花月宮

營業中

休息中

今晚收工入屯門搵食，見到有間新開既打邊爐，裝修是是正正，望落去又好企理，就決定試試新野。一入到去見到d位全部都好闊落。我哋兩個人食都係安排我哋去坐四人座位，唔使逼住逼住甘。叫左個麻辣鮑魚雞煲，味道好濃。而且仲會淋上料酒點火，令到雞肉嘅表皮有微微嘅焦香同埋酒香另外仲有黃金蝦丸，出邊打邊爐嘅餐廳都好少見，出乎意料地好食另外叫左牛小排同韭菜餃子，佢哋既質素都好好，牛肉鮮嫩餃子亦都非常多料，價錢算唔平，但對得住個價錢。 最後要讚一讚佢個牛胸爽，係火鍋店一個比較少有嘅位置,食落去爽口而且有一種嘅油香味而且價錢唔貴

花月宮 (屯門)屯門良德街8號珀御1樓101號舖-新鮮花甲皇 ($98)肉質鮮嫩，帶有微甜風味，味道鮮甜，好肥美！ -日本大扇貝（2隻）兩隻日本扇貝都大大隻，帶海鮮嘅鮮甜，口感鮮嫩～-手切頂級安格斯牛小排 ($298)牛小排取自牛嘅背部，肉質鮮嫩多汁，帶有豐富牛肉風味～牛肉經過精心處理同切割，確保了最佳質感同口感，牛味濃郁，正！-滋潤養顏雪蓮子桃膠椰子雞鍋 ($238)：呢個湯底由滋潤養顏雪蓮子、桃膠、椰子同嫩雞肉組成～雪蓮子同桃膠對皮膚有滋潤同保濕效果，椰子味道鮮甜，有奶油質感，性價比高

呢間餐廳環境都好舒服，坐位好闊落！一坐底店員就比咗醬料兜你自己揀醬汁。💪🏻 養生豆腐白肉湯鍋 ($128)呢個養生鍋一上枱已經聞到好香藥材味，當中有杞子、紅棗、玉竹等，飲落藥材味都好濃郁，好鮮味😋。而且湯底用嘅豆腐係蜂巢豆腐，所以索晒所有汁🥰 另外，湯底嘅白肉都好大舊，厚切，食落去肉質都好淋，即使係湯底配料都好食！配料都好多份量，好足料！💪🏻 自家製脆炸響炸 ($58)響玲係即叫即炸，新鮮滾熱辣！亦都勁脆身😍 另外，餐廳仲準備咗甜酸醬畀你可以點即刻點黎食。💪🏻 手打干貝丸 ($78)好香瑤柱味，亦有啲瑤柱絲，食落都好彈牙！💪🏻 滑雞片 ($58)雞肉肉質好滑身，一啲都唔鞋😋！而且雞片切得好薄身，所以都好快熟，保留到肉質嫩滑！味道：8.5/10性價比：6.5/10食住瘦指數：💪🏻💪🏻💪🏻💪🏻💪🏻/ Gym Friendly

琴日去咗呢間喺屯門嘅花月宮 餐廳裝修好靚，樓底好高 座位同座位之間嘅間隔好闊 好適合鍾意有私人空間嘅人😳🍲可以一邊打邊爐一邊慢慢傾偈 唔驚嘈到隔離😂一去到店員叫我哋用QR code落單 好方便🙌🏻之後佢哋擺低咗醬料俾我哋👍🏻好多選擇我哋叫咗一個麻辣鍋 夠香，亦都夠辣飾物方便我哋叫咗一份手切頂級安格斯牛小排、爽口鮮蝦雲吞、手打芝士墨魚丸、自家製脆炸響鈴🙌🏻 另外仲叫咗個出前一丁同埋竹蔗茅根😽竹蔗茅根好解渴👍🏻👍🏻👍🏻餐廳食物質素幾好 而且裝修好靚同乾淨 👍🏻

-花月宮-@屯門.餐廳裝修以宮廷風為主題，店內每枱座位很寬敞，好似包廂咁，坐得非常舒服且有高私隱度。.Menu的選擇好多，午市有點心，晚市就以火鍋或小菜為主。.特式鮑魚雞鍋 ($298)點左招牌菜特式鮑魚雞鍋，份量好足。雞鍋上枱後侍應先幫我們用酒來炒香雞塊和鮑魚，未食已經聞到濃濃香味，加埋大量莞茜提味，令人急不及待好想開餐。.雞件煮到好入味，用酒炒過後味道更香，而且肉質好鮮嫩。.鮑魚都好大隻，煮到好軟身但帶點嚼勁，唔難咬開。.手切頂級安格斯牛小排 ($298)牛肉的油脂雪花靚，輕輕淥幾下就已經食得，入口超級滑嫩，唔會太肥膩。肉質非常細膩，而牛味夠鮮，超級推介！.手打三色滑 ($138)手打三色滑分別係干貝、墨魚和鮮蝦，每款都好香。尤奇喜歡干貝，味道特別濃郁。而蝦滑用料好新料，用上原隻鮮蝦，十分爽口。.雜菇拼盤 ($68)有冬菇、杏鮑菇、秀珍菇、金菇等，種類豐富。.

今日黎左屯門同姨姨飲茶，好耐無黎呢頭，呢間係呢幾年先開既酒樓。店舖裝修新淨、光猛，座位寬敞舒適👍🏻 仲幾抵食！兩個人食都係百幾蚊，食物質素亦唔錯❤️蝦餃皇好大粒，入面啲蝦仁都好新鮮，外皮晶瑩剔透👍🏻好味呀😋黑金流沙奶黃包😋黑芝麻皮，啲蛋黃奶黃係真係識得流出來，同埋小心燙嘴👅 呢個必點！兩個人食 再叫個午市午市蒸飯套餐，鹹魚蒸肉餅飯連埋黑金流沙包 都係$58，抵食！肉餅彈牙🤤蒸飯煮得岩岩好，飯粒分明鮮蝦炸雲吞外皮香脆，金黃色😽姨姨話酒樓好唔好食，睇👀佢啲炸野手藝就會知，大家望下覺得，好唔好食😆？ 我覺得可以🫶🏻蝦餃皇$35鮮蝦炸雲吞$26午市蒸飯套餐 $58- 鹹魚蒸肉餅飯- 配 黑金流沙奶黃包香片· 茗茶$8 一位人均$75，抵食❤️臨近中秋，呢到都有月餅🥮賣，包裝都幾高雅😋茶市抵食之選🫶🏻花月宮 (屯門)📍屯門良德街8號珀御1樓101號舖

餐廳係喺商場嘅一樓好自成一角，環境優美，大大個落地窗可以望到室外嘅環境，視角好開揚。🔸蜜汁叉燒包外皮鬆軟，內餡肥瘦適中，蜜汁同叉燒粒，甜美(咸甜)搭配👍🏻🔸花月宮蝦餃皇晶瑩剔透嘅蝦餃皮，大大粒，成粒擺入口度，內餡蝦肉爽口彈，一籠有四粒，大滿足。🔸鮮蝦炸雲吞炸得好酥脆，蝦肉爽口彈牙，碟底冇油滲出嚟，配埋錦滷醬，酸酸甜甜好開胃🔸鳳爪排骨飯鳳爪一咬就脫骨，排骨香滑肥美，飯粒粒粒分明，配埋自家製豉油，一絕可能因為上左一層，所以餐廳人流少d，但咁想飲茶都好清幽😉

今晚去咗屯門食飯，睇到有間新開咗嘅打邊爐，裝修好正，睇落好整齊，就決定試吓新地方。一入去見到啲位都好大非常闊落。我哋兩個人就坐咗四人卡位花月宮秘製雞煲（$298）今次叫咗叫咗個花月宮秘製雞煲，醬汁味道真係好濃！鮑魚亦都非常大粒同煮到非常腍同入味仲會淋酒點火，令到雞肉皮微微焦香同埋酒香😈黃金蝦丸（$78）仲有啲黃金蝦丸，係打邊爐少見，蝦丸包住鹹蛋黃嘅配合意外好味非常邪惡，超推介！美國頂級安格斯牛小排（$238）手工韭菜餃子（$78）另外叫咗牛小排同手工韭菜餃子，質素唔錯，牛小排肥瘦均勻🥰，韭菜餃子皮薄餡多😍雖然價錢唔平但絕對對得住個品質。新鮮牛胸爽（$108）最後要讚揚下佢個牛胸爽，係少見嘅牛部位，食落爽口同有非常香口嘅油香味😈今餐好滿足，餐廳服務都唔錯！絕對會再嚟試多次🔥

一直想試呢間酒樓既火煱，但因為價錢都唔平，今次趁一家人慶中秋同埋賀老公生日，就訂枱試一次啦！一問之下發現原來星期六5:30入座7:30前離座有78折。我地揀咗蕃茄濃湯海鮮鍋做湯底（掛住試湯唔記得影相🤣🤣🤣），呢個湯真係好好味，我地未開始淥配料已經飲😂，海鮮配蕃茄，真係冇得輸！因為有選擇困難症😂，又樣樣都想試，於是我地主要叫咗3樣拼盤，每一樣食材都好新鮮，好好食！我地連小朋友一共5人，原本擔心唔夠食或者食唔飽，但發現原來都好飽😂。臨走酒樓仲送咗盒月餅比我地，返屋企食過都係好好食😋😋呢間酒樓既火鍋，雖然原價貴，但食材新鮮同靚，貴真係有佢既原因👍🏻👍🏻👍🏻👍🏻

❀┈┈┈┈┈┈┈┈┈┈┈┈┈┈晚上跟大西北友人的小聚會花月宮位於建生 地點非常方便我們！！店裡環境十分寬闊　座位舒適很適合多人用餐～今次點了黑松露野菌鍋湯底 一上桌超大鍋加入了滿滿的菇類😳絕對足料味道鮮甜清淡不太鹹 有淡淡的黑松露香氣豐富了味蕾✨除了牛肉 我們也點了幾款配料呢當中的三色手打滑非常美味😋墨鮮滑味道好濃郁 口感也很爽彈 我和友人都很喜歡還有鹹蛋黃蝦丸 裡面有包入鹹蛋黃好特別主角牛小排賣相吸引🤩每塊油脂均勻厚薄適中輕輕淥一淥便可享用！口感軟嫩富有油香飲品則點了啤酒┈┈┈┈┈┈┈┈┈┈┈┈┈┈

環境高級舒服，座位仲好闊落，服務質素都唔錯花月宮濃湯豬骨煲 $188滾起後可以飲碗豬骨湯先，味道清甜好味道，內裏有大量豬骨、豬手、栗米、蘿蔔、剩係食個湯底都好飽美國頂級手切封門柳 $238封門柳即係橫隔膜既肌肉，極濃郁牛味，油花細緻均勻，有肉質纖維，好味道三色滑（墨魚、鮮蝦、干貝）$138手打墨魚滑好彈牙爽口未試過食蝦滑內裏有原隻鮮蝦，充滿驚喜干貝滑好少食，味道唔錯野菌黑松露餃 $68皮薄餡料多好大隻，有黑松露香味台灣水蓮 $68自家制竹蔗茅根 $687：30前離座仲有78折，好抵

收工想打個邊爐，揀左呢間係屯門既宮廷式火鍋，無論係食物定係裝修都好質。首先座位好闊啦，唔理你2個人好，4個人好，，，都係安排勁大個位比你坐到舒舒服服。我同朋友叫左個麻辣湯底，，好濃味好好食，其實佢比我地d醬料都可唔唔需要點，入面仲有鴨血同豆腐，如果想叫呢2樣送既朋友記得唔使另外叫，而且唔係得一兩舊hea 你。我哋叫左個牛小排同羊肉卷都係好新鮮好高質，，抵食！仲有佢個黑松露餃一定要試，出面都唔見有得食，，加埋既炸既響0，脆卜卜再吸埋佢個湯底不得了！ 2條友食唔到甘多野，海鮮就凈係叫左個蟶子，又肥又大又鮮甜！下次再試其他野食！會再掛襯

#搞串個pantry今次入到#屯門 接另一半😚放工，咁啱就見到有一間火鍋餐廳🍲，望落裝修華麗✨，座位闊落，一於入去試吓🏃🏼‍♀️💨。一日工作完咁辛苦😖，一於好好慰勞下自己同另一半😝。今次我哋就嗌咗🟤花月宮特色四格鍋($268)、🟠牛魔皇天梯拼盤($588)、🟡牛骨濃汁牛丸($68)、🔴自家製脆炸芝心響鈴($78)、🟢自家竹蔗茅根(渣)($68)。🍲花月宮特色四格鍋一個大鍋入面分咗四格，呢四格包括有四川麻辣鍋🌶️、藥膳花雕花膠醉雞鍋🐔、松露野菌鍋🍄、蕃茄濃湯海鮮鍋🍅。每一款湯底，本身入面都會有相應嘅火鍋料，例如四川麻辣鍋入面就會有鴨血🤩，海鮮鍋入面唔會有蝦，而醉雞鍋的醉雞會另上，俾我哋自己放入去烚🔥。四款湯底各有特色，四款味道都唔錯，啲香料落得好足，我哋就最鍾意麻辣湯啦😍。🐮牛魔皇天梯拼盤呢個拼盤有四種唔同種類嘅牛，分別有🟫本地手切新鮮頂級騸牯牛頸脊、🟧手切頂級安格斯牛小排、🟦美國頂級手切封門柳、🟨一口牛柳粒。呢四款牛肉，喺口感同埋牛味濃郁程度方面都各有唔同😋，啱曬唔同口味嘅人去食。最重要係份量都幾多，四個人都夠食🥳！🔘牛骨濃汁牛丸一份有六粒，每一粒都大大粒。食落口好彈牙💕，味道方面除咗有好

終於發現屯門都有高質火鍋，屯門大部份火鍋店都係以任食牛為主題，最近去咗間材料新鮮又裝修得靚嘅火鍋店，值得推介我哋叫咗雙拼湯底：滋潤養顏雪蓮子桃膠椰子雞鍋$238雙拼芫茜皮蚕鐲$40🥥 椰子湯底，超香濃，內有好多椰子同桃膠，雞件係另外用碟上，份量唔少，而且好新鮮嫩滑，打完邊爐我仲飲埋個湯，真係好清甜。美國頂級手切封門柳$238🥩 其實都幾大碟，我哋兩個人食啱啱好，切得薄薄均勻，放入煱燙一燙巳可食，味道鮮美，好香牛味。白蟮片$88呢個係我每次食火鍋必叫，鐘意佢冇乜骨，呢個真係好新鮮，食落夠夾，肉厚好味😋風花雪月手打丸拼盤(12粒）$168呢個賣相超靚，6款手打丸，有墨魚丸、流心芝士墨魚丸、鮮蝦丸、流沙黃金蝦丸、鮑魚丸、干貝丸，款款手打丸都好新鮮彈牙，蝦丸有粒粒蝦肉，完全成得出真材實料

食物價錢貴！得個樣！仲衰個放題！做得依類型逐碟收費既火鍋！質素一定要有番咁上下牛肉！完全無肉味！切都吳識切！逆紋切斷根！咁基本既認知都吳識成碟牛！都可以係順紋切！最離譜係白飯樓面話白飯即叫即蒸！黎到個飯竟然成碗生米仲要好大陣臭up味除左湯底！係幾出色幾好味之外其他野真心講！不知所謂