花園酒家

營業中

休息中

久違的可以跟一班朋友一起食飯，最方便就係去酒樓，大家圍住張枱邊吹水邊食，一樂也。 我們坐下就叫了個6-8人套餐$988，另加散叫了片皮鴨及蠔仔煲。叫了不久，好快就有得上菜，上菜速度都算幾快。先講大大盤龍蝦，龍蝦多，肉又多，麵汁不會太濃或太淡，剛好不會太流。另外條龍躉魚質滑嫩，大條，沒有蒸過火，火候恰到好處！至於馬拉盞炒菜都炒得好食，菜框爽脆，調味適中！咕嚕黑豚肉，炸粉皮脆口，亦不會太厚，加上甜酸份外開胃！👍而脆皮燒鵝皇，皮脆不在講，正常好味的一道菜式！套餐還有個花膠竹笙海皇羹，侍應會分好一碗碗給大家，飲上質感去不會太傑或太稀，每羹都有材料食到，另外發現，加少少白飯撈入去做湯飯都唔錯，由於海皇羹質地滑溜，加飯一起食，每口都加點咬口，但又滑滑的，湯料及湯的味道可以在咀嚼白飯，在口入面留多點時間，慢慢品嚐😊。另一個重頭菜式，就是片皮鴨，皮脆，咬落去油脂吱吱地滲出來，由包在面層的薄皮吸收，中間有香葱青瓜，油中帶點清爽，皮及青瓜都脆口，油脂濃膩，加上肉質口感，好耐都無品嚐這道菜！🤤總體味道幾好，上菜速度及服務都唔錯！價錢算適中，地點方便，是好適合多人聚會的中菜酒樓！

今天落大雨，友人相約到廣東道玉石市場一逛，之後便到花園酒家午膳。家住香港的關係，很少機會到這區用餐。我們12點入坐，所以不用等便有位，看看點餐紙，午市的點心、小食、小菜及飯麵都有很多選擇。點心大約HKD25元多一籠，午市飯麵大約HKD98元一碟，價錢適中。我們點了蝦餃、鮮蝦腸粉、排骨陳村粉、蟲草花湯鮮竹卷、上湯莧菜、芝麻卷和薑汁糕。除了莧菜比較老之外，其他碟碟點心都好高水準。蝦餃皮薄料正、腸粉粉滑蝦爽，陳村粉好味但排骨比較少、鮮竹卷不油且湯底清甜、兩款甜品也十分出色。若不是朋友帶路，真不知道坊間有這般高質數中式酒樓，價錢又大眾化，水準比某些5星酒店還高，當然人家賣的是派頭，在花園酒家這兒賣的是食物質數。以這個價錢在花園酒家吃這一餐，值！

咁啱黑雨，來到嘅時候唔洗等位，人流亦都唔係好多，所以環境頗為安靜，我覺得挺舒適。 有一個超值午餐的餐牌，有三款，我們選了C餐。貴妃雞半隻。大家都冇諗到咁大份，食個午餐黎咁大碟。時菜如常，味道正正常常，不過不失。星州炒米。個人認為咖喱粉落得有啲多，有少少辣。蝦幾多，叉燒普通。蝦餃，熱辣辣好好食 流心奶黃包，不是套餐包的，另外加的。包皮有d厚，有流心，還好。同樣是另外加的，燒賣熱辣辣，蝦大大粒，都OK。價錢方面，三個人食左HKD300，一人一百。

一家曾獲香港十大天王級飲食集團大獎的酒樓平時午市係飲茶點心,晚市係火鍋料理茶位10蚊,小點$22起,今日都係一個人既早餐時間坐位分隔得好遠,用餐也安心好多服務員阿姐介紹佢地腸粉同煎糕品都好食,所以選擇了這2款即拉叉燒腸粉一份 配秘製香辣xo醬, 煎香甜馬蹄糕果真用料十足 賣相已經知唔錯 薄薄既腸粉皮包住滿滿既叉燒餡料個皮薄到睇到有幾多餡料添呀! 特別既係建議大家配辣xo醬食平時只會配豉油,原來腸粉配xo醬食係好好食, 又香又辣之餘個味道好突出馬蹄糕都唔錯,見到好多碎既馬蹄粒,煎糕唔粉,香軟味甜,仲有淡淡竹蔗甘甜油麻地彌敦道469號消費$60

約左幾個朋友仔去花園酒家打邊爐，本來諗住酒樓邊爐無乜好野，但食完就發覺好抵啤酒任飲，仲有點心食添，點心都唔錯架肉類都算新鮮，海鮮都唔差的，只係鵝腸唔多掂，好似俾化學劑處理得太耐咁仲有蠔食，個人覺得好抵，而且無人趕你走，基本上可以坐好耐，可以一路食一路吹水

回想疫情前, 花園好多人, 好嘈吵....現在枱與枱要有距離, 坐得舒服, 又不用大大聲講說話. 而且這間已經可以營業到12點. 慢慢吃都可以.任飲任吃, 價錢唔貴, 連加一都只係$260左右.  服務又好. 冷氣夠凍....啤酒好少見任飲的地方用藍妹, 又有道地解.茶..所有飲品都雪到冰冰凍..而且有冰和冰筒, 拿一筒回枱慢慢飲.食物:限量是每人２隻蝦和一隻生蠔， 我欣賞那款生蠔， 好肥美。。。。食物送來時間都好快， 份量又足夠。 通常皇帝菜都會好老， 但這裡不是， 好嫩。食物種類都算多， 絕對新鮮。。。

花園酒家都係名不虛傳！一定要點就係佢個豬肺， 又滑又嫩。 再嚟就係佢個牛肉 非常入味同或有肉味。所有魚類都必須一試! 新鮮同好有魚味!最正就係佢送嘅海鮮, 食蟶子最新鮮。佢嘅春捲同奶皇包怪不得這麼多人點。非常脆同埋好留心!老實講邊間餐廳好過好多所謂嘅專門海鮮店!最重點係佢有個混 調味料嘅地方, 連煉奶都有。一位包曬加一都係要228!完全冇年輕人。 珍惜下本土的傳統酒樓火鍋啦好用心做㗎!

在疫情期間，難得的C類餐廳，可以經營至晚上12:00我們一行三人，在8:30進場，每位全包$228雖然是任食火鍋，但意想不到，質量這麼好湯底方面，我們選了沙嗲鍋和皮蛋芫茜鍋，沙爹味道非常濃郁。飲品全部罐裝自取，啤酒雪糕任食。如果一班男人，淨飲啤酒，已經值回票價。醬料選擇也很多蝦非常新鮮，韭菜水餃雲吞巨型，個人喜歡韭菜餃。估吾到，還有花膠魚肚龍躉提供，對得起這個收費。選擇很多，但無奈只有胃一個，所以吃不了太多。我們所點的東西，全部質量也不錯，因此今晚的朋友聚餐，大家也滿意。花園酒家有2樓和5樓，今次我們坐5樓，感覺比較舒服寬敞，空間也較大。

已经吃了N次花园酒家的任食火锅，从不到200元，一直吃到现在的超过200元。现在是每位228元，没有加一，啤酒汽水任饮，价钱可以接受。单看点菜单上的东西已经超过100样，非常丰富。熟食如点心也是下单点，即叫即做，比自助更卫生。下单后5分钟左右送到，很有效率。饮料是自取，除了蓝妹和各种汽水，还有红、白酒。他们更设有冰桶和冰供客人使用，可一次多取一点而保持冰冻。调味吧位置也很宽阔，桌面上打理得很干净卫生。其实火锅的质量是很不错的，虽然没有名贵食材，但整体是干净企理。而且地方很宽敞，坐得舒服，到时间也不会赶客，很适合朋友聊天和聚会。

呢間酒樓搭車經過唔少次，不過從未都未食過，鍾意週末飯下茶既我，今日就試下呢個老茶樓。我地一行二人叫左四樣野食，食物水準下面詳講，但價錢就有啲貴，要百幾蚊。牛肉腸: 腸粉黎講真係好一般，完全唔滑，鞋口，有粉既感覺。燒賣: 燒賣一上枱真係好靚，大大粒，漲卜卜，不過無我之前提過粉嶺果間甘有鮮味，但個蝦好爽口。鮮蝦菜苗蝦: 皮薄涵靚，足料，味道好。珍珠雞: 珍珠雞好似平時酒樓甘，一籠有三件，料就唔多，但味道都ok。

今晚同朋友一齊係油麻地花園食火鍋，這裏的火鍋是飲食的，飲品也是任飲的。我覺得這裏比較特別食材係魚鰾，還有豬肺，豬肺都洗得幾乾淨。另外，醉雞翼，味道相當不錯。海鮮方面：有蟶子，還有海蝦肉類方面：比較特別既係牛孖筋魚方面：有生劏龍躉件整體食物質素一般，魚類方面不算十分新鮮，魚鰾有少少魚腥味。湯底可以選鴛鴦湯底，我們選了清湯和沙嗲湯底，不過沙嗲湯底比較淡，食材煮完之後也沒有什麼沙嗲味，有點可惜。豆腐是用上百福豆腐，我覺得有點馬虎，不夠誠意。

早前媽媽的朋友為他婆婆在花園酒家舉辦一百歲大壽. 我和媽媽都有出席. 之前與朋友曾經一起去花園酒家吃火鍋都挺熱鬧的!  當天吃的晚宴, 大家都非常滿足, 我吃完晚宴的第二天立刻打拳消耗返😹 當晚大概是七時半入席,  和叔叔姨姨們聊天和喝汽水🥤, 大概是八時開席, 主人家也熱心地佈置場景和親朋戚有影相! 第一道菜是乳豬香脆也很夠肉, 旁邊提供了乳豬醬和砂糖. 海蜇非常彈牙調味也足夠.金銀明蝦仁炸蝦仁香脆可口和炒蝦仁新鮮彈牙🍤 配上蜜糖豆,西芹和紅椒超美味.原隻鮑魚扣花膠筒一人一件鮑魚非常之滿意, 夠淋和也很入味!清蒸大東星斑我非常喜歡吃蒸魚,當晚的東升斑大概是兩斤半重. 蒸得剛剛好, 魚肉非常滑和鮮甜配上蒸魚豉油和香蔥, 很好吃!花園一品燒雞去到燒雞的部份我已經開始飽了, 只吃了一件雞,  一點都不鞋, 有位叔叔還帶走了吃不完的雞件, 回家明天再吃! 椰皇燉雙皮奶入口不會太甜而且很滑我1分鐘內就吃掉了! 壽包只吃得下半個, 不會過甜,不錯,只是真的太飽了差不多吃到10點大家便各自散場了整體食物和場地, 我非常滿意.如果有機會要邀請親朋戚有食飯也會選擇花園酒家有幾道菜沒有拍照 >&

今日的花園火鍋完全唔店 一定不會再來 請都唔來😔 可以以經換咗廚房 服務員一般 連加湯都是自己加 食品選擇好小 應該說公道啲和一般的平價任食火鍋不忙多樣 唔直得$220元一位 大家自行判斷

同朋友約好打邊邊,去了油麻地花園酒家野食正常野,冇咩好特別既野所以我就重點講幾樣野食就得最特別係打邊邊有奶黃包食,都幾FUNNY都算熱既但唔叫得好好食蔬菜都算幾好味,夠新鮮既肥牛個人覺得太肥,一比一都唔止肥瘦分配其他午餐肉,腸仔等等都正常既,魚都算比較好

今日晏就同男朋友去沙灘玩水，玩完一輪真係好肚餓，男朋友提議去打邊爐！呢間花園酒家我地之前都食過幾次，雖然係任食火鍋，但質素係一如既往的好。我地夜晚6點左右去到，所以完全唔洗等位，不過去到7點幾已經坐full哂，以平日泥講，相當之旺場！$218位，任飲任食，除左打邊爐之外，仲有其他熟食(例如包點)都可以任點。尤其好岩一班男仔去食，因為如果有足球賽事，呢到會免費直播，加上啤酒任飲。蝦和蚌係按人頭送ge，好新鮮！特別推介象拔蚌，烚幾烚就食得，好爽口。仲有醉翁雞中翼，真係超入味！！！！！肉質好嫩滑，絕對有驚喜！