艾粒是叻 (已結業)

💛艾粒是叻​📍上水馬會道184號後座地下B號舖（十字馬路個邊）​📢3月26號結束營業（主因加租&其次老闆想休息下）​👉🏻👉🏻有menu​蒜爆牛粒 $32牛肉好腍，最特別係個醬，好好味，想建議下老闆考慮開西餐賣呢隻，應該都得，真係好食過好多$200up嘅鋸扒​（評分：5杯☕️最高分） 食物：☕️☕️☕️☕️環境：☕️☕️☕️☕️企係到食CP值：☕️☕️☕️☕️服務：☕️☕️☕️️️️️️️️️️️️☕️​✨會再幫襯? 會～趁未結束營業前會再幫襯💛

呢間小店開左好耐，但身為北區人，一次都未食過😅。聽聞燒賣關注組有推介呢度嘅秘醬燒賣，今次路經就買盒試下😏。小店有秘醬同椒鹽兩款口味，不過大家都推秘醬味 $24/13粒小店好認真，用錫紙盒包好哂，打開果陣香氣噴鼻，滿滿嘅醬汁!!🙊 老實講，佢嘅燒賣真係唔特別，唔係彈牙、亦無乜豬肉香、不過又未到好粉好淋，齋食燒賣會失望架!! 🙉好彩佢個秘醬挽回唔少分，由大量蒜蓉、蔥頭等香料調配而成，差D將食剩嘅汁都拎番屋企😂小店都有生炸雞髀(唔記得$32定$34)、炸物等小食，但我地已經食過正餐同另一間餐廳嘅生炸雞髀，加上打算去小時候食雞蛋仔，所以呢度只點左燒賣。

第一次食，見openrice食評唔錯就試下，但食完嚇親，唔係趕時間都想拎返去換，但熱狗凍ga wor, 有冇搞錯叫左份邪惡芝士肉醬熱狗，等左大約10-15mins, 面ge芝士係溶晒，但入面ge芝士粒冇溶，食落口，肉醬、條腸、同埋個汁都係凍嘅，我拎完10mins就食ga喇wor, 咁快凍？整左咁耐都唔熱，我諗緊佢係唔係冇焗過，求其攞槍燒溶個面就算，離晒譜。秘醬燒賣就ok, 熱ge, 甜咖哩醬，但d燒賣就食得出普通貨，冇乜魚肉味。講特色真係世一，凍嘅熱狗冇乜邊度搵到。

黎到友人家開個小小生日派對，有汽酒梗係想嗌下熱氣野黎食，就係外送平台睇到艾粒是叻。嗌左章魚小丸子、芝士肉醬薯條、牛肝菌汁魚餅長通粉、單骨雞翼、秘醬燒賣同埋鹽酥雞家庭裝，送餐時間唔太耐，黎到野食仲係熱辣辣，印象唔錯。章魚小丸子主要靠醬汁同埋紫菜帶起味道，裡面都有粒粒章魚，唔會淨係一團粉漿。芝士肉醬薯條既肉醬幾惹味，就咁撈個意粉都好正，今次點薯條當然一流。牛肝菌汁魚餅長通粉看似好古怪既組合，但原來牛肝菌非常好味，夾到長通粉，泰式魚餅則有點辣。單骨雞翼同鹽酥雞都係炸到剛好，無多餘油份，調味準確唔太重手。至於秘醬燒賣其實係咖喱醬，反而唔太特別。

今日返屋企前有少少肚餓，就買少少小食返屋企食經過艾粒是叻，唔想食炸嘢，就篩選左最Basic 嘅魚蛋燒賣水魷魚蛋係陳皮魚蛋，有咬口，燒賣都有嚼口，幾Q蛋，魚肉燒賣來講都算唔錯我以為水魷係會放埋同一盒，點知分兩盒，初初唔明白，打開就知道點解，因為個醬汁係唔同，魚蛋燒賣個醬汁係杰身啲，有洋蔥，所以配埋魚蛋燒賣係好夾而水shu👄魚個汁就會水啲，配埋滑滑的水魷魚一啖說落去嘅感覺非常爽作為一間小食店，對醬汁嘅堅持都咁明顯，希望佢哋繼續努力

之前食好好食！但最近幾次都差左，令我忍唔住要寫食評。蜂蜜牛油薯條由粗薯條變幼薯條已經好失望！今次嗰薯條仲要炸到勁乾脆，似食緊餅乾…當然仲炸燶埋😅果陣仲要唔係繁忙時間，冇咩人…俾我感覺就係成間店hea 左好多

上水呢間小店，好多款小食都好有特色。距嘅秘醬燒賣仲曾經俾燒賣關注組介紹過，之前已經試過秘酱燒賣，我個人認爲要熱食同埋食到最後會有啲膩，所以今次試下距 。椒鹽魚旦拼燒賣(6 粒+9粒)。一收到就熱焫焫，聞落仲有好重嘅椒鹽味，一共有 9 粒魚旦同6粒燒賣，每粒都有好多椒鹽包裏住。睇落真係好吸引，點知試左一粒之後，鹹到不得了，跟住就不停飲水，可能我真係低估左椒鹽嘅味道。對於我個人而言，椒鹽真係太鹹啦，下次再試下其他野食。

🇭🇰 艾粒是叻·我哋又解鎖咗新地圖啦 今次就去左上水行呢條華山軍路 係上水搭巴士入去 成條路唔使兩個鐘就行完㗎啦 不過佢係有4個山頭既 所以都有少少挑戰性 因為佢啲斜路真係超斜 我懷疑係多過45度🤣🤣·秘醬咖喱燒賣$24/13粒呢個係我哋見燒賣關注組推介 所以去食嘅😈佢呢度既燒賣係叫先蒸既 所以熱辣辣 佢個燒賣都唔錯既 不過就偏粉少少🙊反而佢個醬汁我自己好鍾意 佢咖喱味濃好香 少少辣咁樣好惹味😋😋·📍上水馬會道184號後座地下B號舖·#rby💛#rbyeat #rby好去處#rby港式#rby上水

佢有個艾粒杯系列，小食連野飲一個杯搞掂，係幾盞鬼👻唔好聽個名以為佢淨係食是叻 (snack)😜其實佢都有個艾粒食飽飽系列，可以自選配料跟腸粉或螺絲粉😋要飽有飽，要輕食有輕食👍🏼.🧡秘醬燒賣 (13粒) $24個醬不得了，好惹味😋帶少少咖喱既辣味🤏🏼但唔係好辣，眼見個醬好似有啲椰絲係入面，食落嗒真都feel到個質感既，不過無咩味，唔食椰絲既都唔使驚😬燒賣偏實，有口感唔會淋晒，趕🐷覺得抵試.🧡瑞士香腸 (5條) $24腸仔係熟悉既廚師腸😂每條切半，所以睇落有10條咁多，每條都𠝹左好多刀方便啲汁掛到落條腸度，個瑞士汁偏甜，連埋條腸本身既咸味其實都幾重口味，一個人食晒成兜會好漏，同朋友share食會好啲.🧡蒜香雞翼尖 $24雖然面頭有啲辣椒碎，但其實一啲都唔辣😅好重蒜味，又係一個惹味之選👍🏼雞翼尖份量都好多，隻隻都煮得好淋，吮下吮下好快成盒就比趕🐷食晒喇

一口牛（標準裝）$32 加蒜吾好睇佢細細杯好似好小都有十幾粒粒以上牛正常發揮 一樣係咁好味加上瑞士汁好入味🤙🏽我自己配麵食，方便又好味😋值得重點讚賞係店員服務態度😂主動推介自家製飲品都係其次因為艾粒是叻係即叫即做 所以每次等嘅時間都會好長🙊到我拎小食嘅時間，店員不斷叫我影值餐牌下次可以打電話點野食再去拎😂🤙🏽📍艾粒是叻：上水馬會道184號後座地下B號舖

燒賣通常唔係點豉油就係辣油，真係有啲悶。而呢間主打“是叻”嘅小店竟然有椒鹽燒賣，我就買左同friend share。P.S.小店仲有好多唔同嘅出名小食，唔止得燒賣㗎！————————————————🍢 椒鹽燒賣, $22（4.5/5）22蚊有13粒椒鹽燒賣，而燒賣嘅即叫即整嘅。燒賣炸到硬身食落外脆內煙韌，椒鹽味道都唔錯，不過燒賣相對冇乜魚味，如果追求魚味嘅燒賣fans就可能會失望啦。————————————————

@ilovesnackhk 睇到大J Youtube黎上水食呢個炸燒賣，講到好好食咁🐵我哋就想黎試下椒鹽燒賣+魚蛋組合 $26 即叫即整，要等5分鐘🕙燒賣真係外脆內軟，但出邊啲椒鹽真係好咸😣食一舊要飲好多水，魚旦仲咸🤢🤢食唔到落去結果我哋每人食咗一兩粒就放棄咗，諗住唔好嘥帶返屋企，屋企人都話好鹹😵😵最後都冇浪費食物，煮返嚟食其實係咪其他食物比較好食呢？我見人哋話秘製醬汁好食🤔🤔🤔📍 艾粒是叻 (上水)上水馬會道184號後座地下B號舖

上水邪狗始祖 今次試比邪狗更邪惡既惡魔熱狗🌭️由3種芝士製成 更有一般熱狗🌭️既4倍芝士量 啖啖芝士 但又唔會太漏鍾情芝士既你一定不能錯過可以要求加茄汁或芥辣醬簡單得黎又昇級左既享受😎由於即叫即製 等候時間約莫15-20分鐘唔想等咁耐 可以預先電話或APP 落單雖然不設堂食不過小店外有高檯可供立食良心小店💛 值得推介款式繁多 仲有多款小食及特式飲品*蜂蜜雪梨奶昔 😋店家會清楚標明人氣之選有選擇困難 就可以直接挑選🤭

一日一黃店-上水高質黃店小食 必叫鹽酥雞 今時今日 呢間上水小店 仲有小量文宣 望到都有小小感動.呢日點左 ⭐️鹽酥雞$24😍淨望相應該都都feel到夠酥脆👍🏻外層唔會太硬 冇炸到乾哂柴哂 岩岩好👍🏻每舊都大大舊 啖啖肉 唔會淨係食到炸粉😋加埋味粉 椒鹽？ .整體高分好食 係我心目中上水最值得去試試既小食店推介.#艾粒是叻 (上水)地址：上水馬會道184號後座地下B號舖.⭐️評分：味道：4.5/5環境：3/5 外賣服務：3/5 外賣抵食：4/5

呢一間鋪仔嘅螺絲粉可以揀唔同嘅醬，同埋唔同嘅配料，我今次揀咗一口牛柳粒加咖喱汁。牛柳粒都算淋身🐮，咖喱汁有少少辣，味道叫做不過不失，唔會特別驚喜，或者推介俾朋友👌🏻👌🏻👌🏻