影片
營業時間
今日營業
08:00 - 20:00
星期一至日
08:00 - 20:00
以上資料只供參考, 請與餐廳確認詳情
一早到法院做嘢！都要食個早餐！附近都無乜選擇，知道法院都有小食部，唔使行咁遠，去到地方好大，光猛乾淨，食物款式比想像中多，唔想浪費時間，快快去櫃檯落單，咖哩魚蛋漢堡扒福麵，阿姐問我要唔要加多樣餸（唔使價錢）我要多個煎蛋！阿姐收銀櫃邊有架餐車，有已經放咗個福麵發泡膠碗，落晒餸之後就加熱水，蓋好比我，攞埋熱檸茶！餐廳邊有張枱有齊餐具及調味料，攪好晒就坐低，不銹鋼桌椅，幾闊落，唔會好迫，椅子有高有矮，適合飲咖啡？焗一陣打開，魚蛋嘅咖哩汁溶晒落湯，變成咖哩湯汁，味道惹味，魚蛋彈牙，漢堡扒係現成雪藏貨，味道偏咸，煎蛋滑溜，中間流心蛋黃，蛋白又唔老！焗淋嘅福麵，無煮嘅咁滑，比較乾硬（水已經夠熱，可能發泡膠碗唔及瓦碗存熱！所以爭啲！熱檸茶夠茶味唔澀！夠熱！不過用紙杯比較難攞實！呢度只有即棄餐具，自助式，阿姐都會出來執枱！簡單快捷嘅一餐！
繼續閱讀
您可能會有興趣的...