茶木‧台式休閒餐廳 (已結業)

星期五晚上，做完facial後，與女兒約會，行了幾間食店，通通排隊，很少8點幾在銅鑼灣，原來愈夜愈熱鬧，可能是周五吧！在腳累到就快甩，便是但選了茶木，當然一樣要等位，但勝在有位坐及有冷氣涼下。等了大約20分鐘，終於可以進入食店醫肚！肚餓到坐下來便落單叫食物，來招呼的是較高級嘅職員，佢嘅態度似排隊茶餐廳伙計！食物上檯時，年輕女服務員更是理得你態度，每上一款食物送來，佢地都係放在桌邊，由得你死咁😳，不過自己無激氣，亦同呀囡講，以後不要來！最離譜是服務員休息時間，坐在鄰桌似開party，大聲講，大聲笑，一張四人檯坐6個人，我們都被嚇壞了！茶木當初來香港，服務走台式風格，而家就似港式茶餐廳，食店老闆付昂貴租金為的是做生意，為何員工不加以監管及培訓呢？！明白請人難，但一個差員工可以毀你店譽！個人評分食物：C坷嗲肉碎泡飯：比海水更咸炸雞排肉燥飯：雞排乾，內面塊肉薄薄的黑糖珍珠奶茶：珍珠得幾粒芒果蜂蜜蘆薈：最正常甜蜜糖心蛋：賣相差，味道算正常服務高級職員服務：C普通服務員：D環境：C翻新後祇得個殻，廚房內，布廉後，都是亂糟糟，廁所更加不想去

The overall food was good and at a very good value for how much food you get. The only downfall was that both side dishes I ordered were not the initial side orders I received. Asked for the chicken wings and the pork cutlet and received fish and eggplant... Was informed they had no chicken wings so they decided to give me eggplant which I didn't even see as one of the options. They were happy to change that out to the tofu and century egg though and also replaced the fish with what I had origin

今晚一行3人去食，7:50去到， 8點半才入得去食， 叫左蠔飯，墨魚面等等，呢d都ok, keep到個水準， 最後叫左一個甜品， 一上來是沒有士多啤梨的， 要我主動叫餐廳加番，呢個甜品的竽圓好難食， 好鬼硬， 無其他分店的水準。值得一提是呢間的服務好差， 不知是否太少人手，叫極都不應客人，見到都不理，攪緊咩？

帶左班內地朋友黎食 但店員 甚至店長都用非常惡劣既態度對我地 如果帶其他地方黎既朋友去食野千其吾好黎呢度 完全係俾錢買難受 望住個店長黑口黑面對我地 對住其他人就笑口笑面 真係好嘔心 衣加歧視啊？無下次

今日同同事想傾計，所以想找間好少少，坐得舒服，我地就選擇左茶木啦，大約等左5分鐘就有位啦，今次我地諗住大家分黎食所以叫左3個吾同的餐黎食，最後每人$73蚊都合理價同勁飽肚。前菜：黑麻油榨菜雞腎。。入味而雞腎都軟身吾硬。紅沛茄魚湯浸時蔬。。冇味，菜淋吾好食，我地一人食左一口就冇食了。四季豆。。意外吾錯，正常味吾好預係濃味，份量都多。主菜：黑麻醬油燉鴨。。份量激多喎，不過味就偏淡，鴨毛仲有D係度添。鳳梨糖醋里肌。。凍左，醬汁比較杰身，但味道同口感都吾錯。野菌奶油鱸魚柳。。沒有奶油味，但鱸魚食落魚滑身又吾多⻣，魚好味道，而什菌味都保持到。面飯：牛肉面。。縮細版但面份量都吾少仲有一片牛肉，面質保持吾錯。肉燥飯。。肉燥味好多又香口，混合在飯十分好味道而且十分飽肚。飲品都有分凍熱，反而我自己飲果杯紅豆薏米水就覺得一般，有紅豆甜又有薑同薏米味，少許怪怪地。

我同同事去過呢間餐廳兩次,其實呢間餐廳坐得都幾舒服,不過似終都唔係好平既選擇,所以好少諗起佢今日行過又未諗到食咩,走咗上去,門口已經堆滿人,好彩仲未滿座,所以好快可以坐低午餐有兩款選擇,一款係有前菜既套餐,另一款係麵食套餐,基於價錢考慮,今日揀咗有前菜既套餐,其實份量都唔細,應該夠食,如果唔夠的話,仲可以加錢叫埋甜品註:除餐牌上指明的餐飲以外,可加9蚊轉32蚊以下既野飲

今日和同事討論去邊食午餐，一致決定食台灣菜，噢…又落雨又打雷，行出去都濕晒褲腳，都是近近地搵間便宜又抵食~茶木我們要選@午餐自選套餐66元1.前菜: 味付小魚炸花枝丸 《花枝丸彈牙足味，小魚脆香可口，青瓜脆甜爽口，超好味》2.主食: 薑葱油嫩鴨《鴨肉質鮮味，食落不油不膩，加入薑葱之後更加好味》3.麵/飯: 香芋新竹米粉《香芋入口即化，米粉彈牙爽口，勁好味》1.前菜: 味付小魚炸花枝丸2.主菜: 飄香豆乳雞《雞肉滑嫩而不膩，超級入味》3.麵/飯: 古早肉燥手作麵《肉燥含有牛肉碎，肉不韌不太老，麵做得相當好，滑溜溜又彈牙，好味啊》食完主食，當然要叫玫瑰紅茶，消消滯店內服務員態度服務態度非常好，好細心聽我們點餐，抵讚

好少會嬲到想寫食評！臨訓都要上黎講一講！難得今日一個人，可以好悠閒咁食個lunch，點知一點四去到想點個set lunch，但好多野都話冇喇賣晒，算，就隨便點左幾樣，結果水準比預期差.. 最大落差係果兩粒花枝丸.. 另外仲有加左十幾蚊叫左杯酸到飲唔落口既熱水果茶！酸到簡直入唔到口。建議沖呢杯茶既人搵日自己都沖返杯飲睇下係咩感受，杯野仲要三十幾蚊我覺得唔值得。最最最離譜係個蛋糕！😡😡😡我等位時見門口個紅桑子蛋糕幾吸引，一開始落單就叫左，到我食完成個lunch，飲埋杯酸茶都未黎。我等左半個鐘，其間追左兩次都唔見個蛋糕黎。心諗係咪即叫即整呀？點解雪櫃有咁多，拎一件出黎俾我要咁耐？都又已經過左最繁忙既lunch time啦（兩點幾）幾忙都應該拎到件蛋糕黎掛！算，我同佢地講我唔要個蛋糕喇就出去埋單。出到去收銀，我第一時間同收銀個職員話個蛋糕冇黎，麻煩張單要幫我cancel返個蛋糕，就係果刻我見旁邊個雪櫃仲有紅桑子蛋糕，我就問佢：其實雪櫃仲有咁多，係咪可以打包走？點知收銀同我講：堂食先係呢個價錢，外賣計正價。 what？？我就係堂食但你地唔肯拎黎俾我，浪費左我半個鐘仲要俾我見到門口仲有得賣都唔俾我

其實 teawood 愈開愈多係咪想學人搞上市？😅分店就多喇，但質素 keep 唔到～今次係 lunchtime 嚟食都真係幾忙下，眼見無咩侍應咁所以招呼一般炸嘅嘢全部都炸得有少少老，食落有啲嚡口唔係話勁差，但真係麻麻哋勝在有得拼唔同食物，選擇上幾靈活個牛肉麵都 OK 嘅甜品而家多咗啲 cake 供應，都幾好下下食磚真係太大份喇，唔想食唔哂浪費食物蛋糕味道正常啦，唔係好好食但價錢拍得住 cake shop，唔知憑乜 😂短期都唔會再食茶木

今日實在太熱，行行下街忍唔住要搵個地方hea下，木來想去貓貓cafe,但可惜已經full晒，唯有轉戰去茶木食雪糕！呢個三色拼盤，我覺得中間那個丸好好味，炸雞就一盤，好多炸粉，糖心蛋都好食咖啡味濃呢個芒果味好食，不個人覺得過多磚塊原來而加茶木有得免費借尿袋叉電，不過可惜唔提供叉電線本人覺得偏貴！

服務態度不知所謂！！叫左一杯咖啡一個磚，等左一個中得杯咖啡亦已經吹過單，都算打算埋單走人點知仲要比經理話返轉頭不知所謂！經理：麻煩下次如果取消單要同我地員工講返聲囉我：係你溜左單 等左成個鐘 姐係我地錯？經理：係我地雙方都有錯 應該同返我地同事提返單姐係意思等左成個鐘 仲要有責任提返佢地做野 提左都吾夠 仲要做客人受氣比經理話你錯 去之前要有呢個心理準備受得氣、等成個鐘都無野食 先好去🙃（吾知咩職位啦，但起碼衣著明顯高級過一般員工先亦見到佢罵員工先囉 帶眼鏡的）

今日黎左呢間茶木食lunch...可能星期五既關係..都幾多人..都要等一陣...入座後..揀左個set..原本小食想食炸蝦..但賣晒..轉左四季豆..仲有碟咕嚕肉仔..加埋碗肉燥手打面..一個set餐有三樣野食..都幾豐富..仲包一杯野飲...個面好彈牙..幾好食..肉躁味幾香..個四季豆同咕嚕肉都唔錯..但杯野飲就好麻麻..我order左紅豆薏米水..但杯野用左紙杯裝..勁多冰..紅豆同薏米都幾淋..但好似加左薑..陣味變到好怪..所以我無飲..只係食左d紅豆同薏米..埋單$66加一..不過不失..

好爽丫丫，原本都唔會出來，亦唔打算跟波士出去，因為睇完醫生少左時間做野，若然唔係3點幾先出發，我就無可能去。話說出去cwb睇完人地個地方，仲未夠鐘收工，波士話搵個地方“總結”，l順便食個tea, 其實我都唔想食，因為都5點了，之後晚餐又會食好飽，行去搵下附近有咩cafe類，就見到呢間茶木，波士話好正又抵食，所以就入去啦！我地都有啲選擇困難，tea set佢推介鹽酥雞併芝士釀雞翼 和 芒果拿破崙， 飲品都好多選擇，好多都想試，最後佢揀左我原先想試嘅宇治抹茶沙冰，我就要Orea朱古力沙冰。個拿破崙來得比較慢，各樣味道都不錯，tea set都是大約50蚊度，配特飲，算係幾抵啦

大型連鎖式既餐廳最好既地方就係食物質素好統一，唔會話呢間餐廳特別好食，另外就差到死，呢間都係不過不失。最難飲就係個杯奶茶，味道好奇怪，但我已經唔記得咗係咩奶茶，好似係黑糖唔知咩奶茶，超奇怪。其他野就全部都好正常，湯飯味精好重，食完好口乾，番屋企勁飲水。牛肉麵好正常無咩特別。沙律都幾好，菜新鮮，牛油果夠淋。蛋好味，好多時都會叫，間間既都ok。服務都唔錯，唔算特別好禮貌但都唔差既，中等正常無咩特別大問題。

三五知己，想找個地方傾吓計，去茶木不錯。環境舒適，食物價錢大眾化，有飲品甜品，飯和麵。人人也啱食，最喜歡吃他的炸雞扒麵，雞扒鬆軟香脆炸漿不會太厚。還有甜品，麵包雪糕，小朋友必選。飲品種類也很多，有一款啱你口味。