英皇紅酒扒房 (已結業)

剛剛既星期五同約個朋友一齋去左英皇紅酒扒房一睇openrice 見到有豬手，我呢個豬手控已經完全心心眼，舉腳贊成👍👍👍由於未齊人，我地先叫左兩個餐前小食醫住肚先，焗菇同厚切牛舌都非常有驚喜朋友到齊。。。。我地叫左三個主食，一份七成熟既肉眼，一個軟殻蟹pasta，當然.....唔少得一隻豬手肉眼燒得剛剛好，pasta 日式胡蔴醋汁酸酸地好好味，係個軟殻蟹我覺得未夠鮮質素普通左啲。豬手最後先到，大家其實都飽左八九成不過.....豬手實在太好食，都俾我地掃清，我重打包左條豬骨添

睇完蘋果動秋生哥介紹，第二日即刻去，果然介紹完係勁多人，要排隊等位大半個鐘，可能老闆都估唔到，所以安排上略嫌麻麻，但唔緊要，最緊要有得食叫咗鱸魚柳拼虎蝦/紐西蘭肉眼/豬手/忌廉汁意粉，樣樣賣相都唔錯架首先有紅湯同蒜蓉包，包夠香夠脆好食， 湯淡咗少少，估計老闆估唔到咁多人所以可能唔夠賣要本稀d，同埋想叫小食都賣晒鱸魚柳拼虎蝦好味，配埋黑松露薯蓉，正！忌廉汁意粉個樣一般但不來都好好味，豬手正常夠脆，肉眼麻麻地，睇介紹會淹1日同大塊d，估計都係因應預唔到有咁多人所以冇準備好老闆做到太忙都好似好攰唔知自己做緊咩咁，但整體都幾好，下次會再去試招牌肉眼，希望會回復正常

我們一家人因睇完生果報 ，黃先生介绍 ，話牛扒好食到不得了 ，就過來一試 ，，我家人點了纽西蘭牛扒 ，最贵一款 ，要八乘熟,，上碟賣相OK ，但 似7剩熟 ，食落比想像中一般 ，不太好吃 ，亦不是好吃到不得了同時點了卡邦尼意粉 ，無卡邦尼嘅忌廉香味之餘 ，仲好似好多糖 ，甜味意粉海鮮焗飯 簡直難食 ，連所快餐店好吃過 他，還有蓝青口用忌廉 整 ，味道很差 ，藍青口應該肉質鮮味 細隻，同忌廉很配 ，可惜水稀稀忌廉 ，大隻青口 ，不確定是否所為藍青口 ，豬肉腸一碟更差 ，賣相已經唔得 ，切到一片片 ，好似中式炒 ，混和洋蔥同 芡汁 ，最終價錢唔值 ，快餐店水準 ，完全中伏 餐湯同茶餐廳一樣 ，,再去埋洗手間 ，衛生一般 ，

睇完黃秋生係蘋果日報嘅介紹，忍唔住呢個星期六晚試吓黃秋生口中唔好食就搵佢俾錢嘅牛扒。完全冇令我失望，一定會再encore當晚座無虛席，食到八點半走嘅時候門外面仲有好多人等緊位牛脷好林烤芝士大啡菇一向係唔錯嘅組合，都可以一試，不過我自己會鍾意芝士再烤得硬身啲，配上大啡菇嘅口感層次會更好醬料小辣，配料多有點複雜新鮮青口煮得好嫩滑，冇腥味，好香忌廉味揀咗五成熟，燒得剛剛好，肉質超級鮮嫩，絕對令人想一試再試上openrice見到大家都推薦呢個脆薯角，食完我都覺得完全係值得推介不太似木糠布甸嘅木糠布甸，不過都好食正常水準嘅心太軟好豐富嘅晚餐希望有機會可以再黎食佢嘅牛扒＆薯角

既然秋生哥講到咁正，明星效應下去試試。餐廳內地方不大，餐枱排得密麻麻，環境非常嘈雜。我們連餐湯點咗共7個菜，上菜速度太高、太急，一下子將菜放滿一枱，冇理會張枱究竟夠唔夠放，用餐感覺太催逼。首先係「田園沙律」同「餐湯」不過不失，「蒜香法包」冇蒜味！「紐西蘭草飼牛肉眼扒」味道不錯，肉質軟，點了5成熟煎得剛好；「炸薯角」太鹹；「白汁大虎蝦海鮮焗飯」調味不錯，但略嫌飯濕咗啲；「脆皮德國鹹豬手」部分位豬皮唔夠脆、部分位置皮較乾硬，餐刀刀鋒仲鈍過我，唯有成片肉叉住咬；「忌廉煮活藍青口」雖然藍青口肉質唔Un ，但湯汁超鹹，我自己一定煮得好食過佢。

尋晚專登去試，有啲失望 …… 牛扒非常普通，肉質亦唔好。見到隔離枱的沙律同意粉都完全唔吸引。甜品點咗焦糖香蕉waffle，一樣普通貨色。這樣的價錢我寧願食波士頓鐵板牛柳餐。

夜晚7:15黎到，冇卜檯，門口侍應問我地可唔可以8點交檯，我話你啲野食黎到咪得，佢叫我地睇menu等等先，但明明有幾張吉檯，等到7:30先有得坐，得返半個鐘！過一陣就黎左個湯，都唔差，五分鐘倒個牛扒就黎！叫五成，黎到七成都唔只，表面都唔係熱嘅，擺明唔係即煎！一個扒收$258另加一，咁嘅質素，下次唔會再黎！花園餐廳都好食過佢！另外叫左個意粉就十五分鐘都未黎，三個字之內就要人走，你啲野食咁慢點走？極度劣評！服務態度又差！

這間餐廳已經開業很久，就在我家附近，有時候經過也會想: 不如入去試一試。但是這麼多年來，就是沒有吃過。 最近看見網上一些報道，挺有趣的，所以來了。哪個最有人氣的原條燒牛肉眼已沽清，所以只好點了牛柳和 carbonara，另加鵝肝。食物味道很好，意粉軟硬適中，醬汁能夠全掛上。牛柳肉質不錯。鵝肝也ok，不過如果外面能夠再煎脆一些更佳。這裏的性價比很高，街坊價錢但食物材料真心不錯。 我看見鄰座的客人點了春雞和德國炸豬手，看樣子也應該很好吃，下次我會試試。 如果硬要挑剔的話，那兒的檸檬茶太濃，配奶茶沒問題，配檸檬的話就變得苦澀。

媽聽到黃秋生分享間餐廳嘅牛扒好食, 提議一家人去食。 我地中午1點30分入坐, 去到都要等位, 侍應告知牛扒同臚魚無貨, 極之失望, 社交網站亦都無寫會缺貨, 但一場黎到, 試下無妨。我地5個人點左4個餐, 分別係咖哩雞飯, 意大利飯配鵝肝, 海鮮焗飯同西冷羊排。首先到嘅係咖哩雞飯, 咖哩味唔重, 雞排有啲“鞋”, 份量少, 幸好調味適中, 唔太咸, 係一個好普通嘅咖哩雞飯。接著係意大利飯, 飯煮得好有頭,唔會太軟身, 菌味香濃, 鵝肝煎得外層脆裡面軟, 好香脂肪味, 但飯份量略為少。值得一試係羊排, 羊排煎到好淋, 肉質無渣, 脂肪比例剛剛好, 加上酸酸地嘅薄荷汁, 都算係比較好食。最後係焗海鮮飯, 海鮮份量足夠, 有兩隻蝦, 兩隻青口, 一塊龍脷柳。汁唔夠多, 將飯焗得硬邦邦, 有啲似食緊飯焦, 質素不過不失。侍應手腳好快, 快到我都未食完就收左我隻碟, 對餐牌有咩飲料唔太熟悉, 但態度還好, 起碼唔會黑面, 有問必答。 價錢方面, 如果係午餐就貴左少少, 我地5個人食左393蚊, 但已經八折左同叫4個餐, 如果唔係每人應該要100蚊。

中午訂好位, 諗住今晚食餐好，同囡囡食扒！訂了6點遲了三分鐘，一入餐廳，好多人等位我以為佢地冇book 枱，我行入啲一睇全場滿座，等咗一陣先有個男士行過黎，立即show比佢睇訂位紀錄, 㸃知都係要等，樓面只得三人，再睇真啲大多數都係剛飲湯，等在20分鐘都冇位，只好離開~估唔到第一次寫食評⋯係咁！ 失望！

今日咁啱12點公司有火警演習，簽到後當然去食晏啦。我哋選擇黎King’s，因為行過見到都有位同埋12:50前埋單有八折，好似好抵喎。呢間餐廳我哋嚟過幾次都算坐得舒服。睇完今日嘅午餐套餐Menu，樣樣都想食但最後我決定食豬脊里肉配烤菠蘿蓉😊今日嘅湯係南瓜忌廉湯，湯夠熱夠creamy，正👍🏻點埋蒜蓉包就真係冇得彈！蒜蓉包啱啱焗起，熱辣辣👍🏻主菜嚟啦，賣相都唔錯，不過感覺portion細左D，豬脊肉夠厚身，佢比嗰把刀就唔夠鋒利😓唔係好切到。味道唔錯，啱晒我食落唔會好重豬肉味👍🏻不過個汁就唔係咁夠，多點會好啲。餐飲我叫左咖啡，呢間啲咖啡真係唔錯👍🏻夠香濃。喺附近返工呢間餐廳的而且確係唔錯嘅選擇，服務態度幾好，早埋單有折好抵食。

又到happy Friday lunch，同事提議King’s，唔太多人，唔駛等位。Lunch set 有7個選擇。每個set都有湯同蒜蓉包。雜菜湯都多料，味道偏淡。蒜蓉包幾脆口，比普通餐包好。我揀左2號餐，鮮茄焗雞肉意粉配焗生蠔。未飲完湯，焗意粉已經出現係我面前，太有速度吧⋯⋯ 賣相OK，雞肉唔韌。蕃茄醬汁唔會難食，但又唔係特別好食。焗蠔細細隻，芝士太多，偏濃味。12:50pm前埋單有8折，咁就幾抵食！！

午飯時間來到這間餐廳， 算是鰂魚涌區較遠，及比較近北角那邊，但仍然人滿滿的。幸好訂了座及早些到達，否則要在門外路面排隊。餐廳環境舒適闊落，不會坐得很擠迫，唯中午人多較嘈吵。午飯set lunch 都有7款選選擇，價錢由八十多元至百多元。最後選了墨西哥辣肉醬芝士焗飯配烘沙樂美腸。餐湯是普通紅白湯，味道普普通通，餐包是蒜溶包，脆脆的很可口。主菜焗飯熱騰騰的上桌，賣相不俗。可惜一試味道很淡，好像忘了調味一樣， 沙樂美腸只得數片，而且極薄，加上焗飯份量本身不多，吃畢也沒有很飽的感覺，有些失望。餐廳環境服務皆不錯的，但真的要提升食物質素及味道。

set lunch around $100, 有5-6個選擇, 每個set都會有個湯, 蒜蓉包, 主菜, 同飲品~今次同同事share左幾樣野食, overall 味道都不錯, 賣相都好好, 但份量比較少, 唔會話好飽煎三文魚配配焗跟薯菜:其實一睇都覺得賣相幾好, 但薯菜只係幾舊薯仔, 三文魚煎得唔錯, 好香口, 但醬汁太少, 食完真係唔飽, 下次叫番意粉會比較好葡汁雞皇焗飯l雞件比較鞋口, 焗飯係炒飯底, 粒粒分明, 個醬汁可以濃味多少少就好!pizza:係薄批黎, 如果一個食唔share就會覺得有d寡, 上面既parma ham好味, 火箭菜都好新鮮

係岩岩既星期日奶油包準備同爸爸媽媽落去後花園咁岩就見到樓下有條大Banner睇睇覺得『英皇紅酒扒房』既All Day Breakfast都幾抵食咁就決定幫襯一下其實奶油包一家都知道『英皇紅酒扒房』開左都有一段時間但係覺得好似有DD貴冇計啦...奶油包次次見到個MENU都係既上既時候所以有呢個誤解入到去覺得個環境好舒服一D都唔會覺得逼牆身既畫作令人好RELAX好有度假FEEL唔好講咁多睇睇個MENU先好多既選擇但係奶油包既習性係去到一間西式既餐廳見到有All Day Breakfast就一定會試 所以都係揀左All Day Breakfast仲有要左個 +$5 既細火腿通粉呢個火腿通粉真係要講下平日出面既西餐就算有火腿通粉都係雞湯做底但『英皇紅酒扒房』就真係好西方做法湯底係忌廉汁....好creamy既忌廉汁可能因為係忌廉汁既關係一D都唔會咸睇完個火腿通粉就睇睇個All Day BreakfastD炒菇好好食，好香下面既炒旦好滑腸仔同煙肉都係2條腸仔有黑椒味而個薯餅真係食到一條條既薯仔個All Day Breakfast份量唔少真係夠晒飽