船長 泰國船麵工房 (已結業)

到訪這店其實已經是數個月前的事了，本來因為拍的照片不多而沒有打算寫成文章，但卻一直惦記著這裡的船麵，最後還是忍不住下筆生成這篇文章。那天是星期六的中午，沒有了觀塘的上班族加上剛開店不久，所以店內客人並不多，據說平日中午時份這裡可是一位難求。船麵雞的配料就是雞髀和雞翼，麵底可自行選擇泰國黃麵、金邊粉或米粉。習慣吃麵類時會先呷一口湯，細喝一口果然令人有驚喜，湯底帶點微辣，並以大量豬骨、蝴蝶腩、泰國香料等熬煮5至6個小時，做出濃郁惹味的泰國味道。雞翼只有一隻而大小適中，這是略為失望的，如果有兩隻相信會較為合理，但雞髀都算大隻，皮薄而不帶肥膏，肉質嫩滑。珍寶船長的配料十分豐富，包括秘製蝴蝶腩、瘦肉、豬潤、豬肉丸、牛丸、雞翼，同樣用上特製的泰式船麵湯底，蝴蝶腩煮得軟腍和相當入味，豬肉丸及牛丸口感彈牙而且味道香濃。在工廈中總是有讓人驚喜的新發現，加上價錢貼地性價比高，實在值得一試。

地點方便易搵，觀塘站行入去10分鐘就到。鋪頭細細，人手四個，包廚房樓面，所以唔可以崔佢。餐牌細細，主打泰式船麵，雖然選擇少，但係相信佢專注幾款會更加有質素。環境就唔好講究，快餐店形式，唔算太逼但空間細。呢次當然食主打招牌船麵啦，乜餸都有啲，$50唔洗有一碗，套餐有小食同飲品添！小食係春卷，即叫即炸，新鮮熱辣，而且餡料唔差船麵麵底有得揀，我揀返泰蛋麵，湯底幾濃郁，我差啲飲晒，不過應該係九層塔之類香草唔夠多，所以相比機場禁區果間嘅船麵有啲差距，不過一啲都唔係差，係好味至於飲品有泰式奶茶同青檸茶，真係未見過有人做青檸茶，夠特色，ok不過奶茶就淡啲，茶膽似乎偷工減料，或者係想迎合港人口味！？點都好，麵係值得推薦嘅，飲品就見人見智啦，大家不妨食厭左茶記去試下

船麵從來不是我所好，因為我不愛吃豬膶和芽菜，還有就是吃船麵通常都不夠飽😂。十一月大三罷那幾天，我剛好來到觀塘，幾間想幫襯的黃店都沒有開門，到了兩點半快餓到暈低的時候，終於找到這裡。一看餐牌，毫無懸念地選擇了船麵牛，再加枝青檸梳打。麵底可選泰國黃麵，金邊粉或米粉，我選了較少吃到的黃麵。麵端上來，只見餸的份量頗多，相對之下黃麵就顯得很少。我最愛那兩粒大牛丸，彈牙有牛味，肥牛則屬正常貨色，至於船麵獨有的湯底，這家亦做得非常不錯，色澤深，質感稠，味濃且甜，引得我一口接一口的喝。結果麵吃完時，湯底也幾乎被喝清😆。把湯喝光，飽足的感覺多一點。然而，還未到晚飯時間，我又開始肚餓啦😅😅...

盡量精簡地講下pros and cons:😐😐😐1. 派飛入座混亂：Lunch time去，當然超多打工仔等位。派飛嘅哥哥好亂，皆因張飛根本唔係飛，係紙碎，手撕一小塊俾大家。佢自己果張mark嘅又係廢紙咁。大家喺門口等極都未攞到飛，佢自己又唔記得咗叫咗咩人入去。其實預咗午市多人，可唔可以正正經經印定啲號碼紙派？organised 少少？2. 人手不足，主次不分坐滿全場應該都有30個食客，但侍應得兩人，其中一人仲要派飛、安排入座同收錢。另一個係幾枱人叫佢落單嘅時候，竟然仲可以一絲不苟咁執野、抹枱、放靚餐牌。轉頭又走咗去出菜，大家等左勁耐先可以落單。落單又係搞笑，拎部ipad出來，又要等。間野又唔係多選擇，快快脆脆寫張紙有幾難？3. 人手不足，仲要浪費人力等左十五分鐘麵食終於到，但係竟然冇筷子。又要等。不如你放一桶筷子喺枱我哋自己搞掂啦，唔使你去逐枱派筷子。4. 野飲又要等食完晒野都未嚟，再等。5. 份量奇少，女仔都食唔飽我叫咗招牌船面，非常意外個黃麵真係四啖食完。豬潤切到平時喺街食嗰種嘅三份一咁薄，冇誇張到，同薄切肥牛嗰啲嘅厚度一樣。豬肉片都係。最飽肚嘅竟然係兩粒丸。其實可唔可以唔好咁孤

處理了半年的工作終於完結了，大家都鬆一口氣。離開工作的地方才十一時半，本來不打算吃午飯，但拿出羅庚 (openrice 😚) 出來看一下，發覺附近有泰國船麵便決定過來一試虛實。我點了招牌船長船麵，內有秘製蝴蝶腩、瘦肉、豬潤、豬肉丸，和跟餐的青檸香茅茶。船麵的料蠻多，魚蛋彈牙，其他材料也很新鮮。我要求扣底，份量剛好。最驚喜的是他們的湯 - 清清的，有點椰王的清香，也有淡淡青檸的清新的味道。香茅青檸茶，香茅味很重。半條香茅浸在茶裡，絕不欺場。十二點半了，餐廳已坐滿人。我要走了!

之前已經有一d文章報導過呢間，個時覺得好吸引，好想試，奈何佢又收得早又唔太近我工作位置，所以一直未有時間試。咁岩呢星期home office,咁就lunch時間去食下啦，加上發現佢係黃店，更加要捧下場。樣樣都好想試，所以同朋友分別叫左兩款，可能太期待，一黎到「咁細碗ge」，我叫左個船長船面，佢有4款餸，每款係得兩舊，仲要係好細舊....朋友叫左船面牛，肥牛兩塊，牛丸兩粒....價錢同份量又真係唔太正比...女仔食都岩岩好，男仔食一定唔夠。不過佢有小食可以叫，一班人食叫多幾樣share係開心ge~見到好多人飲青檸梳打，所以都嗌左黎試，個樽好有風味！有點失望，未必會有下次同唔會介紹朋友試，不過都幾好生意，坐滿人仲有人排隊，咁我諗可能係我唔好彩咁岩咁細碗，不過係黃店都要撐ge!

👭船長 泰國船麵工房 (觀塘)👭1⃣招牌船長船麵 (配泰國黃麵) 午餐價 $58話哂第一次黎幫襯，當然要試下餐廳招牌啦🤪配料有秘製蝴蝶腩、瘦肉、豬潤同豬肉丸。麵類仲有3款揀，最後38揀左從未食過既黃麵。食落好似幼身油麵，份量唔算多。咁多款配料入面，38最鍾意係豬肉丸😍口感彈牙得黎仲有啲豬肉汁，真材實料👍🏻另外，豬潤起沙，不過可以再爽口啲。值得大讚既係湯底，顏色係深啡色，味道好豐富😋飲得出無加味精，而係用好多香料同豬骨熬製，所以鹹甜交替變得好開胃❤今次真係忍唔住飲左2/3既湯😂2⃣泰式雜菜春卷 (1份午餐奉送2件)圖上見到有6件春卷係因為有3份午餐🙈岩岩新鮮炸出黎好辣口😳無肉嘅春卷感覺好健康，用黎做飯前小菜一流。3⃣曼谷街頭炸雞翼 $24係朋友極力推介之下，單點左份雞翼大家一齊share。一份有8隻單骨雞翼，每隻炸得都好飽滿😋外皮加左辣椒粉同芝麻，炸完變得酥脆之餘，仲好惹味😛點埋泰式甜辣醬味道更有層次❤4⃣泰式熱奶茶 (跟午餐)之前一直都係飲凍既泰式奶茶，今次終於可以試下熱飲🥳38覺得好特別既係，明明聞到杯奶茶散發出甜甜既香氣，點知飲落原來一啲甜味都無🤪店員會另外附上砂糖

觀塘嘅工廈入面真係有好多野食間間到lunch都爆哂人今日就突登早d出黎去食呢間泰國船麵~佢嘅款式唔算好多除左麵之外 仲有清邁咖哩系列~上圖係 招牌船長船麵下圖係 船麵牛湯底都幾好飲 清清地嘅唔會油 而且D料都幾多幾足 整得幾有誠意~而呢個就係咖哩~問左負責人 有幾辣先叫 但點知真係好辣下🤢雖然係咁 但咖哩味好香 有椰香味而呢個炸雞翼飯 d炸雞翼都炸得好好食 仲有5隻tim! 跟半隻蛋仲有兩舊咖哩角~所以我覺得都幾多餸！雖然咁樣睇個飯好似好細咁 但其實好多 我都食唔哂但太辣嘅關係 我加左$6要左罐可樂，如果想飲泰國梳打就加$8船麵如果轉餐 加$10就可以有杯野飲 同埋跟兩條春卷 春卷味道都幾好食 而且又唔油 推介~整體黎講 性價比都算高 食物質素都唔差可以收藏做飯堂😋

今日有即興飯局，一時諗唔到食乜，同事提議去食船麵。其實之前都食過一次，但對佢的味道已經無乜記憶喇睇完個menu，得呢款啱我食二話不說就揀左個招牌船麵。有黃麵，米粉同金邊粉揀。梗係揀至愛的金邊粉囉！講下啲餸。。。蝴蝶腩淋身豬肉丸爽口豬肉唔可以話嚡，但又唔滑喎。不過好在無痴牙不過啲豬膶就唔掂好老，勁嚡鍾意佢有好多芫荽，芽菜同通菜個湯底甜甜地，又微微的辣，好味丫飲曬！每個餐都送兩條春卷佢有清邁咖哩，都想試𠺢，不過下次先啦！

以船麵來做招牌菜，當然要試試船麵，先看湯底以為會好淡，實際又算夠香料味，但可惜是沒有豬血的香甜（本人認為船麵是必須有的）,食材方面處理得都唔錯，但沒太大驚喜。以套餐來計，$58連汽水，價錢不算貴，但觀塘工廠區應有更多選擇

之前係觀塘上ig搵下有咩好野食，就見到呢間工廈餐廳，上到去都要等左陣先有位，叫左船長撈麵，因為佢本身乾，我就係咁落調味汁，可能落太多，變到勁辣，唔知係咪咁所以都係覺得麻麻地，唔係話好好食，工廈黎講真係差d，所以都唔會再特登上去食 Lu

同同事 farewell，提議去我之前 bookmark 左既泰國船麵，佢話佢之前食過咖哩都唔錯架，咁就去啦！要左招牌船麵，麵底三揀一，佢係豬骨湯底加泰國香料，飲落先係好柔順舒服，飲多兩啖就發現暗藏殺機，開始有 d 辣味升上黎🙈 但又唔會話好辣，你係可以飲哂成碗湯既😆有蝴蝶腩、豬肉、豬潤同豬肉丸，好足料，豬肉丸幾彈牙，豬潤幾爽，蝴蝶腩好軟稔，金邊粉爽滑，總括黎講幾好食👍🏻 如果跟餐會包 2 條春卷同飲品，春卷好食啊，入面係切到好細既素菜絲，係我鐘意食既款黎啊😍另外要左兩併魚蛋，細細粒但幾彈牙，點埋生蝦汁仲惹味😋 好想試下佢既冬蔭功~

正宗船麵湯底深啡色味道偏甜係正宗泰國嘅味道唔好睇佢細細碗但其實係好夠飽（女生）所有配料都好出色尤其是個蝴蝶腩，好淋好入味！肉丸細細粒但彈牙。但湯頭偏少，好快就會比啲麵吸哂啲湯。鋪頭雖小，但每個人都好用心！廚房嘅姐姐全部都係泰國人！老闆會喺樓面落單！好親切！但有時午飯時間比較多人，睇得出老闆都會好緊張，想盡量快啲出齊啲單，但基於小店人手有限關係，真係未必可以咁快，請大家俾多啲體諒！因為呢間真係一間好好食好有人情味嘅小店。上次因為比錯咗麵底，老闆仲送小食俾我哋食。咁你對碗粉有特別嘅要求佢哋做到都會盡量做。小食方面都唔差！單骨炸雞好脆叫即炸好熱口。魚蛋細細粒都係泰國嗰款特色好彈牙有魚味！你哋都要多啲幫襯！香港食過最好食嘅泰式船麵！

11時是早餐剛過,午餐未上的時候.每逢這個時間去餐廳都很尷尬.難得在觀塘工廠大廈找到這間賣泰國船麵又值在這時間內開門,正好去一試.然後可以再去逛街,到駱駝漆第二座1樓購買童裝精品等去到店,門未開,但裡面有人.打開門問店員,他們說可以入內坐,正好店由數位男子主持,很有禮貌看餐牌主打泰國船麵,就叫了"招牌船麵",餐連小食春卷,和青檸梳打.麵來到,有蝴蝶腩,豬潤,豬肉丸,瘦肉.麵,我選了泰國黃麵.類似油麵,但較幼.蝴蝶腩切得細,連筋,易入口,不錯.湯底味不算濃,偏淡,適合女士.春卷剛炸好,可能剛開店吧,很脆,香口.好吃.一碗麵份量不多,也因為貪吃,另外加了"兩味炸魚蛋"兩味原來是潮洲白魚蛋和炸魚蛋,配上泰式醬汁.魚蛋算彈牙,炸得也香口,可以一試.在工廠大廈賣特色麵食,自成一格,很好.

終於可以係香港食到船麵了，諗著泰國船麵牛/豬血淆嘅濃湯，加上牛肉豬肉丸豬肝芽菜香菜通菜，好味兒。想著食晏時間要排隊，去到還有空枱，立即 侍應 找了一枱給我們。送上自家手寫的餐牌，有午餐set，包主菜：當然係麵食，飲品及小食。看來這個比較抵食，所以叫了兩個招牌船長船麵set，一個要黃麵底，一個要米粉底。飲品叫了一個青檸梳打及青檸水。出品碗麵個碗大大的，不似泰國那隻一小碗的，最特出是兩粒豬肉丸，大大的爽爽的，很彈牙。豬肝略嫌不夠滑，瘦肉沒有over-cooked，蝴蝶腩炆得也很淋。唯一麵底份量不太夠，好像食完好像沒食了什麼一樣，同埋通菜可不切這麽細粒，口感會豐富些。