花園酒家

營業中

休息中

7點去想去夜繽紛，但太多人，就走左去附近找嘢食， 廟街周圍都冇位，最後去左呢度，唔洗等位立即有得入，我哋8人剛好一圍，周圍環境ok啦～普通酒樓，不過啲嘢食幾大份，叫蝦仁炒蛋，啲蝦都特別大隻，好足料，個碟都大隻啲。整體性價比高，下次會再去。

最近上書法班課程轉場到油麻地上課，曾在麵舖吃碗牛腩麵都要$52，清水/茶欠奉。因此，我們也轉場到「花園酒家」午飯，每次人均消費約$52-55。今日我們點選三個孖寶，人均消費約$52，好吃又抵食。鳳爪排骨飯、鹹魚肉餅飯，米飯很乾爽，餸也不差！薑粒雞包仔，魚肚棉花雞夠多料，點心夠熱騰騰。煎釀茄子夠大件，鹹水角夠香脆，但嫌饀料却很少！服務員的服務態度也良好，所以，我們書畫結緣的三人行，這裏往後都會是我們三人的飯堂。

疫情放寬後再次光顧這家三年前經常作為朋友聚餐之地，食物種類比起之前少了，價錢貴了是定律改不了的，第一次選了脆肉鯇魚片，卻來了一般鯇魚片，也罷再來選多一次，結果來的又是一般魚片，問服務員姐姐佢話有時脆肉鯇是這樣的，我哋真係孤陋寡聞，食過咁多次都未試過這樣的脆肉鯇煲一陣就夾起來斷晒，花園酒家真係大不如前，看來是時候轉換下聚舊場地！

一家人嚟食飯，嚟咗幾個餸，爭4個小菜，知今日人手唔夠等咗超過一粒鐘先追，點知著晒成套西裝嘅經理同我講，叫我取消啦，我話等咗成粒鐘先同我呢句說話？！佢話你要等咪等囉，唔知等到幾時㗎！我話你唔早講，等咗超過一粒鐘你先同我講呢D嘢！真係嬲咗，勁不負責任！道歉都無句！其他枱都追緊餸，團年飯食到一肚氣，仲要受佢氣！嬲上加嬲！

今晚香港時間8點30分，全城矚目既英超曼市打吡戰，如果搵到一間又有波睇又可以打邊爐既酒樓，就真係完美，咁岩係油麻地花園酒家就可以幫到我地，所以就趕緊提早一個禮拜訂位。278蚊(全包價)， 任飲任食2-3位 2小時4位或以上2.5小時今次我地一行四人，包送一個湯底，我地揀左皮蛋芫茜鍋，鍾意芫茜嘅朋友一定岩晒，食材方面有成99款任君選擇，肉食，海鮮，蔬菜，點心，丸類，餃類應有盡有，啤酒汽水任飲，食物要好食之餘，其實最重要係服務同埋氣氛，當晚座無虛席，睇住d侍應忙個不停，做到冇停手，但服務一樣周到，抵讚。

食物質數係唔錯，但人客多，食物出餐就慢到發瘋，九萬幾人問我落左湯未，講左幾十次。等然左半個鐘都唔見個煲出現。全場不能知咩事，所有電視都係賽馬，直望已經九部電視都係賽馬台，叫佢轉一兩做新聞台，佢話唔能得，

方便在這中菜任食火鍋可用開飯app㩒幾個掣就訂到位，而且任吃4小時無憂，還要坐落油麻地彌敦道信步即達的便捷位置。一盤盤的肥牛在櫃枱任自取，狀態不俗，肥瘦相間；芝麻、沙嗲、喼汁、辣椒粉、魚露⋯⋯醬料十款八款大大盤排在長櫃枱任勺，當中有練奶沙糖給點蒸饅頭備用。少見有紅酒自取。食材清洗得乾淨，菜無殘留發泡膠粒、泥沙；肉無血水並且光澤，尤其龍躉件、鯇骨腩，比在街亦買的狀態還好。除了並非大部分中式火鍋都提供之雞子（每顆都比標準大粒，不怕滾耐縮水）、豬膶（較難控制灼時間，好多塊都因時間過長已變成表面沙紙口感變硬塊阿膠，得報銷），另有魚鰾，夥計提醒灼前須剪一下，使此「水泡」漏氣，方便煮，咬感爽兼有筋底，沒腥味。攝單點的醉雞翼意外地質素理想，醃得入味，久煮了雞翼還呈嫩滑。至於有沒世界盃看，未能證實。當時未是直播時段，電視只預設新聞台。

花園酒家 ,浴火鳳凰搖身一變 ，以前大酒家客似雲來 ，疫情洗禮，分拆多間食肆，梗係試一試原名花園，睇下變成點先。好一個火鍋放題，地方雖然少咗一半，不過 真係依然係雲嚟呀，我哋早嚟入座，睇到我地走嘅時候，客朋滿座依然係，火鍋煙四起 枱枱都咁多人，名牌都係名牌依然係有一定嘅顧客、我哋講返啲食物先啦真係呢度唔簡單呀，淨係講紅白酒任飲呢個噱頭真係唔簡單，啤酒汽水一款款，乜嘢都有，再加埋啤酒任飲呀，咁嘅價錢淨係飲啤酒都抵啦，再加埋啲食物 ，火鍋食品先呢幾個美國肥牛 睇落好掂呀，仲有食物任點龍躉，脆肉鯇片 ，鯇魚片花膠鮮魷，這一餐唔捧住個肚出門口都幾難呀 ，下次真係要搵啲朋友呢，淨係飲啤酒，飲紅酒，都值回票價。食物分海鮮肉類 有19款 美國肥牛金錢展，花膠魚肚象拔蚌，醉翁雞五羊片等等!河鮮海產14款，鯇魚骨腩，魚片，魚雲仲有抵好味嘅魚頭魚片，干吊筒，龍躉田雞 油炸魚皮魚鰾等等。粉麵點心有15款 烏冬米線一丁麵，米粉伊麵都有呀!仲有響鈴雲耳，蒸饅頭奶黃包 。肉類餃類 25款鮮菇竹枝蘿蔔片，金菇番茄西洋菜，總共 有過百款任君選擇。

約左朋友出嚟聚舊，友人一向都很喜愛嘆茶，所以今次就特意選了油麻地「花園酒家」。酒樓喺呢區經營多年，口碑向來不俗，所以平日都有唔少街坊熟客嚟幫襯。我哋大約中午 12 點到，見到大堂已經幾乎坐滿了食客，幸好知客眼明手快，即刻為我倆安排了轉角處的位置，地方不錯，環境較清靜。 細閱餐紙，點心選擇多不勝數，另外還有一系列精選小菜、特色粉麵飯、燒味和惹味小食等供應。我揀左兩款點心，而友人就負責點小食。雪山叉燒包 ($25.8)  叉燒包上桌時仍熱辣辣，外皮酥香鬆化，入面餡料十足，叉燒鹹香帶甜，趁熱食最好味。生滾魚片粥 ($29.8)  粥底煲得好綿，魚片數量特多，魚肉嫩滑又無骨，入口味道挺鮮甜。脆炸妙齡鴿 ($48)  乳鴿外皮炸得相當香脆，但食落又唔會太油，加上 Size 剛好，唔算特大，反而令鴿肉更加嫩滑，入口啖啖 Juicy。另外呢客椒鹽魷魚鬚 ($48) 水準亦唔錯，外層炸粉唔會過厚，椒鹽嘅分量亦拿捏得十分準繩，加上魷魚鮮味足，食落好香好惹味。鹵水鵝掌翼 ($48)  鹵水鵝掌同鵝翼啖啖肉，絕對唔係皮包骨嗰隻，而且味道亦啱啱好，鹵得很入味，唔太咸，good！ 最後大家 Share 左個化皮

假日與家人有節目活動，先在「花園酒家」飲茶午飯飽頓後才出發。很合心意的乳鴿孖寶套餐：多款炒粉麵配紅燒乳鴿，我們楝肉絲炒脆麵，乾脆麵很可口，有獻汁的脆麵則美味，份量也多，祇是肉絲略少，紅燒乳鴿皮脆肉香，非常冶味。百吃不厭的點心：椒鹽魷魚鬚、蝦餃皇、招牌流沙包、馬拉糕、布拉腸 。椒鹽魷魚鬚~$48好食又抵吃，爽脆鹽香。蝦餃皇~大大隻的蝦餃皇，幾乎全部是爽滑蝦肉，很能滿足「蝦」迷！招牌流沙包~流沙饀很甘香甜美，美中不足是未夠「流」！馬拉糕~很鬆軟清香，絶對是升級版馬拉糕！布拉腸~簡單的布拉腸粉有柔嫩彈性口感，配豉油、麻醬與甜醬更是絶配，也是童年的味道。還要甜點：冰心糯米糍~冰凍又軟綿，幾特別的口感。桂花糖雞蛋散~大大件的桂花糖雞蛋散最宜分享，鬆化脆口又略帶一點點桂花糖的清香，是最完美的甜點。晚餐還有任飲任食火鍋吃。

香港傳統粵菜酒樓一向都是早上茶市，午市點心加碟頭飯，晚市小菜，要突破傳統經營模式，很多都會各出奇謀，務求令營業額上升。今午來到油麻地一間專注街坊生意的粵菜酒樓「花園酒家」，此店以大眾化價錢，不時推出優惠套餐和特色小菜，晚上更加設火鍋，頗受街坊歡迎。看過餐牌，分別點了乳鴿孖寳套餐和兩款小菜。紅燒乳鴿 - 傳統名菜之一，紅燒乳鴿製作相對繁雜，先滷製，再油炸，師傅兩方面拿捏精準，上枱時香氣撲鼻，入口皮脆肉滑、骨嫩多汁。瑤柱蛋白炒飯 - 賣相美觀，雖然白飯、雞蛋和芥蘭都非貴價食材，但師傅的炒功相當到家，用上等瑤柱浸泡之外，經過蒸和炒香，更用浸過瑤柱的水悉數加入炒飯內，令到每粒米飯都散發瑤柱香氣。濃湯海味雜菜煲 - 用了上等蝦干和魷魚，加入粉絲、香菇和多種新鮮蔬菜，湯底鮮甜無味精。豉汁帶子蒸豆腐 - 傳統懷舊菜式，帶子新鮮嫩滑，加上秘製豆豉醬，鋪在軟滑的豆腐上，加入數條翠綠的菜遠作點綴，一道老少咸宜的菜式，令整頓午餐增色不少。

算一算也有好幾年沒有喺中式酒家打邊爐，今晚有機會去返傳統酒樓吃火鍋，絕對有懷舊熱鬧嘅氣氛~環境唔錯，地方寬敞，入座不久已經全場滿座。每個角落都可以睇到電視，遲啲世界盃開羅更加係睇波開餐好地點😊飲品方面，有幾款汽水、樽裝茶，餐酒，啤酒。雖然不放雪櫃但本身夠凍，另有冰粒和桶提供，直程好似落咗酒吧，飲一兩round 都已經值回票價。還原基本步，剔紙仔揀食物。火鍋配料差不多有成百種（排序去到99😁），是有點超出預期。淨係海鮮類、魚等都有多款選擇。揀了鴛鴦鍋底「芫荽皮蛋併粟米甘筍」，芫荽皮勁香，有大量皮蛋，簡單美味！入座先送上每枱一客是日海鮮，今日有海蝦和廣島蠔。食物好快就送上。海鮮、魚類似乎是強項，分別點了：🐟生劏龍躉件，絕對新鮮，而且每枱都會叫。龍躉片大大件，肉質雪白，魚味香濃，龍躉皮更加煙煙韌韌充滿膠質，非常美味。再encore嘅質素都係一模一樣👍🏻🐟脆鯇魚片，夠實淨，魚肉爽脆。🐟生魚片，比較滑，魚味香甜，小心都有細骨。🐟鮮魚頭雲，新鮮唔腥，件件都有肉。🐟 鮮魚鰾，坊間比較少有嘅火鍋料，記得篤穿先好淥，口感特別，外軟內脆！🐟花膠，夠厚呈筒型，味道唔錯唔會腥。象拔蚌片，屬於軟腍，煙靭質感而非

每次搭巴士經過彌敦道都會見到呢間花園酒家，今日去開油麻地就順便同媽咪嚟呢度飲茶，酒樓位於2樓打開Lift門，服務員即時上前招呼及安排入座，這裏環境寬敞我們二人就安排坐卡位👍餐紙上除了點心仲有多款小食及套餐，價錢亦都好合理！小食我們點了椒鹽鮮魷魚🦑及紅燒乳鴿，鮮魷份量不少，炸到金黃色脆卜卜好香口，乳鴿外皮香脆，肉嫩多汁。水晶蝦餃皇/鮮蝦菜苗餃蝦餃餃皮煙煙韌韌，蝦肉鮮甜爽口，菜苗餃粒粒晶凝通透，餃皮薄到可以見到餡料，材料亦都好新鮮。順德鯪魚球/魚肚棉花雞鯪魚球粒粒脹卜卜，魚肉爽口加入胡椒粉及豉油調味，超好食。棉花雞雞肉嫩滑，魚肚吸入湯汁好清甜😋

今早與家人到油麻地花園酒家飲早茶，大約10:30到達，無需等位。我們三人點了三個醒晨自選點心孖寶餐，有18款點心可供選擇，孖寶餐價錢$32.8。我們點了菜乾排骨粥、陳皮牛肉腸、鮮竹牛肉球、排骨陳村粉、南乳豬手及順德鯪魚球，粥最快送到，可惜不夠熱，但其他點心的温度都夠熱。我們最欣賞牛肉腸，腸粉皮又薄又滑，通透得連牛肉也隱約看得見。埋單六個點心連三位茶錢合共$141，每人也不到$50，相當抵食。唯一不太滿意是洗手間，厠格內垃圾桶因長時間沒有人清理，所以紙巾溢出遍地，衛生欠佳。

久違的可以跟一班朋友一起食飯，最方便就係去酒樓，大家圍住張枱邊吹水邊食，一樂也。 我們坐下就叫了個6-8人套餐$988，另加散叫了片皮鴨及蠔仔煲。叫了不久，好快就有得上菜，上菜速度都算幾快。先講大大盤龍蝦，龍蝦多，肉又多，麵汁不會太濃或太淡，剛好不會太流。另外條龍躉魚質滑嫩，大條，沒有蒸過火，火候恰到好處！至於馬拉盞炒菜都炒得好食，菜框爽脆，調味適中！咕嚕黑豚肉，炸粉皮脆口，亦不會太厚，加上甜酸份外開胃！👍而脆皮燒鵝皇，皮脆不在講，正常好味的一道菜式！套餐還有個花膠竹笙海皇羹，侍應會分好一碗碗給大家，飲上質感去不會太傑或太稀，每羹都有材料食到，另外發現，加少少白飯撈入去做湯飯都唔錯，由於海皇羹質地滑溜，加飯一起食，每口都加點咬口，但又滑滑的，湯料及湯的味道可以在咀嚼白飯，在口入面留多點時間，慢慢品嚐😊。另一個重頭菜式，就是片皮鴨，皮脆，咬落去油脂吱吱地滲出來，由包在面層的薄皮吸收，中間有香葱青瓜，油中帶點清爽，皮及青瓜都脆口，油脂濃膩，加上肉質口感，好耐都無品嚐這道菜！🤤總體味道幾好，上菜速度及服務都唔錯！價錢算適中，地點方便，是好適合多人聚會的中菜酒樓！