英都燒味廚房

營業中

休息中

這次是我第五次來到這間餐廳，被他們的殷勤招待、熱情推介令我感到高興！它們的小炒如三杯雞（色香味俱全）、西檸暇餅（味道清新、酸甜、蝦爽囗彈牙），紅燒豆腐（嫩白滑口）、咖哩牛筋腩更做得出色！今晚我又試左個义燒豬扒包，义燒和豬扒嫩滑、配上暖暖麵包加上少許沙拉醬恰到好處！我記得有一次我和媽媽、家姐用膳，我同侍應講媽媽有高血壓，他就同廚房講少鹽煮餸，咁窩心嘅茶餐廳很難得！一間茶餐廳幾十蚊一個小炒用心去做，非常出色和超值，以禮待人，好好餐廳巳經不多，是否要惡意抨擊呢！

今日下晝去左鳳凰村，行過見到呢間店嘅門口貼咗好多藝員相，原來呢間店嘅老闆成日上電視架😝！就係咁，我就揀呢間歎個lunch 先😁😁😁入到去見到好多人叫燒味飯，雖然賣相好正好想試，但我今日反而想試d新嘢。最後叫咗個甜豉油叉燒炒滑蛋飯。我叫左套餐，杯檸茶好快就送到，杯凍飲大大杯仲有好多片檸檬，抵👍🏼👍🏼👍🏼主菜黎喇～碟飯好大碟，熱辣辣👏🏼個炒蛋真係超滑，入面仲有好多叉燒添，好足料😋 原來叉燒蛋配埋甜豉油，可以出奇地夾，真係好好味。下次一定會黎試佢哋嘅燒味😎

今日去黃大仙廟參加活動，活動完左之後就諗住去英都燒味廚房試下。因為之前係openrice上search到尼一間，都多人推介架，於是我就諗住今日去試一下。尼一間英都燒味廚房離地鐵站都小小遠，行十分鐘度喇，我去到既時候岩岩好係下午茶時間，就叫左openrice上多人推介既鮮茄生菜叉燒豬仔包加熱檸水！（26蚊）熱檸水唔到一分鐘就上了，叉燒豬仔包等左一陣。豬仔包份量唔夠大，男仔食可能唔飽，但係果味道就好好，入面除左叉燒，番茄同生菜，仲有一個煎蛋同埋醃製既青瓜，口感豐富👍一路食一路繼續研究餐牌，蛇羹新上市，好似唔錯，39蚊左右，因為尼度離屋企比較遠，可能都冇機會黎試喇😂😂其他燒味雙拼下午茶時間得33蚊加例湯，都幾抵wor！總結黎講啦，好好味！下次在路過黃大仙有時間既話會在行過去食！

在秀茂坪這平民區, 平民美食.....港式燒味首推這間, 用料實在, 新鮮豬, 價錢公道, 而且味道不錯 , 四寶飯 : 燒肉--皮脆, 有肉味, 用腩仔位, 夠香口, 叉燒--夠鬆化, 香口且肉味濃郁, 紅腸--新鮮且沒有雪味, 咸旦--有油, 咸味亦ok,  , 另外薰蹄亦相當好味, 爽口彈牙, 有酒香味, 其餘小菜也很吸引, 但午餐只有極速港式燒味飯!!下次....

五點多來到餐廳，一入門老闆就好熱情招呼我們坐下並告知還是下午茶時段，點茶餐會比較划算，這一點令人覺得很窩心，贊一個！點了叉燒豬仔包加飲品($25)和燒腩骨拼熏蹄飯($50)，豬仔包皮焦了一點，但叉燒半肥瘦好好味，如果番茄多一點會更好。燒腩骨出色，皮脆肉juicy，熏蹄略少，飯夠熱，如果有條菜會更好。進食時聽到老闆有熱情招呼客人並關心員工，還督促燒味員工洗手保持清潔，令人食得放心。

話說我朋友介紹我去鳯凰邨睇中醫，同朋友吹水間講開呢區以前有間燒味茶餐廳叫英都，幾年前轉咗老闆，畀人話冇以前咁好食，基於我以前都成日去幫襯，出於好奇之下，膽粗粗再去試下係咪真係傳聞中咁差？我入到去，見到個老闆好熟口面，門口又貼晒同電視台嘅藝員合照，先醒起佢就係做飲食節目嗰位Billy Cheung，佢聲大大介紹有咩好嘢，我即管聽佢介紹，叫咗個葱油叉燒撈公仔麵。碟嘢啲叉燒肥瘦比例適中，口感鬆軟嫩滑，加埋爆香咗嘅葱油撈埋啲公仔麵一齊食，真係幾好食，食食下，又聞到一陣好香嘅玫瑰露味，我問佢咩咁香？原來隔離枱叫咗碟燒鵝燻蹄飯，正當我吞口水之際，老闆叫人切咗幾塊燻蹄畀我試，雖然我唔好意思，但反正都切咗，唔好嘥吖嘛，正所謂有食唔食，罪大惡極！唔食由自可，一食真係停唔到，啲玫瑰露香到呢，我忍唔住即刻打包咗碟畀我老媽子加餸😋。正當我想埋單之際，我見到有個客嗌咗碗蛇羹，我心諗蛇𡙡你都有？🤔唔係Fa！算！咁遠嚟到，唔爭在叫一碗會一會你。碗蛇羮上枱時，配上一小碟白菊花瓣、檸檬葉再加薄脆，非常正宗，我撈一撈碗蛇羮，見到佢好足料，再試一羮，真係啖啖都係蛇肉，再加上甘香陳皮味，真係估佢唔到，喺茶餐廳都食到咁掂嘅蛇羹

每星期總會外出吃飯,約咗朋友,因為近佢屋企,所以選擇英都,去到大約7點,差不多坐滿人,餐牌上有幾款特色的晚餐,例如黑松露涼瓜菘子炒飯,叉燒糯米飯,點咗幾款小菜,包括太史五蛇羹,蜜味叉燒,海鮮什菜煲,三杯雞煲,燒鵝拼燒腩,首先來了蛇羹,非常足料 內面重有花膠 ,叉燒鬆軟蜜味十足,三杯雞未上枱已經聞到香味 ,燒腩皮脆,燒鵝香,海鮮什菜煲多料,總結來說,非常好味的一餐飯,以後會繼續幫襯.

今天我們叫了一碗蛇羹，出乎意料的足料，湯底清甜，比一般的(蛇王x)有水準，再跟一客店長推介的叉燒糯米飯，加上脆卜卜花生的小木桶糯米飯，被吃到沒有留下一絲痕跡。正! 加油!

我唔係街坊，約早一個月前同阿仔練完波咁啱經過嗰度搵地方醫肚，於是貢咗入去，坐底就叫咗個「黯然銷魂飯」畀阿仔，平時瀕臨厭食邊沿嘅佢，個飯一到即刻有返胃口，猛話啲叉燒又香，又鬆軟，又juicy，三扒兩撥就成個隊晒，仲想encore ，於是我再叫咗個台式滷肉飯, 個飯用木桶上，香噴噴，肉碎同啲肉汁比例啱啱好，唔會太杰又唔會太稀，加上少少蔥花，味道又冇我喺台灣食嗰啲咁甜，啱香港人口味，可以話係改良版。食過今次之後，為咗令我個失去食嘢興趣嘅仔恢復胃口，而家要專程揸車去買叉燒同其他燒味畀阿仔加餸，雖然遠啲，不過見到阿仔鍾意食，點都係值得嘅！😉

小時候常去的歺庁，此店以义燒最出名，已很多年沒去，想不到今日一試，竟然有連串驚喜，首先老鋪有裝修过，型像變潮了一奌，鋪内也新了一奌，令歺牌上的选擇好了很多，但老舖的親切感还在，奌了义鵝瀨，同伴叫了午歺炒反，义燒真的无令人失望，外表和味道也九十分以上，但同伴嫌炒反味不夠，下次要再試的是乳豬，现能保持老鋪味道的歺庁真的是買少見少，希望此店繼續努力！

食咗十多年，老街坊，真的想厚道D，但真的做吾到，碟頭細，價錢貴，服務一般，環境差，叫肥义燒飯並不是肥膏飯，全碟义燒都係肥膏帶滴滴肉，有次轉叫义燒，心想吾會再係肥膏了吧，結果來了碟柴皮飯，真失望，非常失望，還打正旗號賣燒臘……😑

我住在鳳凰新村20多年, 一向覺得九龍區燒味飯店, 新浦崗-得龍排1, 鳳凰新村-英都排2, 兩者都好好味, 太興果類一直差好遠, 可惜由某"名"廚 接手後, 早兩年都開始差, 點知近年越來越爛, 依家, 連隔離街好鹹既鳳凰燒味都好過佢, 完全係馬乎無心經營既結果, 食物完全不是以前的英都, 忍無可忍, 所以終於要寫出來, 可惜...可惜...樓下又少間舖可以開飯   

求求其其揾野食，叫午餐 燒肉鴨飯38.5$ 跟湯，點知話燒鴨賣哂，問轉油雞好無，我話叉燒，條友講係油雞或切雞。。我就將就要油雞，碟飯黎到無薑蓉，算，當減肥，但d飯偏凍，之後到d肉，燒肉皮叫硬lor, 跟住聽到唔知咩拜神，可能食梗d次貨都唔出奇，正個d佢地留返拜完自己圍內食, 肉就似食梗超市d豬手個層粉粉地咸肉，無乜特別，雞就叫過得去，但都係一般到無得再一般貨式，街市d都好過佢都唔出奇，但就照收38.5一個餐，碗湯就飲得出味精重，又多油得制。。叫野飲好過，最難接受係有個客坐低叫我同一個餐，但個落單竟然問佢轉叉燒或者雞，我真係爭d想問候佢做乜我無得轉，仲有碟飯黎左佢碟野有埋薑蓉。。真係tmd的大細超。。

上個禮拜去慈雲山探朋友，坐到餓餓哋，就落咗佢樓下嗰間英都燒味厨房食嘢，一去到發現間舖靚咗又新咗，坐低之後就叫咗一碟义鵝飯、一碟乳豬飯，再加一個楊州炒飯，三樣都好好有水準。後來再叫咗杯奶茶，茶味夠香又唔澀，值得一去!

這間是我由細食到大和十分喜的食店之一,可能老版們已無心經營,轉手後再光顧發覺,無論質素和人面都全非了!雖然價錢平咗,但食物己經不是以前的英都了,很可惜,又少了一間值得去的食店!我相信在2010年10月前,還光顧過的食客,是幸福的,因還是舊風味,可以回味無窮的!