英都燒味廚房

營業中

休息中

是日的早鳥晚餐🤩😋.黃大仙區的隱世美食.位於鳳凰新村雙鳳街的英都燒味廚房已經有好多年嘅歷史了.佢嘅味道真係好親民份量又夠足料😋.今次品嚐佢的鎮店之寶有食神之稱的黯然銷魂飯《甜豉油叉燒滑蛋飯》.豉油同雞蛋真係絕配靚靚嘅叉燒大細分明😍😍.仲有好飲的例湯同冰鎮凍檸茶🤩🤩正呀--#黃大仙美食#英都燒味廚房 #香港美食#香港美食指南 #香港美食日記 #香港美食推介 #香港美食分享 #852 #hkg#hkig #hkfood#hkfoods #hkfoodie #hkfoodies #discoverhk#discoverhongkong #travelcation #홍콩스타일#홍콩여행 #홍콩관광#홍콩음식

12月21日冬至，難得细仔仔得閒，可以陪肥爸，和靚媽食餐冬至團圓飯，為免到酒楼等位，所以選擇咗呢間，在鳳凰村開業多年，而做燒臘口碑，都幾好嘅，英都茶餐廳食晚飯，當日點了，小炒，炸物，和燒臘合共，五，六，樣食品，再加壹枝淡啤酒，諗住好好品嚐，而每樣餸菜嘅賣相都算0K，又夠熱度，理應味道吾差，但當日，我揾食肥華個胃，吾知係吾係，冬至日子要休息一天，呢餐飯我每樣菜夾咗少少食之後，個胃就頂住，頂住再食吾落野，所以今餐我揾食肥華，未敢對此食店出品，妄下評語，但從靚媽，及細仔仔進食情况推斷，此店應該吾會太差

今年假期特意到此黃大仙「英都燒味」,品嚐聞名的义燒下午茶時間品嚐了义燒,燒肉湯河及凍奶茶只需$38. 性優比特別高帶點焦香叉燒味道蜜味頂呱呱,燒肉脆皮,肉質口感豐富,超捧燒味义燒燒肉不像一般茶餐廳燒味放在湯河上,而是分開另上,上湯底濃香配以河粉绝配👍🏻👍🏻👍🏻不一樣的濃香這店仲有点讚真正叉燒漢堡包和朱仔包及叉燒炒蛋反、黯然叉燒飯下次再試,然後再和是大家分享.總括這店用心做,待應服務友善待客👍🏻👍🏻👍🏻

今日屋企人想食燒鵝，經過呢間店諗住買一盒下莊燒鵝比屋企人食，本身自己唔鍾意食燒鵝。點知返到屋企先發現，盒燒鵝唔係下莊係上莊，冇咩肉只有骨，屋企人食到好冇癮，覺得間餐廳明呃我，收我下莊錢，斬上莊料。當時除咗我仲有其他人都係買燒鵝，唔知間餐廳比錯定係特登比錯，總之無下次

睇呢度食評見到人地既叉燒炒滑蛋雖然係下午茶，但一樣足料，味道都係好評，所以一直好想試，今日就去買，點知結果不似預期。我外賣$35再加$1，習慣轉落個碟度食，一睇好失望好失望，叉燒少又薄，立眼睇以為係火腿，個蛋又炒得核突，$35有個飯好似好抵，但啲料少到咁，我情願俾多幾蚊你，你煮個似樣啲既出黎，無下一次。

三十五元連飲品下午茶餐真令人難以抗拒。途經英都燒腊估時已是五時半，一於帶幾個回家當晚餐，果然足以飽腹，性價比高。～豉椒雜會炒河很久已沒見過快餐店或者洒樓做這炒河，所以又怎能放過呢？豉椒味不濃，但炒河粉的配料甚為豐富，有魷魚鬚、叉燒、燒肉、青紅椒、洋蔥和肉片。吃起來，味道確實多元化，河粉薄滑，容易入口；掛上豉椒汁，味道適中。～南乳支竹火腩飯一打開飯盒，南乳汁的顏色顯見，味道有一點過鹹，但卻好送飯。火腩肥瘦分明，支竹入味。～甜豉油叉燒滑蛋飯這店的招牌菜水準依然，叉燒味香，蛋亦炒得嫩滑，再配了甜豉油，配白飯一流。

極度唔得，原本打算食燒味飯附近又有間出名既就想試下，之後叫左個5寶飯一黎到見到心諗唔係咁呀嘛，舊舊送都咁細隻，D叉燒斬到唔似叉燒咁，又咁(梅)，我頂唔順問個侍應，之後佢竟然答正常大細嫁啦，D叉燒咁樣係因為太淋所以切到咁，之後嬲嬲地食完算，永遠都唔光顧。

個人特別鍾情老字號、傳統味道，英都開到咁耐一定有原因。燒味靚唔靚，真係好睇製作有幾認真。原來英都舖頭後面有自己嘅燒味工場，唔怪得之可以食到新鮮出爐嘅靚燒味啦！雖然睇落碟燒鵝脾叉燒飯好平民咁，但睇得出師傅斬得好，叉燒厚切食起嚟正好多，有咬口唔乾硬，隻鵝脾肥瘦剛好。

晏晝放學,經過呢間餐廳,見到擺出嚟嘅燒味都幾靚,就入咗去食,我叫咗個午餐C(蜜汁叉燒燒腩仔四寶飯）尼到嘅時候,賣相還可以,認真啲食D燒肉又瘦又dry,叉燒雖然有汁潹上面,但係都冚唔住硬過石頭嘅叉燒食食吓見到原來我呢個係學生餐,再望返張單,點知見到老闆計我原價,買單嘅時候我問老闆唔係應該學生價咩,老闆反問我轉頭,你着校服咩?我心諗：咁大個校徽係我見校服上面都睇唔到？佢見到我指住個校徽,就秒左我兩下,態度真係.......大家尼呢間餐廳記住睇單呀,唔好俾人欺騙！

黃大仙英都出名的是燒味，但今天我買的外賣並不是燒味飯。～甜豉油叉燒滑蛋飯甜豉油叉燒滑蛋飯也是這店必吃的，也是好多食客的首選。這店的叉燒不會韌，滑蛋果然是滑溜溜的。甜豉油和蔥花是整個飯的亮點，味道鹹鹹甜甜，還有蔥花的香，令人不經不覺一口又一口地吃掉整個飯。～金牌楊州海鮮炒飯這個炒飯稍為遜色，所謂海鮮只是切碎了的蝦仁。其他配料如叉燒、蔥花和蛋花並不算豐富，味道也是一般，幸好的是雖然是炒飯，但一點也不油膩。

今日放飯同事話去呢一間茶餐廳，就跟大隊一齊去。一嚟到店員好熱情，招呼招牌叉燒燒味飯，我見佢啲圖片都好吸引同埋又真係好難唔醒所以就帶咗一個叉燒四寶飯。同其他茶餐廳差唔多，一個午市餐，主食配一本例湯同嘢飲。.個飯一上枱，好吸引，忘記手機未食先就已經比我食咗幾啖😂😂😂叉燒四寶飯有叉燒鹹蛋燒肉紅腸，比足料既，白飯撈左啲燒味汁好香，最抵讚嘅真係佢嘅叉燒，甜甜鹹鹹，肥瘦適中，另外一提，佢嘅飯都幾大碟今日嘅例湯係菜乾豬骨蘿蔔湯！好令人驚喜！比足料，一碗湯俾一大舊豬肉同好多菜乾，平時唔係好鍾意飲湯水嘅我，都飲咗一大碗，唔錯.下次放返都會再幫襯，同事今次試咗海南雞飯都覺得唔錯，下次可以試吓。

突然想食黯然銷魂飯點知呢間令我好失望😫成碟飯唔夠熱 唔夠鑊氣叉燒好薄 份量太少😤煎蛋唔夠香 火侯明顯唔夠雖然係半熟 但蛋漿唔夠流心47蚊價錢唔算抵 無下次 亦唔建議你地黎食講完🙃

工作很忙， 真的不想煮飯，對面就係英都， 門口終於拆左棚架，牆上張貼了各種明星合照，細看之下老闆係電視大台的特約演員。點了個晚餐，燒味我最愛還是叉燒。甜豉油叉燒炒滑蛋飯 叉燒切到正正方方， 滑蛋有點生， 但老公話滑蛋太熟就唔係滑蛋係炒蛋。又好似啱喎。附送是日中餐湯， 有點咸有助下火。老公叫左個即叫即煮晚飯，等左十分鐘左右就有得食。九層塔三杯雞煲 配白飯，餐湯，熱飲 - 煲仔上， 好保溫，有點辣味，好香口，雞肉切到一口大小， 好滑，份量多。洋蔥雜菇配菜都好入味。兩大一小，100元左右結賬抵食架，仲好飽。

搬左屋以後每日返屋企都會經過英都。放工行過見到佢地既燒味都會突然間變到好肚餓。初黎報到，人生路不熟，不過睇落間舖似乎都應該係街坊燒味之選黎。今日請左下晝假，可以落黎英都試下喇。我叫左個燒味雙拼河粉，滿心歡喜。等左十幾分鐘，因為我係下午茶時段早兩個字坐低，佢要搭正兩點半先幫我落單。不過唔緊要喇。我碗河黎喇，燒味睇落相當令架。我叫左燒肉同燒鴨。我就等唔切咁夾左舊燒鴨黎食。食落有啲失望，係味道個方面，因為佢既汁同我食開既唔同，酸酸地咁。不過起馬比我個位都算多肉都令既。到燒肉喇，燒肉既味道再令我失望多啲，好乾，同太瘦。但個皮係脆既。我唔會話唔好食，係可能唔岩我心水姐。但係個河粉我真係會講難食。所以最尾我食唔哂。唔知係咪下午茶餐既緣故。我會再幫襯既，因為都幾多熟客入黎。希望下次會試到佢燒味既真章喇。

早上10:00左右，第一次入去吃早餐，早餐嘢食難食不再講，個收銀捧餐的女人，坐在我前一張卡位撩耳，跟着用手彈出，核突到冇曬胃口，忍不住話佢，叫佢尊重下自己份職業⋯⋯