影片
以上資料只供參考, 請與餐廳確認詳情
招牌菜
夏日炎炎入到長洲熱辣辣就搵間鋪避暑。一入依間鋪，先點左個沙冰消消暑，再打算要杯水解解渴。老闆即話無水提供，畀錢就有水飲。10蚊1支，熱到咁又唔貴都可以啦。點知到埋單突然水費加得勁過地鐵變咗做15蚊。搵唔到menu10定15蚊情況下都廢事計。點知仲上咗一堂數學堂。38蚊一杯沙冰加15蚊一支蒸餾水原來係63蚊。我再三確認後問返老闆［38+15係63？唔係53咩？］，最後先死死氣計53蚊。香港商家又一力作。唔係畀唔起錢同唔想畀錢，咪繼續咁做囉。睇下仲有幾多客。
繼續閱讀
差評👎！認真，真係真心唔建議大家入去食。我前幾日喺長洲泳灘附近，行到又熱又口渴(嗰日天氣超熱，好曬)，所以諗住近近地搵間餐廳食下嘢，順便坐下，休息一陣。點知…… 諗起都嬲……1. 態度超級差唔講仲以為佢係我老細，遲一秒答佢，佢都會鬧你，好寸㗎🥲。食完即刻趕你走，叫想坐多陣都唔得啊2. 性價比低3X蚊細細一碟，仲細過我隻手。本人隻手好細哦。用呢啲錢食多兩串魚蛋仲好過啦，難得入到嚟長洲。如果唔係因為佢近個泳灘，我絕對唔會入去食。只可以話老闆好識賺錢啊！
繼續閱讀
今日岀長洲做嘢，天氣又熱又焗，由朝早已經諗緊下晝一定要食冰！食完lunch 搵到呢間冰店就入咗去，去到果時點半，未有咩人！蕃石榴：都重蕃石榴味，加咗焦糖topping都唔會太甜！朱古力: 朱古力味濃得黎，略嫌小假朱古力香蕉: 本身只係想叫香蕉味，但無得齋香蕉，唯有叫雙拼！香蕉味都岀，係好懷舊果d ice cream 味🤣！總括黎講，大熱天食完好舒服，味道就真係中中肯肯，勝在價錢同岀邊比唔算太貴，夏天岀長洲可以一試！
繼續閱讀
長洲之行當日天氣悶熱，灰濛濛的天空感覺快要下雨，使得整個人背上都是粘糊糊的汗水，而前往沙灘的途中發現賣雪花冰的「花園雅座」，於是忍不住買了一個雪花冰消暑。「花園雅座」的雪花冰根據客人選擇的口味，用上帶有味道的冰塊放進機器刨成雪花冰。單點$28，雙色冰$35，口味來說算是非常多選擇，基本上都是基礎口味不會有中伏的可能性。選擇好口味之後，可以另外再選一種醬料這次選擇的是芒果配益力多雙色冰，外加焦糖醬。在香港好像比較流行吃日本刨冰，台式冰好像沒那麼常見，所以這次的雪花冰其實讓我非常期待。入口第一下，感覺味道不濃，不管是芒果味或者益力多味道也比較淡。融化速度不算太快，入嘴裡就融化，口感不太紮實，不過綿密口感也不賴，冰面淋了一些焦糖醬，但味道還是淡。不知道為何，吃了幾口芒果冰後總有點榴槤味的錯覺，可能因為每次製作雪花冰也是使用同一台機器，我們猜想可能上一個客人點了榴槤冰，所以......這裡的雪花冰給我們感覺就是「到喉唔到肺」，不是說沒有味道，而是沒有預期中的甜味/水果味，確實有點失望。如果是剛好路過「花園雅座」的話，可以點一份冰來消消暑，但特意來試就不了。
繼續閱讀
週末入長洲行下，放鬆一下！甜唔永遠係不可或缺的美食...熱辣辣既天氣，一啖雪花冰入口非常涼透！點選既朱古力雪花冰朱古力味唔濃郁，並唔好食，感覺似吃冰！當吃到雪花冰面層既朱古力醬時才有吃朱古力雪花冰的味道！
繼續閱讀