影片
更多
2024-09-06
3683 瀏覽
💎花圖💎呢一間新派中菜餐廳位於海港城裏面，淨係個門口已經夠哂霸氣，餐廳嘅設計以特務為主題😎，入到去就好似探險故事嘅神秘花園咁😆，由內到外都係打卡熱點😍，佢哋仲有獨立房，可以俾一班朋友聚餐，嘢食方面以fusion菜為主，而嘢飲方面記得記得一定要叫返杯Cocktail👍🏻，事關佢哋嘅雞尾酒賣相特別，味道都相當出色嫁😍😍今日朋友生日所以就揀咗呢間餐廳試試佢，我哋就揀咗呢一個套餐 🍸 蒼•CONG 每位$1188 🍸，由前菜去到甜品，基本上質素都相當滿意，必食菜式呢個set都有埋，價錢方面就見仁見智，我就覺得合理嘅😌🍴前菜 :💚荔枝汁漬荷蘭串茄💚潮式凍魚飯💚陳皮香草醬焗伊比利亞豚肉前菜三款都各有特色，特別係伊比利亞豚肉😋，佢面層嘅醬酸酸甜甜咁幾開胃，陳皮味又唔會過重，肉質彈牙🤤豚肉夠晒爽口🍴湯:💚花圖爵士湯 :套餐裏面，我就最鍾意呢一個爵士湯🥰,賣相夠晒特別,係一個類似麒麟外型既湯盅，用瓦嘅物料造成，所以保溫度特別高👍🏻，由上菜到我係咁打卡之後去到飲晒全程都係熱辣辣，一定要俾個讚佢👍🏻👍🏻，至於裏面嘅材料相當豐富😍，螺頭，花膠不在話下，仲係用咗龍蝦湯做湯底，超濃郁仲帶鮮味🤤，最特別嘅係佢哋加入
呢一間新派中菜餐廳位於海港城裏面，淨係個門口已經夠哂霸氣，餐廳嘅設計以特務為主題😎，入到去就好似探險故事嘅神秘花園咁😆，由內到外都係打卡熱點😍，佢哋仲有獨立房，可以俾一班朋友聚餐，嘢食方面以fusion菜為主，而嘢飲方面記得記得一定要叫返杯Cocktail👍🏻，事關佢哋嘅雞尾酒賣相特別，味道都相當出色嫁😍😍
今日朋友生日所以就揀咗呢間餐廳試試佢，我哋就揀咗呢一個套餐 🍸 蒼•CONG 每位$1188 🍸，由前菜去到甜品，基本上質素都相當滿意，必食菜式呢個set都有埋，價錢方面就見仁見智，我就覺得合理嘅😌
🍴前菜 :
💚荔枝汁漬荷蘭串茄
💚潮式凍魚飯
💚陳皮香草醬焗伊比利亞豚肉
前菜三款都各有特色，特別係伊比利亞豚肉😋，佢面層嘅醬酸酸甜甜咁幾開胃，陳皮味又唔會過重，肉質彈牙🤤豚肉夠晒爽口
🍴湯:
💚花圖爵士湯 :套餐裏面，我就最鍾意呢一個爵士湯🥰,賣相夠晒特別,係一個類似麒麟外型既湯盅，用瓦嘅物料造成，所以保溫度特別高👍🏻，由上菜到我係咁打卡之後去到飲晒全程都係熱辣辣，一定要俾個讚佢👍🏻👍🏻，至於裏面嘅材料相當豐富😍，螺頭，花膠不在話下，仲係用咗龍蝦湯做湯底，超濃郁仲帶鮮味🤤，最特別嘅係佢哋加入咗蜜瓜🫣，煲過後令到整個湯昇華，清甜得嚟仲帶果香味，味道又幾夾喎，唔錯唔錯👍🏻👍🏻
🍴主菜:
💚妙齡乳鴿二重奏
💚珍珠芙蓉龍蝦球配腸粉底
💚花圖和牛寶盒
主菜方面，呢三款都相當有特色，賣相都唔錯，其中比較特別嘅係和牛寶盒，佢嘅醬汁就似係出邊嘅水煮魚咁😆，酸酸辣辣帶點麻，和牛口感較嫩，係必食之選👍🏻
🍴蔬菜:
💚手工腿蓉萵筍麵
🍴主食:
💚龍蝦膏海膽炒飯 :其次就係呢款海膽炒飯,都係我喜愛之一,佢係用咗日本馬糞海膽炒成😍，飯炒到粒粒分明，金黃色嘅係用咗龍蝦膏去炒，所以睇落比一般炒飯更加鮮艷👍🏻，食起上嚟又唔會覺得膩，算係一款奢華嘅炒飯😎
🍴甜品:
💚茶香綉球豆腐 :最後甜品方面就係以薑茶糖水做底，面層就有一朵盛開嘅花，好似繡球咁嘅豆腐，不過整體味道一般，唔算太過特別
🎂生日拼盤 $238 :預早訂咗一份生日拼盤，佢裏面包含咗餐廳散叫嘅甜品，蜜瓜甘露，黃‘柑‘香橙卷，紙醉金迷同埋黃金壽包，蜜瓜甘露係呢度必食嘅甜品之一，不過我就覺得一般，佢比較甜😩，蜜瓜嘅調色味比較重，但個賣相係幾靚😍
🍹Bubble Colada $138 :最後Cocktail我哋就揀咗比較多人叫同打卡一流嘅兩杯，呢杯colada💜紫色嘅就係紫薯味，有陣時會推出綠色嘅就係斑蘭味，味道較易入口，面層嘅泡泡絕對係女生至愛，而裏面仲有驚喜，係紫薯丸子😍，整體上都唔錯，酒精濃度比較低，超適合女士之選👍🏻
🍹Foggy Spectre $158 :另外呢一款造型相當型格，佢主要係Tequila ，然後加入接骨木花香味嘅酒，再加入洋甘菊甜酒，再用煙燻一燻，飲落花香味較重👍🏻，仲有一陣陣木燻香氣😌，都係必飲之選🤗
張貼
