英記油渣麵

營業中

休息中

對於駕駛人士嚟講，大角嘴英記油渣麵一定係必食之選，呢排天氣涼涼地，食碗熱騰騰嘅麵簡直係暖入心因為營業到深夜，所以好多區外客都會特登去捧場。麵可以揀大碗細碗，蔥，冬菇，冬菜夾埋豬油渣，非常香口，湯頭都好好飲，麵條好彈牙，一條一條食好滋味，簡簡單單嘅食材做最美味嘅美食。另外仲有幾款小食，有雞翼有芝士腸，不過一碗麵已經夠飽就無試，下次有機會多d人去就可以試下。地址大角嘴菩提街4號永信大樓地舖港鐵站C2出口，步行約10分鐘

英記油渣麵😍😍😍係宵夜之選啊！夜媽媽搵唔到邊到可以停車又可以食個熱辣辣既麵真係非英記莫屬😆如果大家都中意食宵夜建議過黎食🤣🤣仲叫左雞翼、芝士腸同通菜。不過當日通菜唔係咁新鮮有d黑黑：（油渣麵搭救👍🏻👍🏻👍🏻

夜媽媽黎到食邪惡油渣麵第一次食油渣麵 要品嘗下先有大細碗可揀 豬油渣湯底清而不濁 而且豬腩肉都唔會肥膩 麵質粗而且好有咬口 都幾鍾意 整體成碗都好食 對豬油渣麵印象良好再叫多份小食雞翼雞翼整得超香口 唔錯唔錯🫶🏻

只係做夜晚同凌晨，所以經常成為我既宵夜必備。我一個人食一份大油渣加4隻雞翼，5條芝士腸再加份腐乳通菜。只可以說真係只應天上有既配搭！每樣野都係好好食，加埋佢地自家製辣椒油，簡直世一！講翻佢地個油渣麵，冇特別要求的話，入面會有齊肥渣同瘦渣，而兩種油渣都唔太有脆卜卜的感覺，肥渣咬落充滿豬油香，瘦渣鹹香感更足。佢地主打菜式唔多，但係已經可以好邪惡滿足到你宵夜既選擇。加上價錢好親民，所以到夜晚都仲係見到有好多人前來買野進食。味道：8.5/10環境：7/10整體分數：8/10🍊Flavor for Today | 今天的味道|🐝「還在煩惱今天的味道」What's the flavour Today🍽️Food l 🍀Lifestyle / ✈️Travel✉️: flavorfortoday@gmail.com已經食左好好好好多年

大角有間幾出名食豬油麵渣既店舖，🍜叫英記，佢嘅豬油渣麵有分大碗同細碗，細碗啱晒我呢D想食又唔食得多嘅人，碗油渣麵有冬菇蔥同冬菜，豬油渣唔會太淋，幾有口感👍小食可以買一份亦都可以買半份，半份雞翼19蚊，芝士腸半分$5 ，一直都保持水準👍👍

//12 08 23 晴天🌞22:00 大角咀 菩提街英記油渣麵/ 食油渣麵就等於(窮)？/「油渣麵」絕對係「老香港美食系列」之一，1960-1970年更曾經風靡一班基層市民。當時「香港」物資缺乏、貧富懸殊，基層市民每日為生計奔波勞碌💦，有部分家庭，甚至連買餸錢都無。所以，佢哋會喺生活上用盡奇招「開源節流」。「油渣麵」 ——— 正正係一個好例子，60年代初期，「油」並唔係每個家庭都負擔得起，但炒餸嘅時候又豈能夠走「油」呢👨🏻‍🍳？於是，佢哋會喺街市買舊肥豬肉🐖，將肥膏部位搾油，肉嘅部位做餸。雖然，搾油後嘅肥膏，已經變成無價值嘅「豬油渣」，但對於嗰時一班基層市民嚟講，絕對係另一種珍貴嘅食材🎉。物盡其用之下，將剩低嘅「豬油渣」配上清湯、蔥粒、冬菇、冬菜、上海粗麵。結果，成就咗一碗獨特香甜嘅港式 ———「油渣麵」～/時至今日，「油渣麵」嘅身價已經大大提升，唔再喺窮人食品。但佢有趣嘅歷史，將會永遠成為「香港」嘅經典🧡！#90後眼中的老香港-細油渣麵 (多渣) HKD$32———————————————————————豬油渣大舊、數量多 有肥有瘦 食落去軟熟香口 無油膉味 不過唔係行脆卜卜嘅

#搞串個pantry講到香港地道麵食🍜，可能會諗到常見嘅車仔麵🛒、豬潤麵🐷，或者茶餐廳嘅沙嗲牛肉麵。今次就同大家食另一種麵食，就係#油渣麵 啦！！油渣即係豬油渣😎，豬油渣即係一啲經過烚一烚，再油炸，搾油後嘅肥豬肉🤯。一入到舖頭，就有豪爽嘅姨姨👩🏻‍💼大聲問要大麵定細麵。因為成間店，主食就係得油渣麵😉，所以一入嚟，就會問要大定細嘅油渣麵。咁我哋就叫咗兩碗大麵($36)、4隻雞翼($20)🍗。油渣麵用咗粗嘅上海麵😋，除咗有豬油渣，仲有4粒小冬菇、葱🌱，同埋菜脯。呢度嘅豬油渣數量都幾多🤩，有肥有瘦，可以食到唔同口感。同時，炸到好脆口🔥，不過就有啲油嘅臭味。而小冬菇好好食，事先有炆過，好入味。唯獨係菜脯無得自己加就有啲可惜😖。雞翼就煎得啱啱好，唔會燶之餘，邊位仲有啲脆身😚。而平身雞翼有醃過，味道都幾好。舖頭地點的確有啲唔方便，如果大家經過可以去食下啦😜。

Yau Zha Maan, also known as "Oil Residue Noodles," is a popular street food in Hong Kong. It is made by stir-frying leftover oil, flour, and various ingredients such as vegetables, meat, and sauces. The dish is known for its savory flavor and is often considered a quick and convenient meal for busy days.

油渣麵由細食到大，最懐念深水埗地鐵站出口車仔檔，係我食過最好味。試過深水埗，界限街和土瓜灣推介嘅油渣麵，英記都係比較好啲。今天特意去食，叫了大油渣麵$37（細$32）送來時,縮水咗，好似舊時的細碗，賣相都係精緻嘅，熱辣辣，湯好味嘅，麵就淋咗D，食油渣麵，油渣係主角，但通常都搭一兩舊瘦啲肉，但今次變咗油渣和豬腩各－半，非常失望和無奈。買了兩碗大油渣麵外賣，湯另上收$86家人都詐型，太多豬瘦肉。未必會特意去。

朋友一直的推介今天終於來了路痴的我讓朋友等了會在發現新大陸的情緒下亂沖亂撞終於安全到達坐下後店員就問了句“要大定細”由於朋友不懂中文在下又未知發生什麼事店員問了幾次後在下直接翻譯問朋友他才答大的..在下這時也反應過來第一次到 試細的一大一細 唔該..在等食時跟朋友聊聊才知道這裡只賣一種東西所以只需要選大細不過後來在下也發現了有野菜可以點把新發現跟朋友說還有雞翼脹仔後來還聽到後面那枱點餐有不同叫法好像是走東西 又可以淨要一種料..？看似只有一碗麵裡面卻有著很多的變化湯底清清的很不錯然後裡面的”油渣“說真的在下不知道是什麼不過其實還不錯吃的軟軟的 有點肉 有油感各式各樣的 粗條的麵好有口感加入匙辣椒油更是把整碗麵提升了好吃結帳時朋友買了瓶店裡的辣椒醬油送在下開心原來還可以買走細碗又完滿的一餐回家繼續努力溫習

今日係大角嘴一日遊，2023年第一日估唔到有朋友book左場約我地黎大角嘴打羽毛球🏸️最搞笑我一直以為打7-9pm 稔住打完再食晚飯，點知原來擺烏龍係打9-11pm 即刻拿拿臨附近食個快飯😂打完大部分舖頭都收曬，有熟路朋友仔問要唔要試吓油渣麵？ 聽就聽得多食好似真係未食過，叫左碗招牌油渣麵同聽講好好食嘅雞翼同芝士腸做宵夜🥰一打開見到一舊舊肥豬肉加睇落有少少似烏冬嘅粗麵，我就知道我聽日一定會肚屙🫣雞翼同腸仔睇落好香脆但好可惜外賣關係已經凍左整體味道黎講係可以，但如非必要應該都唔會再去食因為地點有啲隔涉、味道又未係非食不可🫣

天時凍宵夜最鍾意食油渣麵英記多年屹立不倒味道仍然無變湯底好香冬菇味仲有少少菜脯油渣份量適中冬天食特別覺得暖身不過好可惜地點10分唔方便，所以唔可以成日食到佢哋有冇得送外賣，希望佢哋日後又送外賣服務

睇到YOUTUBE最近介紹油渣麵，就去咗大角嘴呢間英記，要留意佢營業時間比較特別，3-7pm係休息時段，小心摸門釘啊!入到去環境光猛整潔，周六的中午時段去，人流一般，由於食個快lunch，只係叫咗一碗大油渣麵，黎到個份量唔算好大，先講下d配料，菜圃只有唔辣，而且唔係無限添加🙈，味道唔算太鹹，配埋粗粗嘅上海麵啱啱好👍🏻👍🏻冬菇雖然細細粒，但份量都幾多，而且好入味☺️講番正題油渣，如果冇特別要求，入面會有齊肥渣同瘦渣，兩種油渣都唔太有脆卜卜的感覺，肥渣唔伯一pat嘢，咬落充滿豬油香，瘦渣則真係會有小小會乾到有渣><最後，湯底唔算好油，所以都忍唔住飲咗兩啖🤪不過唔知係咪坐緊門口，有幾隻蚊廁紙筒徘徊飛，用膳時有d扣分🥲

之前有聽講過英記，不過就未食過，今日朋友就帶我過去試下，有大碗細碗分，其實細碗我已經覺得分量都好多🤣 我就叫佐細碗，同埋通菜，我本身就麻麻油渣面，不過食落又幾好食😍 而且分量又多，又入味😍 值得一試

作為油渣麵忠粉，食咗幾十年，最鍾意都係英記同通達。但通達嘅油渣已經變咗去第二樣嘢，成舊變咗淺啡色，仲要又乾又硬。咬落去好似未發水嘅豬皮，硬骰骰，真係驚會咬崩牙！所以已經放棄再去食。反之，可能英記仲有英姐坐陣。雖然味道係有少少下降，但唔係食咗幾十年，其實都未必食得出佢嘅分別。夾埋佢嘅菜脯同辣椒油，真係絕配。呢兩樣嘢我次次食完都留返，係屋企食其他粉麵時加埋真係提升到質素嫁！開大舖後多咗雞翼，蜜糖腸同油菜呢啲小食。老實講炸雞翼確實係比較重口味。年紀大咗真係要少啲食。反而佢個腐乳通菜真係唔錯，菜灼得青綠又無揸，腐乳醬調較得滑溜又香噴噴。雖然$22得幾棵，但係都係必叫嘅item👍🏻如果揸車去買，記得同四眼哥哥講，要盒。咁就可以安安全全車返屋企慢慢食