茶室

營業中

休息中

平時去食都無咁差，今次用網上外賣平台叫外賣，叫咗個馬六甲雞飯。拎到返office先發現啲飯濕到不得了，直頭係爛到好似粥咁，咬都唔使咬直接呑都得，雞就正正常常。打去問店員發生咩事，佢個解釋係個飯煲壞咗用小露寶煲飯，所以有啲好濕有啲好乾，同我講唔好意思下次我可以俾返條油條我。既然廚房器材出現問題，咁點解為咗做生意去做一啲唔好食嘅嘢出嚟？實在係對唔住顧客。對呢間餐廳處理手法極度失望，白白浪費咗我嘅金錢

茶室 Cha Sat📍九龍灣宏照道33號九龍灣宏照道33號 國際交易中心1樓39室這間小店，我是外賣常客，但今日第一次咁早堂食 (11:40)🥢點選了三寶飯亦是我第一次吃，通常我喜歡吃👍🏻胡椒豬肚骨米線。這個三寶飯和中式的三寶飯差不多，包含了三款燒肉：燒腩肉、叉燒和燒雞。泰式燒腩肉，味道口感和港式燒腩仔相似，外皮卜卜脆，五花腩肉又惹味；叉燒選用瘦肉較多、肉質較嫩的前胸肉，相比港式甜叉燒，我比較喜歡這個風味，沒有太多醃漬和醬汁，口感有彈性，咀嚼時帶出自然肉香，香甜卻不膩；🐔烤雞嘅味道同口感都勁正，雞肉唔會‘‘柴’’。12:30前埋單，仲有早鳥優惠(九折)！好抵食😋#香港 #美食 #小店 #東南亞菜 #foodie

今次一試係這間東南亞餐廳，先講呢碗肉骨茶，真係正！湯頭香濃得滯，肉骨又鬆化，搭配冬菇同杞子，郁嘅每一啖都有藥材嘅回甘浸滿口腔😋。轉轉口味，試下呢碗胡椒豬肚湯，個味辛辣有勁，豬肚質感剛好，爽口得嚟又唔會太嚡，飲埋碗湯，好過癮！另一個驚喜就係油炸鬼，外脆內軟，拎起嚟啪响聲，焗得啱啱好。店家仲貼心提供免費薑茶同薏米水，可以餐後解囍，添喜歡。午市套餐價優惠，真係值得一試。話唔定，下次午飯時間再黎轉轉，都可以安心頂真港式風味！如果你係得閒嘅話，真係可以考慮過嚟品嚐下佢哋嘅家鄉味！係咁樣簡單得嚟，人人都會鍾意嘅一餐！🍜🍚🍲

落大雨諗住落樓下買外賣，電話落哂單俾咗錢，等咗15分鐘再問，呃我話整緊，再等多陣之後追下，先話原來無落單，門口兩個女職員態度極度惡劣，仲話番我轉頭，話點解唔早啲落單大佬！我12點落單，1點3去拎，仲唔算早？叫8個餐，等到佢再入單先話，有5個餐都無除咗我，門口都排哂長龍，另外有幾個食客叫完外賣自取，都俾佢鬧，喝人哋幾個去俾錢都係買個午餐啫，唔係喝個客下嘛？唔會再有下一次，食杯麵好過叫佢如果你接受到俾錢買爛受，就食呢間野啦🤭

一眼睇晒Menu 14個飯/粉麵，平均$5x 。今餐食左個喇沙米線。味道中等 唔會話好好味 但都唔係難食既。有蝦有豆卜雞蛋半隻，麵量都幾多下架。仲有些少芽菜。反而，亮點係杯附送架薏米水，真係好好飲，一小杯唔多夠呢～講返個佈局，飲品同醬料係要自己拎拎左放落膠袋架。醬料選擇都有幾款。

很久未食過東南亞食的食品，這間餐廳有東南亞風味的下午茶，便去試一試。一向很喜愛這間餐廳的原因，是它的種類很多，有海南雞飯、巴東肉骨茶米線、越式蕃茄牛骨清湯河，又有越式扎肉河，星加坡叻沙等等！朋友叫了叉燒燒肉蝦摻摻，餸菜十分多，燒肉大嚿，外皮香脆到不得了，不算太肥，叉燒也十分好吃，肥瘦適中，🦐夠爽口白胡椒豬肚雞米線是我的至愛🥰，最喜歡的是他的湯底帶有小小白胡椒，很惹味 ，🐷肚爽口雞又嫩，浸在濃湯內很好吃下午茶還包含了餐飲，我們都叫了薑茶，薑味濃郁👍🏻👍🏻下午茶時間10分抵食，大碗的是午餐的九折，小碗的只是$39元，價性比高🥰

茶室地址: 九龍灣宏照道33號國際交易中心1樓39號店見好耐無食過新加坡嘢🥲，經過見都幾多人幫襯就試吓曼谷東陰海南雞湯麵🍜$55，點知大大中伏😨。呢到啲外賣唔單止要得成45分鐘，而且啲味道仲伏🤮。海南雞入口超乾又無咩雞味，只係食到啲急凍味😖 ，而且所謂嘅東陰湯底都係完全無味只有死鹹，真心伏死😵‍💫。#nicefoodie九龍灣—--------------------#food #foodporn #hkfoodblog #hkgoodblogger #foodphotography #foodie #foodblogger #goodstagram #hkfood #hkfoodie #hkfoodlover  #delicious #breadfast #dinner #lunch #restaurant #eat #phtooftheday #yummy #chef #hk  #香港 #香港美食 #美食 #九龍灣美食 #打卡  #九龍灣 #香港口味  #隱世美食 #隱世小店 #半價優惠 #人氣餐廳 #人氣美食  #香港好去處 #新加坡 #東南亞

茶室Cha Sat九龍灣返工，工作時間比較自己既我梗係避開個飯點，早小小去食晏呢忽然發現有間星馬野，就試試佢呢🔸越式蕃茄牛骨清湯牛腩河轉米粉-正常發揮唔想太肥所以同事轉米粉( 因為太普通所以我冇影到😂)🔸茶室叉燒燒肉蝦摻摻-其實係乜野來的？係一個mixing 分別係油麵同米粉既混合食落去分別有米粉既絲滑口感同油麵既厚實彈牙口感簡直係雙重享受🔸星加坡喇沙(轉淮山麵)-喇沙既特點係乜？就係香！滿滿椰香既味道撲埋黎呢點解唔食油麵要轉？好似公仔麵咁既樣，原來係淮山整嫁！係懶健康又唔健康既情況底下同事決定轉呢個黎食🔸巴生當歸肉骨茶米線-去唔倒旅行唯有叫呢個當自己去左新加坡大大舊好淋身既一字骨，兩舊勁大既冬菇，加一舊油炸鬼，仲有大量豆卜成件事已經勁豐富個湯真係有肉骨茶既感覺(有d地方好流嫁嗎)我真係用匙羹飲左好多米線！唔好睇小佢！唔會勁淋，仲要入哂味！係難得我食得哂既一碗好味既麵🔸秘制星馬風味Xo醬(個名我自己改既)-食麵，真係會慣左落d野嫁！見倒有兜野係枱面，試試佢先！一試不得了！Xo醬既鮮味但又有辣味，果種辣係好香！唔係死辣！食麵必落！太正呢個醬係附近返工既人不仿黎試下佢丫推薦指數⭐️⭐️⭐️⭐️/⭐️

午市買佢地個海南雞飯。首先個湯無咩味精都幾好飲。雞件有五六件，雞肉都幾滑。而個飯，飯質都幾好軟硬適中，而且有雞油，出面好多都無。以55元來講，宜家出去食個lunch都差不多，性價比都算高。

今日有小小喉嚨痛，所以唔想食啲太熱氣嘅嘢，又想飲湯又想食飯，所以就試一試呢一間肉骨茶，用網上外賣自取仲平過自己去叫外賣。巴生當歸肉骨茶配飯 HK$70.00折後$51.8 因為喺工業區，相信有好多打工仔都會喺度買外賣返去食，所以好多人都已經好熟悉個運作，茶室外賣都有得送嘢飲，有薑茶有薏米水，全部都就咁放喺出面俾客人自己拎。另外仲有辣椒，辣椒豉油，薑茸，最好食嘅係佢哋自己整嘅沙茶醬。肉骨茶有少少偏甜，但係份量都幾多，兩隻大花菇，豬骨有成4條。真係大件夾抵食

見好耐冇食過新加坡嘢，經過見都幾多人幫襯，一於試吓呢間茶室。海南雞飯啲雞幾滑，濃黑醬油加薑蓉酸辣個汁唔錯，湯就冇乜味，好大碗飯，如果可以配埋黃薑飯就更好不過喇。雞絲喇沙個湯底唔夠濃，配料有兩舊魚片頭、半隻蛋、豆腐卜，唔值呢個價錢餐廳座位非常狹窄，唔知係咪繁忙時間，我哋三個人坐四人枱，點知個阿姐搭多兩個人落嚟坐，仲要冇防疫間隔，坐得非常之迫，服務態度麻麻地有待改善，最搞笑係嘢飲堂食要加錢，反而埋咗單之後可以拎杯香茅薑茶出門口飲，唔知係咪因為熱飲驚你坐得耐小台客

香港很少小餐廳有東南亞食品，九龍灣商業區更加少。我很喜歡到這間餐廳，供應各種東南亞食品，充滿風味，而且下午茶有特價，又有很多款式，例如星加坡胡椒豬肚肉骨、當歸肉骨米線、曼谷海南雞麵、越南雞絲扎肉河，這裏的款式真是集東南亞食品的大全，應有盡有，令人目不暇給😍😍而且下午茶時段大碗的是午餐九折，小碗的只是$39，實在十分超值，只用不到$40價錢便可以享受東南亞的美食，還包括飲品，性價比十分高！我叫了肉骨茶麵，肉骨煮得十分好，浸在濃濃的醃料中，完全入晒味，而且咬落去啲汁完全滲出來，令人很有滿足感。滑滑的麵浸在這個肉骨湯底，十分好味。飲品方面，我叫了薏米水，夏天30幾度一定要飲些清涼嘅薏米水，又消暑又解渴。

這間東南亞餐廳位於九龍灣的一座商業大廈內，雖然不在大商場，但反而因為位置不是最熱門的地方，所以人流較少，坐得舒服。肉骨茶湯料藥材味重，冬菇大大杞子香，肉排滲滿藥材湯的味道，非常美味，有東南亞特色。胡椒豬肚湯飯，一向是高難度的菜式，豬肚在家整更是麻煩又要洗得非常乾淨。這個胡椒豬肚湯胡椒味重，非常惹味，豬肚爽爽的。最鍾意兩個飯都配條油炸鬼，脆脆的，好味👍🏻薑茶和薏米水免費，下午茶最抵的是可選午市的各種套餐但便宜很多，只是$39 可以食到胡椒豬肚飯和肉骨飯，還包飲品，價性比超高👍🏻

見到門外唔少人等外賣，以為間野唔差所以入去食。入到去一坐低，店員就即刻催我地落單，態度仲要一般，感覺無乜禮貌。落完單以為好快有野食，點知等左起碼十五分鐘以上先黎左第一碗野，前前後後等左四五個字先齊哂。上菜速度咁慢，點解一坐低又要催人落單？叫左幾碗麵，燒肉同排骨都係又硬又鞋，感覺好唔新鮮，啲麵又太過淋，一夾就斷開哂，食完大家都覺得好口渴。之後見我地食到差唔多尾聲，店員就想黎收走隻碗，但其實仲食緊，眼見門口都無乜客仲有位淨，點解要咁趕客既感覺？店員質素真係有待改善，令顧客好有壞印象。整體黎講，座位已經唔太好坐，啲位好奇怪又迫。味道確實好重味精，啲肉質全部唔掂。另外店員既態度好趕客，感覺似唔休做，好想你快啲食完快啲走人唔好阻住哂咁，但只係坐左30分鐘都無，不會推薦此餐廳亦不會再光了。

仲差過茶記既午餐｜ 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒦𝑜𝓌𝓁𝑜𝑜𝓃 𝐵𝒶𝓎今日黎到交易廣場諗著食壽喜燒點知冇得𝘸𝘢𝘭𝘬 𝘪𝘯，見到下一層有間餐廳價錢𝘰𝘬裝修都幾靚都多人食於是一試，點知失望之極🥹我地三個坐左係張一字排開既枱，好似自修室温書咁，枱面既墊枱紙上已經印左𝘮𝘦𝘯𝘶😂還保又方便🌟 星加坡海南雞飯 𝗦𝗶𝗻𝗴𝗮𝗽𝗼𝗿𝗲 𝗛𝗮𝗶𝗻𝗮𝗻 𝗖𝗵𝗶𝗰𝗸𝗲𝗻 𝗥𝗶𝗰𝗲 ($𝟲𝟯)雞件算大件，主要係雞翼同雞髀🍗，但雞本身好咸，食到一大半先醒起有醬😅🌟 越式蕃茄牛骨清湯牛腩河 𝗩𝗶𝗲𝘁𝗻𝗮𝗺𝗲𝘀𝗲 𝗕𝗲𝗲𝗳 𝗕𝗿𝗶𝘀𝗸𝗲𝘁 𝗡𝗼𝗼𝗱𝗹𝗲𝘀 𝘄𝗶𝘁𝗵 𝗧𝗼𝗺𝗮𝘁𝗼 𝗖𝗼𝗻𝘀𝗼𝗺𝗺𝗲 ($𝟲𝟱)呢個簡直失望，本身諗著有濃濃既蕃茄湯底加埋牛腩，上枱見到個湯底咁清都知中伏😅搵勻成碗湯入面得4-5 粒車厘茄😂咁梗係冇蕃茄味啦😅牛腩既肉就比較柴同鞋，仲有就係冇咩牛味，米線煮到勁淋，一入口就爛果種🥶整體黎講真係好一般，自己屋企煮應該都好味過佢😅🌟 巴東牛肋條配黃姜飯 𝗕𝗲𝗲𝗳 𝗥𝗲𝗻 𝗗𝗮𝗻𝗴 𝘄𝗶𝘁𝗵 𝗧𝘂𝗺𝗲𝗿𝗶𝗰 𝗥𝗶𝗰𝗲 ($𝟲𝟮)朋友一見到巴東牛肋條就即刻嗌，話好掛著果隻味。牛肋條同飯分上，賣相都唔錯，但