茶咖宅 (已結業)

黎過好幾次茶咖宅 呢間餐廳特色在於佢嘅fusion風格既有本土上環特色菜 滑蛋叉燒飯 瑞士雞翼飯等亦有西式嘅All day breakfast 因此中午都吸引左唔少OL黎食飯呢度嘅All day breakfast 有3款 我會建議大家食pancake $68嗰款同平時pancake 唔同 佢嘅口感係銅鑼燒咁唔洗加糖漿都有自然嘅甜味而且奄列入面有芝士同火腿 好多餡不過上次去食All day breakfast 食物質素降低左啲磨菇係酸嘅 同埋啲沙律菜苦唔知係咪擴充左營業做唔切嘅關係希望之後佢會keep返個水準

早餐精選! 落單後聽到伙記準備煎牛扒時問老闆娘 今日牛肉有d 細塊! 老闆娘即刻叫伙記煎多一塊 今次貨真係比較細塊 唔好咁細塊拎比客人 （開放式廚房）呢間鋪頭 食物環境Cp 值都高 即刻係普通跟餐咖啡都唔錯～ 坐得舒服 早上唔多人 係有心煮野食既小店 會經常黎食早餐😋本來仲有茄汁豆 不過走左～ 附上上一次既相 上次仲加左隻雞翼 $4 total 都係$40😶

曾經覺得間店好好野食好食出得又快幾乎每星期都會去食1-2次絕對係好評！但最近一兩個月 間店真係差左好多野食出得慢，又漏單最好笑今日 等左3個字連野飲都未有問左侍應 佢應左之後又冇左回事再等多3個字，佢先話冇我地張單落完單之後，再等多半個鐘...望住隔離遲過我地落單的客都上晒野食我地都未有問店員，店員又無視我地好嬲以後一定唔會來吃了！負評呀！同埋人手方面安排得比之前差左好多呢唉曾經的fans而家會blacklist呢間店

與朋友兩日想食All day breakfast, 又想可以搵個地方靜靜咁坐下，傾下計，又唔會趕住交枱，決定試下位置上環，位置較高的茶咖。可自由選擇位置，坐下之後用手機掃瞄QR code 落單,都容易操作， 除了不同款式的All day breakfast，亦有港式茶餐，飲品有西式咖啡及港式飲品。今次叫左兩個All day breakfast 1. 芝士火腿奄列配班戟 + 玫瑰咖啡2. 班尼迪蛋配英式鬆餅 + 凍朱古力分量足夠，芝士奄列流心滑流班尼迪蛋流心 口感嫩滑，其他配料足夠跟朋友慢慢食 傾下計 舒服坐左一個半鐘，非常好而且出面有壁畫，亦可以影下相。

🔎等我又查吓家宅先📍，呢間餐廳係冇餐牌嘅，先進到用QR Code睇有咩食。不過對於我呢啲老人家來講，就鍾意睇實體嘅餐牌📜多啲啦！1️⃣叉燒炒滑蛋飯 $48 我就叫咗多飯多汁，因為間餐廳都要行幾多樓梯先可以到達，所以梗係要食返多啲嘢啦。甜豉油撈飯本身係正嘅，不過可能真係太多汁，有啲飯甜到食唔到，炒蛋嘅份量尚算適中，不過就唔夠嫩滑，同埋蛋味唔夠，仲要俾啲甜豉油蓋過蛋本身的香味。叉燒肥瘦適中。賣相一流📸，味道一般。🙆🏻‍♀️美味指數:5.20/102️⃣凍榛子鮮奶咖啡☕️ (跟餐+$12)反而呢杯咖啡令我有驚喜，唔會因為凍而溝淡左係咖啡本身嘅味道。咖啡味好濃郁，加上榛子嘅味道令到咖啡☕️帶微甜。🙆🏻‍♀️美味指數:8.23/10💡整體來講，我覺得呢度反而試吓佢嘅咖啡奶茶仲正，飯🍚就較為一般啦！不過中午食飯呢個價錢尚算公道。

做激光前同男朋友去食番嗰靚早餐先，一早選好左食哩間，因為好鐘意佢嗰公雞碗，仲有all day breakfast 🥞 不過距離地鐵站係有啲遠既，終於行到上黎啦🥰🥰🥰我地嗌左「炸魚炒蛋多士」仲加錢嗌左瑞士雞翼，腸仔，男朋友嗌左「雙拼麵」，午餐肉同火腿，我地飲「Latte」同埋「Cappuccino」🥰🥰🥰成份早餐都好出色呀，賣相好靚仔，而且仲要好食既魚柳好嫩滑雞翼好入味，腸仔脆脆的，炒蛋份量好多，多士好脆口，無野可以挑剔「雙拼麵」塊午餐肉煎得好香脆，真係好食既兩杯野飲都好好飲真係have a good morning ar🥰🥰🥰

熱〇茶，义燒米，火腿蛋-全部都唔熱，有待改善！服務態度，毫無笑容！價錢在這位置，尚算合理。Open Rice 梗係要80個字，有點強人所難😓我們建議不要限制字數！😀😀

在上環小街的壁畫打完卡，見到四方街壁畫隔離有間畫滿塗鴉的港式茶餐廳就入左去揾食。入到去menu即刻比個上環叉燒炒蛋飯同芝士魚柳菠蘿包漢堡吸引左。落單既時候先知今日既上環叉燒炒蛋飯已經賣曬，嗰陣先係平日既下晝兩點半，睇黎要等下次早啲黎試下。呢到係用開放式廚房，見到全部野食都係即叫即製，新鮮熱辣。芝士魚柳菠蘿包漢堡 $68一上菜既時候，即刻比佢既高度嚇親，足足有大半杯野飲咁高！平日漢堡就食得多，估唔到甜甜地既菠蘿包做漢堡都岀奇地夾。菠蘿包個皮十分香脆，包身依然保持鬆軟，配上即叫即製既魚柳，足料得黎整體既味道十分好。連平日怕腥唔食魚既朋友試左一啖都爭住繼續食。兩餸一丁(下午茶) $38另外，普普通通叫左個一丁食下，估唔到都有驚喜。兩個餸都好足料，竟然有雙蛋同特厚既午餐肉，上環黎講真係幾抵食。提下想打卡既大家，店入面既熱飲同野食都會用公雞碗上。如果大家想確保熱飲係用公雞杯可能要講聲，因為飲品既話有機會係其他杯喔。

網上瘋傳西環最近成為打卡熱點，原因是有幾條小街、小巷多了好多幅塗鴉壁畫，部份繪畫栩栩如生，非常之有水準，故此，今日專程來個到此一遊，打下卡，呃下like。遊罷，便隨意在附近找了一間餐廳歇歇腳，吃個午飯。這間餐廳雖然細細的，內裡卻掛上很多手繪畫，當中主要是以人像為主，莫非店主亦是愛畫之人? 這區真是多文人雅士啊!地上的小街磚簡簡單單，沒有刻意賣弄。高高的塑膠櫈雖然坐起來有點 “吊腳”，但幾有特色。頭頂上的 “仿古” 漁市場吊燈，充滿懷舊情懷。店外還設有 outdoor座位，天氣好時，坐在這裡，非常舒服。食物、飲品價錢大眾化。我們點了兩個午市套餐: 煎豬扒餐肉飯和溫泉蛋洋蔥雞肉飯，配熱檸蜜和熱華田。【煎豬扒餐肉飯】午餐肉是厚切，大大塊的，而豬扒亦同樣大塊，醃得入味，煎得香，食起來又腍，又有肉汁。【溫泉蛋洋蔥雞肉飯】溫泉蛋好食。洋蔥雞肉份量多，照燒汁很美味。慢慢食，慢慢hea，慢活了一天。

在上環工作。放飯時間和同伴們四處覓食😂。今天來到文武廟附近的小店 {{ 茶咖宅 }}。這裡的午餐挺多選擇。港式西式兼備。套餐每款約$48-$68。包括一杯飲品。在區中的小店而言。價錢算是公道的了。Foodamin 點選了名字有趣的{{上環叉燒炒蛋飯}} 。應該是這家的招牌食品。有點像大碗飯。飯的份量很多。飯餸之上灑上了甜豉油。撈飯吃著頗滋味。四大塊厚切的半肥瘦叉燒肉質頗佳。口感鬆軟。只是比較鹹了一點。炒蛋份量不少。但略嫌質地不算嫩滑。雞蛋味道亦有點薄弱。整體未算是很驚喜。不過一定是午飯飽肚抵食之選。

第一次Lunch Time  「偷走」，唔同同事食例飯，搵新野試食。經過呢間店，鋪大，Lunch time唔算多人，就入去試試。收埋電話响枱底，偷偷搜完openrice食評，見飯意攻心，決定揀义燒蛋飯。飯來了，上環$48蚊黎講，係幾實惠既，炒蛋又厚又滑，义燒大大件，甜鼓油汁好似再溝左蜜糖，更易入口。仲有熱飲送，附近類似既店實貴多廿蚊。不過量就差少少，小肥妹既我只係剛剛好（唔排除會食下午茶），反而見到隔離位既All day breakfast 量多好多⋯算啦，下次再試。

上環區餐廳好多，今次試左一間中西合壁的新派餐廳～既供應all day breakfast，又有得食叉燒飯。感覺係coffee shop同港式茶記的fusion。-呢間餐廳唔算大，但係可能因為開放式廚房，空間感唔錯，座位都幾舒服，唔會太迫。店內塗鴉明顯係有心思地設計過。-嗌左一個叉燒炒蛋飯，用充滿香港特色的公雞碗載住，熱辣辣的滑蛋好嫩滑，叉燒半肥瘦，配合埋豉油，我自己覺得同附近出名既三眼仔蛋飯有得揮～如果鐘意懷舊港式感覺，又想食下西餐，不妨黎試下呢間中西合壁的餐廳～

又遲左出去食lunch，唯有向山上搵食，貪無人會行到上文武廟附近甘遠食野，醒起四方街角有間港式fusion茶餐廳，可以食完快快趣趣返去做野。港式fusion茶餐廳黎講，佢都幾多野選擇，不過佢係open kitchen，唔想食完一身油煙味，盡量唔好坐餐廳中間果D檯。隊長叫左個'招牌上環义燒滑蛋飯"，同加$6要左杯latte，同事就叫左個餐肉豬扒飯加奶茶..........先黎左2杯野飲先，見到我"杯"latte用個公雞碗裝，好似好特別喎...........但一上檯，個拉花散晒既，我知呢到唔係專飲咖啡的，但見到個樣，我寧願你乜都唔好搞，一層奶泡上檯好過，而家好似人地第2個客搞過唔要，所以先比我甘既樣味道都唔見得好飲，無乜咖啡香，早知唔加錢飲番普通咖啡算，反而同事杯奶茶仲似D樣，起碼個茶色望落都夠濃 (利申：隊長唔係好飲得奶茶，所以一啖都無試)等左好耐，終於有野食，招牌菜唔係好掂喎，一睇就覺得D蛋唔滑，確實都係既，D蛋有點鞋，义燒都好削，我只覺得佢唯一取勝係份量夠大碗！同事的餐肉豬扒飯，應該好過我個义燒飯，佢塊餐肉都幾厚，不過豬扒就肥左D。其實茶餐廳野都唔會期望太高，不過感覺有點扼鬼佬既感

🎐環境🎐試食當日係平日下午茶時段，餐廳座位算少，位之間較迫，坐得唔算舒服，而且檯太細張，食野時要就住就住，唔算係好坐既cafe環境。🍞食物方面🍞叫左個【班尼迪蛋配英式鬆餅】，賣相幾吸引，但食落感覺太膩，食左幾啖我已擺哂手放低，因此太「膩」。蛋既製法應該一般，只有其型但食落不算正宗。仲有叫左【芝士火腿奄列配班戟】，份量合理，有大大份蛋，兩塊細pancake，腸仔、茄汁豆、煙肉。pancake細細塊易入口，食落香口。⛱⛱⛱⛱⛱⛱⛱⛱⛱⛱環境：細、窄⭐️⭐️衛生：普通⭐️⭐️⭐️服務：普通⭐️⭐️⭐️抵食：⭐️⭐️⭐️

上環區食叉燒蛋飯嘅餐廳多，應該好多人都知，要數出名嘅，相信三眼仔叉燒飯就係人都識。不過最近係附近見到個易拉格，有間餐廳又係出名叉燒蛋飯，個名都幾有趣叫茶咖宅，於是lunch有時間就行上去試下。餐廳裝修主打工業風格，open kitchen，鋪位唔算大，但睇得出門面同個名一樣，有花過心機設計過。至於個上環叉燒炒蛋飯，又認真唔錯喎。先講個蛋，炒得好滑身，但一D都唔水，而且無奶味，純炒蛋做到咁嫩滑，都幾難得。d叉燒亦不俗，肥瘦適中，唔係硬身瘦叉燒，食落有口感，肉質亦鬆化。而且配菜係一大堆椰菜，比起一般燒臘飯健康得多。䜴油係用新加坡式甜豉油，意外地配合個蛋同椰菜，不錯不錯。雖然地點係遠左d，不過經過會再食，值得一試。