茗苑酒家 (已結業)

今日放假同娘親去飲茶，叫左5個點心一個蒸飯。我唯獨想講我地叫左一個海皇雀巢芋茸酥，標價為特點。我想問大家睇到呢個名會諗起有咩材料?我同娘親都認為係芋角包住d海鮮咁，點知呢個點心黎到，個涵竟然係豬肉同肥豬肉囉!我食左一啖覺得唔對路，即刻就舉手叫侍應問下啦，點知舉左成5分鐘都無人理，係d侍應見到你舉手都扮見唔到。最後終於捉到個侍應黎問，佢拎走左碟野，然後同個經理一齊行過黎:經理:我地d芋角係咁嫁喎!個侍應答把嘴:老婆餅都無老婆喇!我:你地d芋角叫得海皇，又收得特點，係人都以為係海鮮做涵啦，出面酒樓d豬肉芋角，都係小點中點，唔通你d豬肉寧舍矜貴?之後嘈左一輪，個經理點都要我地要左佢，又話嘥野又話我地食過(唔咬開點知入面係豬肉涵?)，點都唔肯取消。最後攪到我起身爆粗先死死地氣canecl個芋角!話時話，我係唔係可以報海關告佢地違反商品說明條例?

住石蔭附近都一段唔短的日子，不過幫襯呢間酒樓就真係唔係好多次，通常飲茶居多，晚市就未試過!之前飲過幾次茶都算係中規中距唔算太差，不過今日一事之後應該都未必會再去啦今日見點心紙上面多左個新點心“蟲草花湯鮮竹卷”, 叫左個番黎試下，點知又真係有蟲架囉食過呢個點心都知通常都係三條一碟，排得好密下，真係想夾開望真下都有難道，夾起第一條都無事，一夾起第二條就飄左隻蟲屍出黎，即刻嚇到呆左！同埋已經有家人食左第一條了，當堂想嘔咁滯可能有人覺得好小事，出得街食飯就預左，呢樣野我都明白，但係唔係要咁大隻下話(有圖參考)，叫左部長埋黎淨係識好快咁拎走碗加料點心同張點心卡，取消左個點心就當無事，道歉都無，完全不能接受經過呢件事之後，肯定唔會再幫襯，喺度分享下係希望如果睇到呢個食評既食客，食任何一個點心前都最好認真望一望，唔好食一啲唔應該食既野落肚

星期天訓到自然醒，一醒已經係2點，踢拖走落去揾食先突然間就想嘆下茶，於是走左入商場既茗菀，超級熱鬧！！星期日下午茶就貴少少~~~叫左籠平時少見架黑松露燒賣，$25 抵食入面主要係豬肉，有一隻蝦仁，好爽！面頭有黑松露，菌味好香呀！鮮竹牛肉球係本人嘆茶必食架，一定要多喼汁！酸酸好醒胃，鮮竹吸哂喼汁最滋味！牛肉球夠哂滑！叉燒腸，皮太厚亦唔夠滑，好一般

朝早酒樓會有孖寶套餐，價錢都算OK。不過今日晏咗少少過咗孖寶時間，見到佢都有個點心拼盆，加埋一都要四十幾蚊，但都算乜點心都有啲(蝦餃、燒賣、粉菓、馬拉糕、叉燒包...)，食物係即叫即蒸，所以都熱。拼盆嚟咗之後，個粉菓都幾好食吖，下次可以再叫。排骨飯味道都OK，係份量少咗啲，兩歲半阿囡都可以差唔多自己食曬一個飯。

到葵涌與公公婆婆飲茶，婆婆提議到石蔭村的茗苑酒家，以前我們貪方便常到安蔭村的酒家，但她說酒家裝修過後點心質數轉差了，也好，讓我試試另一家的點心!這間酒家原來由中午12:00已經提供悠閒下午茶，時間早得很，而且點心價錢也相當便宜~小點$11.8 中點:$13.8 大點:$15.8 特點:$17.8 茗茶每位$5 古法馬拉糕 (小點)馬拉糕一籠三件，送來時熱辣辣的，可惜質感粗糙而且味道偏淡，沒蛋香也沒甚甜味，不推介.潮州蒸粉果 (小點)粉果外皮煙韌不過厚亦不糊口，入裡有花生、肉碎等，調味不過鹹，水準不錯.香煎三色糕 (中點)芋頭糕鹹得過份，入口後馬上要灌水.馬蹄糕清甜美味.香煎蝦米腸 (中點)蝦米腸也是即叫即煎的，而且煎得相當香脆，沾上甜豉油，會令人吃上癮的.煎釀虎皮椒 (大點)虎皮椒很辣呀，但辣得很開胃，雖然只有淺淺的一層釀豬肉，但即煎的也有誠意.這間酒樓的點心價錢便宜，而且味道也不錯，下次再來與公公婆婆吃點心!