茶室

營業中

休息中

天氣一冷，就想食泰國菜，冬蔭功、海南雞、青咖喱，諗起都正。茶室長期排隊，每日LUNCH都非常多人，又要人齊先可以入座，lunchtime一到即刻去攞位。排了15mins, 入得!鋪頭只賣係海南雞飯、喇沙、肉骨茶一類東南亞SET LUNCH，價錢ok。我吃了曼谷冬蔭海南雞湯麵。冬蔭功海南雞湯麵，配搭新鮮。冬蔭功的酸辣同滑嫩海南雞好襯。冬蔭功湯底香濃，一個字，好正。無骨海南雞，雞油香氣撲鼻，雞皮下沒有太多肥膏，而且啖啖肉，雞肉有濃郁雞味，口感嫩滑，簡直係一流！

雖然新加坡有點悶，但不可以錯過當地的美食，特別係中意食肉骨茶的我，仲回味緊「松發肉骨茶」的美味。相比起胡椒味較重的新加坡肉骨茶，我更喜愛藥材味濃的馬來西亞口味。茶室需要人齊先可以入座，lunchtime一到即刻起行去攞位，可說是分秒必爭。遠處已聞到濃濃藥材味，呷一口，藥材香十足，再有熬煮得嫩滑可口又入味的肉排，用筷子輕輕一分便起了肉，點上餐廳的特製醬油，甜中帶鹹，將肉味提升。另一美味之選叻沙亦毫不遜色，橙紅色的湯底，帶有一絲絲的椰奶香，看得我口水直流。叻沙有雞肉、魚片、豆卜，椰香細膩不搶喉。

第一次是與一大班同事共進午餐，點了各式麵飯，我一吃肉排就驚喜，因為肉質實在太嫩滑，而且係每條麵如此，肉骨茶湯更是暖胃，必須再訪！因為茶室開門時間甚短，以上班時間而言，我只能吃到午餐。事不宜遲，這天心血來潮便到訪，原來堂食中午十二時半前賣單可有九折，外賣自取好似都有這樣的優惠。我當天約十一時五十分左右入座，未正式午餐時間，所以人客不多，點了巴生當歸肉骨茶米線（上次吃飯，覺得飯有點硬），走生菜及油條。走生菜後被送了幾條菜心，歡喜歡喜😆😆。湯還是一貫美味，不似中藥味濃那種當歸，清而不膩，肉排還是如以往般嫩，而且四大塊，非常滿足！推薦店內的辛辣油，裏面有點似蝦殼纖維的東西，不過點在肉排上非常美味，上次則拿來撈飯😋😋！

附近嘅長期排隊熱店，每日LUNCH時候都非常多人，外賣定堂食，都係起碼10-15MIN UP，而且堂食都會坐得幾迫唔太舒服。鋪頭只賣係海南雞飯喇沙、肉骨茶一類東南亞SET LUNCH，價錢幾十蚊不等。海南雞飯有新加坡或馬來西亞STYLE揀，據報兩款的分別就係新加坡係淡D，而馬來西亞就濃味Ｄ。今日叫左個馬來西亞式的。佢哋個海南雞飯連埋湯，個湯係有少少胡椒味的。雞已去骨，肉滑，皮帶微微的煙薰味，而個飯就好似落左黃薑的。雞飯份量都ＯＫ，食哂個飯飲埋個湯都夠同肉骨茶都唔錯。冇加一埋單好似60幾蚊到，快手食個飯都算唔錯。

喺公司附近嘅茶屋，係一間專賣係東南亞麵食、肉骨茶同海南雞飯之類嘅簡餐午餐嘅餐廳。日日午餐時候都非常多人，無論係外賣定係堂食，都係要排隊。佢哋個海南雞飯同肉骨茶都唔錯，但今日見到有新野，又就想食佢粉麵，就嗌咗個胡椒豬肚湯雞米粉外賣返去食(會幫你湯同粉分開裝)，因為佢地堂食實在太迫喇。外賣會幫你湯同粉分開裝，抵讚~ 胡椒豬肚湯嘅味道都幾香濃，似新加坡Style的肉骨茶，麵底我就轉咗做米粉，因為中意佢地類似泰式米粉嗰種有比較幼細嘅米粉，索埋Ｄ湯食就一流，好好味。至於雞件，應該係海南雞黎嘅，只係冇去骨，份量都唔少（見相片），差唔多有半份都係雞脾，好嫩滑。成個餐連埋嘢飲都係60幾蚊到，快快手手，都算係區內唔錯嘅選擇，所以點解日日都咁多人排隊。

#九龍灣美食 #新加波美食 #肉骨茶 茶室又到星期五 happy friday lunch lu獵狗老了 以前一定唸都唔唸會叫胡椒豬肚而家會不停唸內心有掙扎 "藥膳當歸vs胡椒豬肚" 邊個好呢haha今日係藥膳當歸 勝出!!!藥膳味唔係好重！不過我都好中意！但係個骨好正！有埋軟骨好有咬口！仲有生菜、2粒大大冬菇、杞子！油炸鬼~足料ah仲有個飯！今日天氣有d秋意~食完暖暖身 好滿足食完比錢之後仲會送野飲可以揀 香茅茶or薏米水 好Sweet提提~飲品堂食果陣叫要加$10 但比完錢老闆會好warm咁同你講 ..門口送你野飲^^小店真有人情味茶室 九龍灣宏照道33號國際交易中心1樓39號店#香港小店 #人情味

九龍灣寸金尺土，食晏時間更加係分秒必爭。茶室位於商廈入面，Lunch time 成日要排隊，好彩大家食飯互相體諒，食完即走，所以流程都算順暢茶室主打馬來西亞菜，但為配合上班族口味，味道調得較淡。呢個做法有利有弊 - 利者合乎港人口味；弊者就失去馬來西亞風味，同茶餐廳無異！今日點咗招牌海鮮喇沙湯麵，燒肉蝦湯麵，香茅薏米水，薑茶。燒肉蝦湯麵（摻摻）- 燒肉係燒薄切豬腩肉，鹹香口味，食落有少少似日式拉麵入面嘅叉燒，食肉獸恩物！摻摻（油麵＋米粉）吸收清湯精華，入口爽口彈牙！招牌喇沙湯麵 - 湯底經改良偏淡，個人鍾意原版湯底濃郁嘅味道多啲。配料豐富，有豆卜、芽菜、海鮮、魚蛋，份量足，男同事都夠食！香茅薏米水超淡，香茅味，甜味都冇，當一般水咁就OK嘅！薑茶同樣淡味，勝在清涼夠凍。清爽嘅午餐，適合口味淡嘅人士，我自己都係鍾意正宗味道多啲！

同朋友喺九龍灣食lunch，朋友推介黎呢間茶室，放lunch時間黎到呢度，坐滿哂人我叫左個胡椒豬肚肉骨米線，先試一啖湯，係好好飲嘅胡椒豬肚湯，呢碗米線勁多配料，有油炸鬼，生菜，排骨同埋豬肚，餸同埋米線嘅份量都好多，油炸鬼就算索左d湯，都好好味，排骨煮到好淋，一d都唔un，個湯底係一d油都冇，係個米線煮耐左d，一夾就斷朋友叫左個馬六甲海南雞飯，有油飯，去骨海南雞，一碗湯，仲有幾條菜，但係朋友就話今次d雞煮得唔夠平時嫩

之前帶朋友試過茶室，朋友又想再食，於是又來了。除了多人排隊，食物份量也是超多的！點了白胡椒豬肚肉骨茶飯及白胡椒豬肚雞米線。湯底有輕微辣，不過沒有胡椒香味，肉排跟豬肚都很軟腍入味，不錯。朋友則覺得雞米線的雞肉煮得老了點，不過還是好吃。

今天來到九龍灣，趕著開會，又是速食的時候，原先打算買杯咖啡、三文治，一上電梯，看見有間食店，決定試試⋯⋯門口大大個餐牌，一眼選定喇沙，坐下來立即點餐。中午十二時繁忙時段，食客相繼而來⋯⋯凍仙草豆漿~由於餐另加$10 可選凍仙草豆漿，決定試試。凍仙草像涼粉，而豆漿感覺像無糖維X奶，整體上沒有什麼味道，淡淡的，喜歡唔甜。發現這裡提供餐紙，每張紙巾還寫著:I’m too saying ~Hello Future 相當可愛星加坡喇沙$63~當端上桌面時，感覺用料豐富，蝦、蛋、雞絲、豆卜和芽菜，先試一啖湯，味道適中，略嫌喇沙湯味未夠濃。蝦夠彈牙，可是沒有任何味道，實在太奇怪。雞絲和米線都煮得太腍，相比之下，筆者最愛還只淨下那魚片頭，彈性有魚味。看一看印單，成為$73 覺得頗貴，就在此時，店員大聲呼叫，十二點半前結賬，全單九折，距離12:30pm 還有六分鐘⋯⋯過了不久⋯⋯店員又再大呼⋯⋯十二點半前結賬，全單九折，距離12:30pm 還有四分鐘⋯⋯之後⋯⋯店員再次疾呼⋯⋯十二點半前結賬，全單九折，距離12:30pm 還有兩分鐘⋯⋯筆者越吃越緊張，有冲刺的感覺⋯⋯反正速食，最後筆者決定12:30pm

最近天氣時冷時熱，春夏秋冬都係一個星期內經歷過，想食點補補元氣的午餐。行經商場見到—茶室。愣一下，普通茶餐廳嗎？睇埋菜單，新加坡野食。環顧四周，等候的人唔算太多，決定試下。一坐落，餐紙就係菜單，午餐平均幾$60蚊。係九龍灣算一般價格，份量就等上菜再開估。落單後太約十五分鐘後就見店員捧著兩個大碗過來。我地點咗肉骨茶米線，碗面密密麻麻鋪着排骨，油豆腐，生菜🥬，油條。湯底是肉骨茶配當歸，濃濃的湯汁，散發陣陣的當歸味，第一口有點苦味，但慢慢食下去，湯頭好喝。整頓吃下來，很滿足，又補元氣。

嗰日啱啱嚟到呢邊見到依間野好多人排隊等着食，望一望餐牌啲嘢食都好吸引。因為我一個人食所以好快就有位啦,入到去揀咗肉骨茶米線。佢肉骨茶米線有好香嘅當歸味，米線好滑好有口感，佢啲配料呢粒冬菇超大粒超厚身。怪唔之得咁多人排隊食，我睇見隔離枱食嗰啲海南雞飯或者喇沙麵線都好吸引。等我下一次再嚟試吓其他嘢食。

真係好喜歡食麵🍜，無論去到邊都好想試下，路過九龍灣呢間星馬風味嘅餐廳，食物種類只有幾款，肉骨茶、海南雞飯、喇沙等 基本指定菜單，我特別點了「白胡椒豬肚雞米線」湯底清而味濃，配上海南雞🐔好嫩，豬肚亦胡椒入味腍身，大大碗$60+絕對是滿意🤡

去開九龍灣嘅Office，同事介紹食呢一間茶室， lunch時間等堂食嘅人唔少，點知等外賣嘅人仲多外賣自取餐牌門口呢個餐牌係外賣價錢，比堂食平少少，已今日嘅我就選擇咗檳城燒肉蝦面（摻摻）檳城燒肉蝦面（ $58 ）外賣嘅麵同湯會分開裝，唔使驚浸得太耐啲面淋晒，門口仲有飲品自取，有薑茶同薏米水，記得要自己拎湯底有淡淡的蝦味，唔會過鹹碗面嘅餸，有連皮嘅薄切燒肉，同埋爽口嘅大蝦，最後灑上嘅乾蒜蓉，令整碗面嘅香氣提升外賣一碗麵$58來講，價錢唔會叫超值，但始終唔係咁多地方有馬來嘢會整得好食

係九龍灣返工，午餐嘅選擇都算多，早幾日就去咗megabox附近間茶室食東南亞菜！但係lunch time 時間就好多人等位，係有限時間內要等成15-20分鐘都等幾耐下！環境方面呢就比較淺窄，無任何卡位，同隔離好近，不過對於打工仔嚟講，快快脆脆食完就走都ok! 我就要咗個怡保湯粉，同事就叫咗無骨海南雞飯。個怡保湯粉無乜特別，個湯都好普通，配料有魚旦，蝦同雞絲。反而同事個海南雞飯就幾好食，啲海南雞好滑，個飯係油飯，好有海南雞味，吸收咗雞嘅精華！