茶匠 清水一芳園 (已結業)

又一間日本抹茶老店，價錢比其他抹茶專門店平幾成，抹茶卷蛋標榜為店內no.1便買來一試。忌廉輕盈不膩、蛋糕質地尚算綿密，忌廉份量十足、裡面也有紅豆蓉，挺足料，但略嫌抹茶味道不夠濃，比較清，抹茶迷表示不滿足。整體來說，這件卷蛋相當普通，遠遠不及宏的抹茶卷蛋。該店為外賣店、不設堂食，另外店員態度不錯、服務殷勤。

其實要氹☺️☺️一個有「抹茶控」既女朋友真係好容易🤣🤣而我男朋友就係其中一個受惠者喇😎😎今次佢買左清水一芳園既抹茶卷蛋俾我🤤🤤之前食過佢既雪芳蛋糕已經好鐘意！今次要食下第二樣☺️☺️個🌱🌱抹茶卷蛋抹茶味清香，唔會太多忌廉👏🏻👏🏻中間仲有我最愛既日本紅豆配搭😍又唔太甜，真係啱晒我口味呀！👍🏻👍🏻唯一就係有少少貴，所以間唔中食下好喇！一件一齊分享就夠sweet 💕💕

好耐之前睇雜誌介紹，知呢間日本開到黎香港，都想試好耐，日本就未試過，但香港嘅，點都試下，平時經過都好多嘢要攞，今次就可以賣到外賣了。一個細小嘅counter位置，有雪櫃圍位加幾張枱，感覺似手工店咁。連個袋都有名，好似好pro咁!綠茶芝士蛋糕，講真隻色已唔多吸引，個sales有解釋，話雪左，剛攞出黎等問題，我一.我唔明二.隻色真係似培茶多過綠茶囉。再講 綠茶囅勁淡，個cheese味又唔夠，個蛋糕又唔滑。綠茶蛋卷，個cream真係好creamy,甜度適中，亦好滑，但係個蛋糕，同上面一樣綠茶味唔出眾，好似食緊係街邊麵包店十幾蚊嘅綠茶蛋糕咁。 啦，佢最出名係餅，我無試，你地有人試左我再睇食評啦。不過今次嘅經驗話我知。。。。我唔會再幫襯

平時經過依間蛋糕店，都好想食下，一件卷蛋都要成＄25，老實講有啲唔捨得。所以睇咗好多次但係都冇買過黎食。有次經過同男朋友講好想食呢個蛋糕。今日返工竟然收到蛋糕速遞。佢買咗蛋糕比我食呀。好開心呀。買咗四件抹茶，一件芒果乳酪，一件士多啤梨。俾我同同事分享。沒茶當然係佢哋嘅招牌啦，蛋糕鬆軟抹茶味香，裏面有紅豆，雖然唔係好多但係已經好好食。不過最驚喜嘅係白色嗰個芒果乳酪蛋糕，係新出嘅口味，真係好好食。微酸，留心芒果醬。下次我會買白色你食。Perfect for tea~ happy afternoon

係沙田要搵專食綠茶既甜品真係唔多~~早排發現係連城廣場進註左一間日本開左 33間店既【茶匠 清水一芳園】佢地有大福, 曲奇, 蕨餅, 泡芙及最出名既抹茶紅豆卷蛋!!!呢個抹茶紅豆卷蛋用北海道牛奶製作;面頭鋪滯抹茶粉, 中間係幼滑既抹茶忌廉, 再中間就有紅荳蓉~~味道不會過甜, 而且抹茶味濃郁;卷蛋鬆軟, 的確幾好味!!!價錢都算適中, 可以ENCORE 多一件都冇問題!!!另外我對佢地個抹茶蕨餅十分有興趣~~話係日本直送香港架, 下次買黎試下先得"*

非抹茶控的我甚少會點抹茶味的甜品。以前與妹妹光顧The One未搬遷前的京都抹菜老店中村藤吉，嘗過抹菜芭菲和抹茶厥餅，只感覺到綠茶的苦澀味，完全不會想encore.店內售賣大福、曲奇、黑糖厥餅、黃豆粉厥餅、蜂蜜蛋糕等. 我點了外賣，2件抹茶紅豆卷蛋。卷蛋以北海道新鮮牛奶製作，蛋榚入口鬆軟、忌廉幼滑，紅豆不多，但也起了畫龍點睛的作用。每一啖也混入少許紅豆，有甜味，但不是死甜那種。卷蛋頂部的綠茶粉也很出色。整件蛋榚也沒有苦澀味，可算是在香港少有我覺得好吃的抺茶甜品.

第一次買來食買左cake roll同warabi💕本身2個都係我既最愛個人中意食苦啲甘啲既抹茶愈濃愈樂唔太好太甜落左好多奶//糖既抹茶而歡餅就冇咩甜味 但抹茶味都唔夠出但勝左唔會食完好濟不過份量都唔太多 所以好快食曬🍃_Cake roll個cream幾smoothy 同紅豆意外地夾蛋糕質感較濕軟 都ok👌🏻個人來講cake roll比蕨餅會好食啲🤔🤔但呢個價錢大概都係咁上下🤔🤔對於抹茶控來說有更好既選擇

去完京都旅行無幾耐回港，又好掛念京都熱食的暖煜煜糰子 ，綠茶糯米甜點，我都係綠茶迷 開心的是發現香港有間稱是日本直送 有大福，綠茶cream卷蛋，糰子，當然好想試下，今日行街經過，就買左一個綠茶大褔，一個艾草大褔，一綠茶cream 卷蛋回家回家心急試了艾草大褔，裏面是滿滿的紅豆，好足了，但可惜覺得有點過甜，如果可以淡少少就完美，好"煙韌" 好有口感，超鐘意個皮個外皮無得輸，正通常習慣好味留後嘗，再試綠茶卷蛋 ，綠茶味不太濃，cream加蛋糕軟棉棉噠!! 可惜是感覺蛋糕太濕，不太喜歡，個人喜歡乾身少少，想好似日式厚鬆餅蛋糕咁 總括黎講 祈望高左添

要感受京都的感覺，可以一到此店，下午5點幾去行下，木系的店裝修很舒服。蛋糕類在雪櫃，丸子和福餅放在另一邊，但係好冇日本感覺，放得太密，顏色組合要調整，需與日本本店感覺align才行。本來想試埋大福，但係賣相唔吸引。一芳園抹茶卷($30)厥餅($50)，蛋糕質感鬆軟，抹茶味濃厚，抹茶cream細滑，紅豆不太甜，性價比高！另厥餅好嚼頭，抹茶味濃郁絕無偷工減料。雙層抹茶芝士蛋糕($30)比較少見，最後一件都俾我買到！芝士好幼滑，抹茶味好香，可以一試，但係都係鍾意傳統抹茶卷多D。

係沙田行街見到有個小檔口, 望下原來係一個熟悉既名字,黎自京都既”清水一芳園”~想買D同去探朋友,一定揀可以SHARE既抹茶蕨餅~上到朋友屋企一打開,大家都嘩一聲~呢個綠色永遠都係咁吸引,一咬落去果陣抹茶甘香即刻飄出黎,蕨餅亦都夠有少少咬口~大家食完都露出幸福既笑容~

睇飲食報導知道日本嘅清水一芳園進註沙田，d相影到佢地嘅蕨餅好吸引，粒粒分明，抹茶粉、黃豆粉分佈亦十分均勻，睇見都想食！嗜甜嘅我不嬲好鍾意食QQ嘅嘢，尤其係蕨餅，所以難得有機會去開沙田，梗係要試一試新店啦！去到見到雪櫃放滿蛋糕甜品，counter亦有日式甜點如大福、丸子等，見到我嘅目標--蕨餅，佢係用透明膠盒pack好晒，有抹茶味、黃豆味或雙拼，售$50一盒，每盒約有十數粒，難得嚟到梗係一次過試晒兩隻味啦，我揀雙拼！眼見每盒盒蓋都佈滿水氣，攞上手仲係冰凍，心諗唔知係咪啱啱喺雪櫃攞出嚟，有一刻遲疑，但因趕時間，所以快手買一盒試。經過個零鐘頭車程諗住應該已融雪，好心急開嚟食，盒蓋霞氣無晒，淨番水珠，但濕氣落晒去蕨餅粉度，尤其是抹茶味，d粉黏成一舊舊，黃豆粉相對無咁濕，食落去抹茶味好夠濃，但裡面嘅質感咬落略嫌較實，反而黃豆味較Q彈，理論上應該係一樣嘅蕨餅底料，只係拌入唔同咪味嘅粉，但唔知係咪始終倒汗水稍有影響，搞到我好失望。相信今次只係一時閃失，希望店家留意倒汗水嘅情況，加上打開個膠盒時要用相當嘅力，應該幾密封，如果可以用個蓋冇咁實淨嘅盒通吓氣，或者購買時先至入盒，唔知會唔會好d呢？

之前跟一位朋友提過要一起去試試這裡蕨餅但那天去到時，發現已經售罄，十分失望後來去過幾次都撲空今天和這位好友一起工作，誰知她帶著一袋我「夢寐以求」的蕨餅現身讓我大為感動！！本來有點累的我，馬上提起了精神，邊享受蕨餅邊工作，效率也高了很多呢哈哈哈朋友轉達，店員交代過要等20分鐘左右才享用，好像是因為雪藏了的蕨餅口感太硬，所以要把蕨餅「解凍」一下再吃。不過朋友送到我手上時，早就過了20分鐘啦，所以我就急不及待咬了一口 果然不負我的期望，抹茶粉均勻裹著蕨餅，茶味香濃、蕨餅口感夠煙韌、夠甘香，重點是不會過甜，自己吃掉一盒也不會覺得漏喉這份蕨餅不只帶來了味覺上的驚喜和感動，更見證了我們的友情能夠有個朋友把自己的喜好、願望常常記掛在心上，真的很幸福。

Follow 開另一個食評家既Blog, 某日見到佢介紹清水一芳園既蕨餅, 心癢難耐, 今日去沙田, 就兜左去買黎食鋪面係開放式, 賣既都係日式生品, 聽說都係日本空運過黎抹茶蕨餅每一粒都煙煙韌韌, 而且好冰涼, 上面既抹茶粉好甘香, 令抹茶蕨餅更加重抹茶味, 抹茶FANS 一定唔可以錯過!食既時候配多杯熱既綠茶, 將抹茶濃度再昇華, 甜度減淡 . 缺點就係有點貴, 50蚊, 而且份量唔多, 所以人生呀, 就係偶然要對自己一次好少少!缺點就係都幾貴,

抹茶大福 ($25)因為我好唔喜歡紅豆😨😨所以特地問左店員有無無紅豆既大福🤔🤔🤔佢呢款大福入面係抹茶醬同cream😍所以食落好soft 唔錯唔錯😝😋😋不過個人認為奶味太重 抹茶味多d會更好啦☺️另外仲叫左抹茶卷蛋 呢款就較為失色😢😢蛋糕唔夠軟熟 🙈🙈🙈🙈不過抹茶味比大福濃😁入面係有紅豆蓉架！！😌😌清水一芳園係提供外賣 無堂食架 要買翻屋企慢慢嘆架😝😝😝😝😝😝😝😝

話說賴生今日要考試，寫到手都軟，一放學就即係去搵屈小姐啦 點知去到見到屈小姐拎住袋野，行埋去既時候，佢叫賴生估下咩野⋯賴生冇望到個袋其實印住《清水一芳園》，單憑袋野既重量就估係蛋糕~~~ 跟住屈小姐開估啦⋯⋯係賴生好鍾意食既蕨餅！！仲要係抹茶味嫁！！！ 咁賴生就急不及待同屈小姐試食啦！未放入口之前，我地見到粒蕨餅好平均咁黏滿左抹茶粉，淨睇樣都知好食，再聞一聞，好香濃抹茶味呀，一聞就知係會回甘既靚抹茶粉！第一粒既野，當然由賴生餵屈小姐食啦，一入口屈小姐對眼隨即向上揚，嘴角微笑大讚：「隻抹茶味好濃呀！」賴生就即刻食一粒啦！抹茶蕨餅 （4星）外形：一粒粒切好，平均黏滿抹茶粉！好整齊！都好大粒嫁CP值： 一般，50蚊大約有20粒左右味道：一入口好濃郁既抹茶味滲入口啦，帶少少甜，當食到喉嚨既時候又有茶既回甘味！單論味道係正既！個蕨餅唔會好甜，食多幾粒都唔會濟！口感：佢唔似一般蕨餅咁in un，佢係in un 中帶幾分蒟蒻既質感，大約4成蕨餅，6成蒟蒻既口感，所以其實佢偏彈牙既，但賴生其實鍾意食重in un既蕨餅多D 屈小姐會繼續搜羅好味既蕨餅嫁啦不過都幾好食既！多謝屈小姐成日都咁縱我#抹茶控#蕨