花園餐廳 (東廣場) (已結業)

今天又要上堂。在觀塘中午時份找一間食店吃飯不容易，見東廣場有「花園餐廳」以前都有在旺角分店食飯，印象都可以，於是搭扶手電上去，不過今次覺得好似有少少"中伏"......我點了紐西蘭肉眼牛扒配薯菜、忌廉湯及熱奶茶。主菜放在枱上，賣相幾好。牛扒是薄切，好"細塊"。食起來有點韌，似乎煮得太耐過了火候，肉質變老。小白菜翠綠，好新鮮；用清湯淆制過，好好味。蕃茄仔，好有鮮茄的酸味。粟米粒夠鮮甜。所有配菜好有田園風味。不過，薯條，好難入口，又凍又腍，還沒有味道。驟眼看湯面上有一層薄薄的肥油，暖暖地，飲落淡而無味。餐飽，食起來好有口感豐富，甜甜地。熱奶茶，夠熱。紅茶跟奶茶分量比例適中，夠香滑。餐廳內部環境美觀，座位好狹窄。侍應服務態度友善，落單及送餐時間夠快。食物質素差了有點失落。

天氣凍， 處處都不想去，何況是星期日， 整天窩家中， 但家人晚上有約會，晚飯要食自己。不去太遠，在家附近花園餐廳食。晚餐有多款，價錢唔貴鐵板海虎蝦拼澳洲西冷牛扒跟薯菜 99元餐湯，麵包先上， 羅宋湯比以前稀咗好多， 肉味少，但勝在熱騰騰， 麵包軟綿，合格啦！虎蝦和牛扒夠大件二者皆肉厚，牛排7成熟太韌柴口有根， 刀唔夠鋒利，切到手軟薯條放在牛扒下面墊底， 好淋一啲都唔脆。其實可以考慮放在鐵板旁邊，或者牛扒上面。飲完杯熱檸檬茶就回溫暖的家了！

本太子今天又要出動食午餐啦。要求不高，只想食件扒，於是就黎到花園餐廳。花園餐廳一向係本太子食扒的選擇之一。今天選擇的係 蒜茸香草扒拼漢堡扒 餐。凳凳凳凳!!對於我來說，這塊雞扒的質素我絕對能接受，不竟個人喜愛吃，而且雞扒的蛋白質能夠提供男士的動力，配合運動能夠增肌。以這個午餐的價錢來說，不得不成為本太子首選之一。另外薯條也是本太子的大好啊～薯條雖然只是配菜，但是絕對掩不住它的魅力。去花園餐廳一半半亦係為了這裡香噴噴，金黃又大條的薯條啊～ 美中不足的應該係份量太少了，不能滿足我大男人的胃口。所以今天本太子就要寫一篇來頌讚一下自己常去之餐廳。

牛扒都好味 好軟身但個特飲真係......🤢我叫左黑牛同雪糕紅豆冰黑牛係朱古力雪糕同可樂啊 大佬，我真係成世人都未飲過咁難飲既可樂，溝水冇氣同冇味，又成杯冰 癡到個雪糕都食唔到！但竟然要加13蚊！ 唔想同錢作對只好「頂硬上」但真係仲有1/3杯，頂唔緊......放棄！雪糕紅豆冰都係，淡到似飲奶水，紅豆似浸左幾日水個種，完全唔知自己食緊乜飲緊乜。🤢🤢🤢🤢🤢🤢🤢🤢🤢🤢又係加13蚊。唉 冇下次......

2018Jan06晚，丅骨牛扒$128，有成半塊 用倚天劍都切不䦕，call小經理，我們餐廳的丅扒 就是這樣 😞無奈萬千，請収走，餐茶 凍O tea，場第一次來，旺角的 花園 人&料 都好一點😭灰.......

~~走黎食個晏~~西冷牛扒意粉$54餐包+$3- 一般，多汁d會好一點下午茶$40醬燒豬軟骨烏冬可揀 拉麵包餐茶如要餐湯+$7- 豬軟骨偏咸，個份量算多，有5.6件大大舊的豬軟骨

*自從食過一次花園之後我已經發誓唔會再食，但人始終係犯賤。*嗌左個lunch 西冷扒餐配薯菜 凍好立克*一上菜 賣相差到一個點！一大舊小棠菜，仲要未熟，塊扒薄到唔可以再薄*個好立克仲犀利！完全唔係好立克味，唔知乜味！好味到我形容唔到！好立克粉溝糖水溝水咁簡單都可以轉化成唔知咩味。*其實一坐低見到d刀叉就咁放檯面已經覺得唔乾淨*個湯位係我隔離，見到入面真係唔敢飲個湯。*個餐包真係我出世到依家都未食過咁難食既包*今次⋯真係冇下次*真係比得起咩價錢就食得起咩食物水準*我唔應該錫住自己荷包

星期六我同妹妹2姐妹到聯合醫院探媽咪，探完之後正正係lunch 時間，但眼見裕民坊好多餐廳都已經執左，周圍望下仲有咩食，咁啱就見到有間花園餐廳咁就決定去食啦。去到時大約都2點，可能因為咁有好多空位，直入就有位坐了。難得妹妹話請客仲叫我一定要食牛扒，所以lunch 食豪少少鋸個扒先。我叫左個鐵板肉眼扒，唔知係咪慣左新式扒房，一般會一早問定你咩汁，佢會係上菜前淋埋但今次我見佢冇問，只係問我飲咩湯。我飲嘅係白湯，入面有雜菜粒，但都幾creamy係傳統嘅港式白湯。個扒上黎我仲係度諗梗個汁點算，之後已經見侍應拎左2個大筒黎問我要黑椒定蒜蓉，呢個時候我先醒起舊時係真係有侍應會係你份鐵板上菜時先幫你淋汁，於是我揀好左要蒜蓉汁後佢就叫我用餐巾庶住自己佢要淋汁啦。呢個動作我都好耐冇做啦，童年回憶出返黎，依家新嘅餐廳都唔會再有呢個場面睇，當汁淋上鐵板時昇上黎嘅煙高到上天花板，隔離檯小朋友都興奮到大叫火山爆發，哈哈。塊扒都係傳統港式醃到好淋身嘅牛扒，不過牛味就唔多夠，可能係醃得太過了，佢嘅配菜係薯條同菜，但估唔到係小唐菜，果然係好地道。蒜蓉汁亦唔太夠蒜味，不過食回憶又一流嘅。

雖然觀塘食店多，但到晚飯時候都總要排隊等位，於是想到這間花園餐廳，地方大，冷氣足，不用等位，食完亦不會盡快收曬你枱面餐具食物趕你走。我們都是點了牛，一個是蝴蝶牛扒，一個西冷牛扒，兩份都非常足料，味道也不錯，當然不能跟扒房或高級西餐廳比，但以一百多塊既價錢質素算不錯了

Lunch 食花園再食鋸扒真係對自己巧一點呀😂😂不過塊扒巧靭巧多筋⋯⋯$55一個西冷牛扒餐，有湯有飽有凍飲，算係咁啦！-----------------------好味指數😋：6/10翻啅指數🙆🏻：5/10人均消費💰：10-99服務態度👨🏼‍🍳：6.5/10 乾淨指數🌝：6.5/10

呢篇食評係正評，完全基於食物質素開始前，想講講我並唔係第一次食花園餐廳（觀塘分店），我一直覺得味道唔差，但唯獨地下太滑呢點令我無法執筆🙈因為一間餐廳嘅內在環境對食客都非常重要。地下唔算好污糟，但唔清楚究竟係地板樣式本身易滑，定抑或地下太多油嘅關係，我唔想深究，只想講真係好滑！*我已經著防滑嘅鞋，落雨天跑步都唔會滑倒個種今次去，見地下舖滿地毯，可惜你一坐入卡位，個人完全係“線”入去😐我覺得花園餐廳應該著手改善下呢個問題。言歸正傳，食評當然要針對食物。我分別叫左鐵板澳洲T骨牛排（A餐），配薯菜。飲紅湯，要熱檸蜜。另一個蜜糖燒豬手配珍寶腸（E餐），飲白湯，飲凍啡走甜。由於當日唔太肚餓，所以只叫左set餐。兩個餐都會有餐包送（附牛油），餐包軟熟新鮮，好似啱啱出爐咁，暖嘅。紅湯係羅宋湯，白湯係忌廉湯。羅宋湯不外乎係西芹、紅蘿蔔、牛肉，我稍微覺得鹹左少少，味道唔算好突出。呢間紅湯並冇加黑淑，我個人偏向有黑椒嘅紅湯，少少辣好開胃。白湯係忌廉湯，少少蘑菇加雞湯，味道冇突出之處，湯呈有點稠度。終於到主角嘅部分-主菜，首先出場係澳洲T骨牛扒，由於鐵板好熱嘅關係，一黎到就彈汁彈油，要記得拎起枱面塊大紙巾（說

今日同同事去花園餐廳食lunch ，因為有少少唔舒服，所以冇食最出名嘅鋸扒，只係叫咗焗飯，但比起鋸扒一啲都唔遜色，係工廠區入邊，呢間餐廳算係難得的清泉。我叫左一個芝士蟹肉魚柳焗飯，配餐湯、餐包，同一杯熱飲，$60有找，味道仲幾好，係今時今日真係無嘢可以投訴

想在觀塘鋸扒好像沒什麼選擇，還好有《花園餐廳》，中午也可以忙裡偷閒鋸一鋸扒。不過在中午時段一定要預早一些去等位，如果不是LUNCH TIME肯定會遲到。《花園餐廳》1963年開鋪，是香港牛扒茶餐廳，現在一共有十間分店。出品有T骨牛扒、西冷牛扒、牛柳同牛肉肉眼扒類嘢食。㷫熱嘅鐵板牛扒加汁，喳喳聲，有聲有色，呢啲牛扒用嘅鐵板係香港飲食文化特色。

忙完一輪收工肚空空想食肉, 呢啲時候就會諗到嚟花園餐廳据下扒, 填飽個肚滿足下.  先嚟第一份A級肉眼扒 (紐西蘭), 色澤紅潤又大大份! 唔知點解用鐵板上嘅感覺比起用碟上持特別正, 可能係淋上黑椒汁嗰啲炸炸聲又夠熱辣辣!    另一份點嘅係鐵板龍脷柳魚, 平時甚少點呢種用鐵板上嘅, 但今日想食魚就點嚟試下.唔記得拎起片檸檬就淋上汁, 仲要係揀黑椒汁, 諗落係有啲怪怪, 不過鐵板、炸魚、黑椒汁呢三個配搭又幾惹味, 而又唔會完全蓋過本身嘅魚味.  唔怕熱氣又唔想食肉嘅朋友可以試試!!

好耐無食花園餐廳嘅扒luuuu......難得今日經過觀塘就上去食個lunch啦 是次點了午餐的蒜茸西冷 餐湯點了羅宋湯 配餐包🍞 先講羅宋湯 係偏咸 咸到飲左幾啖就唔想飲⋯⋯⋯🙈😰餐包🍞係要讚嘅 真係夠哂熱同埋夠哂軟熟👍🏽👍🏽配埋牛油真係無得輸架 哈哈😅😅蒜茸西冷配薯菜 一上枱時覺得都幾hea呀 再加上見到件西冷 真係覺得勁細塊勁營養不良呀 真係會灰左架嘛 味道方面 薯條唔熱又唔脆 西冷係暖嘅 又係唔熱 不過個汁偏咸左可接受 火喉方面算係煎得幾好 唔會過韌吧 不過肉質嘅厚度可以再厚點吧⋯⋯餐飲點了凍檸茶 太甜了 甜到飲左幾啖便受不了呢。