芽籠

營業中

休息中

今日約咗朋友嚟呢間食下午茶，下午茶時段都算多人，外面有架車放住Menu，可以慢慢睇啱先入去！海南雞配雞油飯及紫菜魚丸湯$60：雞肉好嫩，而且無骨，有薑蓉，泰式辣醬及甜鼓油3種醬汁可點。紫菜湯鮮甜，魚丸彈牙。雞油飯可以轉白飯娘惹蔥油辣菜圃醬排骨飯$60：排骨有啲軟骨炆煮，好入味，辣菜圃辣得嚟好惹味，送飯一流。配蔥油食又另一番滋味。咖也多士配溫泉蛋$28：多士香脆，甜甜的咖也醬及牛油夾埋一齊食，外脆內軟，下午茶之選！凍美綠哥斯拉：香濃嘅美綠朱古力，上面再加上大量朱古力脆脆，又有得食又有得飲，不會太甜又有朱古力味，呢個推介👍🏻熱班蘭薏米水：薏米水飲得多，有班蘭味嘅薏米水真係第一次飲，綠綠的顏色好靚，有啲班蘭味，都幾香，甜甜地，仲有塊班蘭葉襯托，幾有風味。

今日休假剛巧路過灣仔，見到新開張試吓新嘢，點了烤雞飯和肉骨茶米粉，味道不錯，經理服務態度好，要求加湯亦安排，飲品點了白咖啡和香茅紅茶。味道可以，價錢不貴，可以再試

餐廳：芽籠地點：灣仔道菜式：新加坡菜餐牌：下午茶餐由兩點做到六點，8款選擇，有主食有輕食揀，包飲品三選一，無加一。魚丸魚條喇沙摻摻 $52魚丸魚條喇沙摻摻熱辣辣上枱，個喇沙湯又香又滑，梛汁又夠，辣度剛好，基本上唔算辣。麵底係黃色粗麵加幼身米粉，前者有咬口後者幼滑吸汁，加埋係好正嘅口感。配料有彈牙炸魚蛋幾條幼條同炸魚蛋三粒。豆卜3件好吸汁。糖心蛋半隻。仲有爽口芽菜，青豆同脆脆加添口感。海南雞配雞油香飯及紫菜魚丸湯 $60海南雞雞件有十幾件，有脾有胸有單骨雞翼，質素唔錯，皮滑肉嫰，頗有雞味。配有三色醬，分別有甜豉油，薑蓉同酸辣醬，自己調味。伴有青瓜幾件可解膩。雞油香飯熱辣辣大大碗。紫菜魚丸湯入面有一粒魚蛋同紫菜加蔥花。個湯味道唔錯。咖哩烤雞肉串配米飯 $50烤雞肉串3串，燒得少少脆皮，好香口，配黃咖哩汁更惹味，我覺得唔辣。伴有半粒車厘茄，青瓜幾塊，花生米同脆口魚仔，加添口感。伴有一大塊香脆蝦片。白飯份量係正餐份量。參峇雞肉串燒 $26參峇雞肉串燒係主餐牌，一客兩串，都可以揀四串。雞肉串燒熱辣辣上枱，燒得皮脆啖啖肉，撈埋個參峇醬微微辣，好惹味。伴有車厘茄半粒同青瓜幾粒解膩。玫瑰荔枝沙冰 跟餐

經常出差去星馬嘅我，十分之喜歡當地嘅食物，所以見到有一間標榜地道新加坡風味嘅餐廳，再加上好多好Review，決定馬上去試試。結果係一個重雷區，真係唔知道點樣可以再相信Review去搵好嘢食…….Order咗芽籠蝦麵，蔥餅配咖喱汁及新加坡白胡椒肉骨茶配米飯。蔥餅多油而且黏，一啲都唔鬆，而且咖喱亦一D都做唔到星加坡嘅味道，相差好遠。蝦麵嘅湯底有欠蝦嘅鮮甜味及蝦頭嘅濃味，亦欠椰奶味。所用嘅蝦好明顯係雪藏蝦，既硬亦欠蝦味。豬腩片則有好重嘅油膱味，整體嚟講係非常之差。至於個所謂嘅肉骨茶，就真係同肉骨茶完全扯唔上關係。第一眼見到個好淺色嘅湯就知道唔對路，肉骨茶不但一D都唔熱，而且完全冇應有嘅味道。茶味唔夠濃郁，而且完全冇藥材味，只有胡椒味。肉排乾而且韌，豬腩肉片同樣有油膱味，極之失望。整體嚟講冇一樣食物係可取嘅。雖然呢間食肆所收嘅價錢相宜，但並不代表客人應接受完全冇星加坡食品應有嘅味道嘅食物！

今日黎到灣仔搵食，呢道燈光都好夠，而且位置係灣仔十分方便，更加值得提既係價錢又唔貴，服務態度又好，坐得十分舒服。首先叫左個小食咖也多士配溫泉蛋，個多士非常香脆，中間有層牛油，外脆內軟，非常滑溜。溫泉蛋要點啲醬汁同胡椒粉，非常野味。主食方面有魚三寶檳城蝦麵，呢個配料非常多，重有半隻流心蛋，睇見個賣相都流曬口水，食起味道都好好。十分享受。另一個主食係吉羅烤香茅雞扒飯(油香飯），呢個都係好好既選擇，金黃色香脆可口既雞扒，配咪油飯食真係世界級享受。好好味，值得一試。跟餐加12蚊可轉特飲，我地選左菠蘿椰汁冰，呢款酸酸甜甜咁都好止渴，沙冰非常有冰凍感。另一杯係薄荷班蘭冰，呢個甜甜地非常好飲，都係沙冰好清涼。

今日幫襯灣仔一間新加坡風味小店~ 芽籠 Geylang 呢間感覺有少少似 Times Square嘅花漾▪️海南雞飯配白胡椒肉骨茶老實講而家D雞確實冇乜雞香味，呢度海南雞都算滑口，胡椒肉骨茶少少辣幾刺激到味蕾，油飯不太油，飯粒分明▪️吉羅烤香茅雞排配油香飯雞排皮非常香口，雞肉唔鞋~▪️手工拉茶似港式奶茶，茶味就麻麻▪️斑蘭薏米水斑蘭葉帶起成杯薏米水更fresh▪️葱餅配咖哩汁香濃椰奶味，配薄餅好有東南亞風味，呢個要讚~店內裝修好東南亞 feel夠簡潔坐落好舒服店員好有禮貌同 helpful 唔馬虎怪唔得平時都多人幫襯

今日中午去咗芽籠試咗佢哋嘅喇沙摻摻，點咗個 $68 嘅喇沙。湯底微辣，小小椰香味，但整體味道偏淡，唔算係好突出。雖然食落唔難頂，但又唔係特別有驚喜嘅味道，屬於一般嘅喇沙水平。海鮮嘅材料有蝦、蟹柳、魚蛋同埋貝殼類，但味道冇特別突出，蝦算係鮮甜，但整碗嘢整體上係冇乜層次感，所有嘢都係偏淡，冇邊一樣食材特別突顯出嚟。值得一提係，呢個價錢係唔包飲品嘅，單碗麵已經 $68，如果再加飲品，價錢上就有啲高。另外，佢哋都有 lunch set menu，選擇都算多，不過聽朋友講，試過佢哋其他餐牌嘅食物更唔好食，所以我呢次就冇試。整體嚟講，如果你純粹想食一碗平靚正嘅喇沙，呢度可以係一個選擇，但唔好期望太高。價錢同食物質素未必成正比，而且仲有好多其他同類型嘅選擇可能更好。

一個人又想食星馬菜，就去左灣仔嘅《芽籠》。裝潢简約，環境乾淨。下午茶時段有好多Tea Set 選擇，我就選了白胡椒肉骨茶 配油飯 $62。慢熬出來嘅肉骨茶藥膳味香濃，茶內有白肉、冬姑粒、腐竹、整個蒜蓉。還附有油條和三色調味(紅椒、薑蓉、甜鼓油)。雖然只幾十元，樣樣真材實料，好好味，真係5係hea 比你！食完緩心又緩胃。玫瑰荔枝沙冰 這沙冰算是特飲，跟餐要另加$12。杯中有3朵玫瑰乾花，玫瑰味濃鬱。玫瑰味+荔枝味，真是絕配，呢杯沙冰好香，味道又好飲。参巴雞肉串燒 茶餐是不包，要另加$26。串燒燒得啱啱好，靈魂是個辣椒醬，令其惹味無窮。仲有少許青瓜和小蕃茄予以舷膩，味道十分正！📍灣仔 灣仔道221A号天樂大廈地舖

印象中第3次來,今次唔叫海南雞飯,叫咗精選套餐的娘惹排骨飯有埋野飲真係好抵食喎排骨有三件雖然有骨未係好大件但入味,肉質適中唔會太孩,辣菜圃同葱油送飯真係幾惹味😆熱拉茶都好好飲,甜度啱我☺️同事們的雞扒都大件抵食,斑斕椰漿飯睇落真係好吸引,仲有佢杯斑蘭冰😆🤩有機會再試吓

今日路痴上身喺街上迷失自我，決定打比餐廳問路，個 staff 勁有耐性仲要行埋出門口睇 + 聽住我到未Customer service 分已爆分友人到咗取笑到我飛起好快上到菜兼且熱辣辣上枱同友人一半 share, 蝦麵個湯比我飲晒，惹味得泥個湯仲保持清甜，唔會油膩喇沙湯底我都差啲飲晒，椰香少少辣好惹味，比起個蝦湯，佢嘅質感係厚滑嘅，裏面有兩粒好可愛嘅螄蚶仔，鮮甜㗎喎又，唔係搞笑的兩碗都係摻摻，食得好開心，油麵同米粉嘅比例非常好，因為食過好多都唔係一半一半，就住就住咁食煮得啱啱好，爽滑彈口，口感十分好，非常滿足蟹粉蟹肉酥盒個盒真係酥脆，餡料鹹香，好夾拉茶味道正宗，美綠足料，兩杯都正整體泥講性價比極高，選擇多，每次泥都可以試唔同嘅嘢芽籠魚三寶檳城蝦麵 $57跟餐 +$3 凍手工拉茶芽籠喇沙摻摻 $68蟹粉蟹肉酥盒 $62凍美綠哥斯拉 $22📍灣仔

每次光顧芽籠食物绝不令我失望，喇沙湯底味濃椰香撲鼻，海南雞肉質嫩滑飯香飯粒軟硬適中，咖央多士脆香斑蘭味濃郁，绝不油腻食完一件又一件👍小店環境舒適乾淨整潔，冷氣充足，侍應款待有禮，每次光顧幫襯都坐無虛席，食物質素又保持到最佳水準，所以每次去灣仔必定幫襯食得滿足又開心😊

今天朋友約了我去芽籠吃午餐。餐牌選擇多，價錢合理，不用加一。精選套餐有多款，頗吸引，全日供應，由$52至$62，包飲品。我們揀了娘惹茶燻鴨配油香飯($62)和巴東牛肉乾拌油麵配紫菜湯($62)。上餐有效率，套餐分量足，夠新鮮熱辣。巴東牛肉香，炆得夠火喉，軟硬適中，拌麵有咬口，小魚干，花生和青瓜增加口感。紫菜湯加魚蛋不錯，好食!茶燻鴨夠味道，鴨胸肉量多肉嫩。油香飯有質感，加埋半隻蛋，小魚干，花生和青瓜有風味。朋友另外叫了兩種小食。傳统烏打($38)是一種以魚肉泥與各種香料混合，放進香蕉葉包裹後拿去烘烤的食品，有特色，好食。參巴雞肉串燒($48四串)燒得恰到好處，雞肉調品肉質佳，點埋參巴醬更惹味。凍白咖啡(+$3)香甜，熱桔仔話梅水開胃。吃得滿足，人均消費$105左右，物有所值。由2pm至6pm供應的下午茶餐也是平靚正，由$47至$62。

餐廳：芽籠地點：灣仔道菜式：新加坡菜餐牌：下午茶餐由兩點做到六點，8款選擇，有主食有輕食揀，包飲品三選一，無加一。海南雞配雞油香飯及紫菜魚丸湯 $58海南雞雞件有十幾件，有脾有胸有單骨雞翼，質素唔錯，皮滑肉嫰，頗有雞味。配有三色醬，分別有甜豉油，薑蓉同酸辣醬，自己調味。伴有青瓜幾件可解膩。雞油香飯熱辣辣大大碗。紫菜魚丸湯入面有一粒魚蛋同紫菜加蔥花。個湯味道唔錯。咖哩烤雞肉串配米飯 $48烤雞肉串3串，燒得少少脆皮，好香口，配黃咖哩汁更惹味，我覺得唔辣。伴有半粒車厘茄，青瓜幾塊，花生米同脆口魚仔，加添口感。伴有一大塊香脆蝦片。白飯份量係正餐份量。怡保芽菜 $36怡保芽菜係主餐牌，熱辣辣上枱，芽菜份量比想象中多，面頭加上蔥花同脆碎，味道唔錯，撈埋個參峇醬微微辣，好惹味。餐飲包括手工拉茶，南洋白咖啡同香茅紅茶。凍飲加$3。香茅紅茶有大大支香茅，茶香唔錯，唔甜。手工拉茶叫左少甜，味道都唔錯，微微甜，質感都好滑。總括而言，茶餐份量似正餐，不過價錢平好多，仲包野飲，食物質素都好高。唔怪得平日下午茶時間都滿座。

芽籠 Geylang去到銅鑼灣附近，老友想食新加坡菜，帶咗我去鵝頸橋附近嘅芽龍，餐廳環境舒適夠地道，Chill 吓先！😺咖哩烤雞肉串配米飯咖哩汁烹調得恰到好處，香氣四溢好惹味，送飯一流。烤雞肉串新鮮爽口煙韌，肉汁豐富，肉味香濃，配料有車厘茄、青瓜、魚仔乾花生和蝦片，大滿足。🤤魚丸魚條喇沙摻摻香濃湯底，沒有味精，香辣不油膩，可以直接飲用。面層放了乾蒜和香草提升層次，配料有魚丸、魚條、豆卜、雞蛋青瓜絲和芽菜。摻掺爽口彈牙，吸收了湯底的精華，好味道！😻香茅紅茶紅茶茶膽夠濃，冰底夠凍，香茅夠fresh，飲完好舒暢。😋芽籠 Geylang 環境舒適，食材新鮮夠地道，侍應服務態度好，還會再來。😎🤘🏻

呢間餐廳主打新加坡菜同朋友叫到成枱食物．埋單都唔洗$200仲免加一服務費．超抵食✨海南雞 配 雞油香飯無骨海南雞．肥美嫩滑仲配埋 油飯 同 紫菜魚丸湯✨巴東牛肉乾拌油麵牛肉軟腍入味同油麵好夾．非常惹味✨咖吔多士配溫泉蛋咖吔多士味道香甜原來沾上幼滑嘅溫泉蛋．可以咁好味吸收蛋香精華．令味道更香✨班蘭葉雞翼班蘭葉包著雞翼炸至金黃香脆裡面肉質Juicy係必食嘅小食✨凍手工拉茶馳名嘅拉茶．茶底香濃同奶嘅比例恰好．唔會太甜