茶樂 (已結業)

原本想要桂花珍珠點知無晒 最後叫左杯熱烏龍拿鐵半甜＋芒果珍珠拿鐵有茶味有奶味 甜度ok 但茶味同奶味都偏淡 奶茶方面只係普普通通但d珍珠幾有咬口又食到芒果味仲好滑口 值得一讚

今日行過太子，突然好想飲珍珠奶茶！咁岩附近有一間睇落幾特別的，係手作珍珠系列，於是就去左試下咁🤤🤤望落都有好多選擇，我同我男朋友一於試下呢個Double焦糖！因為我地都好鐘意焦糖系列既野，而呢個Double焦糖係焦糖奶茶配手作焦糖珍珠😊聽落好似好正咁😍-🎈Double焦糖呢個Double焦糖幾唔錯，焦糖奶茶入面既焦糖味都幾重，再配上煙韌既珍珠帶上少許焦糖既味道，感覺都幾特別的🙆‍♀️可以一試🤣

今天在太子逛街，突然好想喝珍珠奶茶，於是便上openrice 看一看，發現附近有一間叫茶樂的珍珠奶茶店，而且有我最喜愛的黑糖珍珠鮮奶！🤩立即到來試一試。王牌黑糖有兩款，一款是琥珀珍珠撞奶，另一款是琥珀珍珠奶茶。店員說如果選擇奶茶的話，可以有紅茶，烏龍，綠茶揀。在兩者都喜愛的情況下，最後選擇了黑糖珍珠鮮奶！店員製作完成後遞上飲品，一看之下外貌非常吸引， 店員用黑糖製造了一些紋在杯邊。再加上黑糖的份量也不少，喝下去黑糖味度超濃！個人覺得可以再光顧。😍

茶樂最出名是它的珍珠，也有近來大熱的黑糖珍奶等，不過今日想飲得輕盈一點，所以選擇了奶蓋茉莉綠茶($20)，中size走糖走冰。客人不是很多，落單後5分鐘內就有得攞。外觀上，奶蓋夠厚，看上去也頗綿密，杯蓋設計是一般奶蓋茶都有的，不用飲管來飲，可以一次過飲到奶蓋和茶的那一種，不過店員都有主動給我飲管，我就沒有要啦。重點當然是奶蓋，先呷一口淨奶蓋，味道還好有啖啖奶味，不過最不足是個texture，感覺好削，缺乏一種滿足感。之後再試個茶底，奇怪是沒有茉莉味的，或者好淡我試不出吧，同埋與奶蓋是同一問題，個茶都係好”削”，沒有順喉的感覺🤦🏻‍♀️計埋個價錢就都okay，唔洗試它的奶蓋茶，要試還是試它的珍珠吧。

呢排Facebook同ig都好多人打卡話要試手作珍珠珍珠個種韌既口感我都好中意咁係太子間十八座狗仔粉食完個勁辣菜脯真係要揾番杯野飲去解下渴先茶樂個位置就係太子地鐵站附近睇睇個menu先最上排既手作珍珠系列都幾吸引但我都係中意自己撘配咁我揀左鮮奶茶做茶底(鮮奶解辣呀)再加上手作珍珠手作珍珠味道既選擇都幾多比較少見既有桂花 火龍果同芒果我最後選左桂花桂花珍珠唔夠桂花香同埋有啫哩味好似桂花糕囉 但又唔夠清香個茶底都係一般又唔覺特別香茶味不過都有可能係我配得唔好但我諗我下次都係會試第二間始終而家台灣飲品店開到週圍都有

搭車附近開左手調飮品鋪 茶。樂！門口都幾多人下，見佢menu啲飲品名幾特別~ 就想試下了~不過口味就唔係我飲開果type, 我覺得佢幾推抹茶系列~ 我就好麻麻，我叫左午茶太太！係奶蓋紅茶配手作焦糖珍珠~ 睇相好似幾特別！ 等左大概10分鐘，就拎得~ 先打卡！我見佢奶蓋唔係好多，紅茶佔5分之1，珍珠顏色好特別，都俾得幾多下!! 味道方面，就真係甜紅茶加珍珠，但又冇乜焦糖味，珍珠都彈牙既，但奶蓋就冇乜味😂 如果鍾意飲茶既，可能會鍾意，覺得有口感～

尋晚食完飯返屋企途中，見到有新開手作珍珠專門店！見佢嘅menu整得好靚，有佢專門嘅手作珍珠系列！好似都好靚咁，所以就諗住試吓~ 我覺得最靚係佢嘅櫻花樹下~ 不過唔知好唔好飲，但係我見到好多人都有叫 我本身唔係咁鍾意抹茶同咖啡，所以就叫左安全少少嘅 “黑白樂”，佢係特濃巧克力配白玉珍珠其實我睇完都唔係好知白玉係啲乜嘢，大概應該係白色嘅珍珠呢間嘅製作速度都好快，等左大概5分鐘，就已經拎得～ 味道方面，朱古力味都幾重，唔係太甜，可能佢係70%特濃朱古力～ 但係就有少少淡白玉就冇乜特別，同普通珍珠一樣

點解要開 😭-不得了，好難得，飲左 #黑糖薑母茶配焦糖珍珠 $24 同 #紅棗桂圓茶配櫻花珍珠 $24，各方面都做得咁出色，係顏色果啲色，幾鬼出，成杯野都係得個色字，呢鋪真係色即是空，空即是色 🙏🏿 好難飲，好難飲，真係好難飲，飲過最垃圾嘅一間珍珠，連本身個茶都好難飲，個茶底完全冇味，唔好同我健康乜乜乜，果種淡係淡到似飲緊水，珍珠仲離譜，唔好話有冇咬口又似膠，啲珍珠都冇味嘅，痴左線，真心唔明點解會係旺角中環見到新分店裝修緊，本來我以為人地話好飲嘅都係爛口，原來我先係爛口，嗚呀 😭P.S. 係大約開鋪前冇耐之後飲，但啲相一直擺係到冇寫到，只係記錄低當時嘅味道同口感等等，所以個包裝同價錢會有所不同 🙏🏿-茶樂太子別樹一居地下 1A 號舖佐敦彌敦道 317 號

茶樂呢一間鋪頭的確唔錯, 佢有好多款嘅飲品畀我哋選擇。而味道都幾好飲起初我地到呢間鋪頭嘅時候都唔係太大興趣,因為佢地既飲品顔色太鮮豔,所以我唔係好感興趣。但自從我同friend一齊去完茶樂後,我就開始對佢地改觀嗰一次我地係叫左 櫻花樹下同埋琥珀珍珠撞奶。首先,評論左櫻花樹下先。佢既味道雖然一般,粉紅色珍珠有少少藥水味,但係佢既顔色係可以比到驚喜你,如果有伴侶或者小朋友既你,可以買番杯哄佢地開心琥珀珍珠撞奶而言,味道幾好飲, 而且啲珍珠幾有口感。成件事足以滿足我總结: 如果大家下次經過,可以不妨一試

好少行過黎太子,今日因為搭錯車係太子落左站要過番去旺角,但條街實太兇狠,地面散發出黎既熱氣實在太誇張喇！行左一半已經頂唔順,要去買野飲,好似係沙漠搵到個泉源咁,呢間茶樂竟然閃爍係我眼前🤗呢間鋪頭著名係手作珍珠,所以珍珠既款式有好多可以揀,以我就比呢個櫻花樹下吸引住,身為一個歌手既fan對於呢個名字好雀躍,再望一望,原來係綠茶味😍😍配上粉紅色既珍珠難怪叫櫻花樹下,除左粉紅色,仲有黑白珍珠咁,都幾多元化,唔只得黑糖可以揀👍🏻我叫店員調教得唔好太甜,飲落綠茶味好出,而粉紅色既珍珠真係好得意,硬係覺得自己好似食緊橡皮糖咁😂😂

美味子今日早收工諗住快閃花墟行一轉，由地鐵站一出已係花墟對面見到呢間手作珍珠專門店。當時見到有d人龍就懶得排隊買啦～到美味子行完花墟，又餓又渴，咁啱又終於冇人排隊，大熱天時，即刻買返杯飲品解下渴先啦Menu都幾多選擇，仲有四款珍珠可供選擇。宜家先知珍珠原來有健胃解毒作用。撞奶既意思即係剩用鮮奶，而揀奶茶亦有3種茶底可供選擇。除左正常珍珠，仲有另外三款手作珍珠，其實櫻花味都有興趣不過美味子呢刻想飲佢既招牌虎珀珍珠奶茶多d，所以最後order左杯烏龍茶茶底既虎𤤿珍珠奶茶。味道都唔錯，不過茶味可以再濃d就好啦。

屋企附近新開店鋪，算係台式飲品，所以去試吓✌🏻 其實本身一開始見到個menu都有啲卻步因為好多都係創出嚟嘅名，睇到個名未必知佢實際有啲咩成份店舖招牌都係手作，而且珍珠都有好多款，有透明粉紅色黃色啡色黑色等，都幾有創意同埋特別！本身我麻麻地抹茶綠茶，所以叫咗「午後太太」試下店員都好友善，耐心解答飲品味道嘅分別。味道方面，我覺得「午後太太」茶味好濃，不過奶蓋略嫌少份量，珍珠就有少少硬，可能我中午去幫襯，算係比較早嘅客人，所以唔係煮得幾好雖然唔係黑珍珠，但係珍珠味道一樣不過整體來講都算幾好，值得一試！

最近出現好多排隊人潮🙄排一堆台灣過江龍～ 》 什麼什麼波霸厚奶🙄琥珀鮮奶🙄要係排隊成兩個鐘呢🤷🏽‍♀️明明只係喺台灣普遍不過嘅［青蛙撞奶］！即係鮮牛奶撞黑糖珍珠，QT 係台灣有名嘅店有飲過～ 街邊小店都有飲過，但最令我念念不忘係喺十份一間超小店飲嘅最新鮮好味，因為店主話我知鮮奶係用佢自己屋企樣嘅牛牛每日揸出嚟嘅鮮牛奶，珍珠係自己每日新鮮整再用黑糖烹煮😗真係好香滑鮮！黑糖珍珠口感超Q彈👍🏻仲要好平！雖然返到香港飲唔返十份個隻甘正！但都俾我搵到間做到7成feel！仲唔洗排大隊！你自己簡喇💁🏽‍♀️天時暑熱排兩個鐘飲杯價錢貴嘅普通野，定係幾分鐘都唔使就買到杯CP值高又好飲嘅先😼聰明都會選擇後者吧！Btw 老實話要講句老闆應好好培訓工卜員工令佢地沖調嘅水準一致返！我幾乎個合星期都飲一至兩杯，但唔同員工嘅水準都不一 ～ 最好飲係那個瘦瘦男沖嘅～ 其餘兩胖女生真的不能過關!!依點老闆要好好檢討～ 如果唔係真係會趕了客人自己都唔知～ 而且鋪設於馬路口在所難免會比較大塵，冷氣機應該常清洗，眼見癡滿晒塵有d un眼 😖

Tea is nice. Price is good.Quite fast service.Handmade balls are good the Balls are also super gummy and not too sweet. Only thing I have to suggest is that they really need to Please clean the air conditioning it looks very dirty . Hope you continuing with your business

地點方便，地鐵出口。少量人在排隊中，等了一陣間而已，製作非常快。叫了黑糖珍珠的珍奶，偏甜，黑糖珍珠冇咩黑糖味，口感 煙韌， 奶茶味普通的味道，不重奶不重茶，普通，不像其他手搖飲品店般推廣重茶味，或有些重奶味咁。今日特選珍珠有白玉，櫻花，黑糖，芒果等。另一杯午茶太太，即奶蓋系列，加珍珠，奶蓋 鹹鹹甜甜，但鹹味重點，少少膩。建議都必須半甜。之前已買過幾次，試過店內大海報的飲品，如櫻花樹下（即櫻花珍珠抹茶），也是偏甜有點膩