英記油渣麵

營業中

休息中

here is a tiny local restaurant in tai kok tsui.its name 英記油渣面， yingkee fries pork noodle.this dish was traditional local food in hongkong long times ago. when people were poor, they cant afford the price for fresh meat, some of them use the pork skin to deep dries ,turns out pork oil which surprising good smell and treated as substitute of meat.that noodle remain the oil style of taste.soup is rich of mushroom flavor. noodles is thick cut and like japanese udon texture.if you want to try local

第一次食英記，係多年前朋友大力推介，雖然當日已經食咗晚飯，都買咗一碗外賣返屋企食。由大角咀返到馬鞍山，碗麵有D涼，但味道果然出眾，而且我十分喜歡佢地的辣椒油，幫碗麵加唔少分數！不過屋企冇直車去大角咀，在交通不方便的原因下，一年都只會幫襯一兩次。星期五忽然身痕想食油渣麵，立刻動身出發！去到英記差唔多11點半，好靜冇乜人，連伙記都冇一個先搞笑；原來其中一個「食客」係員工嚟嘅，咁就要一個大渣。碗麵嚟到，外觀都冇乜變，正正常常一碗油渣麵囉。食第一啖⋯⋯乜普通咗咁多嘅?！不過最退步係D油渣⋯Sorry，係炸肉渣先真！真係唔好食囉！大佬，油渣麵喎！唔係肉渣麵喎。幫襯咁多次都未試過咁樣，希望佢哋只係一時失手短短一餐二十分鐘，感覺係辣椒油依舊，油渣麵不再。不過都會再比機會佢，始終人總有失手時嘛！

我已經幫襯了這間油渣麵十多年了，水準一直保持着，油渣煮得非常好味，肥瘦適中，麵條亦都爽滑，整個油渣麵配合得天衣無縫，其他小食如雞翼腸仔也很出色，雖然食物種類不多，但是精於做幾項拿手的菜式，已經可以牢牢吸納一大群擁躉支持。我曾經多次試過晚上七點後到這間餐廳食油渣麵，遲了只是十多分鐘，已經整間餐廳坐滿了客人，可想言之這間餐廳有很多擁躉支持。我在香港亦都在其他店舖吃過油渣麵，水準品質都不如這間英記油渣麵，雖然開放時間比較特別，只開晚上七點到第二朝的三點，但是我都會定時幫襯他們，有時工作夜了經過當宵夜也是一種樂事。

難得今晚係大角咀附近又夾岩時間 一於就去想食好耐既英記油渣麵食返碗先啦🤤7點左右就到 岩岩開門唔洗等位😚舖頭只係提供幾款食物 一場黎到咁就緊係叫哂全部食下啦-招牌油渣麵🍜今次叫左碗大既油渣麵 一黎到飲啖湯先～好清甜好味 加幾滴辣椒油更加惹味麵內有菜脯冬菇 最緊要係有好多肥得黎又唔膩既豬油渣 加埋一齊食真係食到停唔到呀！🤤-腐乳通菜🥬初頭都擔心通菜過左時會好老 點知食落好脆身唔老又無渣 加埋腐乳汁味道岩岩好 唔會太鹹👍🏻-雞翼&芝士腸兩款小食都係正常發揮 雞翼都炸到香脆 芝士腸外亦都有蜜糖味🍯-🌟整體黎講 食物質素唔錯 而且價錢合理油渣麵可以按自己喜好「多蔥/走蔥；多油渣/少油渣」等等；另外大家要留意營業時間係晚上7點先開 唔好摸門釘啦🎂🍮🍭🍬🍫🍿🍩🍪🍣🍱🌮🍔🍎人均消費💰: HKD $ 40Lamlam脷指數🤤: 8/10性價比⚖️: 8.5/10

星期六放工，咁啱要去大角咀攞嘢，同大佬搵咗一陣都唔知食咩好，突然大佬話大角咀唔係有間食豬油渣麵好出名咩！我記憶我唔知幾多年前食過......咁上網一搵叫英記！回憶又好似係叫英記，所以二話不說就去食豬油渣麵啦！一去到入坐率當時係0，門口有酒精搓手液，入到去都有個溫度儀俾你自發性測體溫....唔測都可照入！身位一過部測體溫儀，有把聲就問你大定細，有啲強迫性嘅感覺，我就隨口回應佢要細。大佬一面茫然.....問大有幾大！當然服務阿姐係費事理佢，所以大佬都叫咗細麵，突然服務阿姐超一輪咀叫你食菜同雞翼，咁我哋叫咗一份腐乳通菜同一份雞翼。麵一到，size啱我，大佬一見咁細碗嘅！麵質一般，湯底好一般，豬腩肉兩三件（豬油渣麵有豬腩肉），油渣反而得兩舊，五豪子大冬菇3粒。腩肉豬油滿溢，包你會食成口油，豬油渣原全冇晒應有嘅爽口夾淋嘅口感，入口一pat嘢咁，又冇味，原全唔知食緊咩。好彩有啲冬菜同蔥有味道。通菜一般已經係安慰，雞翼係超迷你，仲要唔知整咗幾耐，已經縮晒水，食落梗係又乾又柴而且冇嚟味道。成間舖冇所謂豬油渣麵嘅價目顯示，反而菜同雞翼都有。一款菜$20，超級難食同細嘅雞翼$17/4。全程到埋單$96⋯⋯

最近食左好多濃味的野，今日專程過黎試下呢間多年的麵店，額外點了一份雞翼和菜外加一罐飲品也只是約$60。麵身口感豐滿，湯底清淡得黎又夠味，肥肉點辣醬也好好味，外加一些配菜如菜保和蔥，令到味道唔會太單一。至於芝士腸雞翼就普通，想食一食BBQ 的感覺的話可以一試。食左一半開始覺得有d悶時就開始點辣醬，唔會太麻，連我呢d平時食開小辣的人也接受得到，大家可以試下。整體味道唔差，行開旺角唔知食咩好又想食d淡味野可以一試，雖然價錢少貴，但可以一戰。

依間小店開張到依家，無論幾時想黎食碗油渣麵都係一直保持水準而且份量同味道一直無變過，好難得而油菜每次黎都必叫，腐乳配通菜已經係絕配，但小店腐乳整得吾錯除左油渣麵小店仲有其它小食叫，小食無乜特別，但岩晒食麵怕吾夠飽，伴麵食吾錯😆留意小店室內環境同雲吞麵鋪差吾多，想震裝修要考慮，但餐枱較大吾會坐得太迫吾想太多人繁忙時段較人多如果想食特色粉麵、或回味一下油渣麵，黎食下吾會有失望，依間小店油渣麵水準保持好好，食過都知無講錯

這是大角咀吃夜宵的好去處可以說是愈夜愈多人這裡的選擇不多 但是人人到此都是為了有名的豬油渣麵大的$33 小的$20的而且確還蠻好吃的但我特別喜燒他們的腐乳通菜 感覺腐乳是必須配通菜的 這裡的腐乳好好吃 有種甜甜的味道而雞翼和香腸則沒有什麼大特別不過吃夜宵就是要吃得邪惡的才有那個乎🤣

油渣麵稱不上是健康的食物，但我偏偏很喜歡，主要原因是童年回憶。小時候食物選擇不多，每次去探婆婆，油渣麵是我必食首選飽肚又好味。今次剛巧行經英記豬油渣麵，毫無懸念要食番一碗。湯頭清甜好味，加幾滴辣油更加食到停唔到口。在夏天一邊食面，再飲多杯凍烏龍茶更加透心涼。如果油渣可以脆身香口些更加好。

而家有時夜左食飯都唔知食咩好，好多餐廳都差唔多閂門或準備收工，好彩大角咀英記油渣麵都冇變過，依然開足24小時真係勤力到冇朋友，講番碗麵先，豬油渣肥而不油膩，瘦肉同肥肉既比例啱啱好，麵條質地煙韌彈牙，今次亦叫埋雞翼油菜，雖然味道普通，不過不失，不過價錢實惠，值得一提係佢哋做嘢既員工，個個態度都好好，而家出街食嘢有時真係貼錢買難受，其實好食之餘服務態度亦不可缺少

保持不了水準。10年前很好吃10年後很垃圾。油渣根本不一樣。水準變了？時代變了？技巧變了？人事變了？10年前吃了他們家的喜歡上了。中途之間吃不少其他店的。他們10年前比其他店好吃。10年後很是垃圾。是為求出餐的速度嗎？我不知道。只知道。10年前要排隊進去吃。10年後不用。我問他們為什麼油渣不再脆了。他們說泡湯了。這就是我得到的答案。我也跟他們說我不會再來。（炸過的東西）是炸。是炸的油渣。不可以不脆。也不能不脆。軟渣嗎？我要脆渣。軟渣比狗都唔食。我開水白汋豬油算啦。軟渣🤮

想食宵夜, 我一定係會簡英記油渣麵.一來方便泊車，二來開得晏.粗身嘅上海麵，彈牙，油渣一d都唔油.加埋冬菜冬菇一齊食一流!!加埋炸雞翼, 夜晚食完呢個宵夜真係好幸福呀. (當然唔好成日食宵夜^.^)** 油渣麵分「大」、「小」兩個份量, 你可以叫「多/少油渣」、「多/少菜譜」、「多/少蔥」.

我從來無接觸過油渣麵呢樣野，本來對佢亦興趣不大，聽個名好似好吾健康，所以從來無諗過要試，甘啱有日打完麻雀深宵時份路過見到門口好多人系度，原來就系之前朋友推介個間，於是買左外賣返屋企慢慢食，油渣麵有大細之分，買左2碗大加一碟通菜，不過其實大碗都吾算好大，朋友教最緊要攞蔥菜，辣椒油，返到屋企打開一看，麵條好粗，有啲似魚麵，不過食落就吾系，有啲似系粗炒個啲麵嘅質地，湯底好正，鮮甜，另外有幾舊好似燒肉，肥豬肉嘅東西，雖然個名系油渣麵不過完全吾油膩，比想像中好，飲完個湯都吾會口渴，果然無介紹錯

其實相隔唔耐就會要嚟嘆返個油渣麵，唔知點解次次食完，無耐又會再想食😁 好似會上癮咁嘅！市面上咁多間食油渣麵嘅食店，偏偏就對英記情有獨鍾👍🏻相信大家對英記嘅招牌油渣麵都唔陌生啦雖然係下午茶時段，但每次我都一定會叫個大size, 一嚟到就飲返啖湯止止癮先🤣然後必落佢嘅秘製辣椒油，自己唔算食得好辣，但都頂硬上加咗三滴，因為真係幾惹味㗎！油渣整到好香口，唔膩，而且我自己就鍾意食肥肥哋再叫咗個腐乳通菜啱啱好！留返少少位夜晚再去食飯😋

已經多次光顧這間位於大角咀不起眼的油渣麵店，有時放工後想找些不同的野食，油渣麵是我經常想到的選擇。旺角一帶有很多間油渣麵店，但我偏好這間英記，是因為他的油渣麵極抵食之外，質素多年來亦都維持在相當高水平。豬油渣夠脆，麵食落口唔會感覺漿住個口(好多油渣麵的通病)，其他小食(芝士腸、油菜等)價錢都相當便宜，而且菜亦都新鮮爽脆。主打做街坊生意的英記只做晚市生意，夜晚7點多到場唔覺多人，做街坊生意居多，所以很多人都索性外賣回家吃，不擔心沒有位置坐。