茜廊餐廳 (德福廣場1期)

營業中

休息中

原來茜廊D早餐都唔錯，叫左個英式早餐（$56）再加左火腿煙斗粉（$15）。煙斗粉先上檯，仲暖，唔算熱辣辣，但實在太咸😅🤦🏻‍♀️ 咸到我要專登用叉㓤起D 粉同火腿食🙊 煙斗粉都夠煙韌既，真係衰在太咸🙊跟住靚靚英式早餐到，水準都幾好，炒蛋都算滑，無過咸😌配返個好咸既煙斗粉就岩岩好煙三文魚唔腥😋 牛角包就可惜唔係熱辣辣既，雖然凍左，表面亦已經唔脆🤔 ，但食得出塊酥皮揉和得唔錯😋個種就焗燶但又未燶既狀態，焦香味恰到好處，凍食都合格。我估應該係自家製品，事關隔離就開左間同名麵包店🤔 最滿意係紅莓茶🥰 酸酸甜甜，又有果香，平時飲開檸茶檸水，飲到悶，呢個真心好refreshing😎

今晚同男朋友試呢間餐廳，叫左個二人餐，點知賣晒我心愛既薯角，唯有得番薯條選擇。塊牛扒真心夠嫩，不錯不錯👍🏻個意粉個pat紅色野吾知咩來，但就吾太好食，仲有個甜品係朱古力蛋糕，真心好甜，本人就覺得麻麻啦。

第二次離食，平時係九龍灣比較容易遺忘左茜廊，因為唔係商場入面，今日同朋友咁啱諗起就入去左食晚餐。我地叫左個2人餐，$350幾蚊好抵！main dish揀左7成熟嘅肉眼扒，同埋白汁鮮蝦意粉。肉眼扒肉質嫩滑有嚼勁，肉味香濃，即使係鐵板上都唔會overcook，keep到7成熟，值得一試！伴碟嘅薯仔都有煎香，中意食薯仔嘅我表示心心眼白汁鮮蝦意粉都好正，蝦好鮮甜，意粉煙韌有咬口，均匀掛上白汁，但唔會油膩仲有個羅宋湯都唔錯，整體都好滿意餐廳環境都幾舒服，同朋友傾左好耐都無比侍應催埋單抵食嘅西餐之選，下次再試其他菜式

早餐服務員人手多，入店後坐下最近經常無人落單，成間鋪咁多只有一個男待應會跟單，其它女待應可以當睇吾到個客舉手落單最離譜係今日叫個早餐，15分鐘都無黎之後舉手叫待應跟一跟個早餐，可以當睇吾到都算‼️之後叫舉手叫返落單個女待應幫我跟個早餐，應完機完全無跟到⁉️再舉手叫另一個男待應個早餐先上枱落單成4個字先上早餐，晒時間淨係上左杯凍檸茶，杯凍檸茶仲要係上枱得3份2杯，原本我無唸住寫食評，所以無影到相、之後落單到早餐上枱咁惡劣服務，就要同大家分享下早餐平時都吾會等4個字都吾上餐，跟個餐跟到咁，質素一日差過一日，大不如前

已有一段很長時間沒有幫襯，昨日（16/8/2020）到訪這餐廳食下午茶，感覺這餐廳像快餐店，坐位亦較局促，以前多幫襯晚餐，餐枱有蠟燭杯作裝飾，好有餐廳感覺，現有所改變，可能適者生存，先可站立。疫情關係，一坐下，侍應即遞上一鐵杯，內在暖水浸着餐具，很好。點了二個下午茶餐咖喱薯仔牛腩飯，咖喱濃香味仍存在，牛腩亦有咬口，薯仔好入味。生炸雞脾配薯仔沙律，雞脾肉都嫩滑，沙律不夠凍，寫明薯仔沙律，但無幾多粒薯仔。埋單一百元多，亦合理。

六點後冇得堂食，唯有叫外賣啦，同事就揀咗呢間貴價餐廳。叫幾個外賣自取，去到拎嗰刻先話冇呢樣冇嗰樣，得！唔緊要，我等，之後眼見好多客入嚟叫外賣，佢哋都早過我有外賣，由話要改餸坐低等咗接近四十五分鐘，我真係忍唔住，冇理由遲過我叫外賣都已經走埋，全間餐廳得返我一個客人等外賣。我問個黑衫經理，我張單係咪取消咗？佢求其咁答我，包好㗎喇行緊出嚟，佢嘅行緊出嚟真係唔知由邊度開始行，行咗十幾分鐘，混亂嘅餐廳，唔會再有下次！

九龍灣德福'茜廊'是我和老婆拍拖時期常來的餐廳, 已有一段長時間沒有再來。藉著端午佳節, 今晚和家人重臨此地方慶祝佳節, 也可懷緬一下之前同老婆拍拖的溫馨甜蜜情景😍。餐廳環境仍然保持寬敞,整潔,坐得舒適。我們叫了 三客套餐加小食。先上熱辣辣餐湯加香脆蒜蓉包,好味。小食是法式焗田螺， 跟餐加配價只需$32, 田螺鮮甜,薯蓉好香好好味, 我們repeat 再叫多—客, 這個一定要試。😍👍👍👍炭烤特級牛柳併大蝦配薯菜,牛柳好鬆軟好juicy, 七成熟, 剛剛好, 配上洋蔥汁,好夾, 唔一定配黑椒汁, 也一樣好味。👍👍👍😋再來西班牙杜洛克豬鞍架, 煎得好香, 如果肉質帶少少juicy就更加好, 味道香口也相當不錯。👍👍跟住再上香草忌廉汁西蘭花雜菌意大利粉, 忌廉汁不膩, 意大利粉 爽滑, 蔬菜新鮮, 好味道。👍👍餐茶以優惠價可改配雪糕紅豆冰, 紅豆大大粒, 夠稔身，甜度適中, 令我回憶起細路仔嗰時嘅感覺, 好幸福！👍👍以後一定會抽多些時間再來。🥰😋

諗住去慶祝朋友生日，想食返餐好嘅，咁啱幾條麻甩佬都係九龍灣，於是一行四人，就走入泥試下啦侍應們好快就安排我地入座，做嘢有效率又親切。我地叫咗四個餐，分別係12oz嘅T骨，16oz嘅西冷，仲有一份蕃茄墨魚闊條麵同龍蝦伴大蝦天使麵😋餐湯好快上到，係忌廉湯，湯味幾濃，係略嫌鹹咗少少。個蒜蓉包有驚喜啵🧐，用豬仔包再配搭蒜蓉牛油，熱辣辣，幾夾喎。飲咗碗湯好似爭啲野...就係好似少咗啲小食咁🤨叫咗份焗田螺，吉列炸蝦同椒鹽雞中翼。個田螺先，薯蓉配上田螺肉，兩樣嘢一齊放入口先至好食🤓。個吉列蝦同埋雞翼好坦白講就一般貨色，始終即炸完即刻放入口先至最正。入正題啦...主菜方面，先泥龍蝦伴大蝦天使麵，個龍蝦肉唔會梅嘅，再加上用咗一層芝士泥焗，食到龍蝦嘅鮮味之餘亦都幾惹味啵😗，個天使麵幾香蒜蓉味再用鮮蝦，完全係Perfect match😏個蕃茄墨魚闊條麵少辣但開胃啊，每人分一啲就好快食晒🥳，證明好搶手啦～跟住到嗰兩塊牛扒啦，12oz嗰塊T骨五成熟，傳說中嘅鎮店之寶，牛味幾重，食落去有入口即溶嘅感覺，呢塊嘢如果點汁嘅話，我覺得有啲哂lol🤷🏻‍♂️。係啲筋多咗少少... 16oz嗰塊西冷呢...佢肉味冇上一塊咁重

同fd行完德福落大雨 經過茜廊諗起好耐無幫襯過 於是決定入黎食 可能因為落大雨原因 唔使等位即可入座（當然係度咗體溫先喇）入到黎環境幾靚下 位夠大唔會好迫 卡位坐得舒服 一坐低就有職員攞熱水浸住餐具 令我們覺得好安心 落單同事都幾nice 有禮貌咁回答我哋嘅疑問 我哋最後嗌嘅係做緊限時優惠嘅牛扒餐 12安士 當然照舊有埋餐湯同餐飲喇 食物上到黎好大一塊 跟埋薯菜 塊扒有手掌咁大塊哈哈哈 對我哋女仔食量黎講綽綽有餘 咬落口覺得肉質唔錯 廚房煎得幾好 佢係薄身 所以咬落唔會話好硬好老食得好舒服😌 以後同班fd可以多d幫襯🤣

今晚不煮飯，同家人來到德福"茜廊"晚膳。座位算寬敞, 坐得舒適。一坐下來, 侍應生遞上高杯子餐具, 用熱水浸著, 非常衛生。杯上寫埋小心防燙，超好！好多出面餐廳成日叫幾次才給隻矮杯我放熱水洗餐具。這餐廳真好！3個人我們叫了三客套餐: 蒜片欖油蝦球天使麵, 芝士焗龍蝦配蒜蓉汁牛柳 (原本黑椒汁可改蒜蓉汁),芭堤雅燒雞配酸辣汁,每份餐跟配餐湯,蒜蓉包,及飲品。龍蝦肉香嫩,與芝士味很配合, 如果龍蝦size大隻啲就更加好。天使麵煙韌爽滑,再灑上檸檬汁帶出蒜片欖油味道更加香濃,非常好吃,我很喜歡。牛柳煎得比較熟,可能是order七成熟的關係,但都夠稔身,蒜蓉汁夠香, 好好味。燒雞肉不夠嫩口,但都ok, 酸辣汁好味, 扯平。忌廉餐湯夠熱 不會太creamy, ok。 蒜蓉包好香脆,好味。最後叫了 雪糕紅豆冰, 及雪糕紅豆冰涼粉, 甜度適中,紅豆夠稔,好味, 值得一試。整體餐廳環境及食物質素ok,👍👍👍下次—定會再來吃。

難得在這逆／疫境中與好友於一間舒適的經典餐廳 - 位於九龍灣德福廣場的茜廊餐廳 - 共敍難忘的一個晚上，在這環境優雅的地方緬懷過去點滴之餘，也品嚐了美味的豐富晚餐。在點選晚餐時實在有選擇困難症，對餐牌上的每一款食物都十分有興趣，被＂限時快閃優惠＂吸引了我的注意力，便柯打了這個＂美國極級牛肉眼扒＂，份量十足，配上松露洋蔥汁，超正超美味！並以優惠的加配價點選了精美小食，法式焗田螺、炸馬介休球，真係好滋味，名符其實嘅經典美食。羅宋湯及蒜蓉包更是值得一讚，多年來保持水準，真是食過番尋味！也頗懷念以前茜廊餐廳嘅蒜蓉牛油，諗起都想再食，期待！😋😋😋員工服務態度有禮，一間擁有美食及優良服務態度的經典餐廳 - 茜廊餐廳 - 下次見！

小弟第一次打食評,多多指教.食個時係星期日假日，咁岩朋友約我去個度食，於是就黎左呢間泰國菜餐廳試下個時假日裡面人幾多，但係出奇地個日晚餐出錯速度幾快下，唔係得我地個台，呢樣值得一讚。因為好多餐廳假日多人會好忙，容易出錯單或者遲出菜。個日叫左一個泰翅尊4人套餐，TOTAL有樣野。朋友叫左珍多冰同龍眼冰，至於我自己就叫左芒果沙冰。芒果味第一碟係蒜蓉炒通菜，純粹想食下菜。味道幾好，個人鐘意濃味，碟菜口味幾好。第二款係半隻無骨海南雞。雞肉質地夠嫩，配料醬味道亦唔錯，成道雞既味道幾突出。加上唔同餐廳既海南雞味道都有些少差異。鐘意海南雞既朋友建議一試第三個係泰式砂鍋翅，有芽菜有肉。個翅質感幾"杰"，唔似有D餐廳會溝稀佢。第四樣係泰式黃咖哩炒魚塊。入面啖啖肉，黃咖哩味都係濃。汁就杰杰地。對於某D人或者味道會有抗拒之後就係泰式燒乳豬。鹽味較重，較鹹，但乳豬肉係包含住汁既味道，旁邊都有辣醬比鐘意食辣既朋友最後就係拼盤啦，作晚餐最後衝刺，乜野都有。對朋友聚會幾friendly，因為每個朋友都可以試下拼盤入面唔同既野。我覺得春卷同蝦餅既皮幾脆，唔淋。 整體而言，個日星期日都居然唔洗等位，上菜快，服務都有求必

昨天同事又去排茜廊食午餐，幾個月冇去，上次去已經冇冷氣，今次跟大隊就不反對。點知人頭湧湧，等下等下入到去了，我大鄉里見到枱枱一個鐵壺插刀叉，我以為去左茶記，不過過壺有啲大喎。後來點知自己心不在焉，真糸比佢燙到。真糸痛。食物已經對我冇乜感覺，因為隻手好鬼痛，好彩冇推倒個壺，否則搞到同事仲大鑊！什麼醫學科學理論，熱水殺病毒？個刀柄又冇燙，有病毒咪又中招。搞到好似好有野，其實好鬼危險。我就一定唔帶個仔黎，燙到肯定冇得賠。做埋啲假防疫野，吹脹！

疫情較為穩定啲，係時候約老友出嚟聚吓舊，我哋揀咗呢間老子號餐廳。九龍灣站出，好易搵。訂咗枱，去到就入得。座位寬敞坐得好舒服。落單嗰位肥哥哥好好禮貌，仲好仔細咁介紹餐牌上嘅食物。 我終於揀咗羊脾扒伴大蝦配薯菜，要松露洋蔥汁。而我朋友就叫咗美國極級牛肉眼扒。原來套餐仲可以優惠價加配小食，於是又再叫咗: 椒鹽雞中翼沙律同炸馬介休球。好快就嚟咗個熱辣辣嘅蒜蓉包，嘩…..咬落去，同出面嘅唔同，佢外脆內軟蒜蓉好香。羅宋湯亦非常濃郁，用料十足。主菜都好快到，羊脾不單止賣相好，啲肉仲好嫩滑，羊味唔太膻，大蝦鮮甜，伴菜都有三種，份量足。而我朋友要嘅肉眼扒略嫌太多筋，但肉質尚可。椒鹽雞中翼非常入味，外皮炸到脆卜卜，肉質仍保持嫩滑。炸馬介休球更加不得了，鹹香味恰到好處，好特別嘅味道，兩份小食嘅沙律菜好新鮮。最後仲叫咗兩個甜品: 奶凍和有椰子肉嘅椰子雪糕，再嚟埋杯手調咖啡。完美的一個晚餐。下次約朋友都會再嚟食呢間。

因為疫情關係真係少左好多出外食野，今次一食已經又到我生日😂😂朋友話太耐無見要見下，所以3條友走左去Sidewalk食，叫做慶祝埋我生日。叫左3個餐，分別係特級安格斯T骨牛扒，巴堤雅燒雞配酸辣汁，同埋一個忌廉汁野菌西蘭花意粉。塊T骨嚟先，一見到大家都“嘩”一聲，好大件呀真係😳😳🙉🙉貌相好吸引。大家一於隊開切同叉嚟食，又幾好味，好juicy 😋😋話有16安士架之後就到意粉，望落去同好多汁，兩位朋友主力食扒，呢個意粉我一人食大半碟，食到最後我開始有d“溜”...😅跟住隻巴堤雅燒雞嚟喇！個燒雞望落去都唔錯，我食第一啖時味道岩岩好，不過朋友食另一個位就話咸左少少，不過另一個朋友就話無問題，重話個酸辣汁超正，睇樣應該係餐廳自家調制嚟。佢咁講我就試下，個汁的確好野👍 酸酸地又辣辣地，吊起晒隻雞個味，very good👍👍👍😋😋😋埋單約$560，3個人平均$180幾，非常ok, 勁飽勁滿足！估唔到咁耐無嚟食，d野食好食過以前😝😝，keep到水準。不過九龍灣唔係成日嚟🤔🤔，應該會去佢其他分店😝不過當晚好多人，要舉耐少少手，同要講多兩次先有水杯提供。不過呢個時勢，人手唔夠，見d侍應忙到走嚟走去，都好理解😌