興樂菜館

營業中

休息中

海鮮套餐每位$300 (連啤酒汽水)之前長洲試過其他，價錢差唔多但海鮮品種少而且食唔飽，相對今次抵食而且好食，因為樣樣海鮮都夠新鮮，不過都有兩個餸麻麻地(見下)。 四人一台份量都好足，每枱都食剩一啲亦有人打包， 最後仲上埋生果……… 夠曬圓滿！如果上埋糖水我就真係以為去咗飲店員服務及環境地方一般般1. 清蒸生蝦2. 西芹班球3. 蒜蓉粉絲蒸聖子4. 白菜豆腐魚骨湯5. 豉椒炒蜆…… 麻麻地6. 菜膽雞……麻麻地7. 蒜蓉炒魚腩骨……OK 8. 薑蔥花蟹9. 金銀蛋莧菜……OK10. 乾燒伊麵11. 揚州炒飯

難得入到黎長洲，梗係要食返餐海鮮啦！🤤🐟🦐🦀我哋行到門口，餐廳姐姐就同我哋講佢哋專做街坊生意，所以冇其他舖頭做遊客生意咁貴，而且保證質素好！咁我同屋企人見到價錢都算抵，而且大熱天時，雖然未到食飯時間，但姐姐話入邊有冷氣可以坐下抖下先，咁所以我哋就即刻入咗去啦。姐姐都好熱情咁樣介紹有啲咩餸好食，佢仲話我同佢個女一樣都鍾意食西檸雞添！我哋仲嗌左腐乳炒通菜、薑蔥炒蟹同埋姐姐推介嘅清蒸黃立䱽。雖然隻蟹望落有啲細隻，但其實都好多肉，亦都炒得好香口。個人嚟講幾鍾意碟通菜，我哋夾下夾下好快就冇晒😆整體來講呢家都幾抵食，聽姐姐講佢哋平時夜晚都book到滿晒，如果想嚟食嘅話最好就早啲留定位啦！😉

This restaurant offers food with fair prices. Some seafood dishes were fresher than others. When you ask for recommendations, go for anything recommended that’s steamed (you can taste the freshness); however, they may recommended some stir-fried dishes when the catch of the day may not be as fresh (they can mask it with ingredients YEMV). If you want the best bang for your bucket (more $$$), I was told to go to the wet market to get fresh seafood. Then, bring it to the restaurant to cook. Make s

星期五入長洲staycation， 朋友話呢間餐廳價錢最公道，果然平日夜晚食飯都要等位， 不過唔使等太耐。兩個人叫左個三餸套餐再加個炒飯食唔曬。食椒鹽鮮魷最憎就係魷魚硬到咬唔爛，呢間就炸得剛剛好，外面脆卜卜，裡面彈牙，配埋個醬汁好鮮甜。鴛鴦生炒骨就系甜酸排骨，材料新鮮，正常水準。紅燒豆腐班塊好足料，超多舊魚，又滑。咸蛋雞粒炒飯真心正，唔似出面落好多油，但啲飯又能夠炒到乾身粒粒分明。咸蛋唔會太咸，雞粒好嫩口。兩個人食到飽埋數都系300蚊有找。唯一就系個炒飯等左半個鐘，其他餸都到齊但係冇飯配住食，可能系人太多廚房漏單。唔緊要，當慢慢欣賞下海景。

來到長洲當然要吃海鮮，預先資料蒐集，當中興樂的海鮮套餐最吸引我點了四款海鮮套餐：豉椒炒蟶子份量比想像中多，因為坊間好多時都是殼多肉少，但興樂卻用料十足，蟶子都炒得爽身彈牙，豉椒汁很惹味，食材新鮮，推介椒鹽九肚魚看圖都見到九肚魚隻隻都肥嘟嘟很飽滿，完全沒有像多春魚的size，炸得剛好，好滑溜，好好味椒鹽鮮魷冇諗過碟碟都咁有誠意，大大份，兩個人吃到這裏都有點飽了鮮魷的炸漿很薄，沒有像一些酒樓炸出來大件，但實質肉很少。興樂確實貨真價實，性價比極高魚香茄子海鮮以外的菜式也是意外地出色，色香味俱全，原來長洲也有高手，真是意想不到，很驚喜，就算很飽也停不了口吃呢當天是平日，不太多人，兩人像包場一樣飲啤酒歎海鮮，真是寫意重點是以上埋單竟然$300有找下次來長洲一定再幫襯

趁復活節假期前夕，為左避開假期迫爆長洲人潮，所以我就係1/4/2021 入左長洲快閃遊！而且眾所周知長洲海鮮都非常出名！所以晚上我揀左其中一間大熱興樂海鮮菜館！今次2人同行一共食左$248 （任選四餸）當然我就㨂左四款海鮮！個人認為比較划算！總括而言，椒鹽炒鮮魷最為美味可口！新鮮！爽脆！第二推介為豉椒炒蟶子！豉椒汁非常美味可口！蟶子份量適中！其另外的蒜蓉粉絲蒸扇貝及豉椒炒蟹也不過不失！只是份量略為偏少，但就價錢而言！亦屬價比長洲必試之海鮮菜館！

睇咗幾間嘅食評，呢間似乎比較好所以決定嚟呢間。最主要嘅原因都係性價比高。雖然價錢平但係份量都好多。首先椒鹽鮮魷係最滿意嘅一味餸，黎到夠熱又夠脆而且唔會好 “un”, 好好食！蒜蓉粉絲蒸扇貝就不過不失，扇貝比較細隻，但對得住個價錢！炒蟶子好入味，而且份量真係多，好似食極都有咁！至於炒蟹同埋椒鹽賴尿蝦就真係麻麻地，無肉食，但咁平既價錢仲想點？最後叫咗個魚肚粟米羹，都有八至九碗咁多，而且味道唔差，算多魚肚。

上網見興樂要預約先食得 以為好好食所以走去排隊 幸運地很快就輪到我們點知食物令我們勁失望 蒜蓉扇貝個殼係好大粒，但肉得麻雀一同咁細粒 誇張椒鹽瀨尿蝦 正常味道 但隻蝦細過兩隻手指尾 只係食椒鹽味道 冇肉食。 魚正常 豉汁蒸蟶子 蟶子有肉食 但好難食 成餐飯海鮮唔新鮮 最好食係碗白飯加條菜 唔係套餐嘅黃金鮮魷都正常套餐價錢真係好抵 明白咩係一分錢一分貨 但都唔會誇張成咁吧 普通樓下打冷都正常過佢 🤦‍♀️點解長洲變成咁 BTW 員工態度都好正常的 不差 食物係真需要進步

黎到長洲除左必試芒果糯米糍，都離唔開要食下海鮮，沿海旁一列嘅海鮮餐廳，間間都拉客，話幾平幾抵真係好難比較，見OpenRice 呢間算少負評就即管試下，$268任揀四菜，揀晒海鮮都可以，我地揀左白灼蝦，豉椒炒蟶子，蒸扇貝，蒜蓉白菜。個蟶子濕濕碎碎，無鼓椒香味，唔覺係食緊蟶子。四隻扇貝每隻係好似個五毫子咁大，都無蒜蓉香味。不過二百幾蚊，一分錢一分貨，當食過普通嘅晚飯而唔係心目中嘅海鮮餐都可以嘅。似乎附近幾間都係差唔多。

本來幫襯開隔離嗰間嘅，但係因為佢冇開所以就試咗呢間$268，4個海鮮，整體來講其實就係份量比較少，但係個食物質素都合理嘅好似帶子來講就真係比較薄，而且我哋兩個人佢比得五隻，都分唔雲，我寧願佢比四隻但係大少少，又或者六隻但係細少少賴尿蝦又真係比較細隻，冇乜肉好食，我寧願佢一樣重量比兩隻大嘅我，都好過俾啲碎濕濕但係係咁搣殼🥲聖子係算係唔錯嘅，起碼叫做新鮮，份量同隔離都差唔多，相對上面叫做合理食咗長洲嘅海鮮咁多年，其實周圍都差唔多味道一般來講都真係新鮮同埋份量足唔足

7點開始排隊等位，職員無飛比，只係話排隊就對了，眼見前面4個男生一枱，心諗都ok，點知見到位無得坐，一有位職員就call熟客到，等等下，一共等左8張枱，8點2先入座，好浪費時間！無視限聚令，有好幾枱，8-16人，枱貼枱，一紙隔扮有做野，無量過體溫，防疫措施好差！坐低叫4餸，30分鐘先出到一碟菜，再慢慢15分鐘先再出到另一碟，仲要係完全唔熱，暖都說不上，到底放左幾耐，蒸同炸既野基本上好難全凍。平就幾平，味道都還可以，但當然一分錢一分貨，海鮮既質量就見仁見智啦！真心無下次！

晚市外賣自取，叫左個椒鹽鮮魷、白灼花螺、豉椒炒聖子、椒鹽豬扒。椒鹽鮮魷粉唔厚，味道ok，椒鹽味唔夠突出但都算好食，至於花螺佢得白灼包左個甜醬就唔係好夾味，我哋就自行買左支辣鮮露調味，豉椒炒聖子係好食嘅，so far都無沙，但就要小心有碎殼，值得一叫，但係個椒鹽豬扒就好失望，完全無味，連咸都唔咸，呢個就需要改善。整體都ok，份量都幾足，因為外賣就感受唔到服務態度方面係點，但拎外賣時阿姐都有禮貌嘅。4個餸1個飯連加一$309，價錢都算係幾抵。

黎到長洲梗係要食海鮮，碼頭出咗轉左直行，有一排海鮮檔，好多人會攞住個餐牌拉客。如果唔想食太貴，又唔追求好高質嘅海鮮，興樂菜館都係一個唔錯嘅選擇。我哋就嗌左六款小菜套餐 ($388)，喺餐牌任叫六樣嘢都唔過$400，相比其他餐廳算抵。白灼東風螺，份量都幾多，味道就一般，都係鍾意炒嘅會再惹味啲。椒鹽賴尿蝦，椒鹽味都幾重炒得幾香，不過呢個價錢就唔好預佢係好大隻啦，但係拆開左都有肉食嘅。薑蔥炒蟹，蟹就應該係用水蟹唔係啲好多肉嘅，不過薑蔥都爆得幾香，過吓口癮都唔錯。蒜蓉蒸蟶子，呢個有驚喜，份量多，蟶子嘅肉都幾飽滿，食到有鮮味，呢個幾推薦。蒜蓉粉絲蒸扇貝，呢個就明顯係用啲比較細隻既扇貝，其實就冇乜肉食嘅，但係粉絲同蒜蓉調味都唔錯。雖然全部嗌海鮮會抵食啲，但都想食個菜，就嗌咗清炒菜心。呢啲菜炒得夠香夠油，食落幾好食。總括我覺得呢間菜館嘅海鮮一定唔係好高質素，但係調味方面係唔錯嘅，加上價錢咁平，算係抵食嘅。以呢個價錢食到呢個份量嘅海鮮，啱晒黎到長洲想平平哋過下海鮮癮。

抵食 份量多$208/任叫3餸 所以係可以叫哂3個都係海鮮而且海鮮份量都多椒鹽鮮魷好大碟 偷食左好幾舊先影相 本身應該多返1/3豉汁蒸黃立倉 大過隻手 蒸得岩岩好 成條食清光咸魚雞粒豆腐煲 大大煲 豆腐有煎過下 外脆內滑 用長洲咸魚 咸香味濃 係少啲同切得細粒啲 但少食多滋味2個人叫3餸真係食飽飽如果可以出2餸就好啦！呢到都有得做海鮮加工 但呢到距離街市都比較遠 簡單叫個3餸我覺得仲好地圖顯示有小小錯 位置應該係北帝廟向碼頭方向數第4/5檔佢門口又無擺廣告牌 比較低調如果人多又想食午飯時間食會建議先訂位因為我早食12點到都已經有3台客之後見到有班十幾廿人訂左台嘅客黎

套餐268興樂系一排酒樓第三家，吾知道系因為咁，定系食物質量問題，價錢都便差不多80蚊。但奇怪系旁邊兩間都8成客人，哩間得4成，但疫症關係，選擇一間比較人少的。抗疫方便-檯的距離侍應要求很嚴，想推過D張檯都吾得-檯同檯之間有夠曬高的檔板-無度體溫去洗手間經過食物放置地方，吾系咁好叫左一個4菜套餐椒鹽九肚魚- 熱辣辣，系粉比較厚，椒鹽賴尿蝦-味道吾錯，柔都幾新鮮鼓汁蒸聖子-吾夠鼓汁味，聖子蒸得太老同有沙。鼓油王蝦-吾夠鼓油香味，蝦有1/3外殼都軟，大家應該明白。