芽莊越式料理

營業中

休息中

#芽莊越南菜餐廳中最愛到芽莊不論海鮮 小食同主食 甚至飲品都讚賞🌟#烤三文魚撈檬 香煎三文魚 最欣賞煎濃邊既皮魚皮脆而香口👍🏻👍🏻#椰青蒸蜆椰青水蒸蜆提升鮮味😋特別夾 每隻蜆殼都沾到少許椰青水 蜆無沙 驚喜之作👍🏻✨#濱海伴慢煮五花腩次次食芽莊都叫米紙卷未試過叫濱海煮五花腩🤣但其實都差唔多 只係唔同形態既配搭從米紙變米粉 加上生菜 蒜粒包上經香烤煮過既五花腩 少許肉汁不會膩🔥😋😋#五花腩#芽莊#越南菜#18區美食#葵芳#將軍澳#hkfood#food#hkig#hkfoodie#foodie#mrsgufoodie#三文魚#海鮮#蜆

    記得當年閨蜜第一次出糧，就是請我去尖沙咀分店食越菜，食得超興奮🤩 幾個月前又去了葵芳分店，依家已經重新裝修咗，你們最近去過嗎🤗?既然是私心喜歡，我們隨便點了些都覺得好好味🔎🔸️越式炸春卷春卷皮外層夠薄炸得香脆，餡料飽滿又熱辣辣，用生菜加埋伴碟嘅香葉、紅蘿蔔絲、青瓜包著食，再點一吓魚露勁好味！🔸️米紙卷~牛油果鮮蝦特意點一個清新的小食，一層層煙韌嘅米紙皮好彈牙，內裡蔬菜、牛油果同蝦都新鮮爽口，超醒胃呵！🔸️濱海伴燒牛柳濱海是用米粉製成餅狀，上面灑了花生碎同蒜片，點少少魚露已好入味; 牛柳燒得好香好軟熟，肉汁濃厚好好食，只是份量有點不夠呵😝！

葵芳地道越式料理餐廳好有空間感難得中午時段少人排隊 ▫️越式香茅豬扒煎蛋飯🍳香茅豬扒醃得入味都有有肉汁，口感軟焾加埋流心太陽蛋伴飯食最正 ▫️鑊仔牛柳粒飯牛柳粒唔會太乾身細細粒，口感夠嫩滑加埋超多炸蒜粒好入味，成個飯都好香 ▫️西貢牙車快手撕雞沙律，配上椰菜絲、花生蘿蔔絲、洋蔥等份量都十足加埋酸酸甜甜嘅魚露味道不錯 ▫️牛油果沙冰🥑夠香滾嘅牛油果沙冰真係好原汁原味 ▫️桃蜜熱柑桔維他命豐富嘅柑桔蜜但有點太酸

格格和娘娘突然說要shopping，於是晚上要出動往這商場做柴可夫；要醫肚了，娘娘說不如這裏，門外看看它的Menu，似乎還可以唷 ...“芝麻蝦多士”，看似一個簡單的點心，但製作很考功夫，這客蝦多士芝麻分佈平均，蝦膠彈牙，炸完不油膩，麵包酥脆，盡顯廚師功力。“燒乳豬”，雖有些少豬騷味，但芝麻皮夠鬆脆，也一如越南烹調傳統，配上新鮮蔬菜，不錯。“濱海伴慢煮五花腩”，這個才是今天驚喜，擺盤賣相固然吸引，腩肉滷得夠香，彈牙，更難得是他配有生菜，可用生菜夾著濱海、蒜粒、醬汁、腩肉一齊吃、口感很豐富。

唔想等位, 又想食湯麵既我, 見到芽莊唔洗等位, 就連memu 都無睇就入左去坐.. 論環境, 座位, 各樣表面野都好舒服, 地方又大, 有空間感. 一睇memu就出事, 都明白.. 佢價錢係比較貴, 所以打算簡單食D 性格比高既,  就簡左生牛河同埋牛肉串撈檬。 生牛河好食，個湯味濃，雖然唔肯定有無味精 但一如既往的味道，無變牛肉撈檬，出事啦！ 成個麵得兩串牛肉有味道，$80係俾個牛肉串，$1X 係俾個白雪雪乜都無既檬粉 😂😂😂 真係灰到

閒日放假，去到見有 lunch set，$99另收加一，唔包飲品。選擇咗兩片魚餅（小食）及生牛肉河粉， 分量少到，食完都唔夠飽。侍應又懶，水都唔加。呢間嘢越做越差，性價比又唔高。已經畀多咗幾次機會，以後可以唔使再去。

多年前去沙田會經常去這一家餐廳食飯，覺得他們每一道菜都不錯，隨便食一個檬粉，或者點菜食晚飯同樣出色。無奈都係遇上了開分店之後質素下降嚴重的問題。這一家分店在葵芳都有好幾年，都食過多次，但係宜家只係求其食，唔會再期待有什麼驚喜。首先葵芳店的職員都很一般，可以說不合格，可能他們都太新，而且不知道品牌定位，感覺光鮮一點的茶餐廳也比他們更賓至如歸，更親切。現在只有下午茶的時候才會看看這裡，而且偶爾還有一些員工看到也不介紹，也不理會。那麼不願意叫客人進，客人也當然不願意進去，可能遲些下午茶也不會考慮了。

去葵涌廣場修理電話，仲要等多個鐘至有得拎食野先，問店員介紹附近有咩好野食?新都會地下戲院附近有間越南野啱唔啱？ um ..是但...去到望到應該係芽莊越式料理有下午茶喎，入去試下囉，食乜都無所謂揀左tea set B+C香芧燒雞翼撈檬（B）2隻雞翼，2片扎肉雞翼OK，整碗撈檬不過不失芒果熱情果沙冰（C）唔會太甜， 算好飲埋單$105

補寫食評用餐日期：2021年10月14日 星期四是日重陽節假期，天晴！難得天氣好轉(早前連續２個颱風 "獅子山"和"圓規"接力訪港)，可以出去逛逛，開心！下午到葵芳新都會廣場逛、吃，商場人流暢旺，停車場排長龍，很多食肆都要等位，芽莊只等２個號，比較快有位。我們點了以下的：#河内生牛肉湯粉：牛肉不夠滑#河内手打牛丸湯粉：牛丸有勁度，比牛肉好吃！#堤岸炒米粉：粗身米粉，不油膩，好吃！#牛油果燒雞越式三文治：本餐驚喜！法包卜卜脆，牛油果 creamy，層次豐富！#越南滴漏咖啡：咖啡味香濃#鹹檸檬梳打：喜歡

今日放半晏，同同事去咗芽莊食午飯，每人叫咗一個套餐，99蚊包一個小食同主食，飲品要另加$18，加埋一要120幾蚊一個人，其實都真係幾貴，真係間唔中食吓好了。小食叫咗芥蘭苗，主食叫咗燒牛肉撈檬，另加一杯凍越南咖啡。食物質素其實都幾高，我好鍾意食個芥蘭苗，有驚喜！菜好新鮮好嫩，調味都好特別好有越南風味，加咗啲魚露同蝦米仔，酸酸哋好惹味，份量都好足夠。燒牛肉撈檸都好食，我特別鍾意佢嘅配菜（紅白蘿蔔絲、生菜、芽菜、蔥同芫茜），令成個粉食落去好清新好爽口，加埋酸甜辣汁真係一流！牛肉都燒得好香，肉質好嫩好淋，唔靭唔痴牙，調味都做得好好。凍咖啡好香濃好有份量，但有點苦澀，加煉奶嘅咖啡真係清甜好多，正呀！越南咖啡真係我嘅最愛！

For a lighter dinner, ordered the prawn with grapefruit salad.It had some cucumber, lettuce, 2 big prawns, some cashew nuts, black sesame and fish sauce. Tasted fresh but the grapefruit was really freezing. The butter chicken wings were very yummy, well seasoned and crispy.

芽莊地址: 葵芳興芳路223號新都會廣場1樓133號舖會安軟殼蟹卷 🦀 $78軟殻蟹大大舊，炸得好酥脆，再配埋醬汁、生菜和蘿蔔絲，味道好清新！生牛肉牛丸河粉🐮🍜 $298去食 芽莊  一定會叫生牛肉牛丸河。越南粉彈牙又有口感。佢個牛丸真係又彈牙有牛肉嘅鮮味，真係唔錯！可惜牛肉較為靭，而且湯底唔似以前啲味道咁純正啦，反而多咗啲味精的味道。越南法式三文治🥙 $58個包烘到好鬆脆，而且個份量都比想像中充足，每咬一淡都會食到啲越南扎肉，五香腩肉同蔬菜絲添，個質感認真唔錯。牛油果沙冰 🥑 $48次次去食都一定會叫來飲，因為飲落去感覺唔似沙冰，仲有好濃郁嘅牛油果味道添，真係好原汁原味，正。

之前有朋友推薦過呢間芽莊越式料理，今次就一於去試下😙餐牌選擇有好多，前菜、米紙卷、小食、湯粉、撈檬、咖喱、甜品乜都有，不過價錢就偏貴。因為佢價錢偏貴，所以我對佢既期待都高啲，但係食完之後就覺得比較普通，冇乜驚喜。唔係話佢唔好食，佢係好食既，不過個人覺得未值得呢個價，加埋一要九十幾蚊一碗粉，又唔係好食過出面果啲好多😕1⃣️西貢牙車快（$98） 有手撕雞、椰菜絲、花生、蘿蔔絲、洋蔥，個底用左塊好大塊既米餅盛住啲沙律🤩食落好清爽，椰菜絲同手撕雞份量都好多，加埋魚露酸酸甜甜既味道，好開胃！米餅夠脆，同啲沙律一齊食又係另一番滋味🤤成餐我最鍾意就係佢呢個沙律🥗份量又夠而且整得幾好食！  2⃣️芝麻蝦多士（$88）呢個蝦多士都好好食！個底既多士搽上牛油烘香，呈金黃色😍面頭灑滿芝麻粒，食落蝦肉好厚！再有配埋千島醬可以點黎食。呢個蝦多士算係我食過數一數二好食既！  3⃣️西貢咖喱牛腩（$128）(白飯+$18）牛腩大大塊，夠厚又啖啖肉👍不過咖喱偏稀身，而且唔算好香，食落普通。不過啲肉係幾大舊幾好食既。  4⃣️順化牛肉檬（$90）辣辣地，不過湯底冇乜牛骨香。配料有牛展、燻蹄、扎肉，味道係唔錯既但係略顯湯底唔夠香甜。  

幾年前間唔中去沙田新城市食呢間，今日行葵芳見到就想回味。😘❤️環境大，有特色，坐得舒服，好彩一早網上訂位。呢個麵我必點，佢有好多配料，有蟹，蟹肉，蕃茄，蟹丸，兩片唔同款扎肉，先講個湯，酸酸甜甜，蟹味濃，個麵好滑，蟹丸食到自家制，彈牙，每次食都停唔到口。呢個好健康又清新，蝦好大隻新鮮，配埋牛油果🥑，正😄蝦紙米卷係越南菜必食之一，好大舊，米粉香，個人教口喜歡食軟殼蟹紙米卷既味道。🥰👍🏻個飯似中式飯，但臘腸味道唔似中式味道，濃過中式，花生炒得好香好脆，飯一粒粒，好多料。😄😃

如果旅行是一種病，我已經放棄了治療。。。唯有食咗當去咗😛河內蕃茄蟹檬~紅紅嘅蕃茄湯，綠綠嘅芫茜碎，視覺衝擊味覺，急不及待試咗個湯底先，蕃茄味道雖然較淡但反而突出咗蟹肉嘅味道，檬粉內有扎肉同肉丸，如果唔想啖啖肉，可以考慮選擇蕃茄蟹檬😋河內生牛肉粉~看似清淡嘅湯底，但有濃濃嘅牛骨香味，飲完個湯唔會覺得頸渴，生牛肉嚟到變咗熟牛肉😂但勝在牛肉都尚算嫩滑烤三文魚撈檬~見到個賣相都已經好吸引😍，兩塊大大嘅三文魚扒，簡直係抵食夾大件，魚表面烤得剛剛脆身，內𥚃魚肉滑溜，唔會烤到乾身鞋烚烚，上面仲加咗少少類似生蝦汁，配埋撈檬，好食👍芝麻蝦多士~麵包包住蝦滑，包面上連埋芝麻一齊炸，唔會一食就芝麻周圍飛，唯一失色之處係個多士太重油炸味牛油雞翼~可一不可再…炸粉太厚，同隻雞翼完全分離，沒有牛油味，只有濃濃嘅千年油味牛油果沙冰~點解會變咗一杯牛油果奶昔☹!? 口感似飲緊糊仔一樣，職員話呢款飲品唔會有沙冰效果，係同奶昔差不多，fine！建議餐牌應該將呢個飲品改名為牛油果奶昔，btw，我飲唔出係牛油果味🤷‍♀️