花園餐廳 (東廣場) (已結業)

尋日睇完孤獨的美食家, 主角食牛脷扒飯相當吸引, 可惜印像中冇乜餐廳會一大塊牛脷上, 通常都已經切好一片片薄片, 忽然醒起好似花園餐廳係厚切一大塊, 今日一試, 相當滿意, 炒飯底唔會好似大xx 咁乾, 番茄汁有啲青椒 冇咁單調, 說實話大概有7.5分嘅質素 , 但係喺香港真係冇乜食厚切牛脷嘅選擇, 呢個價錢呢個質數 , 有可能已經係香港性價比最高

午午茶套餐$50，豬頸肉煎蛋飯加$12蚊有湯，但嗰碗羅宋湯簡直離譜，冇料兼咸到飛起，水了了，喝了兩啖不喝了，阿姐話可能放多咗鹽，鬼使佢講咩，佢乜嘢表示都冇，起碼話不如轉飲白湯，$12蚊就報銷，碟飯就中規中矩，不過碟豉油係苦嘅，好彩分開上，總言之，以後都唔會返轉頭！😵‍💫🤬😡

今日又黎花園餐廳食午餐扒餐，今次叫左鑊仔牛柳扒，賣相幾好，薯仔另上，脆口又唔洗怕淋哂。鑊仔牛柳好淋，份量夠哂。薯條個人覺得如果多d 就更好🤣🤣下次可以試下😁😁

呢間野好老字號今日實在諗唔到食乜嘢就去試吓以前細個都有食過但係冇乜bad feeling今日去食真係好失望嗌咗個牛扒五成熟 都尚算稔但無乜牛味好似茶餐廳味道咁另外嗌咗個雜扒餐 份量都多但都係難食啲扒超乾不過是但啦嗌得呢個都係為咗塞飽個肚唔期望咁多總結:大快活60蚊扒餐食得仲開心

由於晚上要工作，便在下午茶時段在東廣場附近覓食。由於想吃得較飽肚，而一直亦聽聞花園餐廳的扒類是不錯的，便到店內用餐。在餐牌上看到下午茶的選擇不少，已扒類為目標的我，便很快選擇了吃牛扒。餐牌上只有黑椒牛扒，而我不太愛吃辣的東西，便詢問店員可否把醬汁轉為蒜蓉汁，店員說可以，所以我便叫了蒜蓉牛扒意粉加熱奶茶。不消5分鐘，牛扒意粉便送到枱上。牛扒的份量比我想像的大很多，吃下去時也沒有梳打味。但當然，並沒有太多的牛味。然而，此牛扒的份量已經能填滿我的胃了。碟上的粟米，吃下去也比我想像的清甜。所以，以不用$50吃了一頓提早的晚餐，也算便宜啊！

好耐都冇嚟過花園餐廳鋸扒，以前記得細細個去到旺角就好想去花園餐廳鋸扒，後尾我記得好似轉左舖頭選擇左另外一間叫做第尾牛扒，我唔記得咗咩原因係咪因為佢好食啲啊？今次喺觀塘諗唔到食乜見到花園餐廳，咦都好喎，橫掂咁耐無幫襯，一於今晚鋸扒，去到間餐廳環境都好大，裝修就係以前嗰啲，我餐牌都冇睇就話要T骨牛扒，我記得細細個嗰塊T骨係大到嚇死人，我選擇咗紅湯，即係羅宋湯，餐包同湯嚟到，嘅味道都係我印象中嗰啲，方法T骨牛扒嚟到，點解我覺得以前大好多嘅？不過算啦我冇所謂，我選擇左蒜蓉汁，當我食返牛扒嘅時候，我發現咗一個問題，原來有啲嘢變咗就返唔到轉頭，可能近呢十年八載都係食一啲冇醃過嘅牛扒，當食返一啲有醃咗嘅牛扒就唔係好鍾意食，佢又唔係唔好食只不過我唔鍾意食，不過叫咗就費事嘥啦，點都會食晒佢。我想食下諗到佢似咩啦，就係我記得以前花園餐廳同大家樂係有分別㗎，依家就好接近，咁所以⋯⋯

話說同朋友講起細個去花園餐廳食飯，諗住懷舊下咁啦點知中伏之旅⋯上到去好快有位，諗住唔駛諗，叫晚餐推介。叫左兩個白湯，一個豬扒拼羊扒配薯菜，一個雞扒芝士薯蓉扇貝配薯菜。白湯⋯係大碗丫，無料，鹽加水。我係屋企煮金寶湯，都有幾粒粟米。這碗勁，完全隔渣到主餐，碟碟大份！朋友個羊扒，切開佢都有難度，何況咬 成條根⋯塊豬扒就正常，但唔係好食⋯到我果份精彩啦！ 係隻扇貝食得落同埋另上，塊雞扒食落去成陣雪味，諗住唔好浪費食物，照食啦，都要比啲汁我頂落去嫁叫個姐姐比啲汁我，我估唔到佢拎個油桶出黎（平時佢哋淋鐵板汁既桶），整一大羹，係我面前淋落去。如果你果啲係汁，我冇問題！姐丫，你果啲汁水黎既喂，稀到呢⋯附上圖⋯真係喊出嚟⋯⋯我啲薯菜種未食嫁水浸雞扒薯菜⋯成碟完⋯ 埋單連加一$208 多謝了食過依間，你就知道原來我平時食緊好嘢

今日試咗一間懷舊餐廳，就係花園餐廳，5 :35 入座，趕得切食下午茶，今次終於可以試鐵板肉眼牛扒5成熟。香濃嘅羅宋湯，入面有西芹，蕃茄，洋蔥，有少少牛腩粒，夠香濃 。一個軟淋淋熱辣辣嘅牛油餐包，一杯香濃嘅熱檸茶，熱辣辣嘅鐵板上枱，侍應倒下蒜蓉汁，香噴噴 ，牛扒夠juicy，有一條小棠菜，另外一小碟 粗粗薯條。一碟只是焗海鮮意粉，最頂鋪少少香濃嘅芝士 ，有青口，蝦仔，八爪魚仔，蟹柳，白汁做底，大大碟，好抵食。配一杯香濃嘅凍朱古力。下午茶無需加一，侍應叔叔有禮貌。我哋坐卡位，餐廳乾淨冷氣足夠。

1. 雪藏A級牛扒好難食！塊牛扒好似未解凍完！舊肉又實又微彎，充滿可愛嘅鬆肉粉味。😖2. 啲薯條碎濕濕，細碟，質地硬過我個頭。地悶茄汁在旁。😣3. 叫咗個忌廉海鮮湯，好好飲預先放涼左俾我哋，所以我哋飲嘅時候唔熱嘅，冇溫度！😖4. 配左個頭盤青口，呢個係最好。🙂5. 服務尚可，會略略解釋牛扒嘅不同，係字面解釋，黑椒牛扒係用黑椒嘅，以及牛扒係…唔同部位，有笑容。最尾問我要唔要cheese cake 我都放棄。🙂其實真係好耐冇食花園餐廳，所以想去懷緬一下，可惜… … …希望香港嘅餐廳水平可以提升！努力！💪🏿🅰️香港加油！

前幾日同朋友去左花園餐廳食飯 食我最鐘意既牛扒 我今次揀左肉眼牛扒 同埋7成熟 唔會太熟又保留返牛扒既鮮味 仲有個湯 肉汁豐富既牛扒配上蒜蓉汁 簡直係一流 牛扒唔係太老 容易入口 口感一流 而且牛扒幾大塊 啱哂我依d都幾大食既人 仲有我最鐘意既忌廉湯 味道好濃 令人飲完想再飲多碗 一個字正 成個套餐加埋唔洗80蚊 都幾抵 鐘意食牛扒既你不妨得閒黎試下 香港有好多間分店 總有一間係你附近😊😊😊店員服務都ok 唔會黑口黑面 有基本禮貌。👍👍👍

今晚全日官塘做野,放工接埋肥妹仔收工,一於去好耐無去既花園据下扒!!東廣場呢間唔知係咪裝修左,感覺上新左靚左,入到去仲早, 仲可以叫到午餐餐牌!!所以叫左兩個鐵板西冷扒(5成熟)!!嘩, 真係乜感覺都返晒黎...好耐無黎過, 呢排都係食開金鳳同第尾多...但係估唔到花園都仲KEEP到水準!!鐵板熱辣辣, 啫啫聲!!据扒好有滿足感, 扒質素唔會預佢太高!!價錢反映質素, 性價比都好高!!不過有樣野真係要讚,我地叫兩個鐵板餐, 薯條都自動波另上!!好似從來未試過!! 好細心!!平時多數會壓在喺塊牛扒底度變晒薯"溶"!!据起黎又唔方便, 分碟上好抵讚!!會繼續幫襯!!

*攞位門口冇人理, 叫你自己搵位* 叫餐揮極手都冇人理, 見到既扮睇唔到, 肯應你既又話轉頭轉頭, 等左兩三個字都未落到單, 到你黑晒面咁先肯理你* 黎錯飲品凍奶茶變凍啡, 黎錯飲品小事, 換過杯就得, 只不過又係一輪叫侍應扮睇你唔到, 換到又係10分鐘了食物平心而論係味道唔差既, 不過服務黎講真係唔愉快既經歷, 今次第一次食亦會係最後一次

收工黎觀塘花園餐廳食扒，大大件，岩晒班男人大口大口甘食。牛扒軟硬適中，黑椒汁醬汁夠多夠濃味，淋落塊扒上面，醬汁四起，好吸引。兄弟叫白汁焗海鮮飯，略嫌海鮮吾夠多，始終食肉獸黎。忌廉湯就普通，冇咩特別。

睇食評睇得多，寫就真係第一次，咁與其寫d唔ge經驗，不如寫少少開心事大家share下。呢餐飯又其實係五月ge事。話說行到攰攰扡，而果晚唔太諗到食咩，而觀塘好明顯weekend唔book枱想walk in食晚餐，真心慘過去銀行排隊，所以見到「花園餐廳」就lok jor上去，反正我又禾食過。(係，我係未食過)上到去望下餐牌，都係扒扒扒扒扒。既然個frd話扒先係招牌，咁就要個鐵板牛加珍寶腸。而我個frd lei，叫左個豬手。咁就等下等下就到菜啦。豬手，老老實實，大份到夠兩個人食，呢d未就係底食夾大件law。味道ok的。經理話，唔做德國咸豬手做法，太干。事實，德國咸豬手去酒吧食啦~ 之後到我個牛扒啦。鐵扒上，上之前仲好細心問要咩汁。到倒汁果下永遠都覺得好好玩，唦唦聲出晒煙。塊扒上得自然唔會五成，不過唔在意啦。又，我好多手掂左塊鐵朳一下，隻手立即出事。原本只不過打算要杯冰敷下就算，點知經理姨姨連藥膏都幫我塗埋(前後兩次)，又貼埋膠布。Wei ar, 呢 d services邊到揾呀？餐飯咁食法唔會唔好食law~

同小朋友運動完，好肚餓喎😅就喺附近搵間餐廳食啲嘢啦！就呢間花園餐廳啦！貪佤夠大間坐得舒服，仲有大熱天時d冷氣好勁好正好爽呀 做完運動梗係補充下啲蛋白質啦D見到個餐牌直情可以用頂級去形容呀:好多我愛人鍾意食牛:我就鍾意食雜扒🤫牛扒我哋叫五成真係好大件喎你哋睇: 仲好juicy好多汁㖭:但係有一塊呢就生咗少:不過都唔緊要都一樣咁好w我哋跟餐叫咕兩個飯e:原來d薯條係另上嘅，可能佢哋驚啲汁浸淋啲薯條所以就好窩心搵個碟另外上開畀我哋👍👍真係t:講下佢啲麵包啦麵包係維持喺佢哋一貫嘅作風熱辣辣軟林林俾個牛油畀你自y: 個羅宋湯就水好多呀一般嘅味道啦😅 Well到我個雜y:你哋睇下有雞翼、煙肉、係咪午餐肉嚟？仲有豬扒、牛扒、同埋雞扒各一塊嘅😅咁我就唔食牛嘅。。所以我就將個牛扒轉咗做豬扒😁所以我有兩塊豬扒架咁😝😝佢啲伴菜呢就唔係一般用粟米粒呀蘿蔔粒嗰啲好普通嗰啲😅佢哋用翠玉瓜好好味呀😋😋全部畀我清曬d瓜😅😅因為好清甜好食y:嘩你睇下啲扒大件w:真係抵e:我諗一個牛扒可以兩個人分雜扒都可以兩個人 暫時嚟講我覺得呢一間係比較最實際同埋最大件夾抵食嘅据扒，花園餐廳都已經係好耐歷史啦由細食到大yum#katk