船長意法日餐廳 (已結業)

船長都係元朗開咗一段時間之前我都同朋友、契仔食過一兩次，我記得之前嘅船長放題係剩係得火鍋架咋，但係今次我同BB嚟食竟然仲有埋燒烤，兩個人食佢就已經會送海陸空套餐俾我哋，我哋嗰日食有蝦、白蜆、魚、鮑魚、雞翼、豬牛雞串燒，海鮮好新鮮，豬牛雞串燒每人有一串，勁入味。當然船長出邊仲有啲自己攞嘅火鍋料、燒烤料、熟食、甜品、飲品，其實真係每樣食一啖都已經飽哂, 佢嗰度啲火鍋料好新鮮，選擇都好多，丸料、菜類、肉料, 重點係個牛肉真心好靚, 但因為太飽所以只係食左兩碟牛, 如果唔係我一定會食勁多, 真心勁正

這晚來到元朗本想吃一些小菜，但誤打誤撞到了這家「船長意法日餐廳」，原來家餐廳主打是任食火鍋加爐端燒。「船長意法日餐廳」價錢很貼地，性價比其高，值得推介一下。我和友人都叫了$198一位的兩小時火鍋放題，可以任食牛肉、豚肉和雞肉。套餐的選擇都有很多，除了火鍋放題外，自助吧還有不少的炸物、熱葷、火鍋配料、沙律菜、新鮮生果、甜品、飲品等等，重點是杯裝Häagen-Dazs可以任食！的確是經濟實惠，又不擠湧的餐廳。餐廳地方闊落，大多數以卡位式設計，坐得舒服。凡兩位惠顧火鍋放題，都會送「海陸空機燒拼盤」的爐端燒。一開始先送上爐端燒，有數款串燒：豚肉、牛肉、雞肉、雞翼。串燒同雞翼本身已經醃製過，肉質醃得入味。而海鮮方面也有驚喜，海鮮有蜆、海蝦、生蠔，還有鮑魚，很新鮮。部分海鮮放落火鍋中，也是不錯的食法。我選的是豬骨湯底，真的是有大大件豬骨！火鍋放題的牛肉、豚肉、雞肉都是可以無限refill的。牛肉比我想像中好食，色澤鮮紅，均為薄切，牛味也重，吃起來軟嫩適中。而自助吧方面，前菜有中華沙律、螺肉等等。炸物有香芋球、炸蟹鉗。火鍋配料超級多選擇！醬料好齊全，蔬菜也夠新鮮，有超過10款丸類，有麵有響鈴等等，多

上個星期終於出糧，一定食返餐好啦！作為船長嘅fans。睇下有冇失水準先！入到去個環境比其他好，乾淨企理。好好彩就係今次有得坐係最近自助區既位置，食物都好乾淨，職員服務態度都好有禮貌，好nice。肉既質素都唔錯！今次我地揀左美國牛肉set，仲有收起笑湯底，牛肉，雞肉同豚肉任食。顔色同油脂分佈幾好，唔似街市買嘅平肉。食落口都係一如既往有水準，牛肉唔會太肥又有鮮味，豚肉反而比牛肉更嫩滑，充滿肉汁，搶左主角牛肉配菜方面選擇非常豐富，有各種丸類，腸仔，蔬菜，粉面，正常的火鍋配料應有盡有。另外，也有一些基本的飲品。環境方面呢間分店是全新裝修，非常闊落明亮。另外仲有個海鮮盤 好新鮮！有蜆 魚片 蝦 蠔 仲有四隻鮑魚除了海鮮另配有自助串燒，串燒醃製得入味，又打破一個以為是伏的想法。這碟串燒及燒物是會令你再追加的。

串燒+邊爐放題，一次過滿足兩樣食慾，真係絕呀兩小時放題，仲要包酒精/無酒精飲品，真係可以去邊度搵？緊係船長啦。坐卡位，夠闊落先逛一個圈，很大，有很多種燒肉，丸類外，仲有熟食熱盤，炸物等，數之不盡前菜有中華沙律、螺肉等，仲有西瓜，菠蘿打邊爐嘅丸類種類都好多，燒嚟食都毫無違和感叫左個壽喜燒湯底。個餐有牛有豬有雞任食，仲有出面d菜，腸仔，肉丸，麵，烏冬，豆腐，等等等等海鮮拼盤：有蝦，蠔，鮑魚，蜆，脆肉鯇。蝦好新鮮，無論打邊爐定燒嚟食都咁正。佢會另外比多個爐你，咁就可以同一時間打邊爐同燒烤呢間算係我見過 價錢不貴 但擁有高質 選擇多元化 人人都適合黎既一間

放假同朋友去咗元朗郊遊🍁🍂🌾輕輕鬆鬆做運動， 完成咗之後當然要食番餐好， 獎勵下自己😂😂搭返車去到元朗市中心，朋友已book定位食放題，船長裝修完轉左做火煱爐端燒放題😚😚😚晚市優惠期間 OpenRice 有優惠 ，任食180分鐘都只係108蚊😯😯， 不過要另外再收服務費🤣 。 有180分鐘任食時間， 時間非常充足 ，佢仲要有安格斯牛肉,食物質素都幾好。而且元朗區搭車方便, 過嚟呢邊玩完之後， 享受下又平又抵嘅放題，都係唔錯嘅選擇。餐廳裝修完之後，櫈與櫈之間寛鬆左,坐得舒服,可以慢慢享受,而且環境清潔,擺設整齊望落又舒服.佢提供既火煱配料多,唔會太過於單調,有海鮮有蔬菜, 呢個價錢有咁多嘢食， 真係好抵食。

As winter is approaching, I started craving for hot pot. Learnt about this place from a friend who lives in the neighborhood, I’ve decided to come try it out myself.The restaurant is located on one of the famous food street in Yuen Long - Sai Ching Street. The interior is neat and tidy with sufficient air-con and good ventilation. This is very important for a hot pot place.This is a all-you-can-eat type of hot pot place, you may pick from having pork and chicken or different types of beef as you

新鮮海鮮邊鍋及爐端燒同男朋友去元朗搵好西，每次經過呢度，都好多人排隊食，今日見冇乜人排，所以就等下，食個放題邊爐。餐廳裝修都幾好，有卡位，坐位都寬闊。都幾抵食， 120分鐘任飲任食火鍋邊爐同埋爐端燒，兩位仲送海陸空譏燒拼盤，抵食。基本上火鍋材料雞，牛，豬肉，丸類，蔬菜類，都齊全。海陸空譏燒拼盤正！有蝦，鮑魚，鯇魚片，生蠔同埋蜆，覺得餐廳好大方～目測呢啲海鮮都好新鮮～仲有前菜沙律，雪糕同嘢飲任君選擇，雪糕有Häagen-Dazs，嘢飲仲有啤酒可以揀。我最鍾意食佢嘅牛肉同埋燒串燒。牛肉夠晒肥，同埋都新鮮，顏色紅卜卜，打邊爐好食，我哋都會refill 左好幾轉～燒串燒平時都鍾意食，自己燒仲可以加多啲醬，再燒窿啲，yummy。整體來講，一個價錢食到咁嘅質素火鍋同埋爐端燒，又送海鮮拼盤，抵食！

之前有幫襯開意法式船長餐廳，好似西餐廳乜都有得食咁！但係選擇比較多！隔咗我諗幾個月無嚟啦！佢竟然轉左型，夜晚係可以食路端燒打邊爐任食嘅😍而且餐廳室內嘅裝修都唔同晒，全部都係卡位！啲位好闊！坐得好舒服！今次係晏晝黎食，選擇都唔少！有炒粉麵飯，又有韓國撈麵，豬扒包，豬扒沙律同各種三文治！而且仲有麻辣米線！可以話係包羅萬有！而且2:30下午茶餐仲好抵！而家做緊龍鳳檬樂，係咸檸檬加黃檸檬配可樂🤩連埋菠蘿包都只係$19🤯簡直係超值嘅選擇！而且龍鳳檸樂唔多地方有得飲！加$3仲可以轉菠蘿油！係值得回頭嘅下午茶餐🥰

早兩日同朋友去開元朗，夜晚黎到船長意法日餐廳食飯，首先，入到去已見到有好多材料係拎黎打邊爐，又有熟食同甜品，見到咁豐富既食物，個肚已經餓到打哂鼓，我地先沖左兩杯玫瑰花水同菊花水，之後我地就叫左爐端燒火鍋放題，叫左豚肉同雞肉，重有雞翼係燒黎食，慢慢燒下，好快食得，加上，侍應亦會在旁協助，所以，燒出黎既食物唔會燶左，加上，又有串燒，自己燒都好易，燒完之後緊係趁熱食，d肉好嫩，食左去，好香口，又滑，特別d雞肉同雞串，好好味！之後，重有打邊爐，有盤海鮮盤，有鮑魚，蝦，青口等，d海鮮好新鮮，淥一會就食得，一入口，感覺好鮮甜，d鮑魚又彈牙，加上，d蝦食落口都好鮮，而且，重可以淥下菜，丸物食，多種選擇，又有我喜歡既粟特，南瓜，茄子。。應有盡有後尾，到女仔有第二個胃既時候，有好多甜品食，雪條，雪糕等，我就食左兩條雪條啦！加上，依到飲品任飲，種類好多，汽水。。茶。。。等食完之後，真係捧住個肚回家😃😃

香港人最鍾意打邊爐我都唔例外，朋友推介我火鍋再加上一併爐端燒我即刻應約一次過兩種食法好充實，原來還可以選擇肥牛、或者牛頸脊或者牛小排，作為精明消費者的我當然把握時間，當湯㡳未滾的時候我先食小吃其實都有幾款當中有多春魚、雞翼、沙律等等，而食火鍋的時候又可以一邊火鍋一邊慢慢燒烤。爐端燒海鮮相當吸引有鮑魚、大海蝦、龍躉魚片、大蜆仲有串燒至於火鍋配料各式各樣我是牛魔王當然唔會留口特別是優質的牛脊肉，脂肪分佈均勻入口軟化好油香，實在太好味可以任食，我order 又order 好滿足！食飽後又有糖水又有我超鍾意的Haagen -Dazs ,我覺得二百餘元任飲任食完全值得👍

元朗市中心真係一個美食小天堂，你想食乜嘢種類食物都可以係元朗揾到，個日我想食爐端燒，係元朗都俾我見到間食爐端燒餐廳，個名叫船長意法日餐廳，咪走入走試吓，佢入面有不同地方食物，需然好吸引，但我係點咗我想食，爐端燒，佢哩個套餐，除咗有串燒外，重有火鍋，重送一個海鮮機燒拼盤，個拼盤有青、海蝦、斑塊、花甲，重有鮑魚，真係好豐富，係等食期間，我攞咗一啲小食，係啲小食中，我較喜歡個瑞士雞中翼，整得夠入味，但雞肉又唔會太老、太韌。我覺得個串燒拼盤好掂，佢有牛、豬、雞，同埋雞中翼，因為佢醃得好好味，食落去味道好似係馬拉食個啲，好有馬來西亞feel,火鍋我地揀咗個花膠湯底，可以滋保一吓，而一般啲火鍋配料佢都有，但最正係啲牛、豬、雞任點，因我地都有係牛魔王，所以點咗好多牛肉，佢啲牛肉切得比較簿又好新鮮，只需灼一灼就食得，好夠牛肉味，但又唔韌，如果唔想食太多肉，可以食吓沙律，當然最後硬係食佢啲甜品，雪糕，雪條喇，哩餐好滿足😋

是日晚餐My Favorite:賣飛佛打邊爐，依間放題店仲有得燒埋海鮮同肉添呀地方非常大，坐位好寬敞，坐得好舒服依度係自助飲料區，有成10幾種飲品，仲有啤酒添，岩晒用尼配燒肉食啦有自助調味料區，豉油已經有另外一個容器裝住，配料有5種：莞茜，炸蒜，香蔥，蒜蓉，辣椒仔，另外調味料仲有辣醬，腐乳，沙茶醬，麻醬仲有啲吾寫了，自己去食就知啦～炸物區沙拉區面食，蔬菜，熟食區打邊爐配料區我今日叫左莞茜皮蛋湯底2位或以上會有海鮮盤送，最中意食蝦，好新鮮另外饑燒，豬，牛，雞串各二，食完冇得再添，但可以自制拎打邊爐嘅肉尼燒，都一樣咁正好了，食到咁上下，就係甜品時間，有好多雪糕同雪條任君選擇最重要主角，哈根大師，真係冇得頂

入開嚟元朗，梗係要搵啲好嘢食啦。有人話想打邊爐，有人話想食爐端燒，爭咩啊，溝埋一齊食船長餐廳嘅火鍋放題咪得囉。120分鐘任飲任食嘅火鍋放題加爐端燒，有豬牛雞任君選擇，啤酒汽水任飲，雪糕任食，2位以上仲送一客海陸空磯燒拼盤，而且價錢都算合理。我哋最後揀咗HK$198美國肥牛。餐廳環境簡潔企理，闊落光猛，冇乜間隔，適合三五知己或者一大班朋友歡聚。醬料齊全，可以自由配搭前菜有中華沙律、螺肉等，仲有西瓜，菠蘿，可惜最後因為食到太飽，冇攞啲菠蘿去燒嚟食。隔離就係飲品同甜食雪糕櫃，款式都多，除咗HAAGEN-DAZS之外仲有雀巢同韓國牌子。有隻蜜瓜味嘅雪條真心正，好香蜜瓜味，軟綿綿嘅口感，如果唔係飽得滯真係想食多條。打邊爐嘅丸類種類都好多，燒嚟食都毫無違和感蔬菜組別都唔輸蝕，各種瓜菜菇類，麵同烏冬夠飽肚。海陸空磯燒拼盤有蝦，蠔，鮑魚，蜆，脆肉鯇。蝦好新鮮，無論打邊爐定燒嚟食都咁正。我哋最後都係揀燒嚟食。點少得豬牛雞串燒到主角美國肥牛啦，每碟四小塊，無限refill唔浪費。牛肉切到好薄身，肥瘦適中，淥兩淥就食得，沾埋自己調製嘅醬汁，食到唔停口。咁嘅價錢食到咁嘅質素嘅火鍋放題加爐端燒，真心係值回票價。

元朗食肆好多要突圍而出其實都要多啲新意思， 香港人又要食得抵又要食得多真係要花啲心思先可以突圍而出。 今日經過西菁街見到呢間船長火鍋入去試下因為好似好抵佢有爐端燒加埋傳統火鍋都係118咋。兩種口味都可以一齊試入到去都係自助形式， 除咗牛肉之外全部都係自助形式。自助吧上面有好多選擇 爐端燒方面每人有每枱有一碟海鮮拼盤另外加碟串燒拼盤。爐端燒值得一讚嘅係個火流非常好 燒出嚟啲肉好均勻，海鮮有鮑魚海蝦花甲等等，都好好食，尤其雞翼，好份入味好好食。完全係喜出望外 椰飲選擇好多一大個汽水櫃任你揀另外亦都有甜品最出色當然係haagen dazs雪糕任食，118抵爆。

好耐冇去船長餐廳食飯啦，其實而家晏晝係可以有午餐食嘅，唔係淨係得夜晚嘅打邊爐，我哋一行三人就揀左三個套餐其中一個套餐跟餐可以有餐湯，而家白湯好少入邊會有粟米粒㗎啦瑞士雞髀好大隻有手掌咁大隻，而且顏色係非常深色，有好濃郁嘅瑞士汁味我仲專登加咗$3轉蕃茄濃湯，湯嘅材料有蕃茄粒、粟米粒、昆布，當然唔少得有好煙un嘅烏冬魚柳係有調過味嘅先拎去炸，餐廳仲用咗三色朝洋蔥豆豉去煮呢個餸 所以成個餐係好惹味架呢度嘅乾炒牛河嘅豉油汁係餐廳秘製嘅，所以係出邊食唔到㗎奶茶夠晒香滑，一啲都唔鞋