英味 (已結業)

相信香港人最喜歡吃日本餐， 所以香港有很多日本餐廳，利潤雖高，但競爭也激烈。 漸漸地，有不少香港嘅朋友會比較如果用這個價位，應該吃到什麼質素的餐廳。有些精打細算的朋友 甚至覺得：如果我付出了這個價位，但若吃不到相應的食物質素 ，則這間餐廳太不應該了...如果要我評價此餐廳， 我會覺得它的味道還算中上，但是 因為價錢不特別便宜，但也沒有完全比市價貴很多，所以我考慮了一會兒後，我會覺得這家算是還好的餐廳： 不算差，但也不會特別強烈地推介，但再來也是可以的選擇。

放假要對自己好少少，食高級日本菜，通常午餐都比較實惠，見有介紹他們懷石料理，嘢食都非常精緻，當然第一時間訂枱試一試。主廚是日本人，通常都一定有返咁上下水準，訂枱的時候他們會詢問有關食物要求，如果有什麼食物是不喜歡的一定要講清楚，因為他們只有一個餐牌並無其他食物選擇。我自己什麼都吃，當然就有他們的廚師來發板。見到他們的餐具都非常精緻，信封內放有餐牌及餐廳的介紹。食高級日本菜我比較喜歡坐櫃檯位置，因為可以看到廚師幫你精心條配的食物。第一個頭盤，上碟擺盆非常精緻，還有放乾冰，好似日本仙境一樣頭款有三款，海膽帶子配脆片，螢光魷魚，炸魚，蟹肉湯，味道不錯，但視覺享受多啲。第二道菜是魚生，味道非常清新，新鮮蕃茄配魚生，跟柚子醬汁，最特別的是魚生上加了小小柚子冰，感覺好好特別。第三道菜是湯，有枝頭豆腐，鰻魚，味道不錯但不算好特別。第四道菜是和牛，肉身非常嫩滑，配以藜麥及蜜糖芥茉醬，味道開胃配合得好好。第五道菜是飯，上面配有牛蒡及帶子，好味，但略嫌太濕。第六道是甜品，提子乳酪，總之好食，有視覺及味蕾的滿足。懷石料理通常俾人感覺是食唔飽，但我肯定告訴你我食得好飽

一個精裝版嘅懷石料理午餐，師傅親切，每一道菜都好啱我胃口，最重要係好味得來食得飽。師傅係應該有要求嘅人，有三個外國人walk-in 佢地都好有禮貌地推咗（唔知道係唔夠材料還是驚唔夠人手招呼）。最尾個甜品cream cheese 芝士味剛剛好，而且唔會太heavy。每人$700都OK。

英味HANABI主廚Nagaya san來港前曾係東京L’Effervescence同Narisawa掌廚, 到港後餐廳頗遠係西貢白沙灣所以一直未Plan到去試, 但介紹過俾幾個朋友去食, 食完都勁讚令我非常妒忌。 所以知道佢嘅新餐廳開係中環時已經即時Standby訂位。之前餐廳定位係法日Fusion而呢間係新派懷石料理, 午餐6個Course定價仲平過舊店但已經包咗和牛😱👍 因為係新派所以又唔太可以用傳統懷石內嘅例如先附, 八寸, 蓋物...咁去分。頭盤最欣賞個毛蟹海胆茶碗蒸, 好似頗細碗但其實裏面有超多蟹肉, 配海胆泡沫鮮味非常。刺身配柚子刨冰好清身。個湯味道清淡反而做間場唔錯。鹿兒島和牛比想像中巨型同厚 (我好憎簿切), 用料靚而且火喉控制好好, 好老土但我只能形容為入口即溶🙈 銀鱈魚油份夠做釜飯一流, 諗返其實如果用時令嘅香魚亦可以, 係玄穗試過效果唔錯。甜品似一個打碎咗嘅Fruit Tart, 啲Custard, 同生果都好正😋朋友唔食牛所以Nagaya san改咗做甘鯛俾佢。我亦有問如果我想帶老婆嚟但佢唔食鰻魚, 佢都話冇問題可以準備其他食材。真係麻煩哂🙇 整體嚟講精彩嘅

食物一般，不夠新鮮！ 服務不專業，要加茶，服務員不知跑去哪，等了很久，之後還忘記了。 服務整體不付合收費！ 食物亦非常一般，沒有驚喜，沒有特色位！ 食材亦不夠新鮮！！！整體達不到高級日本餐水準，服務和收費不成正比！