花園餐廳 (已搬遷) 新店位置

今日係公司做野做到悶悶地,一點食飯人又多,所以等到2點鐘悶悶地幾個人就去左花園餐廳食下牛排,去之前睇到個食評話會回到17歲個種天真無邪既感覺真係要去試,.如果唔去真係對唔住自己。果然兩點鐘食飯係最好,一開到唔使等位,二話不說坐低就叫野食。黎到花園餐廳梗係食牛排啦,咁出名。每人點左個牛排餐,有餐包,湯水,飲品仲有一塊美味多汁既牛排。52蚊一個餐真係冇野可以講。先黎話湯,個湯的確麻麻,冇咩味,飲左都感受唔到17歲個種天真既感覺,西冷牛同肉眼排7成熟既肉眼排整到好似差唔多9成熟,但西冷牛排唔錯。可以試試。最後食哂成個餐之後,我發現原來真係可以感受番以前17歲個種感覺。如果想去搵番17歲既感覺不防可以去試下。

五月上旬‧晴除了老麥的雙牛芝寶，其實花園的扒都有時會吃。要了豬T骨扒餐及肉眼扒餐各一，先來的紅湯味道夠，也勝在不會如Mega Box扒王之至般的杰杰的，算是這樣。豬T骨是看得出的韌及硬，不過回心一想，至少沒有用上鬆肉粉去招呼，也不錯。肉眼扒，算啦，不評了。只說一句，52元一個扒餐，都不能苛求。還有杯餐飲，凍飲不用加錢。你喜不喜歡都好，這裡午市還是爆滿的。

琴日做完野同老婆經過諗住搵下野食啦..之後見到呢間野..諗住未食過 上去幫親下啦一上到去只見到最邊有1,2台客,心諗唔係差成咁唷之後有個肥仔侍應 極不願意地照呼我地坐底..到叫野食啦...我同太太叫左2個扒餐 都未講要咩湯,飲咩野....個肥仔侍應就粒聲唔出行開左 到D野食到啦...所謂既肉眼牛扒扒薄到呢都唔知有冇2MM..仲衰過我係茶記食戈D牛扒,白湯得個喊字..D汁又出奇地冇味我太太個西冷牛扒仲得意...4條邊8個角- -食咁多次牛扒真係未見過咁醜樣既西冷牛扒!之後我太太問佢地拿tabasco,個侍應極冇禮貌地掉到我們的卓子上...都算啦...到埋單..我囉左2百蚊出黎..佢行埋黎話106蚊..咁我就同佢講俾6蚊散紙佢啦,點知佢唔理我走左去 返到黎我話我有6蚊散紙 叫佢找返一張100百俾我啦..佢用高8度既聲音講左句..找左啦啵!!激氣到我想問佢係唔係上次個1億六合彩你係唔係有份中...宜家唔想做

很久都沒有到類似扒房的餐廳了，然而今次因為一位朋友突然超級肚餓，所以便到這間可以說是差不多無人不曉的花園餐廳幫襯了。先來的當然是餐包及餐湯啦。熱熱的麵包，把牛油塗在裡頭，一咬之下，美味無比。我的餐湯是羅宋湯，可說是真材實料，湯中可以找到豐富的雜菜及牛肉。今晚的主角是鐡板西冷扒。每次都喜愛淋汁時的一刻，驚怕之餘又想偷望，真攪笑。而我叫的五成熟牛扒不會太韌，尚可。（聽友人說她的牛扒就太熟太韌了，可惜）

少年時候喜愛的食店,往往在長大後不屑一顧,經濟能力比以前好得多,那會願意吃著同一件薄餅,炸雞,漢堡包?當年最愛的元祿很久沒有去,馬里奧,美國餐廳更一早成為歷史.相信大家吃牛扒之起步點,不是在快餐廳,茶餐廳的話,就是高級一點的港式扒房.小弟初次上"扒房"吃鐵板餐,正好是二十年前,身穿校服與同學仔,膽粗粗到砵蘭街"哥本哈根"吃牛扒.後來經常到嘉禾,花園餐廳,其中花園餐廳光顧最多,每次與朋友在旺角想不起吃什麼,很多時便到花園餐廳,不論是女人街,山東街店,也留下我的足跡.第一次遊花園,回到十七歲那年秋季了,對上一次去花園,香港剛回歸不到一個月,一別十四年.是日下午忽有雅興,來到裕民坊店吃個午餐,此店我也來過,當然是十多年前的事情.午市一個扒餐賣$50,不設加一.肉眼扒餐有餐包,餐湯,連飲品一杯,凍飲不用加$2.餐包出爐不久,新鮮熱辣香軟.羅宋湯酸甜味適中,帶點微辣.肉眼扒很快便上桌,侍者在食客面前將蒜茸汁,淋在牛扒上,當然我們要拿著紙巾來擋油煙.來得這等地方,不期望吃到靚牛扒,蒜茸汁夠惹味,牛扒切下去感覺比較硬,肉質果然略為實了一點,論肉味也是很淡.牛扒下的波浪薯條,沾些蒜汁很好吃.另外的小唐

早餐吃多了，因而沒有吃午飯。來到下午茶時段，點了午市的龍脷柳鐵板套餐及下午茶餐的海南雞湯拉麵，分別配熱菜蜜及凍檸水。鐵板套餐有餐包、餐湯、扒類及飲品。餐包、羅宋湯及菜蜜屬水準之作，龍脷柳選配了黑椒汁，挺惹味。鐵板的薯條外脆內軟，但有感其他菜類份量較少。下午茶餐份量足，海南雞肉嫩美味；拉麵烹調適中，但用料一般；凍檸水則不錯。綜合而言，可以試試的。

今晚七點多約左女性朋友去觀塘食晚飯 , 行入裕民坊搵下有乜特別野食 , 八點前見到間【花園餐廳】好似歷史好耐咁 , 咁就行入去試一次啦!上一層樓梯行上去冇卡位 , 被安排去兩邊卡位中間普通枱最入 , 近中央冷氣抽風位 , 坐落認真唔舒服 , 隔離仲擺左一個大藍色膠桶 , 裝修污漕邋遢。女友人叫左一個 A 晚餐 , 【黑椒牛扒跟薯菜+牛油餐包+周打魚湯+凍奶茶=HK$52】, 我叫左一個 C 晚餐 , 【蒜茸雞扒帶子跟薯菜+羅宋湯+凍檸茶=HK$52】, 應該凍飲要另加錢及加一服務費。先講 A 晚餐 , 鐵板上牛扒超靭又硬 , 女友人要好用力鋸先食到 , 落單前冇問要幾多成熟 , 我睇有九成半以上熟 , 唔掂! 其他就OK。再講我食果個 C 晚餐 , 用碟上雞扒一般 , 油好好多好犀利 , 跟碟西蘭花好生硬 , 撈埋汁都唔覺好味 , 炸薯條熱氣我冇食 , 帶子細到睇唔到咁滯又唔似帶子 , 好似用粉搓出黎咁。因為本身之前食左野, 二來唔想食咁多油膩食物。羅宋湯OK 冇特別 , 牛油餐包包唔夠熱 , 杯凍檸茶好甜我飲左五份一就冇飲。八點零時候現場好多客 , 基本上都係一對情侶客人居多 , 但

平時同老公出街拍拖食飯前都有黎OPENRICE搵下食做下功課既,今次黎就純粹係老公帶我遊下無意中行到黎姐有讚有彈啦!讚既係其實個環境好有70年代既感覺,都唔錯既,枱面仲有朵玫瑰花TIM,而且暗暗地,幾岩傾心事,而且個二人卡位其實一邊SOFA都夠兩個人坐,情侶們岩晒D食物份量其實幾大份TIM,冇記錯就四十幾五十蚊,都冇咩呃秤既d扒幾厚身,個汁幾好味,最好味係個配菜d雜豆同碗湯彈既就如標題所講,D野食好油,食完之後過一陣就肚痛了薯菜係幼薯,比d扒壓到爛晒咁,唔好話咬口,咬都唔駛咬tim,個汁之前講左幾好味,但個扒本身又幾夠味,加埋就幾濃味環境其實都有彈既,就係支玫瑰好多塵喎...個環境雖然有種70年代感覺幾得意,不過真係殘殘地,TOILET又唔算好乾淨

夜晚同bf係觀塘搵野食,經過花園 見唔洗等位就上左去..上到去有個人帶位 但帶到1半唔見左人 \./跟住有個人叫我地是但坐 但好似得返d 6人台..冇法/.\坐底之後我叫左個白汁磨菇飯 我bf就叫左個帶子豬排飯-餐包 佢即時叮熱的 但我果舊凍晒囉 擺左一段時間先比我 搞到d牛油都溶唔到-忌廉湯 未飲過咁浠既忌廉湯 超多味精 飲到口乾-羅宋湯 淡到好似飲水咁...飲左小小冇飲-帶子豬排飯 得2粒超細帶子 其它一般 叫做食得落-白汁磨菇飯 得呢個叫似小小樣 正正常常冇咩特別落單果時表情態度都好唔願做咁,d飯黎左但又冇"磁根:問佢拎 又唔理人 等左3,4分鐘先食得個飯..d員工又係間野度大聲玩,講粗口 又見d員工拎碟飯果陣滴左勁多汁落地賣單果時掉底本野係度就算 比貼士1句多謝都冇就勁快走左去(當時冇乜客)~服務態度又唔得 野食又唔得 唔會再比錢食 唔想等位又想坐得好dd都可以試下既= =

今日Lunch 同我2個同事去食，3個人叫了set lunch, 同事A 叫了牛扒併豬扒-配薯菜，同事B 叫了蒜容雞扒-配意粉，我就叫了蒜容雞扒-配薯菜。首先來個忌謙湯，味精重到爆再來個主菜，薯菜凍既，好似擺左好耐咁，塊雞扒冇味既，同事A 都話牛扒併豬扒唔好食，配既汁好怪同事B 話D意粉好似佢係屋企煮咁，完全冇味道。咁就36蚊啦…=.=

約左中學老師gathering一心黎到呢度諗住叫番上次食ge海陸空餐之前係將軍澳ge花園餐廳食過海陸空餐好唔錯環境又好今次環境都唔錯ge不過佢安排我地坐係正中間ge6人枱我個人有d唔太鍾意重要加上今次個餐縮水lor!!!牛扒細塊左沙律冇上次咁好食今次黎到呢間花園認真失望重有杯凍檸茶唔夠糖好澀比到盡到只可能話僅僅pass

星期五晚..同一個好唻冇見ge 朋友仔食反~去左花園餐廳...去到只係等左一陣...當我地order 個時...我同朋友都想知道.."黑椒牛柳"同"wok 仔牛柳"有咩唔同...就叫左個waiter 唻問la...「我地想問下.."黑椒牛柳"同"wok 仔牛柳"有咩唔同ga?」哥哥仔話:「我唔知wo!!!!!」仲大聲過我....「咁麻煩你搵個知ge 人唻同我講丫..」我話...*** 咩態度??***之後個包唻la...正想食ge 時候....我發現一個包係熱ge...一個包係cold ge@@....想點呢..我同佢地ge waiter 講返...佢地仲黑面對住我..真係~..............!!!!好嬲~~~個牛柳都麻麻地la...2 個人食左hk$ 180 左右..之後pay bill 仲要thank you 都冇...呢間restaurant真係..................不知所謂...

話說果晚同條女去鋸扒, 我見個乳鴿咁吸引, 就叫啦個乳鴿餐可以配意粉/飯, 我揀左意粉點知發夢都估唔到, 啲意粉竟然冇汁成世人第一次食冇汁嘅意粉, 同食垃圾冇分別淡某某咁, 乜食慾都冇晒都唔知佢點解佢連少少汁都要慳全香港得佢一間會提供冇汁意粉咁有創意勸大家千萬不要叫任何意粉, 只會浪費食物不過啲乳鴿係幾好食, 啲牛扒都幾好食, 啲檸樂都幾好飲不過啲檸密好似變壞左, 益力多咁味

　　出差到觀塘工作，幸好午膳時間第一時間外出，否則都好難搵位。　　好彩十二點半就行到入去，遲五分鐘的話都要等位。一點三離開時候，等位嘅人條隊由二樓排到落地下。　　呢日好勇咁去鐵板餐，因為四年前開始，每次扒餐必然會胃痛，只係呢日抽起條筋想食而去冒險。　　好嘅係呢次竟然無事喎！　　講返呢一餐，叫咗個午餐推介，鐵板西冷牛扒。一分錢一分貨，都會預咗無晚餐咁好份量，不過估唔到係薄到好似 BBQ 嘅牛扒咁薄。Size 細咗一截。　　雖則如此，但係上枱時候鐵皮就真係夠晒火喉，掂到都唔知點算。而我要求七成熟都做到，可能因為塊扒薄，比較容易控制啩。　　整體上不過不失。

夜晚行過官塘,見倒晚餐有羊扒拼豬扒,岩晒唔食牛既我,上到去,我就叫左個羊扒拼豬扒,男朋友就叫左個T骨,7成熟,叫完都未睇清楚有咩飲,個女侍應就收左個MENU,"PAT"左去隔離枱,態度勁差,個忌廉湯都幾好飲,紅湯就麻麻,跟餐有個蒜蓉法包,咬落去,又硬,又"UN",仲凍冰冰,咁都唔緊要,可以整落湯度,食,但係D蒜蓉就會去左D湯度,之後到個牛扒,切落去仲血淋淋,一定唔夠7成熟,結果有D係生到食唔倒,個羊扒拼豬扒,差唔多一半都係骨,羊又多肥膏,跟本D肉加埋都冇2啖,一大舊骨,食依個係唔需要切架,因為都切唔倒,唔係鋸扒,係"損"扒...豬扒又"鞋"不過都預左,食食下見倒人地個個都係食餐包,搽牛油,以為D餐唔同D,點知又唔係喎,都係T骨晚餐,點解大家叫既野一樣,個包就差咁遠?我地果個好似放左成日咁,愈諗愈嬲,D冷氣又吹住個頭,咁我拿拿聲賣單...心有不甘,所以碌卡,仲要$1貼士都唔俾佢~咁既食物,咁既態度,加一已經益左佢喇,走果陣,仲聽倒個女人話唔俾貼士添,嬲到我想上返去鬧佢添呀~不過俾男朋友阻止....真係食到火都黎.............我一定一定唔會再去~冇得分俾男朋友食,因為自己都唔夠