船長 泰國船麵工房 (已結業)

之前見到有雜誌介紹觀塘成業街開咗間泰國船麵。咁今日妹妹出嚟搵我食Lunch。所以就去試試餐廳細細，我去到已滿座。好彩妹妹早d去咗攞位。因為要4人以上才可book位。見到咁多人，就以為好好食啦！點不知…………中伏除味道不可以之外，仲要等成20分鐘先有得食。職員完全唔夠。我叫咗船麵牛$49。牛2片及2粒牛丸。麵就只有一小束。湯又冇味，麵又唔夠淋。味道要靠辣粉及魚露才有味。加$9叫咗支青檸梳打水。點知原來係一支梳打水加超細粒嘅青檸。完全冇青檸味。我絕對係唔會再去第二次

依排碌facebook咁啱見到依間船長 - 泰國船麵工房。於是即刻擇個吉日去試一試。間舖應該開咗冇幾日，Menu都係用緊宣傳單張。地方唔算大，都有19~20張台，滿座嗰陣應該幾熱鬧。睇完menu，叫咗一碗招牌船長船麵，一碗珍寶船長，跟餐一碟油菜，一份炸雞翼，再加多枝青檸梳打。珍寶船長: 9/10，餸菜上又真係幾珍寶，芽菜，芫茜，牛丸，豬肉丸，豬膶，豬肉，蝴蝶腩+雞翼。整體每樣餸都唔錯，用料都新鮮。白麵份量如果以珍寶嚟講就比較少咗啲，以我嘅食量應該要on top加雙底先夠食。(順帶一提可以加底，5蚊一底。)湯底香甜，色水夠濃。#值得一提，調味料準備充足，魚露，酸辣汁，泰式辣椒粉。*如果有埋白糖會更加地道。調味一番之後味道拍得住喺泰國時食到嘅船麵，起碼有8成半相似，相當驚喜!(招牌船長船麵有嘅，珍寶都一樣有，所以唔多寫。)曼谷街頭炸雞翼: 9.5/10，雞翼一開二，食起上嚟好方便，上台時夠晒熱，即炸即上。炸得香脆可口，而且皮肉一樣醃得好入味，配埋泰式酸辣醬一流。*有大量芫茜做伴碟，鍾意食芫茜嘅就正。青檸梳打: 6/10，泰國用開嘅梳打水，再喺樽口放2小塊青檸，梳打汽太勁搶晒青檸味，如果可以

聽聞觀塘新開左間專食泰國船麵餐廳 今日lunch就即刻去試試 本來寫13:15先開 以為要摸門釘 但好彩提早開門 有得試試呢間野主要食船麵 menu亦主要得船麵同船飯揀無跟飲品 要另外加我地揀左一雞船麵一船飯 船麵份量唔多 男仔食一碗可能唔夠😂 餸有一雞膇同一雞翼 麵底係幼蛋麵 湯底唔算好濃 但加左小小辣 都算惹味船飯份量都普普通通 飯底唔係白飯咁簡單 有小小汁同辣辣地 幾香口惹味 值得一讚係蝴蝶腩好淋好入味下次可以試埋小食 不過如果份量再多d 就更好

第一次在香港吃船麵 因為店初開，所以全店滿是人，等咗一陣，入去落單後，等了好一段時間，半個鐘以上，相信係因為店初開，手勢唔純熟或廚房人手唔夠。旁邊嘅碗麵已到，食兩啖驚覺麵底實在太少，如果食很大啖啲，真係食兩啖就食得哂。但個個食完都覺好食，有意想再食。希望佢嘅份量會加多d

又係返工諗唔到去邊食lunch好，咁啱有同事收到傳單，就上呢間泰國菜試下，點知好有驚喜，價錢又好合理！🤩1. 招牌船長船麵（＄48)真心一試愛上，個秘製湯底濃度啱啱好，好有繼續飲落去嘅感覺😋而個麵係幼身河粉，滑身得黎又易食😁而且一碗麵入面有滿滿嘅配料，有齊蝴蝶腩、豬潤、豬肉同豬肉丸，蝴蝶腩非常軟腍，而且份量好多，差唔多有成5-7嚿，豬肉丸又彈牙爽口，而豬潤大塊又唔會鬆散，成碗都好出色🤤🤤🤤彤樂評分：9／102. 曼谷街頭炸雞翼（＄24)如果話個船麵出色，我更愛佢地嘅炸雞翼，單邊炸雞翼總共8隻，分開4隻咁都幾抵食😄重點係外面夠熱脆身又好香口，而入面又好嫩滑，諗起都想食😍彤樂評分：9.5／103. 油菜（跟餐＋5/＄15單點）講真，＄5一份油菜去邊度搵，而且份量都唔少，味道就不過不失啦，但都係高性價比嘅😂彤樂評分：7/10

見到觀塘有船麵食就約埋成班同事去食見到個Menu 得幾個項目就知一定係將最好食嘅野食比客人食我見咗個招牌船長船麵點知我地落完order 等咗成個鐘都未到眼見個師父每分鐘先出到一碗麵就知佢慢功出細貨最後等咗個半鐘成班人叫嘅野黎咗一半要果斷cut單🤬BTW，嗰麵喺好食嘅但睇落去麵就睇唔到反而芽菜就見到好多但係嘅蝴蝶腩係好好食湯底又幾好飲幾甜嘅但我食咗兩淡就食完晒成個麵但等就等咗個幾鐘但食完要再搵其他野食先夠飽⋯

前幾天在看觀塘有什麼新餐廳的時候發現了這間餐廳，我看價錢不太貴，而且有不太常吃到的船麵，所以決定一試。一進門口時立刻嚇了一跳，因為小小的店舖坐了滿滿的人，幸好我有訂位，不然就應該吃不到了🙈坐下後我看看附近的人，發現周邊的枱也沒有食物，看來這餐飯要等下了，其實當知道它是新餐廳時已有心理準備上菜會較慢，所以我也不急，慢慢的等，星期五就是要吃久一點嘛😌來到這間主打泰式食物的餐廳當然要試一試它的船麵了。我這次選了船麵雞。飲品要加錢，所以我沒有點。船麵雞中的雞包括一個雞槌和一件雞中翼，分量算多，但是可能因為雞煮得太久的關係，雞肉軟和散到不太像雞肉😂味道則中中挺挺，不算太入味。至於湯的味道則帶點甜和微辣，我不太喜歡那種甜味，可是友人則很喜歡，吃後讚不絕口。可能因為餐廳坐滿人的關係吧，好像不太感覺到有開冷氣，坐附近的食客都一邊吃一邊扇涼。餐廳內的椅子是鐵椅子，坐得不太舒服，坐久了會腳痺，但我問友人有沒有腳痺，他們都說沒有，所以應該是我個人的問題😂

午飯嘅輪候時間已經預咗。但人手可以知道係完全不足。唔清楚佢哋係咪第一次做飲食。似乎各方面有經驗都不足。由落單到食物上枱已經用左半小時。如果真係食飯時間諗住食嘅話可以唔使諗。食物方面叫咗炸雞翼，船麵，油菜。雞翼，油菜味道正常。船麵水準中下。湯唔夠熱同稀，豬肉丸牛丸唔夠熱偏凍。麵質素一般有鹼水味。如果等候時間要咁耐先食到碗麵嘅話就唔係太值。另外順帶一提收野嗰陣時其實可以考慮快手少少唔好手腳太慢。好多時啲枱都放左好多碗喺度。有好大嘅進步空間。希望可以改善下人手同出餐既速度。長遠來講對你哋嘅生意好大影響。

推門而入，香氣撲鼻......沒有精緻裝潢，四面黃色的牆配上銀色的桌椅，清潔整齊。奇怪是桌上都是空無一物的，沒有泰式餐館常見的各式香料調味品，就連餐牌也沒有。店員為我送上餐牌，提供的食物不多，我點了"招牌船長船麵" 和 "青檸加梳打水"。船麵來了。湯底帶微辣，很香濃，鹹中帶少許甜的，喝得出是心機之作。配料很豐富，有蝴蝶腩、豬肉片、豬肉丸、豬膶、銀芽，還有通菜粒。最值得一讚的是豬膶，煮的剛好，熟透之餘又不會過老變硬。麵是一般的蛋麵，為了貫徹船麵的傳統？麵的份量比較少，不消幾口就吃完了，比配料的份量還要少。至於飲品，只是把一小角青檸加進泰國樽裝梳打水裡去，說不上特別。總括來說，船麵是好吃的，但要有不飽肚的準備，或者下次要多點個小食，就能心滿意足了。

今曰約左同事在觀塘食lunch,帶我去左—間食泰國船麵既餐廰,開心到不得了…—直熱愛泰國,無論風土人情甚至食物都好狂熱，但船麵反而小接觸,記憶中曾經係泰國食過,—碗碗份量好小既麵,兩啖就食完,—次食十幾碗,好有特色,今次去食到底係咪同—種麵呢？踏入店舖,十分驚喜,用我最喜歡既顏色做主調,卻又不浮夸,牆上畫左幅牆畫充滿泰國民族風味而又能隔合時代脉博,—個字"型"餐牌唔算多選擇,現在好多小店都貴精不貴多,令願用最好 最新鮮既食材,用心製作出最出色既幾款美食打動食客太多選擇,失去品質,只會徒勞浪費。叫左碗…唔記得叫咩名比泰國的份量多,比泰國的更出色麵十分爽口,個丸咬落鮮味彈牙,湯底好比高湯濃陏，真材實料,食出廚師對食材既執著和誠意，讚至於麵和丸類係咪廚師親自手打,就不得而知…有待調查回頭率$100% 急不及待再去

喺觀塘返工雖然有好多嘢食但唔係間間都好食。上次食飯無意之中發現到呢間新開嘅泰國船麵，今日終於黎試下。點知一試就不得了，好好食，又正宗！好似返左泰國甘。極力推介船招牌船長船麵同曼谷街頭炸雞翼！