茶山

營業中

休息中

芝士蛋糕雜果芭菲芭菲除左生果系列最出名，呢款係近期新出，賣相好壯觀😍芝士蛋糕口感唔錯，都濃味，每層都會夾住雜果，雜果有：奇異果、蜜瓜、士多啤梨、火龍果，脆脆、朱古力、忌廉混合好好食😋😋豐富口感！唔算好甜，但一定要配一杯茶，食完一啖芭菲再飲茶，茶味更加出，同解膩！檸檬蜜香紅茶味道就係典型凍檸茶，但茶底好清香🍃配搭甜食真係好夾～旁邊仲有賣乾花、精品、茶包🍵，食完可以睇睇，價錢都唔係好貴，位置5-6張台，大約係晚上9點就會滿座。

呢間咖啡廳位於長洲新興街，入邊嘅裝修係日式為主題，俾人一個好簡約及清新嘅感覺。店入面主要食甜品為主，例如芭菲，pancake， 梳乎厘等等。今次點咗金莎朱古力芭菲，整體好高質價錢亦都唔貴，cream同朱古力香蕉帶來多重嘅口感，整體甜品都唔算好甜，味道唔會太濃，帶嚟多種嘅層次感。所以唔怪得平時舖頭咁多人排隊，平時多人到龍尾都見唔到，不過等咁耐都係值得嘅。所以以後除咗食芒果糯米糍或者火焰雪山以外，嚟到長洲食甜品又有多一個選擇。

入到長洲想食埋個甜品先走記得路過嘅時候嗅到一間甜品店門口好多人仲好香令我諗諗不忘返嚟搵佢因為記得佢哋9:30接單我已經急急腳嚟到落單但一坐低發現同外賣Menu 有啲唔同外賣Menu係一件跟一個雪糕但堂食就一定要兩件跟一個雪糕（雪糕口味係自己揀）加上佢哋有最低消費每人至少要購買一個餐外賣同堂食嘅口味都有啲唔同本身想同男朋友一人一半都唔得咁我哋就叫咗個青提同埋無花果，兩個都係跟薄荷朱古力雪糕青提非常之清甜，反而無花果冇我想像中咁甜😋覺得好好食佢係酥皮，用把刀貼落去嘅時候會聽到佢哋清脆嘅聲音😍係非常之呃 除咗窩夫之外，佢哋其實仲有班cake但當日可能我已經太遲去到店員表示已經冇晒除咗甜品之外，佢哋仲有賣一啲精品餐具價錢都係比較高級嘅精品價錢臨走嘅時候再望望佢哋外賣嘅Menu發現原來外賣嘅口味會多啲價錢都平啲但只有一件有一啲係堂食冇得叫嘅口味當日唔知係咪阻住店員收工店員不停喺我哋面前四圍行好似好趕時間咁🥲下次會再早啲去唔阻住佢收工

本來同朋友計劃咗去長洲幾間出名嘅Cafe 👅 點知我哋平日去到 就咁岩撞正佢哋休息 摸門釘 嗚(˶‾᷄ ⁻̫ ‾᷅˵) 然後我哋就沿着小巷一直行 赫見長長嘅人龍〰️ 於是就去湊熱鬧 發現大家都排梗茶山！ 本來見到店入面只有甜點提供 同朋友都有啲卻步🥵 事關我哋一步步已經食咗幾間甜品😂 好想食鹹點 但係由於見display櫃入面既甜品🍮好精緻 於是毅然決定跟機排隊! 由於店面只有一位店員 而客人絡繹不絕 所以排隊嘅方式係 有客人自己喺waiting list 上面寫名同人數 自己寫籌號😂😂😂然後乖乖係一旁等待⌛️大家排左45分鐘 終於有得入座♪(´ε｀ ) 但我哋入咗嘅時候已經係下午5點鐘 當時仲係6點鐘禁晚市堂食 所以其實我哋睇得Menu嚟 落得單 就要等候店員高速整好 然後要高速食😹😹😹😹餐廳嘅裝修係簡潔光猛 餐具同地方都係乾淨 枱面都仲會有蠟燭燈同埋乾花 🪷 都算幾有格調 同埋枱與枱之間都要有足夠嘅空位 唔會講秘密都俾隔籬聽到😂😂 睇完Menu就要行出去counter落單 🧾 當日我地揀左士多啤梨芭菲🍓同埋青提芭菲💚 基底以牛奶忌廉🥛為主 配上新鮮水果、啫喱、焦糖穀物、海綿蛋糕🍰 其實都係好

🍵茶山係長洲玩到咁上下，想食甜品，就揀咗呢間😚裝修係木色日系，文青cafe嘅感覺🍇香印葡萄芭菲 $62材料有香印提子、雪糕、忌廉、蛋糕、穀物粟米片、啫喱大大粒提子夠清甜，雪糕徧甜，忌廉唔溜材料同口感豐富又有層次🧇無花果牛角窩夫 $52有2大件窩夫，朱古力醬+薄荷朱古力雪糕 窩夫好香牛油味焗得酥脆 無花果份量多好清甜，雪糕好味2個人埋單 $114窩夫好抵食，大碟又好味。芭菲食到尾有啲甜🤣整體賣相都好吸引，環境又靚，打卡一流

入黎長洲食甜品第一時間諗起芒果糯米糍，又或者Katie’s dessert 嘅火焰雪山同心太軟😍宜家又再有多一個另類選擇啦。今次長洲美食遊第三站去左呢間專門食Croffle 牛角窩夫同埋嚐茶嘅小店，店內用上柔和黃色燈光加上淺木色餐枱，勁有日式家庭小店嘅感覺🥰🥐青葡萄牛角窩夫 配雲尼拿雪糕 $➎➋ Croffle 其實姐係”Croissant” 牛角包同埋”Waffle” 窩夫2個生字拼湊而成，姐係將一整個牛角包放入窩夫機烘香至窩夫嘅一格格形狀🧇內𥚃保留牛角包嘅鬆軟，外皮就有窩夫嘅結實同香脆。最重要係淋上糖漿，夾埋雪糕同提子一齊擺入口，清爽得黎一啲都唔「漏」50 幾蚊嘅一個甜品都悉心擺碟，上枱靚靚之餘份量都一啲唔細！2大件嘅Croffle，兩個人share 都絕對夠皮😋🍫心太軟 配雲尼拿雪糕 $➍➑我有講過基本上menu 如果有朱古力心大軟，我都會order 呢款咁邪惡嘅甜品，今次黎到都唔例外！新鮮製作嘅心太軟，砌開嘅時候微微嘅流心，唔洗食得咁失禮嘛🤪配埋雪糕一冷一熱係必須的，無令我失望嘅一個甜品👍🏻🍵阿里山金萱青茶 平時飲咖啡就多，嘆茶就真係比較少機會，難得呢度主打茶類飲品，食完甜品都

去長洲玩嘅時候見到呢間日式甜品店，一開始係比佢嘅環境吸引，有好多花花草草感覺好清新好舒服😌 了解吓先發現原來佢入面仲有茶包及餐具等等😆 而且食甜品都會有茶嚟搭配，可以係度好休閒咁渡過一日🥰鮮果雪糕芭菲（哈密瓜）水果好清甜，每一層都有唔同嘅材料，感覺好似尋寶咁，入面有cream、蛋糕、粟米片給啫喱，口感豐富又有層次👍抹茶紅豆白玉雪糕芭菲搭配抹茶雪糕、紅豆、白玉、厥餅、蛋糕及粟米片等等，每啖都有驚喜！再搭配埋熱茶，成件事好夾完全唔會膩👍兩個芭菲都值得一試～ 而且見到窩夫都好吸引，希望有機會再試😆有外賣選擇，Menu同堂食有啲唔同，但價錢會抵啲，可以一試👍

主打大熱嘅croffle 疏乎厘Pancake 芭菲～上次食咗croffle & 芭菲 整體好高質 價錢親民❣️有朋友去咗話疏乎厘都好高質！下次入長洲encore呢間會試下😆推薦✨推薦✨-🧇【抹茶croffle】$48近期大熱嘅甜品 亦都係我近期大愛！😆呢度嘅croffle好高質！好香牛油味 外層酥脆 食到入面有layer搭配嘅抹茶雪糕 紅豆 白玉 厥餅都唔錯仲有抹茶醬可以自己加！抹茶味幾濃🍵再去都會再叫呢個😋-🍇【香印葡萄芭菲】$64好抵食嘅芭菲！芭菲杯超高身 好多唔同層😍有cream 蛋糕 粟米片 雪糕 啫喱 香印提子💕材料好豐富 味道都唔錯 提子好甜😋 大滿足~-✨推薦指數：9/10💰人均消費：$56 (每人最低消費一樣嘢)⏳等候時間：0mins

長洲休閒風日系cafe茶山裝修偏向日系 成間餐廳主要採用木色🪵 令人感覺放鬆 而且每張檯都有放一個迷你蠟燭 士多啤梨疏乎厘班戟 ⭐️⭐️⭐️.5/5味道同外面班戟店差唔多疏乎厘班戟有少少偏甜 蛋味唔係特別突出質感幾輕盈 食完都唔會話特別飽至於面頭既cream整得幾唔錯 奶味幾重 甜度適中香印葡萄芭菲⭐️⭐️⭐️⭐️/5絕對適合鍾意食cream既人😍 成個芭菲cream既比例都幾多 唔會覺得好乾香印葡萄整體都唔會酸芭菲中間有蛋糕、朱古力碎同埋穀物 多重口感 不過蛋糕感覺上麻麻 唔夠濕潤或者輕盈質感比較實 所以扣左D分總體黎講 唔係一間好特別既餐廳性價比都唔算高 可以一試 不過未必會再去食🤔

我同朋友黎到長洲食好嘢，除左出名既幾間餐廳，好快就發現倒呢間裝修好新好靚既cafe。cafe每張檯都有一紮乾花。入到去大概4點，之後越坐越多人。店員態度好好，我地未多人既時候可以隨便揀位同埋唔洗拼檯。我地嗌左：草莓 朱古力醬 雲呢拿雪糕 牛角窩夫（croffle) $48 ⭐️⭐️⭐️⭐️⭐️呢個好抵食，好大碟，拎出黎係熱既～croffle咬落係酥脆既牛角包，好特別！雪糕好濃郁，有質素草莓份量好多哈蜜瓜班戟梳乎厘$98 ⭐️⭐️⭐️⭐️⭐️班戟梳乎厘好軟好輕，加左cream更加覺得滑順，食嗮都無覺得滯蜜瓜都比得份量好多唔知第日呢家cafe會唔會變長洲地標🤤夏天黎我地可以再試埋d巴菲同其他味！～

*環境篇*響今天常常人山人海的長洲，坐在簡潔舒適，食物卻很有驚喜的茶山，真真正正享受在這裏休閑，把旅遊時/工作上的忙亂與匆忙稍稍放下，在這裏放空 ，享受一刻的寧靜，甚至差點有不想離開的感覺。*食物篇*雖然食過日本幸福班戟的人，都總想追尋這幸福的感覺，但COVID-19令我們對這感覺漸漸淡忘了；但，在這裡重拾這份有厚度和溫度幸福的感覺。*飲料篇*茶山，另一個重點是茶，一列茶杯整齊肅立向你招手般，叫你：「揀我！」揀好了對的茶，再要揀對的杯，茶香在味覺與嗅覺間徘徊，當你負起責任，一渴，就嚐到甘甜幸福的感覺了。幸福就在這裡。我真係好鍾意香港！