英皇紅酒扒房 (已結業)

做冬日多數人都係食中餐，為左唔想同人逼，我地就因此反其道而行食西餐，仲要專登去到鰂魚涌食，遠離旺區，有時走出旺區，反而會搵到遺珠餐廳係大街英皇道，揸車人士可以留意番餐廳係有提供泊車優惠架，消費$600以上就會送番兩小時免費泊車當日好近聖誕節，所以就有聖誕同新年SPECIAL MENU，套餐都真係幾抵食，二人餐都只係$558就已經有一吋PRIME STEAKOYSTER ($178)生蠔做緊優惠$178 4隻，品種係DIAMOND，SIZE岩岩好不大不小，入口CREAMY，唔算好濃味適合大眾口味餐湯餐湯可以揀白湯紅湯，蒜蓉包夠晒熱，脆卜卜紐西蘭羊架 ($238) + 鵝肝 ($50)一碟有4支羊架，我另外加左多一件鵝肝，鵝肝估唔到$50都好大塊，入口即溶又味濃的鵝肝實在太美味，配合羊架好合襯，羊架無咩SO味，我叫左5成熟，煮得岩岩好，薯菜份量亦不少喔餐飲最後叫番杯餐飲消一消滯，兩口子的做冬飯食得好滿足

食冬至飯，好多人都會揀中菜，都係我就會揀西餐，因為唔駛同人迫，搵位比較容易。由於係冬至正日前已經同屋企人食哂飯，反而呢一日就變佐無人約，最後就走佐去鰂魚涌，食一餐簡簡單單晚晚飯。餐廳位於英皇道，非常方便，大約6:00我已經到達餐廳，所以人流唔算多。門外見到餐廳有HAPPY HOUR，3-8有買一送一既優惠，但係飲2杯又太多，下次要約同事朋友過黎先享用到。餐廳消費有泊車優惠，食滿$600以上，可以FREE 兩個鐘，以大街既餐廳來說，可享泊車優惠，實在難得。餐牌都幾大本，選擇夠哂多，最吸引既係個生蠔組合，$178有4隻，真係平過去CITY SUPER買呀！仲要有人開埋，決家一試。新鮮生蠔 $178/4隻生蠔即叫即開，夠哂新鮮，而且都幾大隻。今日既推介款式係Diamond，食落鮮甜，仲要好好肉，4隻真係有D唔夠喉，但係都要留肚食main course既。柳西蘭草飼牛柳(8oz)拼新鮮龍蝦半隻 $338主菜我選佐柳西蘭草飼牛柳，套餐會包黑松露薯蓉，餐湯，餐包，同埋餐飲。餐湯有2款選擇，包括雜菜湯，同埋粟米忌廉湯。而最後我既選擇係粟米忌廉湯，佢做得都幾杰身，好多粟米，幾足料，個湯底好creamy

因為平時成日食扒房都係喺旺角尖沙咀銅鑼灣所以今次特登去一啲偏遠少少嘅地方試吓佢哋嘅西式扒房入到去感覺呢度有啲中式食扒房太平館既感覺 晚餐來講呢度都算幾多人 感覺呢度嘅牛扒都係正常價錢唔算太貴 但係呢度嘅份量就可能有的少🤔 今次我哋分別叫咗一個紐西蘭草飼牛柳(8oz) $218 本身諗住佢可能係大塊少少但係嚟到比想像中細份 如果就咁食一個牛扒可能未必夠飽 另外我哋叫咗一個燒美國春雞$138 呢個價錢只係得半隻 份量始終係細咗少少 同埋食落雞嘅質地亦都唔算太滑 所以個人推介嚟到呢度叫燒雞食最後我哋亦都叫咗一杯紅酒 🍷 呢度嘅紅酒冇咩特別都係平時超級市場買到嘅質素 總括嚟講呢間應該係一間不過不失嘅扒房 裝修同埋侍應都有少少懷舊 可以話係介乎於中式同西式扒房之間

窮遊香港- 牛扒質素唔錯.⭐️美國頂級西冷牛扒（12oz$388)（圖中五成熟medium）煮得岩岩好 而且好夠肉味厚薄左右一樣 冇一邊熟一邊唔熟呢塊好易切 肉質口感都唔錯 唔會硬（低級牛通常d筋都好硬好難咬）⭐️意式海鮮墨魚汁意粉$158真係食到個咀污糟哂入面有唔同既海鮮蝦 三文魚 帶子 青口.....當中要講一講d藍青口煮得口感好cream 唔似平時大青口咁硬帶子有燒香 好食.餐湯同飲品相對普通但係呢到有得叫紅酒白酒呢個我就冇試啦留番比d大人試啦.#kingswinedine地址：北角英皇道668號地下.⭐️評分：味道：4.5/5 塊扒真係好好 冇筋 影切環境：4/5 服務：4.5/5 服務有禮 每道菜都換碟加分衛生：4.5/5 抵食：4/5 感覺到用料高質素

平時坐巴士往返太古，經常看到這家餐廳，已經想來試很久了，但由於不是住在附近，也並非在附近工作，所以一拖再拖，這天終於才來到這裡，叫了🐂扒午餐。午餐來講，🐂扒都算OK大塊，薯蓉吃不出是自家制的還是由粉加水撈出來的餐廳環境都算闊落整潔，格局有點似傳統扒房，由於中午十二點剛開鋪就來，所以很少其他客人。餐飲叫了熱奶茶，茶及奶的比例剛好，夠香滑。蒜蓉飽熱辣鬆脆。西餐湯夠色夠料昧道好，不會一味溝水搞到稀啦啦。除食物及餐廳環境外，侍應都周到有禮， 對於我的提問都耐心解釋。如果有儲里數的記得預先訂位，出席有25分！

上個月食了呢間知名藝人黃X生介紹的扒房，果然質素極高，所以得閒就寫番個食評講講感受。首先舖頭位於大街，都算幾方便。地鐵站出來步行3-5分鐘到達。一場來到當然食牛扒啦！🐂🐄😋一份8oz原條燒美國穀飼牛肉眼($2xx)，5成熟，加配香煎鵝肝(+$45)，睇相大家都已經流晒口水！肉質剛剛好，幼嫩香口，是頂級的肉眼質素！😋舖內放工時間聚了好多OL，藍白領圍埋碰下酒杯，然後先慢慢享受一份份牛扒，以美食為打工仔一日的辛勞劃上完美句點。

收工同同事來到呢間西餐廳 , 係好唔起眼嘅街邊小店。裝潢有d 似傳統扒房嘅setting. 叫咗佢幾個dinner set 黎食， 羊扒餐，牛扒餐，黑松露意大利粉。附送面包，湯同野飲。每人埋單200 左右。 待應服務親切，可能果日落雨都無咩人。食物都幾有水準，肉眼扒可以encore .最後係餐廳嘅英文歌好啱聽，overall 黎講情調唔錯，食完唔記得影相，但佢個黑松露spaghetti 比較少食到。所以， 對比起連鎖店，呢個係值得推薦嘅餐廳。

這天中午去了英皇道果間King’s & wine 食午餐！中午人很多，等咗十幾分鐘，帶領入座，似茶餐廳格局，但比較整潔得多，而且招呼也很好和安排也感覺妥貼，從餐牌上選了一個燒焗豬肋骨配BBQ汁午市套餐！先來蒜蓉包羅宋湯，酸酸甜甜的，好開胃，蒜蓉包又香又脆，好吃！跟著送上來的燒焗豬肋骨，份量很大啊！熱騰騰，香噴噴，肉質軟滑，正啊！時菜配意粉，有咬口，加點醬汁才吃更和味！吃完主食，跟一杯餐茶、十分滿足了，埋單是$136.

朋友話之前睇到黃秋生介紹呢間餐廳嘅牛扒， 我朋友鍾意食牛，所以去試下， 份牛扒一到枱已經覺得好飽因為份牛扒好大塊同埋好厚。 跟住第二度菜， 鱸魚配虎蝦， 度菜好夾同埋隻虎蝦好大隻， 因為2碟份量其實已經好大分， 所以, 再叫咗第三道菜就係豬肋骨， 因為之前我喺第二度已經食個豬肋骨， 所以， 就覺得這道菜沒有什麼特別， 同埋冇咁多肉。 雖然我係第一次嚟鰂魚涌食飯， 但都可以喺呢間餐廳搵到好食嘅嘢， 氣氛唔錯。 環境靜， 價錢好合理。 同朋友傾計一流。

話說有一日放工，見到呢間扒房個環境幾好，所以就提議同同事們喺呢度食午餐。你呢度之前都有睇過下啲食評，問吓同事有冇食過，評價都係正面嘅。可能就係因為expect得太多，今次食又覺得唔係話特別好食，好似茶餐廳整出嚟嘅扒飯。嘢食方面唔係難食嘅，不過收扒房嘅價，就好似有啲貴了。我今次叫咗個香煎紐西蘭牛肉眼扒配燒汁意粉。我揀咗個紅湯，味道一般，牛肉唔夠。至於個蒜蓉包就幾脆幾香。到咗主菜，個肉眼扒有啲over-cooked，用左我好多牙力😂，食到我都攰埋。我問返我同事佢上次點解會話好食，佢就話佢係夜晚食可能有啲唔同。希望佢夜晚黑會好食啲啦。

公司請食飯，有同事試過晚餐好食所以揀左呢間餐廳。因為嗰個同事話佢之前嚟呢度食覺得幾好嘅，所以我對佢嘅期望都幾高。先黎左個忌廉南瓜湯，我覺得都OK嘅，南瓜味都幾香。我哋差唔多個個都叫左牛扒。不過質素似乎就麻麻哋啦...侍應話唔特別order嘅話就係5成熟，咁我哋就全部人都叫咗五成熟就算啦。啱啱收到塊牛扒嘅時候，切開個便便都覺得OK喎，都做到5成既效果。但繼續食落去嘅時候就會發現其他地方可能有七成甚至全熟，唔知係因為火力唔平均定塊牛扒厚薄唔一致。然後我發現原來我已經係比較好彩嗰一個，有同事成塊牛扒最少都起碼七成熟至全熟，嚼到好似嚼香口膠咁..不過我覺得係有牛味既，唔係果d用唔知咩粉拿到冇曬味既牛排咁。所以我諗係應該係廚師嘅問題唔係食材嘅問題。另外個薯蓉，我有同事覺得佢係喺超市度買到嘅粉溝出嚟既，不過我就食唔出，淨係覺得幾滑同埋香既，我覺得幾好食😂正常薯蓉嘅水準。

平時成日經過鰂魚涌，都冇發現有特色餐廳，但早前睇完黃秋生係蘋果日報介紹，一直都好想試，今晚就來呢間英皇試下据扒。當然要叫牛扒，叫了原條燒紐西蘭草飼牛肉眼(8oz) 伴黑松露薯蓉，揀咗五成熟，另一個餐叫了焗豬柳飯。每個套餐都跟左蒜蓉多士，一碗湯同飲品，今日甘荀忌廉同意大利雜菜湯。朋友覺得燒得恰到好處，我就喜愛食側邊較熟的位置，肉質有𡁻口，有微焦香，非常有口感，而朋友喜愛食半生的，就覺得超級鮮嫩，肉味夠多汁，也有旁邊肥膏有牛油香，配菜用了黑松露薯蓉非常香好好食，黑松露份量夠多，啖啖有松露味。冇想過呢度既焗豬飯係咁好食，多塊稔身豬柳，有鮮蕃茄同芝士，正。如餐飲轉fruit Punch 要加$10，最後叫了檸茶同咖啡。

今日終於考哂試 男朋友就提議同我去英皇道食飯英皇道比我既感覺都係有好多巴士站同office完全諗唔到會有d正野食原來佢係係facebook睇到條片講黃秋生介紹 King’s Wine & Dine 所以就帶左我黎試下😌我地每人叫左一個套餐👧🏻我就叫左🐟香煎海鱸魚柳 拼 🦐虎蝦 伴🥔黑松露薯蓉成條魚煎個時都食得出佢係冇咩調味依個就係一個值得欣賞既位 因為佢可以比我食返魚本身既鮮味成條魚都冇咩骨 所以食得好開心魚皮又煎到有d脆 所以更加加分另外會有一隻煎虎蝦肉質彈牙 鮮甜 而且佢本身已經離殼所以食既時候就變得方便黑松露薯蓉雖然係side dish 但佢都整得好有誠意食得出佢真係落左好多黑松露 而且d薯仔都blend得好好令到成個薯蓉好creamy😋👦🏾男朋友叫左🥩原條燒紐西蘭草飼牛肉眼(8oz) 伴🥔黑松露薯蓉佢同我講話食完塊扒其實都夠哂飽可想而知 其實分量都唔小因為連一個男仔都覺得夠飽成塊扒肥瘦適中 見到塊扒都係得中間之有一舊仔肥膏估係係煮既時候可以用返牛肉本身既牛油佢同我一樣都覺得個黑松露薯蓉好好食完全冇吝嗇黑松露 啖啖都充滿哂松露味每個套餐入面都跟左碗湯同飲品湯方面有紅白兩款 我地

哩間係印象中都開咗一段時間見拒成日都full house 上open rice 又有好多正評決定帶屋企人黎試下因為太興奮既關係我竟然唔記得左book 枱🤦🏻‍♀️8pm 到，staff 都好細心主動留我電話因為full 哂拒都坦白講可能要等45mins 有枱就即刻打比我，最後等左35mins 所以記得要訂枱要訂枱要訂枱 因為menu 上叫既main 都包餐湯同餐飲所以好飽肚😋坐得舒服，同上餐都好快手一定會再黎，但一定會記得訂位🙈

今日去咗北角做嘢，好彩早放食晏，如果唔係的話就會好難揾到位食飯了。因為都唔太熟環境，所以周圍行吓，睇吓有啲乜嘢好食，走吓行吓就無意間見到這間餐廳，開頭都望唔到個名，而且門口又無擺餐牌，都唔知乜嘢價位。但喺門口外面望入去，餐廳環境企理及感覺乾淨，而且見到啲人食飯時有餐湯及蒜蓉多士，一於入去試吓啦，坐落睇吓餐牌原來都係貴嘢嚟嘅，最平的餐都要$82蚊的，還要加一。唔坐都坐低咗，為有叫個最平嘅餐啦，香辣茄蓉雞扒飯，要白湯，凍0茶。叫咗之後望吓枱面，佢哋擺放餐具齊全4件，有埋湯羹，及擺得整齊及地方清潔，感覺都好好多。之後餐湯上，湯內有蜆肉及其他配料，唔似一般茶餐廳咁嘅行貨嘢，而且都幾好飲的，感覺又 ok咗，唯獨是蒜蓉多士硬咗啲，好似食餅乾咁。而個香辣茄蓉雞扒飯，雞的質感就嘛嘛，比較鞋，但汁的味道ok, 而且雞件都多，都可以食得飽的。整體而言算係 ok 。但最特別的是。我在食飯中時，有位職員主動行嚟問我使唔使埋單先，因會有8折，咁我更係話好啦，折後$74蚊，有這環境及服務，係 ok的。