芝味鳥 (已搬遷) 新店位置

星期日無地方去, 自己周圍搵野食, 見到有間PIZZA店就入左去試下。 環境都唔錯, 最難得係有部電視,可以邊食野邊觀看TV ~坐低第1件事緊係叫野食先, 叫個COUNTER過來寫野, 點知原來依度係自助, 自己出來買飛, 攞餐具, 汽水...唸左一陣, 之後叫左個豬扒飯, 一共$45 元正, 跟左個百事可樂。 等左一陣, 個飯終於來了, 原本唸住係焗飯來, 原來係燴飯@@ 一咬落去D 飯 ,發覺D飯有番茄汁味, 個師博應該落汁先將飯汁抄埋一齊, 等D汁同飯先MIX, 禁樣會令D飯入味D, 抵讚! D豬扒好入味, D汁溶左入D肉正^^ 以$45蚊來講, 絕對物超所值! 

同女友兩個人唸住提早慶祝情人節,之前食過呢間都幾好,今次特別D訂了豬手,以為細細隻,嘩！原來勁大,仲要D皮脆脆吔,肉就有口感不會很稔,連個汁一齊食仲正,終於食唔晒其他嘢要打包走,下次要叫多幾個朋友再試。

呢日係屋企大掃除完，就打算叫外買。不過唔想成日都係來來去去都係個幾間（p記/m記)，於是決定試下ｄ新店。我叫左個3 人套餐set ,有 一個普通批Pizza，炸雞+法式豬仔骨+一碟薯條+3杯飲品/湯，都只係140左右。 D炸雞是好脆, 味道OK: 豬仔骨好腍,較入味: Pizza都唔錯，餅底OK。整體黎講都有7/80分。下次會ENCORE.  

最近趕功課趕到頭昏腦脹，連出街食飯的機會都減少了。這天，媽媽買了一個飯盒給留在家中溫書的小妹。這款「咖喱雞焗飯」連罐裝飲品，是媽媽老遠的由馬鞍山探朋友後回家時順便買來給我。用錫紙飯盒封存，所以飯盒到手都仍然感到熱暖。打開，咖喱香氣不太濃，這款焗飯在面層舖上芝士去焗，賣相都幾醒目，有一層溶化了的芝士將面層的咖喱汁包緊，再點綴一些「蔬菜雜錦」，紅紅綠綠的。以為賣相靚，應該係美味呢，殊不知…飯很糊，再加上溶化的芝士咖喱汁將飯更加黏在一塊。總之，就很像嬰兒吃的飯糊一樣。 而咖喱味很淡，淡得不知道如何形容其味，雞肉仍然有少許雪味，那些青豆﹑紅甘荀粒﹑粟米粒等的「雜錦」都有點點雪味。其實都不清楚是甚麼原因這飯變得這麼糊？是放置了一段時間才食的關係？唉…小妹已經不是"BB"，亦未至於好似老人家般要食很軟腍的飯。不過為著媽媽老遠買給我的心意，都要吃下啦。

夜晚8:00叫咗芝味鳥做晚餐，兩個人食，叫咗個輕便套餐加咗一個魷魚圈。total $168。成一粒鐘15分鐘先送到！唉~一個普通批"五十五十",一邊係燒烤一邊係櫻花，d topping ok，但個批底就差到痹！又油又淋，送到嚟嘅時候d野食又凍哂。個餐仲有三件雞，諗住係皇牌啦，點不知d雞d炸皮淋哂，仲有一大陣雪味，咁都做到皇牌，咁其他野食都鄧佢擔心！之後講下個魷魚圈，呢個比較正常，但加36蚊比d咁嘅質數就唔值，d粉多個條魷魚。 服務態度~差，落order 要repeat 幾次，態度又差喎！要沙律又無沙律，要湯又無湯，仲要話自己有option 係飲品,咁無得揀就唔叫有option 啦！跟本就係迫人要飲品，點會成間鋪所有沙律都無? 另外叫半份魷魚圈，送到嚟就全份，唯有要埋佢，唔好攪到送貨嗰個，其實唔識聽電話落order就唔好做呢個position,咁只會送客。不過d態度又差野食又差既，都唔洗指意有回頭客！