興記

營業中

休息中

好好味，又夠獲氣😋非常滿意的一餐開年飯。一行10人自擕海鮮到興記加工。book枱時已預訂馳名燒鵝，果然皮脆肉嫩👍。當晚除海鮮外，也點了數個小菜，也是叫人難忘，椒鹽鮮魷更是必食之選👍👍

如果大家想食得正常點, 又買咗新鮮的海鮮, 我建議大家去第二間! 我買條二斤幾的象拔要剌身個膽椒鹽, 點知出來是個6至7吋鐡碟的剌身,唔好以為佢騙你很多實際是佢厚切, 而將整個殼的部份,當是整個膽來椒鹽. 問佢佢話會縮水,頂我夠知啦, 但唔是咁離譜掛…白白浪費新鮮的海鮮!一條斤令的老虎, 普通酒樓蒸都好過佢…應該是滑滑的魚肉,竟然可以鞋都不可想像!!!! 食佢出名的燒鵝….又凍又老….!!!! 這間東西一定沒有下次…..買咗二千幾娛海鮮……收我千七元工錢…….真心講一句, 炒哂班廚房佬啦!!! 唔識整唔好浪費別人的金錢!!!

果日同家人去屯門三聖村大排檔興記食海鮮。一家六口一去到三聖村當然要簡海鮮啦，果到成係小街都係海鮮店鋪。雖然果到海鮮係唔平，但勝在夠種類多、大部分都新鮮生猛。加上，自已簡果種感覺係唔同一共買左900幾蚊海鮮，我地就殺入興記！食飯時間，人係會多，但果日好好彩，等左差唔多10分鐘，就有位。我地充滿期待，因為見好多人對興記評價幾好咁！果到地方唔算特別大，但都唔會坐得唔舒服，大排檔黎講都算係咁。人手又夠多，唔會話好難嗌野，服務周到之後俾海鮮佢地烹調，佢地都會逐樣問我地想點煮！一共叫左6道菜，結果，期待變左失望下次真係唔會再去，可能會試下第二間，因為三聖村都仲有幾檔大排檔。只可以話興記價錢昂貴，唔太化算，烹調得又唔太好食，食完都唔知點咁，有覺得浪費左自已買的海鮮

去大排檔食預左無服務，見佢裡面有冷氣就諗住試吓，怎知惡夢開始，我們五個人買左千幾蚊海鮮到這店加工，豉椒炒聖子皇超咸，買了五隻澳洲青鮑仔比佢地清蒸，點知蒸到過晒火，切都切唔開，其他海鮮更加唔洗講，最後一提果隻招牌燒鹅d肉老到唔識形容，收的價錢重貴過深井！最怒係D員工態度勁差，員工為左方便自己開左其中一隻門，攪到外面的熱氣入哂裡面，咁唔好裝冷氣啦，咁我地就唔揀這店，明明見佢地有出菜的通道又唔用，我們五口食到满頭大汗，叫佢関門又話唔得，態度勁差，唔講以為自己這餐係乞番來架！！  浪費金錢和食物又受氣，以後都唔會再去亦會同身边的人講！！！！！！

我地一行三人去三聖食海鮮, 經朋友介紹去了上記買海鮮, 然後攞去興記比佢地煮.有訂位, 佢話8點後去等一陣就有位, 我地大約1945去到, 已經有大約10人在門口排隊, 一入去話我有訂位, 佢比左個好窄既位我地, 朋友話唔得會坐得好辛苦, 朋友本來想走, 但係已經比左海鮮佢地手, 同佢地講話我地要換位, 佢就話等到8點出面會有位, 我地見出面有冷氣, 環保一般, 咁就等左10-15分鐘左右就入左去坐, 期間吩咐佢點煮d海鮮.蒸魚既豉油唔得, 得個咸字, 蒸魚梗係要蒸魚豉油架啦!收得52元一斤咁既價錢, 會預期煮得好味, 但最近沒有一樣係可取得, 失望而回.總結: 服務差, 態度差, 煮功差, 環境差, 浪費了海鮮, 食到一肚氣, 冇下次!

朋友一行七人，去左屯門度周未，屯門之友按排我哋去三聖買海鮮。天真的我們，以為屯門海鮮會價廉物美。誰知，一問價，下，仲貴過大埔筲箕灣香港仔？唔係啩。於是，臨時取消海鮮大餐，只揀左扇貝及紅肉花蛤($280)，交由興記加工烹調($166)，兩碟菜已花了$446。椒鹽鮮魷賣相吸引，惜炸粉極厚極多，啖啖都係粉漿，魷魚偏少；咬下時粉漿與鮮魷完全分崩離折，實為一失敗之作﹗油鹽水紅肉花蛤味清淡而鮮甜，大花蛤有紅邊，樣子有d 似北寄貝，比一般細花甲或蜆夠有肉地及鮮味，底有粉絲索味，不錯﹗馳名燒鵝名不副實，半隻售二百元，係屯門而言絕不便宜﹗送上枱時，小妹第一個反應是：色澤唔夠金黃香脆喎﹗燒鵝賣相偏黑，一試，皮燒得不算脆，肉汁頗多，但皮下滿佈肥膏；肉質也是偏靭而欠嫩滑，鵝味也不算濃重；肉與骨也較難分離，需費牙力去撕嚼。味道不差，但說不上頂級﹗羅漢齋豆腐材料有菜心、木耳、竹筍、蘑菇、芽菜及炸豆腐卜，惜豆腐卜欠缺豆腐的清香味，以太白粉水勾芡，味道清淡。咕嚕雞球味道欠佳﹗雞球炸得不夠脆，偏淋，雞球也冇味雞味；醬汁唔夠味，不甜不酸，失敗﹗腐乳通菜味道OK，加左少少紅椒絲，有點辣；腐乳份量偏少，通菜夠嫩滑，冇咩渣滓。

19-5-2013(日）已有五年多時間沒見舊同事梁先生了，他今年將小登科，約了於是日晚上派請帖給我，他選了在 三聖邨 的 興記 吃晚飯。我從荃灣坐巴士 53 號來到三聖邨，這是我首次踏進三聖邨！「大鄉里」的我，從沒聽過 興記 的名字。我們先買了一堆海鮮，後來到這兒加工。甫坐下，店員便熱情招呼我們，並向我們推介要吃其店的燒鵝，並說肯定好吃過 鏞記 的。是真的嗎？ 小時候，若我考取第一名，媽媽便會帶我去鏞記吃燒鵝；和幾位老朋友約會，若吃燒鵝，也是去鏞記！既然店員這麼說，我們當然點了一客，我心也蠻期待！上桌時，見賣相對辦，有點高興；怎知吃下一囗，就知它是虛有其表。外皮燒得頗脆，可惜皮下滿佈肥膏；肉質也是較死實，欠嫩滑；肉與骨也較難分離，需費牙力去撕嚼。另外，油亦塗得十分多，令全碟更為肥膩。若真的要找間店舖的燒鵝與它作比較，我覺得找 大家樂 會較為合適。石斑賣相也不俗，怎知吃下一囗，蒸煮過了火，令肉質過份冧身，豉油亦過鹹；辣酒煮花螺，是店員推介的煮法，說很香濃且很有風味，賣相看起上來很像頗辣，有鑊氣；但實情是不辣，酒下得過了火，辣味沒奉，酒的濃烈味就盡有，影響全碟的食味；花螺內滿佈沙

一行人四大一小，约12点半到三聖邨，先去海鮮檔買海鲜關财記:花甲公、扇貝、聖子$370發記:有膏賴尿虾(因前一間選擇少)、東風螺、送湯料(熟客)$43O興記開餐另加海鮮湯，椒絲腐乳炒通菜(好大碟，抵食)，白飯及汽水，共$53O每位约$300！抵过西贡，以後會多D到三聖邨！

我爸爸係大陸返左嚟過復活節，嚟緊好多篇食評都係三人行的，一家三口一齊食飯最開心~適逢整個復活長假都落雨，戶外活動都取消哂變成行商場玩意，真係啱哂我一家，我爸爸係嗰D樣樣都買一餐既人，太陽鏡、衫、鞋、相機都啱佢!! 行完屯門市廣場只係4:30左右，即興過三聖既興記睇吓無訂枱睇下有冇得食，無就我爸話買海鮮自己煮，不過我內心好反對，我怕會六國大封相!!原來係屯門站坐輕鐵到三聖只係十多分鐘，好方便的~去左三聖最多好評的興記睇吓有無得執死雞，又有喎，剛到達只係五時左右，客人不多，取了票後即到關財記買海鮮，買了龍蝦、墨魚(想買大尾魷不過賣哂，退而求其次)及龍躉肉，共$800~去番興記，由於我哋得三人，只可以坐戶外，當日都落過幾大雨，其實坐外圍我都幾抗拒，濕濕漉漉咁，對於有少少潔癖既我有D唔自在~坐底後就叫左上湯焗龍蝦、椒鹽墨魚及紅燒班腩，以及例牌燒鵝一碟($100)熱辣燒鵝: 仲見到冒煙的，食物新鮮就會好食，燒鵝皮很脆，好耐無食過新鮮即燒既鵝了~ 肉則頗靭，但都收貨LA~上湯焗龍蝦: 呢個龍蝦不得了，超過1.5斤，內裡肉超多及爽口，係酒樓食唔到咁正既龍蝦，即買即煮就係有咁既好處，我個人食左5大舊龍

兩星期前已約定今天的海鮮聚會,可是天公不造美！下午三時多,天越來越陰,雨越下越大,心情多少亦被影響。下班后冒著大雨往目的地進發,可幸的是雨水隨著我與三聖村的距離漸近而徐徐停下。大伙兒你一樣,我一款做完買手後便向輕鐵三聖站方向奔往南記開餐。原來豪雨並沒有把食家嚇跑,沒有訂座的我們被南記拒諸門外。反正都是加工煮菜,能在此地佔一席位的店鋪,水準應該相差不遠,最後一行人去了最近的興記。寒暄一輪才發覺枱上沒有轉盤,叫侍應取卻得一個桔,說什麼冇哂,要等客人結賬才有。大佬！每枱都是第一輪,等到幾時?再說,我們比鄰枱早到,點解佢有我無?說時遲那時快,熱騰騰的白灼蝦已端上來,色澤橙紅,肉質爽口結實,真是名符其實的蝦有蝦味。緊接送來的是豉椒炒蜆和興記主打 - 燒鵝。能夠做主打,對它有點期望是理所當然的：皮脆肉嫩,鵝香撲鼻,對不起,連車邊也搭不上,皮靭肉嚡,咸味封喉才真。吃一口肥美的油鹽水煮花甲緩和一下,吃得出它的鮮,但欠了幾分芹香。再來是興記出品椒鹽鮮魷,可惜金黃色欠奉,入口粉漿與鮮魷完全脫勾,又一失敗之作。越食越不對勁,怎麼辦？幸好接下來的清蒸鮑魚,椒鹽瀬尿蝦味道尚可。好戲在后頭！在朋友要求下的辣酒煮花

這間興記已食過兩次, 因為真係煮得好食所以再幫襯!我們先到三聖海邊的榮記買海鮮, 再交呢度煮, $52/斤介紹幾樣俾大家!清蒸石斑: 欣賞呢間店控制蒸魚的時間控制得非常好,就是剛剛熟, 肉嫩不會過老, D 肉好鮮味彈牙, 真係平時食唔到咁好食~豉椒蟶子, 好好呀, 拆晒殼咁炒, 濃濃好惹味, 不過咸咗少少~豉油王大蝦碌, 勁正, 多肉又好多膏, 殼都食埋!!上次同多D 人食, 就食咗豉椒炒蜆, 買到勁大隻的, 嚐到那海鮮的海水味, 很讚!!椒鹽賴尿蝦, 超大隻的 size, 整得好香口, D 肉又好鮮甜!白灼虎紋蝦, 大隻又爽甜, 白灼已足夠吃到佢嘅鮮味啊!仲有一讚呢度的燒鵝, 超級皮脆肉嫩, 第二次來, 剛好最後一隻都賣完了, 好失望..... 想食的朋友記住要打電話去預訂呀!

今日去三聖食海鮮, 今次兩個人去當然第一站係去買海鮮, 我都係去求其一檔唔好意思, 呢part 唔記得影相第二站去左興記, 雖然星期六晚上, 但我地7點前walk in 仲有位 買左和食左靚海鮮如下1) 椒鹽班馬瀨尿虾 (買左二隻)煮得不錯,火喉岩岩好, 不過咸左小小班馬瀨尿虾比一般瀨尿虾貴, 但勝在比較結實同鮮~~~2) 豉椒聖子王 (買左四隻)煮得不錯, 火喉岩岩好, 保存到聖子的鮮味大隻的聖子比細隻的鮮味3) 油鹽水紅肉花甲 (半斤)好味好多粉絲, 都係煮到,岩岩好紅肉花甲有d 似北寄貝, 好鮮味, 比一般細花甲或蜆鮮味4) 果皮蒸南非鮑魚 (買左二隻)好似要50蚊一隻, 但比大連包好食好多, 食過最好食的鮮鮑加上d 果皮,正 今餐買海鮮用左420蚊 , 比平時貴呀, 但四樣海鮮都好好味加上興記煮得不錯, 所以食得好滿足煮功加兩罐可樂230蚊一共食左 650蚊for 兩位 貴但值每人325蚊

重陽節難得家人共聚一行8人周圍行下遊下車河夜晚黎左三聖食海鮮講起三聖食野,近幾年真係開多左好多間食店以前都係屯門碼頭住過幾年,偶爾都黎食下野,名門海天果d都仲未有而要話最抵食就覺得一樓酒樓、大排檔比較便宜一d以前都鍾意食海灘果間,d蟹炒得幾正,不過後尾唔知搬左定摺左咁今日就去左興記食近來都係食呢間多買海鮮就去左牌坊第一間，不過聽講最尾果間(好似叫忠仔記)幾抵,下次可以試下第一件事就叫左隻燒鵝先雖然話主力係同出名係海鮮不過其實佢幾鵝真係好正唔食唔得!!!!佢勝在係隻鵝本身,d肉好夠味,d皮又係我最鍾意,好鬆化,有2至3mm厚果種但講真,佢d汁就唔算做得好好,不過材料靚,燒得好,已經令人流晒口水另外仲有鮑魚、聖子、瀨尿蝦果d,都係正常整法:果皮蒸豉汁椒鹽咁唔會有咩太突出/失準只係特別要讚下佢隻鵝啦以附近幾間黎講大排檔感覺上會抵d加工費唔算貴叫蔬菜亦唔係乘機掠水未計買料,10個人5,6道海鮮,加埋2個菜同肉,又飲埋啤酒,要六百幾蚊,除返開計都ok啦

可能是很少在家吃到海鮮，而且又怕剝殼的關係，從小就對海鮮沒有太大好感，只是偶然到長洲一遊才會吃一餐海鮮宴，平日連海鮮意粉也少吃。今次，同事們興緻勃勃的說要大擦一餐海鮮宴，選址專吃海鮮的 屯 門 三 聖 村，對於我這個港島人，這地點絕對夠新鮮。兩星期前，我們早已預訂了「興記」作為我們海鮮宴的總廚。「興記」分開了兩段晚市時間，第一段時間：入座時間不限但8：15交枱，第二段時間：8：30入座直至營業時間完結。我們選擇了6：30入座，還順便訂了半隻馳名燒鵝。海鮮宴當日，我們一行九人，四男五女就向路途遙遠的三聖村進發。我們預先到海鮮街挑選海鮮，同事們當中不乏識食之人，所以我們很放心地由她發板買海鮮！最後，我的好同事用$1100買了四款海鮮：花甲、扇貝、瀨尿蝦、龍蝦！然後我們浩浩蕩蕩向「興記」進發，正式展開海鮮宴！鼓椒炒花甲鑊氣十足，但味道平庸，不少更是死甲。蒜茸粉絲蒸扇貝扇貝是我從小唯一愛吃的海鮮。這次的扇貝。非。常。大。粒。 同時。鮮。味。十。足！蒸的時間恰到好處，令扇貝肉保持嫩滑但爽口的口感，讚！龍蝦伊麵原隻龍蝦上碟(共5隻，分開半隻上)，但看賣相已經非常吸引！啖啖龍蝦肉再加上惹味芝士，輕易

名過於實.....聽好多人說....煮海鮮要有鑊氣....但這一家我感覺不到....叫了一個蒸容粉絲蒸扇背....一點鮮味都沒有...但重點是有沙 另外一個經典就係咸旦蒸肉餅.....D 肉餅一食落口係完全感受到佢係落左好多既梳打粉其他既都不用多說..真係希望~~