英都燒味廚房

營業中

休息中

2019年2月24日星期日星期日都要返工夜晚去咗外母屋企附近買外賣想去食其中一間外賣店就係英都今日叫咗個叉燒燒肉飯，今日叉燒嘅質素好似冇平時咁好。可能係舊叉燒嘅位置太瘦有點兒韌。但係燒肉嘅質素就唔錯

果日係黃大仙還完神去搵下好食既下午茶，係openrice搵到呢間茶餐廳就去試下，不過係地鐵站行過去都幾遠下。入去坐低，睇下個下午茶餐牌先！見到價錢都係同其他茶餐廳差唔多！我就叫左個燒味雙拼同叉燒豬仔包！先黎既係燒味雙拼，叉燒係用左梅頭，肉質好好亦都燒得好香，係我食過咁多既叉燒都係數一數二，份量都相當夠，但燒肉就比較乾身，雖然皮燒得好脆，但都係太乾啦！之後黎既係豬仔包，絕對係輕食人士首選，份量岩岩好，叉燒同雙拼既一樣，一樣好食！作為下午茶，就個價錢就個味道絕對係物超所值！

2019年2月4日 星期一 年三十今日食咗個豐富嘅下午茶下午茶有唔少嘅選擇，我都係最鍾意食呢度啲燒味我哋每人叫咗一個叉燒燒肉米線，份量十足。我自己就最鍾意食呢度啲叉燒，燒得好好味，口感一流。老婆仔最鍾意食燒肉。皮燒得十分脆。肉質又唔會太乾身。唯一美中不足就係杯奶茶衝得唔夠燶味。整體而言下午茶質素一流

12月2日星期日中午一點多，今天到附近工作順道來試一試黃大仙的燒味店代表。店外大大幅廣告推介招牌叉燒皇，今天就試試叉燒燒肉飯吧。碟頭燒味飯送例湯，承惠42.8，要注意一碗份量或配粉麵都不會送湯。叉燒：作為招牌菜，此店的叉燒可謂五星級。肉質很軟淋，竟然有日本叉燒的口感，鹹味適中再搭上豐富的蜜糖味，從圖中的紋理可知肉料經過挑選，一塊叉燒入口竟有食戟之靈上身的感覺。燒肉：相對叉燒皇，燒肉質素不算好，雙拼飯只有小小的四件而且很明顯是頭搭尾的貨色，四件燒肉來自不同部位，燒肉皮脆而偏硬，調味過份地咸。燒肉的脂肪部份不多但吃下去卻令人有打冷震之感。白飯：偏向軟綿的口感，水份適中。因為燒味豉油沒什麼味道，加入蔥油撈著吃還是不錯的。例湯：紅蘿蔔豬𦟌湯，滿碗的紅蘿蔔甜味，沒有放味精而健康非常。總結叉燒是必食之選，行過路過唔好錯過！

英都唔係全港最出名的燒味鋪，但住得係黃大仙鑽石山蒲崗村附近的無人不曉。英都內裡唔算十分大, 有一排卡位, 加中間兩張長檯, 都坐到五十幾人, 通常好多人唔係堂食就買燒味飯外賣拎走。今日食果個係下午茶的甜豉油滑蛋叉燒飯 ,33.8 連野飲。即叩即炒。甜豉油滑蛋叉燒飯叉燒雖然只是這碟飯的配角，但作為一間無人不曉的燒味鋪，用在滑蛋飯的叉燒仍然係靚叉燒，鬆化之餘蜜味又夠又燶邊，肥瘦均等，唔會只係死肥豬肉或者死瘦肉鞋烚烚。滑蛋煮到剛剛好而不過老。雖然只係好簡單的菜式， but Simple always is the Best.

一個人食飯就唔洗gam 執著, 少少地填飽肚我已經收貨。英都係蒲崗村歷史悠久的茶餐廳, 但燒味之中叉燒尤其出名,  餐廳唔算好大, 廚房都可以打開門比你睇但係呢晚我唔想食燒味, 係云云即炒粉麵之中揀左炒飯黎食。等左10分鐘左右, 大大碟多多餸既海鮮福建炒飯黎到D餸雖然係雪野, 但個炒飯底誠意可加, 雖然說不上美味可口, 但味道正常 粒粒飯都有蛋包住, 又粒粒分明, 唔會爛pat pat, 讚。總結: 英都只係一間普通、一定唔係最上等的茶餐廳, 但係D野唔伏, 係一間你入完去下次都會再encore 解決肚餓的餐廳~

係聖母醫院睇完媽咪之後，費事返去煮飯，之後係黃大仙搵下有咩食，留意到附近有間食燒味都算出名，好似就係【英都燒味廚房】，一入到去有好多明星介紹。一坐低睇左個餐牌，叫左個【乳豬燒腩骨飯】乳豬個皮真係好卜卜脆，但係喺肥左少少，瘦返D會好好多，燒腩骨就真係岩岩好，皮脆肉又多汁。【甜豉油叉燒滑蛋飯】碟飯好大碟，熱辣辣個炒蛋真係超滑，入面仲有好多叉燒添，好足料配埋甜豉油可以出奇地夾，真係好好味。下次一定會黎試佢哋嘅燒味。

門口賣哂廣告話好食，又話好明星去過，點知d明星食都唔識食，食完真係無下次，叫左個燒肉雞飯，燒肉係合格，雞都合格，不過d野唔夠熱，份量又小，無驚喜，街市20蚊飯盒質素，不過都要成50蚊找數，如果係咁既價錢大把選擇，唔洗專登話食佢，總括呢講又貴又難食

今日同屋企人去黃大仙廟拜神， 記得朋友介紹過英都燒味， 今次第一次去食， 屋企人叫左燒味飯，大大碟， 燒肉既皮好香脆，叉燒半肥瘦最好味， 燒鵝好香口， 一咬落去d 肉出哂黎， 餸又多非常足料👍🏻 我叫左個燒味米線， 份量岩哂唔係咁大食既女仕們， 因為飯實在太飽肚，米線易入口d, 而且我發覺燒味配米線原來都幾夾。題外話， 估唔到今日大年初二都照常營業，而且都好多食客黎幫襯！客似雲來👍🏻👍🏻

前幾日出黃大仙既目的係食甜品，咁晚餐突然間就想食燒味飯。所以openrice一下，搵下附近有咩燒味檔好食。見呢間咁多人話好食就試下。咁叫左一碗叉燒燻蹄飯，一啲都唔好食😕😕啲飯太淋，叉燒唔夠味，燻蹄個醋又無乜味。另一個燒鴨賴粉，啲賴碎濕濕，比某大x樂既仲衰😤，燒鴨反而係好夠味到覺得好鹹😲不過真係無下次，唔知好食在那一方面？可能以前係好味過，但是宜家係完全無心去烹調。注:啲價錢好有趣架，有毫子位🤔

$30係呢間好似係TVB御用嘅東張西望燒味舖買咗叉燒。我：呢度係$30蚊㗎嗱？切肉佬：係呀，夠唔夠呀？我：少過格離街果間好多囉⋯⋯切肉佬：咁我都係真係就咁磅出來㗎咋我：哦，咁我以後唔黎呢度切肉佬：咁隨得你啦！原來呢間咁有名氣嘅叉燒舖係咁

暫時黎講，呢間既燒肉係我食過最好味既燒肉！🐷呢間野，我聽同事講，叉燒出名好食。但我試過之後，只會推薦燒肉，燒腩仔，油雞。🐷燒肉同燒腩仔塊皮係精髓！燒得有焦香而脆，脆而唔會un！肥肉位，滑得黎唔會膩個下正！肉唔會過咸，好燒肉！🐥油雞，甜甜的，又滑又有雞味（may姐上身）真心好食！😂不過燒味呢樣野，無可能次次食都有咁既水準！我食十次大概有7-8次有咁既水準到！😢唯一唔開心既係，今次我食呢間野盒飯真係大失所望，燒肉個塊皮甩哂出黎，鴨雖滑但無肉。因為呢間燒味講到明如果燒味的皮甩左出黎，唔可以賣，以保障公司聲譽（睇圖）。但今次甩哂！😂但算啦，食左咁多次無謂咁挑剔！呢間燒味茶餐廳係我公司附近，平時早餐我一定會食呢間！因為佢既沙嗲牛肉整得何其好食，濃濃的花生甜味入肉到呢！好值得試，加上火腿奄列半生不熟，火腿又多！會偏油小小！包阿麵阿個啲都正正常常，無咩特別。煎雙蛋係燶邊嫁，脆口好食😋但要注意一點！人多既時候相對會hea啲！同埋煮早餐既員工有兩個，男既會煮得好食啲，女既煮得無咁好食。😂

今日約左朋友1230pm，朋友話不如行山前先食飯後上獅子山。呢間燒臘舖係黃大仙都幾有名。我叫左碟雙拼油雞燒肉飯。黎到燒肉的皮同肉係分開，一睇個賣相就見真章..！呢間燒臘店唔如果對食無咩要求都OK。

假日午飯時間人來人往，座位有點迫。餐牌上所有item 定價都有$0.8尾，是生意頭腦定風水？睇得有點頭暈眼花。餐牌都是一般燒味店和茶記的配搭。我叫了最試得出燒臘真章的叉燒飯，有得揀碟上或碗上，比較之下碟上比較抵。叉燒份量多，肥瘦度適中，係幾好食嘅，不過汁落得比較重手，下次叫少汁可能啱啱好。

甜豉油滑蛋叉燒飯🐽($40)-黃大仙區出名食叉燒既餐廳喎，司令梗係要去試下。唔想咁寡食燒味飯，咁就叫個滑蛋叉燒啦😚，個飯超大碟，叉燒切細左，同個滑蛋融為一體，加埋甜豉油，食落超送飯👍🏻。不過司令嫌個滑蛋水得濟，好似食緊蛋汁咁😂。