艾粒是叻 (已結業)

上水從前一直是水貨客的根據地，令本土人士對探索該區的欲望減少😪自從疫情後沒有水貨客，街道和空氣也變得較為清新，很多特色小店也開始被發掘出來。今天發現的就是一間很適合補充體力的小食店😌 .小食店門口非常色彩斑斕📚貼滿了餐點和價錢，如果有選擇困難症肯定會苦惱很久。在眾多餐點中選了較飽肚的一口牛炒腸粉配上了牛肝菌汁，共有四種汁可選，搭配出可能有過數百款小食，實在令人驚奇😲 .門口外有一張立食檯可供速食之用，出菜速度稍慢，等了20分鐘才拿到炒腸粉。牛肝菌汁很香，一口牛粒的肉質有點勁度🍖需要咀嚼一下。腸粉沾上醬汁後帶點焦香，單吃也很濃味，整體雖然偏重口味但值得一試👍

//#賤精黃店地圖💛間野叫：艾粒是叻邊度黎：上水馬會道184號後座地下B號舖••••••••••••••••••••••••••••••秘醬燒賣 $22/13粒8分呢兜燒賣勁嘢啦 禾份人好簡單 魚肉燒賣旨在食口感 夠煙韌 無蒸過龍 甩皮甩骨 就收貨 佢絕對做到 仲要即叫即煮 咖喱汁唔係求撚其cheap雞得色水嘅開水咖喱 用好多辛香料同洋蔥炒過 都幾辣下 越食越過癮 整體你話係咪神級驚艷 唔係 但一定係平凡中嘅心機之作 (話說燒賣關注組會員憑證可以送多粒燒賣)

【上水混醬魚肉燒賣🍢】之前係「燒賣關注組」睇到介紹😌 黎開上水順路就去試下啦～📍秘製醬汁燒賣 🍢滿滿既醬汁，味道好神秘🪄似係甜咖哩？微辣有少少後勁，但㗳真啲好似加咗沙嗲？總之就係一種形容唔到，但係又幾滋味嘅味道啦😂😂😂 不過如果山長水遠特登入嚟食嘅話就好似比較辛苦🙃順路就非常好啦整體評分 6.5/10#p_q__food艾粒是叻 📭 上水馬會道184號後座地下B號舖☎️ 97002828

​鹽酥雞杯（$28）​炸粉比較厚身，調味偏鹹，每一舊都好大舊，味道一般。​​黃金單骨雞翼杯（$33 六枝）​個人唔中意加左鹹蛋黃既味，每枝骨都比較少肉，唔太抵食。​​雞軟骨杯（$31）​味道不錯，炸粉唔會太厚，粒粒金黃冇特別燶。​​蜜糖芥茉薯條（$33）​佢係粗既薯條，好香薯仔味，醬汁係另外入起唔會整淋d薯條，係咁多樣野之中最好食。​​椒鹽燒賣（$22 十三粒）​比較乾身，味道正常。​​凍黑糖珍珠鮮奶茶（$20）​茶味偏淡，珍珠尚算彈牙，以唔係專賣台式飲品既小食店黎講，都算好。​

👍🏻秘醬魚肉燒賣 $22/13粒秘醬其實係咖喱，偏甜唔辣，混左洋蔥粒，超惹味！燒賣彈牙有魚味，估唔到同咖喱咁夾😍好好食小店好細心用個錫紙外賣盒裝住，啲汁唔會瀉哂出黎有機會再去上水一定會再食🤤🤤！味道：9/10性價比：9/10-📍#艾粒是叻上水馬會道184號後座地下B號舖#hkfoodie #foodiehk #hkfood #foodhk #hkeat #hkrestaurant #美食 #香港美食 #外賣 #平食 #窮遊 #打卡 #香港打卡 #情侶好去處 #拍拖好去處 #上水 #上水美食 #上水打卡 #上水好去處 #上水小食 #咖喱魚蛋 #燒賣 #魚肉燒賣 #香港燒賣關注組

睇住間鋪開張，亦都知道由而家嘅老闆頂左手都好耐～但只係係第一手幫襯過1次熱狗咁多⋯前排係「燒賣關注組」睇到介紹，張相好吸引，亦都好多人讚～星期六日瞓醒唔知食咩，心血來潮就想幫襯小店～就你啦！！叫咗秘製燒賣、鹹蛋黃雞翼、熱狗、老闆推介既無花果特飲外賣歸家嘆～（叫燒賣嗰陣我話係燒賣關注組留意到嚟幫襯、跟住老闆就話即刻加多我一粒燒賣添）因為係即製，所以都等咗成三四個字，好熱⋯但真無好好食，個燒賣醬汁好多料，唔係水Dell Dell亦都出奇個無花果特飲，越飲越好飲，有驚喜熱狗係大份既，但唔太多選擇，腸仔比較淋身～我會比較鍾意「齊記」多de，因為腸仔有唔同款揀。價錢方面唔算經濟，但出去食都差唔多價，同埋小店本身都搵食艱難～所以幾日後都再去幫襯左燒賣魚蛋、椒鹽雞翼。對比過都係鹹蛋黃雞翼正de~

專程行過去叫外賣，叫左蜂蜜牛油薯條＋紫薯奶昔。 開始落單已經落錯左一次 ，變左牛油果奶昔  更正完拎到返去薯條變左做熱狗！ 天氣咁熱又餓，已經企係到等左半個鐘打去同佢地講，好似屈佢地咁！一句唔好意思都無！幾黃幾好食都唔會再幫趁

朋友睇到燒賣關注組推介咁岩我有黎開上水就試左呢間幾高分既燒賣🤣🤣先講左慕名去試嘅燒賣😂食之前問過老闆娘會唔會辣佢話唔係完全唔食得辣既應該都ok🤔結果...都係覺得有d辣😂😂覺得有around譚仔3小-5小辣🙈燒賣係食得出好彈牙可惜所有味道都比咖喱汁蓋過咗🥺所以唔會食得出魚肉味覺得燒賣好似始終都係夾豉油+辣油多d我覺得佢無好食到要山長水遠去食但如果經過呢頭都係唔錯既選擇👍🏻因為太辣既關係所以叫左杯雪梨奶昔🤣🤣個味道就同個名一模一樣唔會有驚喜 但係幾好飲既👍🏻同埋個味道好有台灣夜市既感覺😂😂呢間小店鋪頭細細得一張檯 仲要其實係條街隔離所以外賣會比較好🤣不過值得一提係成間鋪既員工都好nice下次經過可能會試埋椒鹽燒賣❤️

艾粒是叻I Love snacks 燒賣關注組之前介紹佢地秘製燒賣，在上水同朋友做完gym ，之後去食份常餐，發現唔夠飽，咁岩經過艾粒是叻就買份燒賣試下1️⃣秘製醬汁，即係咖喱汁，個汁好濃，食得出用好多配料炒出黎。2️⃣燒賣令人失望😞，表面係熱，但入去係微暖，有煙韌口感，魚肉味就冇乜，因為個汁好濃。總括嚟講我欣賞個秘製醬汁多過燒賣，如果個汁配魚旦或其他丸類相信會更好味，下次有機會試其他小食，都好多選擇。

雖然經過呢間小食店好多次 但真係幫襯嘅原因係睇咗燒賣關注組嘅post🤪🤪覺得真係要試吓🥳結果一食就上癮 成日都會想再食🤣-📌秘醬燒賣 $22秘醬其實就係咖喱 醬汁係偏杰 一入口就食到唔同香料味道 辣度適中啦～😉😌雖然我唔叻食辣 但係呢間嘅秘醬會令人食唔停口😋 一份13粒好似好多但真係好快就食晒😂食食吓如果真係太辣我就會叫杯嘢飲幫手解辣🤣單講燒賣嘅話 坦白講就一般般😓我已經幫襯過幾次 有時買到嘅燒賣蒸得太耐 口感好腍我唔太中意☹️如果有改善 成個package就真係perfect😜📌黃金單骨雞翼 $58呢個係家庭裝有12枝單骨雞翼 普通裝就6枝$32呢款即點即製更加食到雞翼炸得幾香脆🤩🤩調味啱啱好 每啖都食到鹹蛋黃味😎呢款好適合做party 小食😋😋📌芝士牛油蜜糖薯條 $32粗薯條要加分👍🏼👍🏼有啲大條到以為食緊薯角lol 但味道嚟講呢款驚喜度不大 雖然薯條炸得好脆 但味道比較簡單同偏淡 就係食到少少芝士味（仲拉到絲😜）仲有少少蜜糖甜味 食食吓以為自己食緊番薯條🤪🤪📌阿華田脆脆 $22買走飲嘅關係 朱古力脆脆係過程中已經溶晒☹️ 其實就係一杯特濃阿華田 配燒賣做下午茶係唔錯📌龍眼蜂蜜茶$

📍上水 艾粒是叻呢間小店係上水開咗都有幾年，由佢轉手前賣邪惡芝士熱狗🌭️到後來賣各款小食都有幫襯，試過佢嘅鹽酥雞杯同一口牛都好好食😋今次跟住 @hksiumaiconcerngroup 搵食，試下佢嘅燒賣先！𓇠 秘醬燒賣 $22 𓇠 落單個陣八掛問句：秘醬即係咩？店員笑笑口答我咖喱，令我更想知道係咩味道😏星期六差唔多4點嚟有人龍，等咗10分鐘左右就有得拎，燒賣用錫紙盒裝住，可以保溫🔥值得欣賞👏🏻燒賣有13粒，大小適中，佢同倒模個啲「膠燒賣」係兩回事，口感好煙韌。而且個秘製咖喱汁都好出色🍛有好多切粒洋蔥🧅少少辣，好惹味，令人忍唔住一舊一舊接住食！另外，佢個醬汁份量好足，除左可以令每一粒燒賣都點滿個汁之外，食完個兜都淨低好多洋蔥，絕對唔馬虎！〰️總結：醬汁特別，鍾意食燒賣同未試過配咖喱汁嘅你地一定要試！PS 小店只有兩張圓枱比客人立食，但依家疫情嚴重，大家都係外賣返屋企食會比較好😉

<< Daily 豬仔為食記🐖>> 相信如果follow咗燒賣關注組嘅各位，真係每日都好想食燒賣，嗰日咁啱睇到關注組介紹艾粒是叻嘅咖喱燒賣，經過上水，本身已經食左野，但經過又想試下，所以就同男朋友買咗嚟試啦！本來以為佢有普通嘅燒賣買，但原來佢得炸嘅燒賣同埋咖喱燒賣揀，我哋唔想咁熱氣，所以最後都係揀咗咖喱燒賣。嗌完都等咗10 幾分鐘，因為佢唔係蒸住個種燒賣！而家即叫即整個隻！一出到嚟熱辣辣，想揸喺手拮住食都唔得，因為太燙手，不過22蚊有成十幾粒！真係幾抵食。最後我哋坐定左先食！因為真係太熱啦同太多汁喇！🤣🤣🤭食落口呢， 覺得啲燒賣真係好煙韌！好有咬口，講真口感來講係一流！可惜因為咖喱汁個汁真係太多啦，所以cum左啲燒賣味，反而味道上試唔真嗰啲燒賣嘅味道，有啲可惜！🤭不過見到啲小店做得咁有想法同咁細心咁仔細，唔覺得係求求其其咁，其實都好想支持下！下次一定會試埋佢其他嘅嘢食！🥰🤪但係真心建議整返個普通嘅燒賣，😝等我哋呢啲燒賣忠實fans可以試清楚個燒賣味啦！💛

因為要清假既緣故，是日星期三放假，就去左上水睇下有咩好食啦。去到search op, 發現有間叫艾粒是叻 （i love snack)，故名思義就係食小食啦。過到去望望d圖，嘩！點解咁多選擇既😂仲好似樣樣都好好食咁🙈咖哩汁炒腸粉配單骨雞翼腸粉夠滑，咖哩醬夠濃。單骨雞翼外賣返到去個皮都仲脆，我呢款食落有d鹹蛋黃味。我個人覺得好好食😋腸粉份量很多，大概有平時食既4-5條，單骨雞翼有6隻（完整3隻）燒賣其實食腸粉雞翼已經好大份量，女仔黎講已經好飽，但因為我太為食，就叫埋燒賣。老實講我拎到返去因為燒賣已經凍晒，一定無熱食咁好食，佢既咖哩醬味道好夠。但個人比較鍾意食到燒賣原味，口感黎講算好軟糯，但魚味欠奉。份量黎講算正常，佢$22有13粒。收銀哥哥好有禮貌，同路人係吾同d既，分外親切。佢呢到可以加錢買埋野飲，會平d，但經濟許可的話都建議行前幾步，試埋前面果間鮮果緣既鮮榨果汁🤤總括黎講，佢有好多種類既小食我都會想試。下次會再去試試個鹽酥雞🤤

因應疫情關係，近排已經好少出街食飯，又唔可以堂食，所以就叫左外賣幫襯下喱間上水嘅小食店。我地總共叫左三樣野食加一杯飲品，先講下野食先～野食方面有「蜜糖芥末薯條」、「自選兩餸炒腸粉」、「章魚小丸子」薯條方面覺得有啲太淋，但有蜜糖芥末汁好好食😋自選兩餸幾好，可以自己揀配咩野食！有得配雞絲、鴨胸、單骨雞翼、瑞士腸仔等等。今次選左單骨雞翼同瑞士腸仔，仲有揀咗瑞士汁。我覺得啲腸仔同雞翼好好食，雞翼炸得剛剛好！但就係個瑞士汁太多啲腸粉有啲鹹。不過話時話，其實外賣嘅時候係選左螺絲粉最後尾俾咗腸粉......不過算啦🤣🤣章魚小丸子就有五粒，味道方面就ok la~但講起最推介嘅...我反而係飲品哈哈😄因為我係牛油果控！其實上次都幫襯過呢間小店，又係選呢款嘢飲！真係好好飲呀！好足牛油果味仲有啲蜂蜜😋😍牛油果控必試！總括嚟講，上水有間咁有質素嘅小店真係要多多幫襯💛🤩

星期六奶綠男收工買外賣過我食 😛上水有乜可以食 就決定試下個間黃店小食 艾粒是叻 發現原來佢都幾多種類既野食可以選擇 有幾多款炸物同熱狗🌭️可以揀雖然呢幾日天氣都頗熱下 但外送位置起深山 返到嚟野食都仲算暖 奶綠男叫左份邪惡芝士熱狗🌭️賣相望落幾吸引 無驚艷既味道 但個包幾軟熟香甜 熱狗腸配上熱溶左既芝士水準都唔錯 😆👍🏻我叫椒鹽燒賣同埋鹽酥雞 兩樣既外皮都炸得相對硬身 椒鹽燒賣口感唔算好脆口但食落幾香口 同埋二十蚊份有咁多粒都幾抵食 另外既鹽酥雞更加好 外皮幾香口咬開裡面有肉汁 勁惹味 唔錯 係上水呢片食物沙漠裡面難得既黃店小食 都值得支持吓😌