苑記粉麵茶餐廳

營業中

休息中

OT之後行黎呢間食宵夜。唔知係欺我生面孔定係咩，食過麻麻地炸兩，未試過甘難食，勁難食，超難食！！見到每檯都叫炸兩，以為唔會有地雷，好喇，來個炸兩。來咗之後，嘩，凍ge+油炸鬼淋嗮⋯ 回鍋肉米線，d回鍋肉都好似隔夜！！加埋41蚊。。真係此生難忘最難食一餐，唔會再幫襯。。

星期四晚做完運動去食個LATE DINNER諗住食少少填下肚就算點知都係難擋腸粉既誘惑! (其實我好鐘意食腸粉)入到去真係有少少衝動想叫個煲仔飯食 隔離檯叫左個 好香~~~~~~可能做完運動 .... 唔想亂來強烈推薦: 蝦腸!! 說不出的好味!!比酒樓食到既正100倍!蝦係有鮮味既; 腸粉皮絕對係不能錯過的去親都一定會食炸兩都OK, 不過一定要一上檯就即食林左會差好遠!! 事關好多間既炸兩上檯時已經係林左!牛筋腩面都值得一試

黎苑記食粉麵，最穩陣就係食牛雜架喇 ~ 炒粉麵飯、快餐都有七八年無食，唔知變成點呢？牛腩撈粗，唔記得左上次教訓，牛腩雖炆得入味、又軟又棉，但係肥左少少。食家云牛腩唔肥就唔滑唔香，我都認同，不過我不太好肥膩啊。牛腩味道同質感就好正喇，係多左少少肥高啫。粗麵有少許淥得過火，腍左少少同水份過多，其他各樣都中規中句啦。個撈麵 size 好明顯比以前細左好多，我都明生意難做，百物騰貴 ﹗以我既胃口，只免強到七成半飽乍。辣椒油平實，無特別又普通。清湯有點偏咸，飲完有點口喝。

轉眼間睇住苑記開業都依家都十幾年喇，水準一直保持，好穩定，一路以黎最正既係牛雜，香濃美味，應腍得腍、應爽得爽、應棉得棉，好味 ~見仲有成個鐘先上堂，咁唯有搵野食打發時間啦，好耐無去過苑記喇，行去睇吓有無卡位坐先，無就走人，今次好好采，仲有一張卡位淨，有緣一試喇 ~牛腩撈粗，滷水牛腩炆得都好入味，口感都好腍，但有點鞋口、有點鬆散，味道係唔錯的，有點偏肥，個人不太喜歡。粗麵有點烚過龍，偏腍，而且未琼乾水，搞到成舊麵餅上碟，有花點時間用筷子將麵條打鬆，不夠細心。伴碟既菜芯，好鬼多渣喎。潮州紫菜湯走蔥，侍應哥哥仔無睇清楚係走蔥的呢，我要求換過碗，不過可能他怕比師父罵，所以好努力嘗試用匙羹將蔥去掉，最後都未能去清，再問我能否接受，OK 啦，放過他吧。係食野期間都見依位小朋友不斷犯錯，比師父及師兄們罵，依家啲後生仔就係咁？潮洲紫菜湯，味道還可以，但希望溫度可以再滾啲，好更好味。

本來還有多篇食評比這還早期未寫,皆因前陣子投稿, 寫了一篇元朗學記的牛雜麵, 不知何原因未被審批? 也沒有通知何由??? 只好以這篇苑記牛雜來作比較. 聽男友朋友說位于大埔苑記的牛類粉麵有點水準,姑且前往一試!希望不會像元朗學記失望而回! 苑記像一般茶餐廳格局, 要先經過煮牛什的大鍋,看到的牛雜,牛腩等.. 以及傳來陣陣香濃的牛製品味道, 添加不少信心! 我點了一碗淨牛筋河粉, 男友則要了碗牛雜河粉, 再加一碗淨魚片頭和油菜. 這裡湯底很清沒有像學記般混濁不清兼鋪上層油似的. 我點的牛筋爽滑, 沒有過腍亦帶點嚼勁. 口感適中! 而男友的牛雜清楚交代各部位, 腩汁亦相當香濃, 滋味難忘! 芥蘭也食得出有要求, 苑記雖沒有元朗學記名氣大, 但出品則遠勝一籌! 沒有失望而回!值得!!!

十二月三十日 (星期四)是晚天寒地凍,原想到陳漢記吃過温暖的煲仔飯誰知很多人都有同感,一早已排了很長的人龍我很肚餓,唯有退而求其次,帶老公仔到附近的食店覓食來到苑記,見亦有煲仔飯供應只等了約五分鐘就有位要搭枱,原本都心服的,誰知準備就座時有卡位的食客結帳侍應正準備着另外兩位的食客坐時,老公仔連忙提出換枱的要求,畢竟是我們先等位的,反而我們要搭枱?待應不肯就犯,拒絕了我們的要求我們唯有繼續搭枱,但當然有點不悅過了一會兒,又有卡位食客離去我們今次沒有先詢問侍應,一毎箭步將茶和餐具搬往新居侍應見狀也無可奈何,我們終於爭取到應有的權益先講片頭牛腩米片頭尚可,炸得甘香牛腩似乎有點過稔,而且很鬆散只是一般水準點了的豉汁白鱔煲仔飯賽在令人嘩然白鱔佷細舊,無肉食之餘,好像有點未熟飯粒呈硬身,算是合格,但鱔真的扣了很多分怪不得隔鄰的陳漢記要大排長龍

兩年沒有吃, 今次返黎大埔, 又可以食佢的蝦米腸了.因為只有晚市才有腸粉食, 有一次中午來都都食唔到. 而另一次在大埔中心果間, 原來係無腸粉類食物的.因為太耐無食, 最擔心蝦米同蔥沒有以前咁多, 幸好還一樣. 但它的豉油就淡左, 又少豉油, 不過年紀大食清少少都是好事.

兩星期內,吃第二次,所以一定要讚讚佢,今日係母親節,知道一定勁多人,所以同爸媽三人決定,今晚吃簡單的一餐,他們不單沒反對,而且讚賞,所以一定要寫食評.晚上七時前,已有很多人,雖然隔離的"陳漢記"已經排隊,店員服務很好,反應很快,笑容又多,值得讚賞及第粥料很多,粥很滑,但豬肉無味,要改善叉燒腸粉很熱,很滑,勁推薦,好吃過陳漢記炸兩唔啱時間,都係好唸,我想食好味炸兩好耐啦.邊度有呢!豬手飯爸爸話可以,但腳指太多魚蛋湯好大碗啊,菜底也勁多,魚蛋好彈,好爽今晚要食得好快,因為半小時後,已經排隊,下次想試肉餅飯,見到隔離枱吃,好好味咁

其實睇返之前啲食評都見到, 苑記成為陳漢記的後備... 佢唔係唔好食, 但有比較之下, 真係隔離好食啲. 不過剛剛食咗個豬潤腸粉, 有驚喜, 因為裡面除咗有豬潤, 仲有我最愛的薑蔥, 腸粉皮厚薄適中, GOOD!

某日突然好想食煲仔飯....走去陳漢記....大排長龍....肚餓難擋....唯有退而求其次去左苑記....自己要左個鹹魚肉餅飯 + 芥蘭.....唔知係咪太肚餓的關係...一上芥蘭時覺得特別好味....差唔多食哂成碟....個飯先黎.....煲仔飯亦都好好味.....D肉餅又唔會死實實.....滿足滿足....其實唔係第一次食苑記....苑記亦唔係唔好味...只可惜陳漢記就在咫尺....苑記唯有淪為我的第二選擇....真係唔好意思....

星期日單車遊, 由大埔到沙田, 再由沙田到大埔, 腳都軟, 交車後, 六人齊到這裡食下午茶, 一心想食飯類, 但原來下午茶餐無飯, 早知去第間, 卒知叫了粉麵, 我食牛腩粉, 又一次叫錯, 原來牛肚最好食, 牛腩只是一般, 試了朋友個碗一件牛肚, 真係掂喎, 夠爽, 反而魚蛋不夠彈口, 總括而言, 只是一般貨,

眼見隔離陳漢記愈做愈旺做到電視都採訪佢地.......某日同女友講起佢話呢間苑記既牛類製品既水準都不遑多讓... 佢仲話Sam Hui朝朝都會黎呢度食野添... 身為牛魔王既我急不及待要黎試下啦 女友點左牛肚魚片頭河我就要左牛雜麵同陳漢記相比... 呢度明顯大碗d~~~仲每人送多2條菜俾我地添 XDd份量黎講呢度係比陳漢記稍勝...湯底... 呢度都係比較清D同埋香D粉麵同埋用料黎講... 就好似陳漢記比較優勝鳥(人地話晒係粉麵專家嘛 XDDD)ANYWAY2間都算係水準甚高既茶餐廳 以後食牛既除左群記同埋陳漢記之外又多一個新選擇啦～ 真羨慕女友一落樓就咁多好野食 -...-

兩個牛魔王是夜又要去找牛吃..已是宵夜時段,心血來潮,好想食干炒牛河,記得上次去九龍城食到反胃...牛精朋友話不如今晚入大埔食已是11時半,店內仍是很多人...有目標而來,當然不用看餐牌,嘩...不過一個干炒牛河就要$32,飲品另計+$12...都幾乸脷...牛精朋友要他的至愛牛筋河+熱咖啡牛河好快上檯...幾有鑊氣...不過未入口已知不夠味,因為河粉挺淡色,豉油少了一點...但河粉炒得唔錯,不會"散修修",亦不會太淋...牛肉大大塊,卻不會過厚令人不欲入口,只是略淡了一點吧牛精分了牛筋給我吃...我從不愛吃牛筋的,怕它滑潺潺的感覺,毛骨悚然...他硬塞給我,就賞面試一舊,想不到...入口不是太淋身,幾有口感,令我對牛筋有點改觀整體算合格吧,而且侍應們真的好有禮貌

呢間近排都有去食過,都唔係咁差者,叫左碗牛腩牛什麵,d牛腩炆得幾適中,湯汁都幾濃,蝦米腸d皮好滑,蝦米好多因為我鍾意食,同埋魚腩粥,呀...估唔到佢有煎香左嘅魚腩放去粥入面,又唔會太油膩喎,粥底都香d,ok架,我同我朋友,一人仲歎左1杯絲襪奶茶,好有以前去大排檔d feel,正呀,埋單兩位$82,更喜出望外見到苗僑偉,真人好靚佬仲好有型悿呀

o係群記同苑記途中有一間叫陳漢記一定要試下即製腸粉同煲仔飯都係一絕粥就好甜，我至愛係田雞粥有一次意外地叫左杯凍奶茶自問係凍奶茶fans估唔到佢\d 凍奶茶茶味極濃