花見•幸福 (已結業)

睇評語後決定一試，點知中伏☹️一向都無寫評語習慣，亦無衝動寫，今次係第一次！叫咗兩個set,一個海鮮一個牛。1.呢間主打自己燒，但亦有提到可以叫師傅燒，但當我哋話叫師傅燒時，侍應態度係「o咀」😖2.當牛同海鮮上枱時，牛只係暖，而銀雪魚應該有好重牛油味，魚肉應該係一塊塊咁，但呢個味道同口感完全唔係個回事，加上份量超細3.要沙律醬，但個樽竟然有裂口，一唧一大堆，完全影響餐廳形象4.本身都中意濃味野，但個炒面竟然係咸到食唔到5.雖然$3xx一個set唔可以話好貴，但主菜份量已經少，甜品竟然係好行嘅雪糕球😅6.唯一可讚係有個男侍應態度良好，經常主動加茶👍🏻7.今晚人唔多，但抽氣效果一般，食完都好大陣油煙味只能話不可一不可再💀⋯⋯

今晚剛好两公婆都唔駛OT,一於去試下新嘢，知道尖沙咀有間新開張日式餐廳叫花見幸福，即致電訂位，我們依時到達，步出電梯已有男侍應熱情招呼我們入座，因從未試過自己整過鐵板燒(正確嚟講系未煮過飯),所以叫侍應介绍一下，男侍應細心講解後，决定要一個和牛餐及海鮮餐，及一份御好燒，全部都自己煮，等我表演一下先，材料送上後，有點迷惘，但侍應細心教我點整，终於我的第一次出来了，唔知系唔系我有天份，定系待應教得好，老婆試過我整的A5和牛大讚好掂，侍應還為我拍掌，好有成功感呀，還開了支红酒慶祝下，其實我覺得材料新鮮是我成功煮出一頓美味晚餐的要點，最後的御好燒都系交俾師傅煮穩陣D，果然非常美味，今晚的晚餐另我多年埋没我的天份發掘出来，老婆又欣賞，下次等我帶朋友過來再表演下，總括來講，這餐廳服務及食材都很好，環境都不錯。

老朋友見面，當然想食好野，又想試下D新野，知道尖沙咀新開了一間可以自己燒的鐵板燒，由於在日本試過，好開心香港也有，仲可以自己煮由於我們有訂枱，到了不用等也可直接入座，讃！店面雖不算大，不過可以一枱一個鐡板燒的爐，估計店主也是鐵板燒的狂熱份子，這份心意值得加分👍🏻朋友知道我不吃紅肉，細心的點了海鮮餐，黑蒜炒飯，當然少不得期待中大板燒。侍應細心解說套餐內容，而且提醒我們若不想自己整，師傅可以代勞海鮮比較易熟，而且大板燒難得可以自己整，當然自己燒，其他炒菜，炒飯便交給廚師整！另外點了即食類包括醉雞翼、清酒煮蜆、燒雞泡魚干，一上枱便掃清大板燒上檯時，侍應同時把需要的醬料提供，再講解步驟，然後提醒我們校計時器，放下材料，炒一炒後，倒入麵漿，把計時器校至十分鐘，時間到，便可以反轉另一面，包無失手！晚飯中段，餐廳亦送上每人一隻大扇貝，份量頗大，扇貝亦鮮甜彈牙；最喜歡黑蒜炒飯，飯量不太大，蒜味濃郁，讓人吃不停口。一邊整一邊吃，六個人最終吃了十幾碟的食物，看來，把減肥大計已忘記了不過，有得玩，有得食，真係朋友聚會好地方

我和老婆是冇飯夫妻，昨晚相量後到新開的花見.幸福試吓，順便試吓老婆手勢!起初老婆雞手鴨腳，煮得過熟或不熟，幸好這裏職員细心的指導下，如煮多久，也有timer計算，最後也煮得很好吃這裏雖然地方不大，但職員親切的招呼使我有在家的感覺食物方面我吃了牛舌，A5和牛，帶子等，食物都很新鮮!最後我也叫了御好燒，原來自己煮咁好味可惜今天只是两人去，不能叫太多食物，聽說這裏的班戟也不錯!下次約埋三五知己，飲下清洒，燒下烤也算錯的節目

同朋友試下呢間新開嘅日本鐵板餐廳，一出lift侍應好熱情同我地介紹餐廳主打嘅食物，每人最低消費為$150。叫左主打嘅御好燒、炒麵、梳乎厘同蘋果沙冰（本身諗住叫桃沙冰，點知佢嗰日冇貨😢）侍應每上一份材料都會細心解釋一下如何烹調，如果有不明白嘅地方，只要問佢地都會再解釋多次，我覺得可以喺menu加插烹調方法，好讓食客方便查閱。御好燒：梳乎厘：等左好耐…已經一坐低就落單…可能新店運作未太𣈱順，希望下次食唔洗再等咁耐啦！蘋果沙冰：好有驚喜！想試埋其他味🤤唔知係咪自己落手整覺得每樣嘢食都好正😂如果唔係太趕時間，我覺得可以一試😛

服務親切、食材新鮮、DIY好好玩！大人小孩都食得很開心！初初以為自己煮很難，老闆及店員貼心指導下，我們都煮得很好吃，一定是因為食材新鮮之故！推介和牛、帶子、蝦！

上網見到呢間食店係新開張，可以自己試吓玩鐵板燒，唔理價錢如何，即管試一試啦。去到發現店內好冷清，可以任我揀枱坐，然後坐低點菜啦，職員解說可以揀由廚師煮或自己煮，最後我決定和牛餐$638自己煮，海鮮餐$338廚師煮，因為就算自己煮得唔好，都仲有一份食, 每份套餐可以三揀一(大阪燒／炒飯／炒麵)，職員介紹自己整就大阪燒，易控制，於是我叫咗一份大阪燒自己整，炒飯廚師整。首先送上沙律，麵豉湯，冇特別。套餐不包飲品，是另計。然後送上食物，一位男職員細心講解煮法，態度良好。件A5和牛似普通雪花牛，不是入口即溶，但我本來以為呢一碟係我話自己煮嘅$639和牛餐，原來已經係兩份餐加埋，當我自己煮完，發現飽飽哋，問職員如果廚師未整$338海鮮餐，可唔可以取消，有一位女職員答我話整緊，點知再等一陣都未有，於是我再問另一位男職員，先至知之前已經兩份夾埋一齊上咗，嘥咗幾個字時間等，我都算，我只係想開心食餐飯，跟住再問佢啲炒什菜同大阪燒呢？職員好迷惘咁樣，於是我話我已經冇心情自己整，叫廚師整埋啦。最後等咗廿分鐘，先至送上由廚師整嘅炒什菜，我問佢呢度係一份定兩份(長方形碟上)，職員話一份，咁我問佢另一份呢，佢話係得

前身係韓國嘢叫「大大鑊」，內部裝修間隔一樣，只係改左少少裝飾，由火爐加圓形大pan改做鐵板。每人最低消費$150，入座起計2個鐘。今晚星期五book左8點，去到等5分鐘就坐得。不過一開電梯門見咁大油煙已經想走。之前韓國嘢都無咁勁... 抽風真係差到一個點...就算有冷氣風，其實都係吹黎吹去響裡面焗住。食完出去真係覺得....🙄 唔係叫左好多嘢：帆立貝一隻、牛舌（6-7塊薄切）、牛肉薄燒（4塊）、大阪燒啲friend （魷魚超少+ 加芝士、泡菜（各$15））...自己整係幾得意，不過只係因為我鍾意煮嘢食... 咁樣食法都$430全單...無下次咯～

對鐵板燒印象就是貴價高級，師傅烹調架勢十足。 我想如果可以讓我試試就好。然後就在facebook 看到花見幸福，馬上打電話預約。點了個一人套餐包括御好燒，加牛舌和梳乎厘班戟。可能因為新開張，上菜比較慢。可是不解的是店家明明不用煮，只是提供生肉生材料而爾。當忍不住追問時，疑似老闆的就跟我們說沒有牛肉了。希望當經營順了之後能有改善。職員雖忙但仍會妥善處理客人的需求。他們會建議烹調時間，跟著做基本沒大問題。跟想像一樣，DIY 鐵板燒蠻好玩的，是個難忘的經歷。但短時間內應該未必會再到訪。特別推介梳乎厘-呃like 一流

最近知道有間新店開張，更係同朋友一齊去試試新嘢啦，有得食有得玩，order左新店的其中一個主打菜，我哋好似從未在香港食過，印象中似乎只有在日本食過的「御品燒，DIY幾得意👍🏻，還有叫左一個A5和牛set lunch, 有品質保證，d蒜片都好正，真係要比個like，和牛一般好貴，但這裡二佰多就食到👏🏻👏🏻👏🏻⋯⋯下次再來試試其他的😋😋😋，如果想多d privacy 這裡還有VIP房可以用，大力推介給朋友👍🏻👍🏻👍🏻

朋友介紹一個無限時的食店，一班朋友可以由晚上7點食、玩、傾到12點，食物質素不俗，而且服務員體貼用心，決定下星期再約朋友仔來敘舊。食物選擇多，沙律前菜，日本和牛，我最愛生薑豚肉燒

最近網絡出現一間號稱DIY鐵板燒新店。望一望: 地點 - 合適，”香口嘢” - 得，時間 - 老婆剛好可以早放工。萬事俱備，好，試試！從小對幸福兩字有情意結。電梯門打開 (對餐廳所在大廈有認識的朋友都應知道該樓層設計之方便)，發覺店內整體裝潢有格調，氣氛相當舒適，確有”幸福”感。店員普遍年輕，但有禮細心，對食物烹煮方法，時間控制講解清晰，加分！希望這氛圍可繼續保持！DIY鐵板燒，整體食物質素OK喎，重要係好好玩！平時食鐵板燒都係坐定定睇大廚表演，相信好多人都心癢癢想自己試吓。自問太懶，唔想動手，所以都係老婆大人代勞。不過DIY重點係，可以有機會讚吓太座手勢。另類幸福，哈！結尾食番個Signature厚厚Pancake。夠意思，好玩新奇！老闆娘還親自傳授秘技，值回票價。

Me and my mom's friends went and I thought the okonomiyaki was fun to make, I made a special kind of pattern on it! We also tried the fried rice which was very special because the name was "Hanami Koufuku fried rice"! The shrimp had just the right amount of spice and sauce, it made the shrimp taste like the best seafood I ever tasted p.s.: I am not exaggerating, it is really that good! If you all never tried the Souffle, you must try it! It was soft, not hard and it was not overcooked

正煩惱找餐廳吃飯之際，知道花見.幸福剛開幕營業，試試他們的美食。當晚因爲想更多時間傾計及飲酒，主要由師傅處理鐵板燒。他們的鐵板燒，串燒都做得很好，好味道，很適合作為佐酒小食，尤其是燒醂魚乾，軟硬適中，很有口感。銀鱈魚肉質鮮嫩，味道一流。至於sake 價錢也很合理，服務一流，非常attentive, 離開時也送我們等lift，真有日本餐廳服務的感覺。餐廳環境設計雖然不是很堂煌，但相反感覺好cozy, 很溫馨舒服，環境清潔乾淨。下次一定再來幫襯，體驗一下自己DIY鐵板燒的味道

這間鐵板燒餐廳有别於傳統的鐵板燒餐廳。我們可以選擇自己燒、或是由師傅代燒！如選舉自己燒，侍應們都可提供專業意見教導顧客煮法及時間！除了鐵板燒食品外，還有我最喜愛的大阪燒，熱辣辣，好正！此外，這裏還有很多小食可供選擇，如清酒雞亦、炸雞亦、清酒煮硯、及多款不同的沙律，送酒一流！😋😋😋飲品方面，這裏不但提供多款沙冰、乳酸梳打等，還有養生花茶，適合較成熟的顧客！最值得一提的是這裏的主打甜品-日式厚班㦸，侍應教導煮法，還可自己裝飾，很有滿足感呢！這間餐廳裝修簡約，令人有一種很舒服的感覺！值得再去！