興記

營業中

休息中

臨近中秋，趁假日同屋企人食番餐海鮮餐慶祝，揀左興記試下。買完海鮮就入去，門面大排檔格局，入到去又幾光猛同乾淨企理喎～俾埋濕紙巾，大排檔泥講都算幾好。聽講燒鵝幾出名，叫左半隻，好快就泥。皮脆肉嫩就未算，但咬落都好juicy，肉質算實淨，無淋到一pat，味道還可以，係略嫌肥左啲同有少少雪味。一舊燒鵝都未食完嘅時間，豉油王蝦碌就勁快出場，好乾身，一滴汁都無，俾蝦殼吸晒，好脆好脆，蝦肉好彈牙(廢話～啲蝦咁新鮮～～～)不過豉油味偏咸，如果可以加少少糖調一調味應該會再好食啲。緊接住豉椒炒蟶子，俾佢拎走晒啲殻，賣相泥講無咁討好，但個人覺得呢個係今餐最好味，無炒得過老，肉質仲彈彈下之餘，濃味嘅豉汁入面食到癮癮約約嘅蟶子甜味～隔左一陣，海鮮湯到，啲料係買海鮮送嘅，有啲細魚仔同蜆肉。湯同湯料分開上，奶白色嘅湯，第一個印象係鮮，然後魚嘅泥味慢慢會滲出泥，呢個時候食番粒蜆，咸咸地又鮮甜嘅味道就會蓋過個泥味。「乜咁大隻」全枱人眼都突埋，食到半飽整咁大碟酥炸生蠔泥😂唔知脆唔脆，因為個人唔食蠔的。咁食下個薑蔥胡椒炒鮑魚啦，「嘩」真係大嗌！好！咸！呀！咸味蓋過晒鮑魚本身嘅甜味，有浪費了好食材嘅感覺。順帶一提，成個餸條

星期六中午去食，來料加工，一入去就sell人哋要燒鵝，見招牌菜起初唔太為意叫了一份 ，一上菜賣相已經好差，咬落去無肉好油，塊皮冇彈性，好戲在後頭，面頭三舊己無乜肉，下面更加精彩，全部都係千年油加皮，你俾返噚晚賣剩嘅都算啦，唔使砌一碟皮同骨俾人掛，起初好好聲氣同啲一般職員理論冇人理扮聽唔到，跟住有職員話係例牌，一般都係肥d,之後我地已經全部人情緒高漲火到爆，那個高級啲四眼佬態度極度惡劣，話應該一上菜就出聲話，食咗冇得轉，大佬食咗一舊已經出事，點知下面一層會中晒伏，反問佢我請返你食你食唔食？佢答唔出，再問佢攞出去比隻狗食唔食？佢又答唔出扮聽唔到，全程食到爆火到無可再爆，收人地＄130一碟尋晚賣剩嘅骨有冇良心架，大排檔收人地酒樓價錢比垃圾人，好過去搶來料加工，豉油蝦炸都好似乾屍咁又無味，炒聖子唔知一半肉去左邊，啲殼就原銀奉還俾你，薑蔥炒蟹，蟹膏又係冇左一大忽，啲蔥完全一整條放落去炒，叫加工？嗰啲所謂嘅鮮魷炒通菜，鮮魷得2件，四個人己吾夠分，啲菜又係好似隔夜咁，油都好似冇換過，千年由再加水 整體員工態度都非常惡劣，特別是疑似高級啲四眼男人，做生意做到咁極度卑劣其實實無下次啦，有良心？瞓得着咩？

本人已經多次光顧興記，今次再次光顧，感覺味道大不如前，侍應態度亦有待改善，我們買了海鮮，上湯龍蝦，味道太咸，椒鹽瀬尿蝦，炸得不夠脆，椒鹽太少😓，果皮蒸鮑魚，味道可以，招牌燒娥，皮仍然很脆，保持水準。鹽焗奄仔等了半個鐘，終於上枱，原先美味既奄仔，此刻覺得一般，短期不會再光顧。

好食到飛起，踢走Blue Monday~嘩…龍蝦鮑魚聖子花蛤扇貝海蝦花螺瀨尿蝦象拔蚌奄仔蟹… 街頭街尾左揀右揀，三聖海鮮檔d海鮮真係好生猛呀！ 三心兩意之下揀左：椒鹽斑馬有羔瀨尿蝦入口鬆脆，中間橙黃色蝦羔帶咸香，真係好味到想叫出聲呀！媽媽咪ya~~~!! 斑馬比起普通的瀨尿蝦肉的確係無咁彈牙， 但佢ge味道係別有一番滋味！ 豆支椒炒聖子夠香！ 夠惹味！夠juicy! 兩碗白飯呀唔該！油鹽水花蛤(粉絲底)清甜味鮮之選興記燒鵝-例牌燒鵝肥美肉嫩，配埋酸梅醬真係一流！椒絲腐乳炒通菜味道中規中矩，如果乾身d會比較好總結： 料靚師傅勁！ 大•滿•足

民以食為天, 為友人慶祝生日自然是想享受一餐好餐。 其中一位好友在屯門住，介紹我們来到興記吃海鮮。 興記是一家大排檔，本身沒有活的海鮮供應，只是負責來料加工。餐廳不遠處，便可買到新鲜海鲜，可以親自挑選，非常方便。但海鲜的價偏貴， 我們買了游水的燕子星，還要了貴妃蚌４個，兩款各一斤，$290.00＋貴妃蚌$60.00共$350.00的食材费用。之後，我們決定蒸燕子星和粉絲蒸貴妃蚌。興記是裝修簡單，也沒有什麼特色，餐廳還算光猛。我們下午5:00pm便到了，但7:00pm要交枱。 5:00pm離吃晚飯時間還早, 我們四人不用等位, 便很快進去了。半個燒鵝是我早上訂好的。燒鹅每件都切得骨肉均勻，燒過的外皮有小小香脆，肉也有小小入味，咬下去也不乾，也不老。再配上甜醬和醬油。我平時不怎麼爱吃燒鹅，都不知不覚的吃了好幾塊。 粉絲蒸貴妃蚌, 蚌肉新鲜連売奉上,爽囗, 葱蒜鋪面, 粉絲蒸很硬,使這道菜有所欠缺。貴妃蚌 HK$60.00(食材無需加一)+來料加工費HK$63.00(1斤)=$123.00清蒸燕子星，蒸得正合適，肉正好脫骨, 魚肉香滑，肉質也不鬆不緊，非常好吃。   燕子星 HK

早陣子家人約了親戚們到屯門海鮮出名的三聖村吃海鮮,我也跟隨來了這兒著名的除了是海鮮,便是非常貴餐廳只是簡單茶餐廳的裝潢,價錢卻是大飯店的級數由於跟親戚們吃飯,所以不太方便周圍影相,以免失禮,但食物還是拍到一些最喜歡這兒的燒鵝,皮脆肉滑多汁,而且不肥膩,肉的部份比肥膏多出很多點上甜酸醬吃相當不錯招牌賴尿蝦則有些失望,醬汁太濃,蓋過蝦肉味炒蝦肉,所以肉是不會滑的,所以味道是最重要,但今次有些失望了飽魚則不錯,相當大隻,吃起來口感有點煙韌而且加上醬汁後,吃起來味道不錯除些之外還回了一些東西,不過價錢要4千蚊真的太貴了,不抵吃

Book吾到食首輪，唯有食次輪，入坐時間都八時半了。可能太夜關係，感覺上服務員及廚房有急著收工的感覺。自携海鮮，買了龍蝦，老虎班及貝類加工。坐底落單不足十分鐘。首先上了一半隻燒鵝先，其後五六分鐘內龍蝦，貝類，蒸魚同一時間上。六個人一時之間睇見檯上所有餸都離到，各人都不知所惜。我都有去過別的地區食海鮮，雙比下任何一間服務質素都比他好。(畢竟是大牌檔)個人而言，進餐是有次序的。你一次過上哂所有野俾我，我打開肚子拉鍊放落去都未放得切。唯有眼見龍蝦及蒸魚攤到凍哂。這不是效率高，而是無質素。於趕收工的情況下煮出來的餸。色香味都不強求了，有感覺浪費了生猛海鮮。上湯龍蝦淡而無味，自己煮應該好食過佢。整晚一共叫了服務員三次加茶及沖水。(心想你仲收得落加一服務費） 平心而論燒鵝除中環及深井外算是市面水準之上。整體而言，一次已足夠了。與鯉魚門比仲差成條街。下次可以俾機會自己發掘更用心及更有熱誠的海鮮食市。

在屯門探完BB後與同事們一同去三聖擦海鮮~~!!在三聖吃海鮮比較麻煩，要先到海鮮店買海鮮，然後在食肆加工，大概每斤$63在海鮮店要格價，差別很大，要小心被劏哦~~只要蝦夠鮮甜，白灼蝦是沒得輸的~~這是在海鮮店買，很鮮味的哦~~椒鹽鮮魷是食肆的小菜，幸好沒有在海鮮店買魷魚呢﹗炸粉頗厚，不夠脆，但夠味又不會過咸﹗可是吃不出魷魚的鮮味粟米班塊也是食肆的小菜，味道OK，很多粟米汁，斑塊也很嫩滑咕嚕排骨很惹味，甜甜酸酸的，很開胃﹗炸得夠脆，而且又不會走失肉汁，不錯﹗花甲是在海鮮店買的，鼓椒炒，很惹味，花甲肉仍很清甜~~蟶子也是在海鮮店買的，加粉絲蒜蓉蒸，勁香蒜蓉呢，蟶子肉仍然啖啖肉，但略嫌較靵~~瑤柱扒小白菜，比想像中大碟，汁料很美味，小白菜也很爽甜，好味道﹗我們一行六人，每位不計海鮮材料費約$100連海鮮則為$160/人水太太曾食過三聖邨的南記，相比之下，興記的小菜較南記的略勝一籌

工作一整天,收工再相約靚太及其兄姊到屯門探望住院的叔公。大家還沒食過東西，所以在得知叔公健康後，便 如釋重負，肚空空的感覺立刻由前到後，由下而上，全身四周也餓得不可開交。經過討論，決定到屯門三聖邨熟食檔(東菇亭)興記食大大隻燒鵝。八點鐘到達興記，也要等候二十分鐘，不是假期都滿是捧場客，這是實力啊！我們一行五人，在不加思索的情況下，立刻訂下一隻燒鵝。再點兩個蔬菜及椒鹽鮮魷。待入座後立刻上菜。原味燒鵝是此次晚飯的主角，牠頭大，髻高且厚，的確是大隻佬的面貌。 燒至棗紅色的外皮如同精美多士的脆，又像包裝薯片的脆，一試就有多重幻想。而本人最愛的位置就是頸和背，其香脆丶似苦且回甘。於是叫來一碗白飯相伴，一淡一濃，天衣無縫。胸肉結實有兩吋厚，需要耐性來品嚐，慢慢咀嚼才會帶出醃料的香，也會食到廚師的心思。五人分享一燒鵝，一肚滿足唔再餓。

屯門三聖出名食海鮮，價錢唔貴，聽左好耐今次成班同事一齊去，入去都幾耐，不過算啦為左美食。除左海鮮仲叫左燒鵝2隻，13個人食，仲有龍dum兩種煮法，鮑魚，龍蝦等等。印象最出色係椒鹽鮮疣，正到爆，蟶子都好出色，龍蝦建議簡上湯，芝士依間太濃麻麻好味，芝士太重味蓋過了龍蝦的鮮甜。龍dum正，好膠質，淡淡肉。其他的不過不失，埋單每位3百幾。

今日老友生日大家都話要食豪D，所以大家就決定去出名食海鮮的三聖出發，一去到就花多眼亂成街都係海鮮檔，行到中間果檔發記海鮮見好多客買緊野同幾多種類，甘多客幫襯應該都誠實可靠，甘就選擇了這檔買我們期待的豐富海鮮餐，果然無選錯😃平靚正！！拿著一袋二袋去老友訂好枱的興記進發，離遠望到興記門口人山人海正在等位，即時贊我老友叻叻👍👍一早打電話訂定枱吾係吾知等到幾時先有枱，第一碟餸上枱了吾講啦你們自己睇，我自己就覺得正！好味！但

其實三聖都有好多海鮮餐廳，但幫襯最多要算是興記，煮工不俗，而且加工費算平. 不過缺點是冬菇亭大排檔，室內冷氣位置不多，夏天想坐室內緊記預先訂座.先到關財記選擇海鮮，其實每次也是到關財記的，檔口規模很大，各款海鮮也有供應，而且價格合理，所以我們其後再來三聖食海鮮，也不用周圍看，直接到關財記好了.這次我們買了三款海鮮: 大龍蝦、扇貝以及龍躉肉也就足夠三人享用.興記茶位 $10/位，加工費每斤 $58，現在連平日晚市也要加一服務費，已經不及以往化算了.上湯焗龍蝦個人超喜歡吃龍蝦，最愛到三聖吃新鮮即煮的龍蝦，以上湯來煮，這次有點失準，味道偏鹹，可幸龍蝦非常新鮮，肉質爽口彈牙，如果淡味一點，會好吃多了.紅燒龍躉頭腩以紅燒來弄頭腩，實在惹味. 而且火喉剛好，肉質嫩滑，魚肉味濃，實在不錯.蒜蓉粉絲蒸扇貝扇貝幾厚肉，不過蒸得過火了，肉質過老，浪費美好食材.其實最近2次來吃，味道都不及以往好，而且平日晚上到來也要加一服務費，所以決定下次試試另外的加工店好了.屯門三聖村熟食亭地下2號舖2458 8637

今晚一行4人係海鮮檔買好海鮮去興記加工，買左六種海鮮，入去由一位女店員招呼我地，問我地逐樣海鮮點煮，態度已經麻麻，好唔耐煩咁；由於佢講唔正廣東話同埋環境較噪吵，我地聽唔到佢講野再問後，佢態度仲超差，我地超受氣。我地話可以全部一次過上菜，開始好快就上左5味海鮮。整體味道算過得去，味道較好的有芝士龍蝦及豉椒蟶子皇。其他煮法就普通,冇特別驚喜...仲有一味要等左40分鐘先到..唉....埋單時應該有個高級少少的店員/疑似話事人過來，佢態度都好少少，最後$728埋單已計加一及茶錢，只收現金，我地俾左$740，冇講到話唔洗找錢，再叫佢俾番手寫單，最後佢只拎左一張寫$740手寫單過來但冇找回零錢，我地等左5分鐘,都係冇找到錢, 而手寫單又寫左係$740, 而唔係$728....咁大家明點解啦...於是我地就冇追找錢了...下次一定再唔番去興記食，呢次係好差經驗！

尋晚原本好開心約左朋友一早入去三聖食海鮮,我地4個買左千五元海鮮到興記加工. 服務我地張枱既阿姐,一開始已經係差服務態度, 問佢有咩煮法,就好"HEA"咁答我地,又表現得極度不耐煩.阿姐磅完D海鮮出來同我地講總數幾多斤,佢自己發音唔準(佢講野係含住沙個種),個到又嘈,我地問佢講咩? 個阿姐發晒火咁講9斤呀. 大佬,我地只係問一次同想問清楚,洗唔洗咁大火氣. 最離譜係我地其他海鮮到晒,我地食得7788咁濟,發現鮑魚仲未到.咁己經費事搵個阿姐問,搵其他員工幫我地追,問左幾個都無人覆我地係咪溜單定點,我懷疑都無同我地跟.最後我地搵返落單個阿姐問, 佢條粉腸都未入去睇,就已經態度勁差話我: 小姐,咁多人,邊有咁快,等一等得唔得AR(係用極度差態度) 我地已經等左40 MINS以上,仲食晒其他先追,個刻我真係火都黎,鬧返阿姐. 佢真係斯善怕惡,見我發火,即刻SAY SORRY. 我以後唔會再去LAW,俾錢仲要一肚氣.加埋煮工又一般. 

在香港食海鮮好貴喎，最重要是無得選擇，料新唔新鮮，煮法，酒家大多都設定好，隻蝦大唔大隻，想食一隻或食三隻，菜上檯先知有幾大碟，可怕是碟菜同張相唔同嘅。。。自選海鮮來料加工，就可以解決這些問題，不過當然係不平宜啦。。。 >.<今次第一次試三聖村，一場嚟到，大家要行下長堤，千萬勿食完就走，好像沒來過，睇下漁船，行下海鮮檔，咁先享受。買料，賴尿蝦，厚肉紅鬼蝦，鮑魚，各一斤，五百多元，（主要是紅鬼蝦貴，未食過又好好大隻，點都要試下啦），全部新鮮跳跳吓，拿到興記，和阿姐講，怎樣怎樣製作法，食幾多，點樣食，食邊隻，酒家海鮮套餐菜都不能比。（當然要比貴些吧）賴尿蝦， 原隻椒鹽，啖啖肉，提議不要選有膏，反而無膏賴尿蝦，肉質結實彈口厚肉紅鬼蝦， 嘩，未食過，新鮮，彈牙，大隻過越南虎蝦，新鮮生猛，同雪藏絕對兩回事，豉油王煎。。。鮑魚， （@.@ 由另一篇食評偷師，話婆婆指定）薑蔥胡椒鮑魚，有樣學樣，個然好正，好像薑蔥蠔，但鮑魚彈牙，更有口味，‘趙‘口，一絕。。。婆婆識食燒鵝 ，推薦必食，肉質佳，入味，熱辣辣，比深井名店更好，上幾次往深井食燒鵝，都甚為失望，故不到這裏食到靚燒鵝。。。油火錢，