近呢幾次入嚟食晚飯，佢哋都係嚟呢間，佢哋話呢間D嘢食……穩定D。的確……食過幾次，次次都係假期，都唔會差咗。真係唔錯，尤其係……棘酒煮花螺！可惜平日冇時間嚟，我諗……平日應該會更好！

最近天氣涼返少少, 就同左屋企入咗長洲Day Trip去到即刻醫肚先, 上Openrice發覺好多人都讚呢間興樂菜館唔洗等位直接入, 我哋就坐室內嗰邊, 叫左五款海鮮小菜Set $288第一個餸就係咖喱炒蟹, 不過不失第二個餸就係豉椒炒聖子, 呢個係幾好食嘅!第三個餸就係椒鹽賴尿蝦, 點知發覺「梅」嘅........所以我哋就要求換咗另一個餸, 結果換咗鴛鴦骨 (椒鹽骨+京都骨), 送飯一流第四個餸呢就係西檸雞, 甜酸度啱啱好最後就係豆腐煲, 都幾入味個人覺得小菜好食過海鮮, 如果當食大排檔CP值還可以, 但如果為食海鮮就有更好選擇啦!

First time having dinner in Cheung Chau and it really impressed me. There is an array of seafood restaurants near the seashore promenade and the prices of the seafood are reasonable, $188 for 3 dishes, $238 for 4 dishes in Hing Lok restaurant. The waiter there even arranged an outside area for us that I could definitely see the moon  when I looked up and with the sea view!!Nothing is better than good food, beer, and view! Had an enjoyable night!Good flavouring  and with lots of fried crayfish!!W

長洲出名食海鮮，一出碼頭向左手邊方向行有好多做海鮮既大排檔呢間餐廳未到6點已經出現人龍一行3人要等1個鐘多d先有位約7時入座，在2張大枱之間既走廊位加一張小枱比我地，2個女仔座一邊，另外男仔座，位置係有d迫叫左5菜1湯3個菜係$188..之後每加$50就多一個菜蒸聖子：有一打，分量夠，但有2隻聖子有沙炒蟹：有3隻細蟹，有膏蒸黃立倉：本身係清蒸，可以要求轉鼔汁，朋友話食倒家既感覺夠4人食九肚魚：係即炸，但有小小唔新鮮，肉質有些散炒西蘭花：正常粟米魚肚湯：好味，夠5人食..但我地得3人整體唔錯，起碼海鮮冇霉，冇分量小，煮得好食，這個價錢有咁多人等位係應該8:30走..仍然有一條人龍，但其他鋪頭係冇

今日雖然好熱☀️🔥 但男朋友都肯陪我入長洲玩喔 yeahhh☺️ 期待左好耐去户外拍拖 去長洲食海鮮啦！🙆‍♀️🙆‍♂️上網做定research🤔 好多人都讚呢間興樂一分錢一分貨 cp值高！我地就揀咗呢間食完中午先玩啦！🙆‍♂️🙆‍♀️ 要左三餸小菜: 椒鹽鮮魷 清蒸海魚🐠 豉汁炒聖子 加多支啤酒🍻椒鹽鮮魷新鮮炸起 顏色鮮艷又靚！每條都肥嘟嘟漲卜卜咁💁‍♂️💁‍♂️💁‍♂️ 仲有唔少魷魚鬚添！😝 鮮魷好新鮮 炸粉都唔厚 好味道喔☺️聖子嘅份量比我想像中多😯都幾鮮甜既！食落亦都冇沙 不過就老左啲💁‍♂️🤔應該係因為事前灼左先炒💁‍♂️ 所以豉汁味冇滲入聖子入邊 得表面夠味 自己點啲豉汁嚟食都okay既😆清蒸海魚就俾咗條黃立倉我哋 食落都幾嫩嘅 不過又未至於去到新鮮捉新鮮劏🙇‍♀️ 就正常蒸魚咁囉💁‍♂️$188 三餸都差唔多了🙆‍♀️ 起碼份量可以接受🙆‍♂️

去到離島，唔食海鮮好似差緊d 野雖然食左成日，臨走見時間和個肚都仲有d 空間咁依稀幾年前跟同事黎其中一間食，味道和份量都唔錯，可惜又無記得個名，憑張舊相上的格仔檯布，在碼頭附近試下搵返呢間海鮮酒樓再食，好彩又搵得返喎去到天未黑，就差唔多坐左8、9成人！2個人食就整返個$188自選海鮮小菜套餐好簡單就在個list 任揀3款，唔駛怕要指定跟其他配搭咁就直接揀好三款海鮮，有小狗在身上，都係唔好要食得複雜的菜式。可能呢度廚房和樓面都知大家食完要趕船，手腳快，上菜效率高。蒜容蒸蟶子講真呢個價錢，本來都以為細細碟得幾隻，但上到枱份量都夠和味道仲非常好，蟶子無蒸到過老，粉絲又無乾晒水椒鹽鮮魷出去食小炒，椒鹽系列點都要有一碟炸完就上枱，外面粉醬唔會過份厚，鮮魷又唔韌，夠惹味紅燒班腩呢個真係夠晒大碟，班腩新鮮唔駛講，仲要大大件，下面仲有少少菜、肉絲和菇伴碟，個芡汁少返d d 更好總結：食海鮮 呢度味道和份量真係無得輸，最緊要食完埋單放心，真心推介，記住預返時間黎等位，好東西要排隊是常識 ;p

原本最後一餐飯局，開開心心食海鮮，成排舖頭， 冇目標，入咗一間話之前幫襯過飯店。開頭想散叫，但職員話套餐抵d ,咁叫套餐，叫咗三樣海鮮，五樣小菜。其中一樣係豉椒炒蜆，嚟到吃嚇死我， 我食頭一，兩隻蜆已經好多沙，之後開d 埋口殼，冇肉但一堆黑黑地色沙，好恐佈，咁諗住叫伙記睇下d 蜆，伙記一手攞走，話唔好意思就走咗去，跟住我們找個似話得事伙記換過一碟，點知佢過你們差不多吃囇，一張枱八個人，一人一隻，仲有一半又話差不多吃囇，冇得換.我真是好失望，我心諗你們鬥平買海鮮，但d 海鮮又唔新鮮， 連蜆都唔先去吐沙，基本處理都做唔好，唉！😖其他小菜一般 ，可能都無咩食慾😫

同老公難得一齊放假 入長洲悠閒一天遊當然唔少得食盡長洲美食啦！去到晚飯時間 打算食海鮮餐 咁就上openrice搵下食評先 之前就係求其入一間 搞到又唔好食份量又少 大失所望！今次做定功課 搵間穩陣既！就係海旁既興樂菜館啦！可能質素有返咁上下保證 七點零去已經有人排隊啦！排緊隊見到人地食嗰啲野賣相都不錯！佢有幾樣餐既 今次揀左四餸 $238 薑蔥蟹 細細隻 肉就無乜架啦 但味道都不錯白灼海蝦 新鮮！唔大隻 但都彈牙既！依個好食啊！椒鹽九肚魚！ 粉唔多 外脆內軟！份量都幾足下！加個海鮮豆腐湯 其實係魚湯！好飲 啲料又食得！加枝藍妹同可樂 埋單唔使三百蚊！ 係好食既！係幸福既

今天到长州看了推荐到这来尝鲜。 点了4碟....尝后满失望的。椒鹽赖尿虾: 味道还可以、虾不新鲜豆豉炒聖子: 太咸、聖子有沙、又老又硬又柴清蒸倉魚: 不錯蒜蓉粉絲蒸帶子: 帶子太老、味太鹹

上次黎長洲果陣試過呢度既晚餐，覺得價錢抵之餘食物份量同質素都唔錯，所以今次再番兜。好彩佢仍然保持到水準，為今次既長洲行山之旅劃上完美句號!~收付同1月果陣一樣，都係3餸$178，所以我地兩個人叫左三款餸，分別有椒鹽炒鮮魷、鴛鴦骨、豉椒炒蜆除左鴛鴦骨上次無試過之外，其餘兩款都係番兜，仍然保持到水準，正!!椒鹽炒鮮魷呢度既椒鹽鮮魷係令人食完又想食既一道餸，除左粉薄、魷魚大件之外，魷魚味亦相當香且肉質彈牙!! 以$178三餸既價錢，除番開每款都只係$60係市區以呢個價錢根本食唔到咁好味既椒鹽鮮魷，所以每次黎都一定要點佢，必吃!!鴛鴦骨貪心既我本身想兩個人食4餸，因為中意食唔同種類既野，但最後擔心食唔哂，所以只係叫3個餸 (其實3個餸我地都食唔哂…)結果叫左個鴛鴦骨，送到上枱見到個份量，多到根本就可以做兩個餸京都骨同椒鹽骨，雖然味道普通唔算出眾，但配埋價錢抵、份量大、肉又夠鬆軟，所以成為又一抵食推介豉椒炒聖子雖然個低係用聖子殼墊高左，會令人以為聖子只係疊高左貎似好多，但其實個分量真係唔少。呢度用細隻版聖子，不過勝在炒得好香、好食又無沙等異物，粗略估計都有廿零隻聖子架最後，不得不讚，呢度既白飯裝

今晚約左朋友晚飯，我地一早就要選定入長洲食晚餐。長洲對於我同呢個朋友黎講好難忘嫁，我地年少時，有晚諗緊食咩好呢⋯⋯即興話不如入長洲食海鮮咯？？有提議及有和議後就事不宜遲即刻塔船入去食海鮮同芒果糯米滋。而家就唔再年少啦，不過呢，青春嘛⋯⋯襯青春就做返青春先做會既事情。今晚又約定放左工後又衝入長洲食返晚！佢夠晒比面，係大圍放工後轉地鐵又轉塔船入長洲食好西！上次我地食完晚飯，服務員叫我地認住紅色格仔枱布，下次搵返佢。但我朋友就覺得佢食過既綠色格仔枱布個間好味d,咁今次我地都搵返佢地啦。我地兩個人好狼死咁叫左六款海鮮小菜。都係$328 姐。好平呀！平時市區$328只係食到兩個餸。我差不多一人獨食左碟🦀。。🤭🤭。。雖然睇蟹蓋都知佢細隻，但都好有肉。而其他呢。。略嫌東風螺欠缺鮮味，扇貝細隻左d, 其他都ok.🔸🔸🔸🔸🔸🔸🔸🔸🔸題外話。。我就飽到爆。。但亞朋友仲有空間可以食到炸水魷🙄不過一般水魷煮法都係灼、煮。。長洲呢個小小推車檔有少少特別。係炸既 ，再落淮鹽。不過呢串$13（朋友已經食左一半鬚鬚），以長洲物價黎講，我個人就覺得有少少貴囉。但無所謂啦，開心就好！

黎到長洲必定會想食海鮮,不過太夜街市的海鮮檔都收晒工, 又唔想ORDER 菜館的海鮮.所以就決定只食小菜啦~~~窩貼小棠菜呢個必食, 全長洲得呢間先有(當然其他菜館都有佢地的招牌菜,例如隔離鋪有水煮牛).廚房師父話呢個係用墨魚加切碎的小棠菜, 外面真係炸得好鬆脆,每咬一啖都有卜卜聲. 個沙律醬要唔要都得.裏面好彈牙, 食到D 菜個感覺有D 清新, 唔會啖啖全肉咁, 真係好好食鴛鴦骨其實係京都骨拼椒鹽骨......椒鹽骨唔算太惹味, 不過京都骨配白飯就好GOOD 喇有ORDER 一個上湯白菜仔, 賣相一般所以無影到相, 味道合格啦